Matay 4
4
1Vovo agèndizyô Yesu ne Iṉiṉa gw’itôve gô soryô ne Satan. 2N’ayè penga p’esônge agôm̃i m’im̃anda anay n’agôm̃i m’agwèra anay, avila vovo ayogyô yè njaṉa. 3N’aṽyeṉi ôzorisi awulinyè inè: J’awè ômwaṉa w’Anyambyè, zômbya nè, adô miṉo mi ga galwe mpèmba. 4Ndô Yesu awiṉizi awulya inè: Are tèndô pa inè: Ôma alwaṉe bo kaô ni mpèmba dadyè, ndô n’igamby’edu nyi kogwa avila g’ôgwaṉa w’Anyambyè.
5Vovo arwanyô yè ne Satan gô nkala y’ôrunda, n’alôṽyè yè gw’igôṉô nyi nagô y’Anyambyè, awulinyè inè: 6J’awè ômwaṉa w’Anyambyè, vôsuny’ôkuṽi wo gô ntye, konde are tèndô pa inè: E be sômbya iyenjèl sè g’ômwanji wo, ko sô twaṉo gw’ ago maô, awè vende duke ntyôzô yo gw’idô. 7Yesu awulinyè inè: Are tèndô pa kè inè: Alembe Rerè Anyambyè yo.
8Arô twanyô yè ne Satan gô nômba mpôlô ndôndwi, n’arum̃inyè yè aṉongo mi ntye môdu n’ivenda nya mô, 9n’awulinyè yè inè: Mi be po yom̃a yiṉo yôdu j’aw’apôswa gô ntye azaviṉa myè. 10Vovo awulinyô yè ne Yesu inè: Lubwa vèṉo Satan! Konde re tèndô pa inè: Zaviṉe Rerè Anyambyè yo, ko janjiṉè dadyè.
11Vovo arigyô yè ne Satan, na vôna, iyenjèl s’aṽyeṉi, ayanjiṉè.
12Gw’ayogyô Yesu inè, Yôan afwelyô gô ntyôgô, alubwi agènda gô Galile. 13N’alubwi yè avila gô Nazarèt, aṽya gô dwaṉa gô Kapèrnaum, yi re pyèrè n’eliṽa, g’ôzamba wi Zabulôn ni Nèftali, 14ko igamba ny’agambyô ne Yezaya, y’ôvogisi, twa rèti, inè: 15Iṉongo nyi Zabulôn na nyi Nèftali, na nyi nkôṽa y’eliṽa, na nyi ntye mori yi Yoridan, na nyi Galile y’Aṉongo, 16iṉongo mè, ny’agangaṉagi gô mpiri, ny’ayeṉ’ ôzang’ ômpôlô; na gôre waô w’agangaṉagi gô mbôra na gw’iviri ny’ijuwa, ôzange w’aṽambi.
17Avila gw’egômbe mèzoṉo Yesu avakilyi gô kambiṉa, na gô bulya inè: Ṉigaṉi nkôndi, konde iṉongo ny’ôrôṽa ny’atweṉi pyèrè.
18Gw’agangaṉagi yè g’ôzamba w’eliṽa zi Galile, ayeṉi awarerè aṽaṉi, Simôn, aweyôgô inè, Pyère, n’Andru, ya mwô’ngi yè, wi pung’ elôṽa gw’eliṽa; konde w’avegag’ iyôṉisi y’intyuè. 19N’awulinyi yè waô inè: Zôngaṉi myè, ko mi panga ṉwè igôtisi y’aṉaga. 20N’arigi waô lôṽi yaô pelè, azôngè. 21Ayè pyagaṉa pa avila vovo, ayeṉi awarerè awèṉè aṽaṉi, Yakobu, y’ômwaṉa wi Zebeday, ni Yôan, ya mwô’ngi yè, wi re gw’elende ni Zebeday, ya reri yaô, nsôngage lôṽi yaô. 22N’aweyi yè waô. N’arigi waô elende pelè ni reri yaô kè, azôngè. 23N’agangaṉagi Yesu gô Galile yôdu, nènjaga gw’inagô saô si soṉo, agambiṉage ntyangô mbya y’iṉongo, ayingage nkany’edu ni ndèliny’edu gôr’aṉaga. 24N’ayagayagi elum̃i zè gô Sirya yôdu, n’aṽagi waô gôre yè waôdu w’avegagi n’ijogo, na waô w’avegagi kôtô pa n’aṉongo m’inkaṉi ni nkaza, ni mongi w’avegagi n’aṉiṉ’ambe, ni ranya, n’awogo; n’arôlizi yè waô. 25N’azôngyô yè n’aṉag’awenge avila gô Galile, n’avila gô Dekapôlis, n’avila gô Yerusalèm, n’ avila gô Yuda, n’avila gô ntye mori yi Yoridan.
