Mika 4
4
1Ndô e be twa gô gômbe num̃uṉa inè, nômba yi nagô yi Yeôva yi be dôṽyô gw’esôsôlô z’inômba, yi be dôndunyô vyagaṉô ni sanômba, n’aṉongo mi be bôm̃wa gô yô. 2Aṉongw’am̃enge mi be kènda gôgô, awulya inè: Yôgôṉi, azwè ga vandeṉi gô nômba yi Yeôva, gô nagô y’Anyambyè yi Yakob, ko yè nènja zwè intyale sè, ko zwè kangaṉa gw’impoṉo sè. Konde ivanga nyi be kogwa avila gô Siyôn, n’igamba nyi Yeôva avila gô Yerusalèm. 3E be dwaṉ’ôyèkèli w’aṉongw’am̃enge, n’ôkambi w’aṉongo mi ngulu, mi re bô. Wi be tuṉ’ikwari yaô avila gw’imyanga yi tumbe ntye, n’agongi maô avila gw’imyanga yi teṉe rere; iṉongo nyi ze koguny’ôkwara w’iwora gôr’iṉongw’im̃ori, wi ze tô nènge nyèṉè igoṽi. 4Wi be dwaṉa ôm’edu gô ntiṉa y’ôgoli wè na gô ntiṉa y’erere zè zi figi, e ze dwaṉ’ôma gô sokolya waô; konde ôgwaṉa wi Yeôva y’imbèli wi re kamba pa nyô. 5Gô re nè aṉongo môdu mi kènda ôm’edu gw’ina ny’anyambyè yè, azwè be kènda gw’ina nyi Yeôva, Anyambyè yazô, egômbe zôdu na gô koṉako.
6Gô ntyugu mèyoṉo, bulye Yeôva, mi be datize bôke, mi be datiza waô w’avegagi sugô pa, waô wi re myè jeṉiza p’azingô. 7Mi be pangiṉe bôke mbèy y’arigaṉi, na waô w’azugyô iṉongo nyi ngulu; ni Yeôva e be pangiṉa gôre waô, gô nômba yi Siyôn, avila vèṉo agènda gô koṉako. 8N’awè, nagô ndôndwi y’ôlemba, esanômba z’ômwaṉ’ômwantô wi Siyôn, gôre wè e be bya, gôre wè e be bôm̃wa ipangiṉ’idungu, ipangiṉa s’ômwaṉ’ômwantô wi Yerusalèm.
9Vèṉo ô bôgiṉa sè? ô zele n’ôga, ô zele nyèṉè n’ôrevi, ko nkaza yi kôtô ga ômwantô wi jaṉa? 10Ômwaṉ’ômwantô wi Siyôn, yeṉe nkaza azim̃iṉa ga ômwantô wi jaṉa! konde vèṉo ô be kogwa avila gô nkala ko wè dwaṉa gw’impindi, agènda kwanga gô Babèl; ô be sungiṉô vovo, Yeôva e be danduṉo vovo avila gw’ago m’ilôvalôvi yo. 11Na vèṉo aṉongw’am̃enge m’adataṉi gô siro: mi bulya nè: e ga wevizô, na inè: Antyo mazô mi ga yôre gô Siyôn! 12Ndô mi pa my’ipikilya si Yeôva, mi pa kôtiz’ikenji sè, mi pa mya inè, are datiza pa waô g’ata gw’irèviṉô ny’ilônda. 13Ômwaṉ’ômwantô wi Siyôn, gum̃aṉa ko jara! mi be pango mengô y’ômwanga n’impondo yi nyènyè, ko wè nyigyanyigy’aṉongw’am̃enge; ô be pang’aṉivi maô ôrunda gôre Yeôva, n’agumbi maô gôre Rerè yi ntye yôdu. 14Na vèṉo, ômwaṉ’ômwantô w’inkumba, latiz’inkumbi so! Azw’are kômbiṉô pa; wi bôl’ôyèkèli w’Israèl gw’iwugu ni ntôngô.
