Abakuk 1
1
1Igamba ny’amyezyô gôr’Abakuk, y’ôvogisi.
2Yeôva, ôlingô sè? ... My’arôngi, ko wè ayogo! my’arôngi gôre wè g’ômwanja wi mbaô, ko wè aṉunguṉa! 3Ntiṉa nde yi tum̃inyo myè ibe, ko wè pôn’isapila? ntiṉa nde yi r’ôṽangatyô ni mbaô g’ôzô wam̃? wi jiv’anyôm̃aṉô ni mbèlèkè. 4Yeṉo ivanga nyi zele jola, ijèkèlya si zele ni ngulu; konde ôm’ombe e kev’ôgôre, n’agamba mi teṉizô ôgôre fo. —
5Vônaṉi gôr’aṉongo, ko silyaṉi, ko mamaṉi n’itya! konde mi ke denda gw’intyugu saṉi eṽilô, zi re aṉw’aṽekelye vangaṉe z’abulinyô ṉwè. 6Vôna, mi ke nongunye mongi Kalde, aṉag’aṽendi n’inega, wi pyagaṉa gw’intye sinda, gô bong’alwaṉô mi re arang’imaô. 7Ar’ererya erevô; ôgôre wè n’inyangi nyè nyi pila gôre yè dadyè. 8Ikavali sè si r’inega vyagaṉô n’injègo, ijavura vyagaṉô ni vengambwa yi nkôlô, na mongi yè wi panda gw’ikavala wi kènda n’ekale; mongi yè wi panda gw’ikavala wi pila bô, wi dôgwa ga ngwanyoṉi yi nega gw’inyi sè. 9Iṉongo nyiṉo nyôdu nyi bya gô kwèra; azô maô mi pôna gô bôsô, wi datiz’ikôte ga ntyèngè. 10Wi sèly’aga, wi sèlya kè ivangiṉi; wi sèlya inagô injoli sôdu, wi kenj’iroy, awonga sô. 11Vovo mpyô yaô yi tô kundô, wi kombiz’ôgèndo waô, ko waô dwaṉ’ôgara. Ngulu yi re gôre waô, yiṉo n’Anyambyè yaô! —
12Ô pa pila avila gô koṉako, Yeôva, Anyambyè yam̃, Ômi wam̃ wi nkèrè? azwè ze juwe! Yeôva, ô re dôṽya p’iṉongo nyiṉo gô dend’ijèkèlyi so; n’awè idô nyam̃, ô re nongunya pa nyô gô sôny’igôm̃i yo. 13Antyo mo mi re pupu gô pôn’ibe, w’ayolye pôn’ifwem̃a. Ntiṉa nde yi re wè ko pôna waô wi temiza, ko wè dwaṉa dodo, gô jiliz’ôrègo ôma wi r’ôgôre vyagaṉô na yè? 14Awè ko dendiṉ’aṉaga ga intyuwè si mbeṉe, ga vugiṉa yi re yi zele n’ôvangiṉi? 15E dura sôdu n’alowo, e kôta sô gô mbuzi yè, e kum̃inya sô gô lôṽi yè; yeṉo e jeṉe mbya n’igeṽa. 16Yeṉo e jire ntyagô gô mbuzi yè, e jire yom̃a yi nkangô gô lôṽi yè, konde mbèy yè yi r’ipom̃a vo yô, n’inyi sè ijenge. 17Sambô e be sage mbuzi yè, Ayôṉ’egômbe zôdu aṉongo ipôgiṉa fo?
നിലവിൽ തിരഞ്ഞെടുത്തിരിക്കുന്നു:
Abakuk 1: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Abakuk 1
1
1Igamba ny’amyezyô gôr’Abakuk, y’ôvogisi.
2Yeôva, ôlingô sè? ... My’arôngi, ko wè ayogo! my’arôngi gôre wè g’ômwanja wi mbaô, ko wè aṉunguṉa! 3Ntiṉa nde yi tum̃inyo myè ibe, ko wè pôn’isapila? ntiṉa nde yi r’ôṽangatyô ni mbaô g’ôzô wam̃? wi jiv’anyôm̃aṉô ni mbèlèkè. 4Yeṉo ivanga nyi zele jola, ijèkèlya si zele ni ngulu; konde ôm’ombe e kev’ôgôre, n’agamba mi teṉizô ôgôre fo. —
5Vônaṉi gôr’aṉongo, ko silyaṉi, ko mamaṉi n’itya! konde mi ke denda gw’intyugu saṉi eṽilô, zi re aṉw’aṽekelye vangaṉe z’abulinyô ṉwè. 6Vôna, mi ke nongunye mongi Kalde, aṉag’aṽendi n’inega, wi pyagaṉa gw’intye sinda, gô bong’alwaṉô mi re arang’imaô. 7Ar’ererya erevô; ôgôre wè n’inyangi nyè nyi pila gôre yè dadyè. 8Ikavali sè si r’inega vyagaṉô n’injègo, ijavura vyagaṉô ni vengambwa yi nkôlô, na mongi yè wi panda gw’ikavala wi kènda n’ekale; mongi yè wi panda gw’ikavala wi pila bô, wi dôgwa ga ngwanyoṉi yi nega gw’inyi sè. 9Iṉongo nyiṉo nyôdu nyi bya gô kwèra; azô maô mi pôna gô bôsô, wi datiz’ikôte ga ntyèngè. 10Wi sèly’aga, wi sèlya kè ivangiṉi; wi sèlya inagô injoli sôdu, wi kenj’iroy, awonga sô. 11Vovo mpyô yaô yi tô kundô, wi kombiz’ôgèndo waô, ko waô dwaṉ’ôgara. Ngulu yi re gôre waô, yiṉo n’Anyambyè yaô! —
12Ô pa pila avila gô koṉako, Yeôva, Anyambyè yam̃, Ômi wam̃ wi nkèrè? azwè ze juwe! Yeôva, ô re dôṽya p’iṉongo nyiṉo gô dend’ijèkèlyi so; n’awè idô nyam̃, ô re nongunya pa nyô gô sôny’igôm̃i yo. 13Antyo mo mi re pupu gô pôn’ibe, w’ayolye pôn’ifwem̃a. Ntiṉa nde yi re wè ko pôna waô wi temiza, ko wè dwaṉa dodo, gô jiliz’ôrègo ôma wi r’ôgôre vyagaṉô na yè? 14Awè ko dendiṉ’aṉaga ga intyuwè si mbeṉe, ga vugiṉa yi re yi zele n’ôvangiṉi? 15E dura sôdu n’alowo, e kôta sô gô mbuzi yè, e kum̃inya sô gô lôṽi yè; yeṉo e jeṉe mbya n’igeṽa. 16Yeṉo e jire ntyagô gô mbuzi yè, e jire yom̃a yi nkangô gô lôṽi yè, konde mbèy yè yi r’ipom̃a vo yô, n’inyi sè ijenge. 17Sambô e be sage mbuzi yè, Ayôṉ’egômbe zôdu aṉongo ipôgiṉa fo?
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.