Matay 5
5
1Gw’ayeṉi Yesu inkondo s’aṉaga, avandi gô nômba, na gw’alwaṉi yè baru iṉèngi yè y’aṽyeṉi gôre yè. 2N’aṉunguṉi yè ôgwaṉi wè, aṉènja waô inè:
3Ôzaviṉô gôr’ ikuge g’ôrèm̃a, konde iṉongo ny’ôrôṽa inyaô!
4Ôzaviṉô gôre waô wi jeṉ’ekèṽa, konde wi be sindyô irèm̃a!
5Ôzaviṉô gôr’ikendekende, konde yi be jige ntye!
6Ôzaviṉô gôre waô wi jeṉ’ôgôre njaṉa n’esôve, konde wi be jôra!
7Ôzaviṉô gôre waô wi pôgiṉa, konde wi be pôgiṉô!
8Ôzaviṉô gôre waô wi re n’irèm̃a yi nkèrè, konde wi be jeṉ’ Anyambyè!
9Ôzaviṉô gôre waô wi pang’ am̃ènjè, konde wi be fweyô inè, awaṉa w’Anyambyè!
10Ôzaviṉô gôre waô wi kombizô g’ômwanja w’ôgôre, konde iṉongo ny’ôrôṽa inyaô!
11Ôzaviṉô gôre ṉwè gô be toṽô ṉwè, agombizô aṽèrinyô igamby’edu iṽe g’ômwanji wam̃. 12Yeṉaṉi mbya n’igeṽ’ivôlô, konde ipi saṉi si be dwaṉa sipôlô g’ôrôṽa; konde yeṉo agombizagi waô ivogisi y’alônge dwaṉi na ṉwè.
13Aṉwè n’ezanga zi ntye, ndô j’ezanga z’asambwa, zi be pang’ôṉigi n’ezom̃a nde? Zi zele n’isolo nyèṉè kaô gô falô gw’igala ayarô n’aṉaga. 14Aṉwè n’ôzange wi ntye. Nkala nôgô pa gô nômba y’ayolye nimbaṉe. 15Aṉaga wi re nunge lambi gô sôliza yô gw’egara, ndô wi dôṽya yô gô tavulu, ko yô bam̃iṉa gôre waôdu wi re gô nagô. 16Yeṉo ôzange waṉi wi ga ṽambe gw’azô m’aṉaga, ko waô jeṉ’ ijanji saṉi ibya, azum̃inye Reri yaṉi yi re g’ôrôṽa.
17Avikilyaṉi nè, my’aṽyeṉi gô tômb’ampanga ge ivogisi; mi re bye gô tômba, ndô gô dwaṉiza. 18Konde, giligili, mi bulinya ṉwè inè, kaô ôrôṽa ni ntye y’apyagaṉa, ôrènd’ôm̃ori ge idodo im̃ori ny’ aṽyagaṉe avila gw’ampanga, kaô isam̃u yôdu y’adendô. 19Sambô ayè yi be pav’ ôzômbyô ôm̃ori avila gw’isômby’ijangômè siṉo, aṉènj’aṉaga gô pava sô, e be fweyô inè, ômwangômè gw’iṉongo ny’ôrôṽa; ndô ayè yi be penjavenja sô, aṉènja sô gô penjavenjô, ayè be fweyô inè, ômpôlô gw’iṉongo ny’ôrôṽa. 20Konde, giligili, mi bulinya ṉwè inè, kaô ôgôre waṉi w’apyagaṉ’ôgôre w’irèndisi n’ifarisi, aṉwè ayingiṉe du gw’iṉongo ny’ôrôṽa.
21Aṉw’are jogo pa inè, aṉag’alônga w’awulinyô inè: Ayôṉa; n’ayè yi jôṉa e ga zôny’ ôgôm̃a ne iyèkèli. 22Ndô mi bulinya ṉwè inè, ôm’edu e bendiṉa mwô’ngi yè eguṉu e ga zôny’ôgôm̃a ne iyèkèli; n’ayè yi bulinya yè inè: Awè nkende! e ga zôny’ôgôm̃a ne ôvag’ômpôlô; n’ayè yi bulya inè: Awè edosu! e ga zôny’ôgôm̃a ne ôgôṉi w’elôngô z’ôgôṉi. 23Sambô j’aw’abage mpagagi yo gô mbôra yi jirô intyagô, ko wè jônginya vovo inè, mwô’ngi yo are na wè n’igamba, 24rige mpagagi yo vovo swaswo ni mbôra yi jirô intyagô ko kèndaga gô dônge mèpaṉa na mwô’ngi yo; avila vovo tô bya gô pe mpagagi yo. 25Zunge mèpaṉa n’ ôlôvalôvi wo gô p’are wè na yè gô mpoṉo; ôlôvalôvi e vende po gôr’ôyèkèli, ko ôyèkèli po gôre yôfisye, ko yè fwelo gô ntyôgô. 26Giligili mi bulinyo inè, w’agogwe vovo kaô w’ape vintè num̃uṉa.