നിലവിൽ തിരഞ്ഞെടുത്തിരിക്കുന്നു:
Matay 4: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Matay 4
4
1Vovo agèndizyô Yesu ne Iṉiṉa gw’itôve gô soryô ne Satan. 2N’ayè penga p’esônge agôm̃i m’im̃anda anay n’agôm̃i m’agwèra anay, avila vovo ayogyô yè njaṉa. 3N’aṽyeṉi ôzorisi awulinyè inè: J’awè ômwaṉa w’Anyambyè, zômbya nè, adô miṉo mi ga galwe mpèmba. 4Ndô Yesu awiṉizi awulya inè: Are tèndô pa inè: Ôma alwaṉe bo kaô ni mpèmba dadyè, ndô n’igamby’edu nyi kogwa avila g’ôgwaṉa w’Anyambyè.
5Vovo arwanyô yè ne Satan gô nkala y’ôrunda, n’alôṽyè yè gw’igôṉô nyi nagô y’Anyambyè, awulinyè inè: 6J’awè ômwaṉa w’Anyambyè, vôsuny’ôkuṽi wo gô ntye, konde are tèndô pa inè: E be sômbya iyenjèl sè g’ômwanji wo, ko sô twaṉo gw’ ago maô, awè vende duke ntyôzô yo gw’idô. 7Yesu awulinyè inè: Are tèndô pa kè inè: Alembe Rerè Anyambyè yo.
8Arô twanyô yè ne Satan gô nômba mpôlô ndôndwi, n’arum̃inyè yè aṉongo mi ntye môdu n’ivenda nya mô, 9n’awulinyè yè inè: Mi be po yom̃a yiṉo yôdu j’aw’apôswa gô ntye azaviṉa myè. 10Vovo awulinyô yè ne Yesu inè: Lubwa vèṉo Satan! Konde re tèndô pa inè: Zaviṉe Rerè Anyambyè yo, ko janjiṉè dadyè.
11Vovo arigyô yè ne Satan, na vôna, iyenjèl s’aṽyeṉi, ayanjiṉè.
12Gw’ayogyô Yesu inè, Yôan afwelyô gô ntyôgô, alubwi agènda gô Galile. 13N’alubwi yè avila gô Nazarèt, aṽya gô dwaṉa gô Kapèrnaum, yi re pyèrè n’eliṽa, g’ôzamba wi Zabulôn ni Nèftali, 14ko igamba ny’agambyô ne Yezaya, y’ôvogisi, twa rèti, inè: 15Iṉongo nyi Zabulôn na nyi Nèftali, na nyi nkôṽa y’eliṽa, na nyi ntye mori yi Yoridan, na nyi Galile y’Aṉongo, 16iṉongo mè, ny’agangaṉagi gô mpiri, ny’ayeṉ’ ôzang’ ômpôlô; na gôre waô w’agangaṉagi gô mbôra na gw’iviri ny’ijuwa, ôzange w’aṽambi.
17Avila gw’egômbe mèzoṉo Yesu avakilyi gô kambiṉa, na gô bulya inè: Ṉigaṉi nkôndi, konde iṉongo ny’ôrôṽa ny’atweṉi pyèrè.
18Gw’agangaṉagi yè g’ôzamba w’eliṽa zi Galile, ayeṉi awarerè aṽaṉi, Simôn, aweyôgô inè, Pyère, n’Andru, ya mwô’ngi yè, wi pung’ elôṽa gw’eliṽa; konde w’avegag’ iyôṉisi y’intyuè. 19N’awulinyi yè waô inè: Zôngaṉi myè, ko mi panga ṉwè igôtisi y’aṉaga. 20N’arigi waô lôṽi yaô pelè, azôngè. 21Ayè pyagaṉa pa avila vovo, ayeṉi awarerè awèṉè aṽaṉi, Yakobu, y’ômwaṉa wi Zebeday, ni Yôan, ya mwô’ngi yè, wi re gw’elende ni Zebeday, ya reri yaô, nsôngage lôṽi yaô. 22N’aweyi yè waô. N’arigi waô elende pelè ni reri yaô kè, azôngè. 23N’agangaṉagi Yesu gô Galile yôdu, nènjaga gw’inagô saô si soṉo, agambiṉage ntyangô mbya y’iṉongo, ayingage nkany’edu ni ndèliny’edu gôr’aṉaga. 24N’ayagayagi elum̃i zè gô Sirya yôdu, n’aṽagi waô gôre yè waôdu w’avegagi n’ijogo, na waô w’avegagi kôtô pa n’aṉongo m’inkaṉi ni nkaza, ni mongi w’avegagi n’aṉiṉ’ambe, ni ranya, n’awogo; n’arôlizi yè waô. 25N’azôngyô yè n’aṉag’awenge avila gô Galile, n’avila gô Dekapôlis, n’avila gô Yerusalèm, n’ avila gô Yuda, n’avila gô ntye mori yi Yoridan.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.