Mika 7
7
1Azile gôre myè! konde my’are ga gw’egômbe zi dulô n’ilônda, ga gw’egômbe zi kum̃iny’ilônda yi tigaṉa gô ntyaga y’igoli: e zel’ilônda gô nyô, ge ilônd’ilôngamè yi jônguṉô n’ôrèm̃i wam̃. 2Ôm’ombya adoṽi avila gô ntye, e zel’ôma w’ôgôre nyèṉè gôr’aṉaga; waôdu wi re bônda p’ebônda gô pôvize ntyiṉa, ôm’edu e pure môndô gôre mwô’ngi yè. 3Ago maô mi re n’avôṉô gô dende mbe: ôvangiṉi e bambya pôlô, ôyèkèli e soz’ipa, ôm’ômpôlô e tum̃iny’ ôgasô wè, na yeṉo wi dwaṉa ta. 4Ôm’ombyamè avila gôre waô are g’irèndè, ôma w’ôgôre mè ar’ômbe vyagaṉô n’ibaka ny’arèndè. Ntyugu y’amyezô n’ivogisi yo, ôgôm̃i wo w’atweṉi pyèrè. Vèṉo wi be jeṉizô ntyoṉi. 5Aṽekelye ndegô, aṽekely’ôrangaṉô; venjavenj’aguge m’ôgwaṉi wo avila gôre yè yi jèza gô ntôṉô yo. 6Konde ômwaṉ’ôṉôm̃e e toṽe reri yè, ômwaṉ’ômwantô e kum̃aṉa gô sire ngi yè, ômwantô wi jômba e sire ngwè y’ôṉôm̃u wè; ilôvalôvi y’ôm’edu ne mongi wi nagô yè. —
7Ndô gôre myè, mi be pôna gôre Yeôva, mi be dôṽ’igum̃u nyam̃ gôr’Anyambyè y’isungiṉi sam̃; Anyambyè yam̃ e be pôganyo myè. 8Ayeṉ’igeṽa gôre myè, ôlôvalôvi wam̃! konde ja my’apôswa, mi be kum̃aṉa; ja my’adwaṉa gô mpiri, Yeôva e be dwaṉ’ôzange wam̃. 9Mi be sindiṉ’eguṉu zi Yeôva, konde my’are janja p’ibe gôre yè, kaô asoziz’ôzozo wam̃ alende mbèm̃ yam̃; e be kèndya myè g’ôzange, ko mi jeṉ’ôgôre wè. 10Ôlôvalôvi wam̃ e be jeṉa yô ko yè pugô ni ntyôṉi, ayè y’awulinyi myè inè: Yeôva, Anyambyè yo are gweṉi? Antyo mam̃ mi be jeṉe mbya gô jeṉè; gambèṉè e be jarô n’intyôzô ga ômboṉa w’agala.
11Ntyugu yi be tô nôgô ikômbi so, gô ntyugu mèyoṉo ikawô yo yi be fwinya ni nyum̃a. 12Gô ntyugu mèyoṉo wi be bya gôre wè avila gw’Asur n’avila gw’inkala s’Egipt, avila gw’Egipt kwanga g’ôrèmbo, avila gô ntyuṽa agènda gô ntyuṽa mori, n’avila gô nômba agènda gô nômba mori. 13Ntye yi be jilizyô g’ômwanja w’alwaṉi wa yô, g’ômwanja w’ilônda y’ijanji saô.
14Nyez’iṉongo nyo ni nkogu yo, ôlemba w’ijigi so, wi dwaṉ’anka gw’iga gô garegare yi Karmèl! wi ga nye gô Basan na gô Galaad, egolaṉi ga gw’intyugu inônga. — 15Egolaṉi ga gô ntyugu y’agogwi wè avila gô ntye y’Egipt, mi be jeṉizo isam̃u yi mamô. — 16Aṉengo mi be jeṉa yô ayeṉizô ntyoṉi, ni ngulu yaô yôdu; wi be nunj’ago maô gw’agwaṉi maô, arôy maô mi be dwaṉe mpôge. 17Mi be nèmbe ntyèngè ga ôm̃amba, ga vugiṉa yi ntye; mi be kôtô itya gw’igala ny’inagô saô injoli; mi be tatam̃iṉa g’ôzô wi Yeôva, Anyambyè yazô, mi be tyo.
18Anyambyè yeṉi yi r’egolaṉi ga wè, yi nyez’ipava, aleṽaṉ’ibe si mbèy y’ijigi so? e pa penjavenj’eguṉu zè egômbe zôdu, konde e tonde nkèngo. 19E be tô pôgiṉa zwè, e be fwel’ibe sazô g’ôdôlôngô w’intyôzô sè; ô be fal’ibe saô sôdu g’ôronga wi mbeṉe. 20Ô be tum̃iny’ôrèti wo gôre Yakob, ni nkèngo gôr’Abraam, ga nt’arangi wè ôrangô gôr’ireri sazô avila gw’intyugu inônga.