27Aṉw’are jogo pa inè, awulyô inè: Alèwa na wi ngaṉi. 28Ndô mi bulinya ṉwè inè, ôm’edu e pôn’ômwantô gô deṽiṉè, gambèṉè adèwi na yè g’ôrèm̃i wè. 29Na j’intyo nyo iṉôm̃yè ny’asogizo, rôduṉa nyô ko fala nyô avila gôre wè; konde re mbya gôre wè inè, em̃ori gô nam̃i yo zi ga vere, n’aranga inè, ôkuṽi wo wôdu wi ga walô gw’elôngô z’ôgôṉi. 30Na j’ôgo wo ôṉôm̃yè w’asogizo, zèra wô nkwe, ko fala wô avila gôre wè; konde re mbya gôre wè inè, em̃ori gô nam̃i yo zi ga vere, n’aranga inè, ôkuṽi wo wôdu wi ga walô gw’elôngô z’ôgôṉi.
31Awulyô kè inè: Ayè yi tômb’ômwantô wè, e ga ve yè ezangô z’itômbô. 32Ndô myè, mi bulinya ṉwè inè, ôm’edu e tômb’ ômwantô wè, kaô gô ntiṉa y’ôṽelaṉô, e pangè gô dèwa na wi ngaṉi, n’ayè yi jômb’ômwantô are tômbô pa, e dèwa na wi ngaṉi.
33Aṉw’are jogo pa kè inè, aṉag’alônga w’awulinyô inè: Arang’ôrangô w’inôka, ndô lend’irangô yo gôre Rerè. 34Ndô mi bulinya ṉwè inè: Arangaṉi du ôrangô, arangaṉi ôrôṽa, konde wô n’eka z’Anyambyè; 35arangaṉi ntye yiṉo, konde yô n’iyariṉô ny’agôlô mè; arangaṉi Yerusalèm, konde yô ne nkala y’ôg’ômpôlô. 36Arang’ôrangô n’ewônjô zo, konde ô ze ni ngulu yi pang’ôrwe ôm̃ori pupu ge vyovyo. 37Ndô nkambiṉi yaṉi yi ga lwaṉe inè, èñ, èñ, nyawè, nyawè; n’ezom̃a zi pyagaṉ’agamba miṉo zi pila gw’ibe.
38Aṉw’are jogo pa inè, awulyô inè: Intyo gw’intyo, n’inô gw’inô. 39Ndô myè, mi bulinya ṉwè inè, aṉwaṉi n’ôm’ombe. Ndô ayè yi bôlo gw’iwugu nyo iṉôm̃yè, gegunyè im̃ori kè. 40N’ayè yi bele sozizo awongiṉô ngoy yo, vè kè ôrôgôsambali wo. 41N’ayè yi be pango gô kènda na yè nanda mori, gènda na yè nanda mbaṉi. 42Va gôre yè yi bambyo, n’ayè yi bele sungô gôre wè, agegwa avila gôre yè.
43Aṉw’are jogo pa inè, awulyô inè: Rond’ôrangaṉô wo, ko numb’ôlôvalôvi wo. 44Ndô mi bulinya ṉwè inè: Rondaṉ’ilôvalôvi yaṉi, zaviṉaṉi waô wi numba ṉwè, ko kambiṉaṉi g’ômwanja wa waô wi kombiza ṉwè, 45ko ṉwè dwaṉ’awaṉa wa Reri yaṉi yi re g’ôrôṽa; konde e tongunye nkômbe yè gôr’aṉag’aṽe na gôr’aṉag’aṽya, aṉogize ningô gôr’agôre na gôr’ arègo. 46J’aṉw’atonda mongi wi tonda ṉwè, ipa nde si re na ṉwè? Ipublikan kè si pa dend’egolaṉi mèmô? 47J’aṉw’ asanguṉ’awareri yaṉi dadyè, aṉwè dend’ande vyagaṉô n’am̃ori? Aṉongo kè mi pa dend’egolaṉi mèmô? 48Sambô lwaṉaṉi mèpa pa, ga nt’are Reri yaṉi yi re g’ôrôṽa mèpa pa.