നിലവിൽ തിരഞ്ഞെടുത്തിരിക്കുന്നു:
Mika 4: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Mika 4
4
1Ndô e be twa gô gômbe num̃uṉa inè, nômba yi nagô yi Yeôva yi be dôṽyô gw’esôsôlô z’inômba, yi be dôndunyô vyagaṉô ni sanômba, n’aṉongo mi be bôm̃wa gô yô. 2Aṉongw’am̃enge mi be kènda gôgô, awulya inè: Yôgôṉi, azwè ga vandeṉi gô nômba yi Yeôva, gô nagô y’Anyambyè yi Yakob, ko yè nènja zwè intyale sè, ko zwè kangaṉa gw’impoṉo sè. Konde ivanga nyi be kogwa avila gô Siyôn, n’igamba nyi Yeôva avila gô Yerusalèm. 3E be dwaṉ’ôyèkèli w’aṉongw’am̃enge, n’ôkambi w’aṉongo mi ngulu, mi re bô. Wi be tuṉ’ikwari yaô avila gw’imyanga yi tumbe ntye, n’agongi maô avila gw’imyanga yi teṉe rere; iṉongo nyi ze koguny’ôkwara w’iwora gôr’iṉongw’im̃ori, wi ze tô nènge nyèṉè igoṽi. 4Wi be dwaṉa ôm’edu gô ntiṉa y’ôgoli wè na gô ntiṉa y’erere zè zi figi, e ze dwaṉ’ôma gô sokolya waô; konde ôgwaṉa wi Yeôva y’imbèli wi re kamba pa nyô. 5Gô re nè aṉongo môdu mi kènda ôm’edu gw’ina ny’anyambyè yè, azwè be kènda gw’ina nyi Yeôva, Anyambyè yazô, egômbe zôdu na gô koṉako.
6Gô ntyugu mèyoṉo, bulye Yeôva, mi be datize bôke, mi be datiza waô w’avegagi sugô pa, waô wi re myè jeṉiza p’azingô. 7Mi be pangiṉe bôke mbèy y’arigaṉi, na waô w’azugyô iṉongo nyi ngulu; ni Yeôva e be pangiṉa gôre waô, gô nômba yi Siyôn, avila vèṉo agènda gô koṉako. 8N’awè, nagô ndôndwi y’ôlemba, esanômba z’ômwaṉ’ômwantô wi Siyôn, gôre wè e be bya, gôre wè e be bôm̃wa ipangiṉ’idungu, ipangiṉa s’ômwaṉ’ômwantô wi Yerusalèm.
9Vèṉo ô bôgiṉa sè? ô zele n’ôga, ô zele nyèṉè n’ôrevi, ko nkaza yi kôtô ga ômwantô wi jaṉa? 10Ômwaṉ’ômwantô wi Siyôn, yeṉe nkaza azim̃iṉa ga ômwantô wi jaṉa! konde vèṉo ô be kogwa avila gô nkala ko wè dwaṉa gw’impindi, agènda kwanga gô Babèl; ô be sungiṉô vovo, Yeôva e be danduṉo vovo avila gw’ago m’ilôvalôvi yo. 11Na vèṉo aṉongw’am̃enge m’adataṉi gô siro: mi bulya nè: e ga wevizô, na inè: Antyo mazô mi ga yôre gô Siyôn! 12Ndô mi pa my’ipikilya si Yeôva, mi pa kôtiz’ikenji sè, mi pa mya inè, are datiza pa waô g’ata gw’irèviṉô ny’ilônda. 13Ômwaṉ’ômwantô wi Siyôn, gum̃aṉa ko jara! mi be pango mengô y’ômwanga n’impondo yi nyènyè, ko wè nyigyanyigy’aṉongw’am̃enge; ô be pang’aṉivi maô ôrunda gôre Yeôva, n’agumbi maô gôre Rerè yi ntye yôdu. 14Na vèṉo, ômwaṉ’ômwantô w’inkumba, latiz’inkumbi so! Azw’are kômbiṉô pa; wi bôl’ôyèkèli w’Israèl gw’iwugu ni ntôngô.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.