നിലവിൽ തിരഞ്ഞെടുത്തിരിക്കുന്നു:
Mika 7: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Mika 7
7
1Azile gôre myè! konde my’are ga gw’egômbe zi dulô n’ilônda, ga gw’egômbe zi kum̃iny’ilônda yi tigaṉa gô ntyaga y’igoli: e zel’ilônda gô nyô, ge ilônd’ilôngamè yi jônguṉô n’ôrèm̃i wam̃. 2Ôm’ombya adoṽi avila gô ntye, e zel’ôma w’ôgôre nyèṉè gôr’aṉaga; waôdu wi re bônda p’ebônda gô pôvize ntyiṉa, ôm’edu e pure môndô gôre mwô’ngi yè. 3Ago maô mi re n’avôṉô gô dende mbe: ôvangiṉi e bambya pôlô, ôyèkèli e soz’ipa, ôm’ômpôlô e tum̃iny’ ôgasô wè, na yeṉo wi dwaṉa ta. 4Ôm’ombyamè avila gôre waô are g’irèndè, ôma w’ôgôre mè ar’ômbe vyagaṉô n’ibaka ny’arèndè. Ntyugu y’amyezô n’ivogisi yo, ôgôm̃i wo w’atweṉi pyèrè. Vèṉo wi be jeṉizô ntyoṉi. 5Aṽekelye ndegô, aṽekely’ôrangaṉô; venjavenj’aguge m’ôgwaṉi wo avila gôre yè yi jèza gô ntôṉô yo. 6Konde ômwaṉ’ôṉôm̃e e toṽe reri yè, ômwaṉ’ômwantô e kum̃aṉa gô sire ngi yè, ômwantô wi jômba e sire ngwè y’ôṉôm̃u wè; ilôvalôvi y’ôm’edu ne mongi wi nagô yè. —
7Ndô gôre myè, mi be pôna gôre Yeôva, mi be dôṽ’igum̃u nyam̃ gôr’Anyambyè y’isungiṉi sam̃; Anyambyè yam̃ e be pôganyo myè. 8Ayeṉ’igeṽa gôre myè, ôlôvalôvi wam̃! konde ja my’apôswa, mi be kum̃aṉa; ja my’adwaṉa gô mpiri, Yeôva e be dwaṉ’ôzange wam̃. 9Mi be sindiṉ’eguṉu zi Yeôva, konde my’are janja p’ibe gôre yè, kaô asoziz’ôzozo wam̃ alende mbèm̃ yam̃; e be kèndya myè g’ôzange, ko mi jeṉ’ôgôre wè. 10Ôlôvalôvi wam̃ e be jeṉa yô ko yè pugô ni ntyôṉi, ayè y’awulinyi myè inè: Yeôva, Anyambyè yo are gweṉi? Antyo mam̃ mi be jeṉe mbya gô jeṉè; gambèṉè e be jarô n’intyôzô ga ômboṉa w’agala.
11Ntyugu yi be tô nôgô ikômbi so, gô ntyugu mèyoṉo ikawô yo yi be fwinya ni nyum̃a. 12Gô ntyugu mèyoṉo wi be bya gôre wè avila gw’Asur n’avila gw’inkala s’Egipt, avila gw’Egipt kwanga g’ôrèmbo, avila gô ntyuṽa agènda gô ntyuṽa mori, n’avila gô nômba agènda gô nômba mori. 13Ntye yi be jilizyô g’ômwanja w’alwaṉi wa yô, g’ômwanja w’ilônda y’ijanji saô.
14Nyez’iṉongo nyo ni nkogu yo, ôlemba w’ijigi so, wi dwaṉ’anka gw’iga gô garegare yi Karmèl! wi ga nye gô Basan na gô Galaad, egolaṉi ga gw’intyugu inônga. — 15Egolaṉi ga gô ntyugu y’agogwi wè avila gô ntye y’Egipt, mi be jeṉizo isam̃u yi mamô. — 16Aṉengo mi be jeṉa yô ayeṉizô ntyoṉi, ni ngulu yaô yôdu; wi be nunj’ago maô gw’agwaṉi maô, arôy maô mi be dwaṉe mpôge. 17Mi be nèmbe ntyèngè ga ôm̃amba, ga vugiṉa yi ntye; mi be kôtô itya gw’igala ny’inagô saô injoli; mi be tatam̃iṉa g’ôzô wi Yeôva, Anyambyè yazô, mi be tyo.
18Anyambyè yeṉi yi r’egolaṉi ga wè, yi nyez’ipava, aleṽaṉ’ibe si mbèy y’ijigi so? e pa penjavenj’eguṉu zè egômbe zôdu, konde e tonde nkèngo. 19E be tô pôgiṉa zwè, e be fwel’ibe sazô g’ôdôlôngô w’intyôzô sè; ô be fal’ibe saô sôdu g’ôronga wi mbeṉe. 20Ô be tum̃iny’ôrèti wo gôre Yakob, ni nkèngo gôr’Abraam, ga nt’arangi wè ôrangô gôr’ireri sazô avila gw’intyugu inônga.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.