നിലവിൽ തിരഞ്ഞെടുത്തിരിക്കുന്നു:
Matay 5: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Matay 5
5
1Gw’ayeṉi Yesu inkondo s’aṉaga, avandi gô nômba, na gw’alwaṉi yè baru iṉèngi yè y’aṽyeṉi gôre yè. 2N’aṉunguṉi yè ôgwaṉi wè, aṉènja waô inè:
3Ôzaviṉô gôr’ ikuge g’ôrèm̃a, konde iṉongo ny’ôrôṽa inyaô!
4Ôzaviṉô gôre waô wi jeṉ’ekèṽa, konde wi be sindyô irèm̃a!
5Ôzaviṉô gôr’ikendekende, konde yi be jige ntye!
6Ôzaviṉô gôre waô wi jeṉ’ôgôre njaṉa n’esôve, konde wi be jôra!
7Ôzaviṉô gôre waô wi pôgiṉa, konde wi be pôgiṉô!
8Ôzaviṉô gôre waô wi re n’irèm̃a yi nkèrè, konde wi be jeṉ’ Anyambyè!
9Ôzaviṉô gôre waô wi pang’ am̃ènjè, konde wi be fweyô inè, awaṉa w’Anyambyè!
10Ôzaviṉô gôre waô wi kombizô g’ômwanja w’ôgôre, konde iṉongo ny’ôrôṽa inyaô!
11Ôzaviṉô gôre ṉwè gô be toṽô ṉwè, agombizô aṽèrinyô igamby’edu iṽe g’ômwanji wam̃. 12Yeṉaṉi mbya n’igeṽ’ivôlô, konde ipi saṉi si be dwaṉa sipôlô g’ôrôṽa; konde yeṉo agombizagi waô ivogisi y’alônge dwaṉi na ṉwè.
13Aṉwè n’ezanga zi ntye, ndô j’ezanga z’asambwa, zi be pang’ôṉigi n’ezom̃a nde? Zi zele n’isolo nyèṉè kaô gô falô gw’igala ayarô n’aṉaga. 14Aṉwè n’ôzange wi ntye. Nkala nôgô pa gô nômba y’ayolye nimbaṉe. 15Aṉaga wi re nunge lambi gô sôliza yô gw’egara, ndô wi dôṽya yô gô tavulu, ko yô bam̃iṉa gôre waôdu wi re gô nagô. 16Yeṉo ôzange waṉi wi ga ṽambe gw’azô m’aṉaga, ko waô jeṉ’ ijanji saṉi ibya, azum̃inye Reri yaṉi yi re g’ôrôṽa.
17Avikilyaṉi nè, my’aṽyeṉi gô tômb’ampanga ge ivogisi; mi re bye gô tômba, ndô gô dwaṉiza. 18Konde, giligili, mi bulinya ṉwè inè, kaô ôrôṽa ni ntye y’apyagaṉa, ôrènd’ôm̃ori ge idodo im̃ori ny’ aṽyagaṉe avila gw’ampanga, kaô isam̃u yôdu y’adendô. 19Sambô ayè yi be pav’ ôzômbyô ôm̃ori avila gw’isômby’ijangômè siṉo, aṉènj’aṉaga gô pava sô, e be fweyô inè, ômwangômè gw’iṉongo ny’ôrôṽa; ndô ayè yi be penjavenja sô, aṉènja sô gô penjavenjô, ayè be fweyô inè, ômpôlô gw’iṉongo ny’ôrôṽa. 20Konde, giligili, mi bulinya ṉwè inè, kaô ôgôre waṉi w’apyagaṉ’ôgôre w’irèndisi n’ifarisi, aṉwè ayingiṉe du gw’iṉongo ny’ôrôṽa.
21Aṉw’are jogo pa inè, aṉag’alônga w’awulinyô inè: Ayôṉa; n’ayè yi jôṉa e ga zôny’ ôgôm̃a ne iyèkèli. 22Ndô mi bulinya ṉwè inè, ôm’edu e bendiṉa mwô’ngi yè eguṉu e ga zôny’ôgôm̃a ne iyèkèli; n’ayè yi bulinya yè inè: Awè nkende! e ga zôny’ôgôm̃a ne ôvag’ômpôlô; n’ayè yi bulya inè: Awè edosu! e ga zôny’ôgôm̃a ne ôgôṉi w’elôngô z’ôgôṉi. 23Sambô j’aw’abage mpagagi yo gô mbôra yi jirô intyagô, ko wè jônginya vovo inè, mwô’ngi yo are na wè n’igamba, 24rige mpagagi yo vovo swaswo ni mbôra yi jirô intyagô ko kèndaga gô dônge mèpaṉa na mwô’ngi yo; avila vovo tô bya gô pe mpagagi yo. 25Zunge mèpaṉa n’ ôlôvalôvi wo gô p’are wè na yè gô mpoṉo; ôlôvalôvi e vende po gôr’ôyèkèli, ko ôyèkèli po gôre yôfisye, ko yè fwelo gô ntyôgô. 26Giligili mi bulinyo inè, w’agogwe vovo kaô w’ape vintè num̃uṉa.
