Mika 6
6
1Sambô vôganyôṉi nte bulye Yeôva inè: Gum̃aṉa, ko soza swaswo n’inômba, ko sanômba jogw’inyôy nyo! 2Vôganyôṉi, aṉwè inômba, ôzozo wi Yeôva, n’aṉwè intiṉ’injoli si ntye! konde Yeôva are n’ôzozo n’iṉongo nyè, e bele soza n’Israèl. — 3Iṉongo nyam̃, my’are dendiṉa pa ṉwè ande? My’are jasiza pa ṉwè n’ande? Yivira myè! 4Konde my’agogunyi wè avila gô ntye y’Egipt, my’alanduṉi wè avila gô nagô y’ôrugô, n’arôm̃i myè Môsès, n’Aarône, ni Marya gô bôsô yo. 5Iṉongo nyam̃, yônginya ga nt’awôndi Balaak, y’ôga wi Môab, môndo, ni nt’ayiviryô yè ne Balaam, y’ômwaṉa wi Beor, avila gô Sitim gô Gilgal, inè, awè, ga my’ambya mi Yeôva.
6Mi be bôm̃unya n’ande g’ôzô wi Yeôva, ko mi sôny’ôkuṽi wam̃ g’ôzô w’Anyambyè y’Igôṉômè? Mi ga wôm̃unye n’intyagô si pezô, n’awaṉa w’inyare wi re ga jaṉô ômpum̃’ôm̃ori? 7Yeôva e be jivira gô bong’intozèny s’adombè aṉôm̃e, ge igôm̃i ny’intozèny s’iloṽi y’agali? Mi ga ve njalyè yam̃ ṉôm̃e g’ômwanja w’ipavi sam̃, ôlônda w’iwum̃u nyam̃ g’ômwanja w’ibe sam̃? — 8Ô re myezô pa, awè ôma, nt’are mbya; ni nte bambye Yeôva g’ômwanji wo, yô ne inè, awè ga yanj’ôgôre, ko wè tonde nkèngo, na inè, awè ga gangaṉe kendekende n’Anyambyè yo.
9Inyôy nyi Yeôva nyi tônga gô nkala, n’ayè yi re n’imya e be ty’ini nyo. Yogoṉi nkogu n’ayè yi tôm̃a yô! 10Igumba ny’arègo nyi p’are gô nagô y’ôm’ombe, n’efa nyangômè, ezom̃a z’ôzavô? 11Ôma ko dwaṉe nkèrè n’ôdôdô w’inôka, ni puka y’itemiza ta? 12Kiti yaô yi re ralye ni mbaô, n’alwaṉi wa yô wi tonda pôsô inôka, n’iṉèm̃è yaô yi re kaô itemiza gw’agwaṉi maô. 13Yeṉo mi be bôlo ni nkaza, mi be jilizo g’ômwanja w’ibe so. 14Ô be nya ko w’ayôra, ni njaṉa yi be dwaṉa gô garegare yo; ô be tara ndô awè ze sungiṉe, n’ezom̃a zi be sungiṉô wè, mi be pa zô g’ôkwara. 15Ô be bèṉa ko wè areṉa, ô be pyar’ilônda y’iyôlivi, ndô awè ze sag’agali, ô be sôg’ôbuka, ndô awè ze jong’ivè. 16Intyale s’Ômri si penjavenjô ni mpanginy’edu yi nagô y’Akab, n’aṉwè kangaṉa ga nt’ar’irevuṉô yaô: yeṉo mi be piṉo g’ôjili, mi be pang’alwaṉi wo isèlyô, n’aṉwè be twaṉe ntyoṉi y’iṉongo nyam̃.
നിലവിൽ തിരഞ്ഞെടുത്തിരിക്കുന്നു:
Mika 6: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Mika 6
6
1Sambô vôganyôṉi nte bulye Yeôva inè: Gum̃aṉa, ko soza swaswo n’inômba, ko sanômba jogw’inyôy nyo! 2Vôganyôṉi, aṉwè inômba, ôzozo wi Yeôva, n’aṉwè intiṉ’injoli si ntye! konde Yeôva are n’ôzozo n’iṉongo nyè, e bele soza n’Israèl. — 3Iṉongo nyam̃, my’are dendiṉa pa ṉwè ande? My’are jasiza pa ṉwè n’ande? Yivira myè! 4Konde my’agogunyi wè avila gô ntye y’Egipt, my’alanduṉi wè avila gô nagô y’ôrugô, n’arôm̃i myè Môsès, n’Aarône, ni Marya gô bôsô yo. 5Iṉongo nyam̃, yônginya ga nt’awôndi Balaak, y’ôga wi Môab, môndo, ni nt’ayiviryô yè ne Balaam, y’ômwaṉa wi Beor, avila gô Sitim gô Gilgal, inè, awè, ga my’ambya mi Yeôva.
6Mi be bôm̃unya n’ande g’ôzô wi Yeôva, ko mi sôny’ôkuṽi wam̃ g’ôzô w’Anyambyè y’Igôṉômè? Mi ga wôm̃unye n’intyagô si pezô, n’awaṉa w’inyare wi re ga jaṉô ômpum̃’ôm̃ori? 7Yeôva e be jivira gô bong’intozèny s’adombè aṉôm̃e, ge igôm̃i ny’intozèny s’iloṽi y’agali? Mi ga ve njalyè yam̃ ṉôm̃e g’ômwanja w’ipavi sam̃, ôlônda w’iwum̃u nyam̃ g’ômwanja w’ibe sam̃? — 8Ô re myezô pa, awè ôma, nt’are mbya; ni nte bambye Yeôva g’ômwanji wo, yô ne inè, awè ga yanj’ôgôre, ko wè tonde nkèngo, na inè, awè ga gangaṉe kendekende n’Anyambyè yo.
9Inyôy nyi Yeôva nyi tônga gô nkala, n’ayè yi re n’imya e be ty’ini nyo. Yogoṉi nkogu n’ayè yi tôm̃a yô! 10Igumba ny’arègo nyi p’are gô nagô y’ôm’ombe, n’efa nyangômè, ezom̃a z’ôzavô? 11Ôma ko dwaṉe nkèrè n’ôdôdô w’inôka, ni puka y’itemiza ta? 12Kiti yaô yi re ralye ni mbaô, n’alwaṉi wa yô wi tonda pôsô inôka, n’iṉèm̃è yaô yi re kaô itemiza gw’agwaṉi maô. 13Yeṉo mi be bôlo ni nkaza, mi be jilizo g’ômwanja w’ibe so. 14Ô be nya ko w’ayôra, ni njaṉa yi be dwaṉa gô garegare yo; ô be tara ndô awè ze sungiṉe, n’ezom̃a zi be sungiṉô wè, mi be pa zô g’ôkwara. 15Ô be bèṉa ko wè areṉa, ô be pyar’ilônda y’iyôlivi, ndô awè ze sag’agali, ô be sôg’ôbuka, ndô awè ze jong’ivè. 16Intyale s’Ômri si penjavenjô ni mpanginy’edu yi nagô y’Akab, n’aṉwè kangaṉa ga nt’ar’irevuṉô yaô: yeṉo mi be piṉo g’ôjili, mi be pang’alwaṉi wo isèlyô, n’aṉwè be twaṉe ntyoṉi y’iṉongo nyam̃.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.