27Aṉw’are jogo pa inè, awulyô inè: Alèwa na wi ngaṉi. 28Ndô mi bulinya ṉwè inè, ôm’edu e pôn’ômwantô gô deṽiṉè, gambèṉè adèwi na yè g’ôrèm̃i wè. 29Na j’intyo nyo iṉôm̃yè ny’asogizo, rôduṉa nyô ko fala nyô avila gôre wè; konde re mbya gôre wè inè, em̃ori gô nam̃i yo zi ga vere, n’aranga inè, ôkuṽi wo wôdu wi ga walô gw’elôngô z’ôgôṉi. 30Na j’ôgo wo ôṉôm̃yè w’asogizo, zèra wô nkwe, ko fala wô avila gôre wè; konde re mbya gôre wè inè, em̃ori gô nam̃i yo zi ga vere, n’aranga inè, ôkuṽi wo wôdu wi ga walô gw’elôngô z’ôgôṉi.
31Awulyô kè inè: Ayè yi tômb’ômwantô wè, e ga ve yè ezangô z’itômbô. 32Ndô myè, mi bulinya ṉwè inè, ôm’edu e tômb’ ômwantô wè, kaô gô ntiṉa y’ôṽelaṉô, e pangè gô dèwa na wi ngaṉi, n’ayè yi jômb’ômwantô are tômbô pa, e dèwa na wi ngaṉi.
33Aṉw’are jogo pa kè inè, aṉag’alônga w’awulinyô inè: Arang’ôrangô w’inôka, ndô lend’irangô yo gôre Rerè. 34Ndô mi bulinya ṉwè inè: Arangaṉi du ôrangô, arangaṉi ôrôṽa, konde wô n’eka z’Anyambyè; 35arangaṉi ntye yiṉo, konde yô n’iyariṉô ny’agôlô mè; arangaṉi Yerusalèm, konde yô ne nkala y’ôg’ômpôlô. 36Arang’ôrangô n’ewônjô zo, konde ô ze ni ngulu yi pang’ôrwe ôm̃ori pupu ge vyovyo. 37Ndô nkambiṉi yaṉi yi ga lwaṉe inè, èñ, èñ, nyawè, nyawè; n’ezom̃a zi pyagaṉ’agamba miṉo zi pila gw’ibe.
38Aṉw’are jogo pa inè, awulyô inè: Intyo gw’intyo, n’inô gw’inô. 39Ndô myè, mi bulinya ṉwè inè, aṉwaṉi n’ôm’ombe. Ndô ayè yi bôlo gw’iwugu nyo iṉôm̃yè, gegunyè im̃ori kè. 40N’ayè yi bele sozizo awongiṉô ngoy yo, vè kè ôrôgôsambali wo. 41N’ayè yi be pango gô kènda na yè nanda mori, gènda na yè nanda mbaṉi. 42Va gôre yè yi bambyo, n’ayè yi bele sungô gôre wè, agegwa avila gôre yè.
43Aṉw’are jogo pa inè, awulyô inè: Rond’ôrangaṉô wo, ko numb’ôlôvalôvi wo. 44Ndô mi bulinya ṉwè inè: Rondaṉ’ilôvalôvi yaṉi, zaviṉaṉi waô wi numba ṉwè, ko kambiṉaṉi g’ômwanja wa waô wi kombiza ṉwè, 45ko ṉwè dwaṉ’awaṉa wa Reri yaṉi yi re g’ôrôṽa; konde e tongunye nkômbe yè gôr’aṉag’aṽe na gôr’aṉag’aṽya, aṉogize ningô gôr’agôre na gôr’ arègo. 46J’aṉw’atonda mongi wi tonda ṉwè, ipa nde si re na ṉwè? Ipublikan kè si pa dend’egolaṉi mèmô? 47J’aṉw’ asanguṉ’awareri yaṉi dadyè, aṉwè dend’ande vyagaṉô n’am̃ori? Aṉongo kè mi pa dend’egolaṉi mèmô? 48Sambô lwaṉaṉi mèpa pa, ga nt’are Reri yaṉi yi re g’ôrôṽa mèpa pa.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.