Matay 17
17
1Ntyugu ôrôṽa vyagaṉô, Yesu awongi Pyère, ni Yakobu, ni Yôan, ya mwô’ngi yè, avanda na waô gô nômba ndôndwi, waô dadyè. 2N’agalunyô egolaṉi zè gw’azô maô, n’ôzô wè w’aṽambi ga nkômbe, n’ingoy sè s’arweṉi pupu g’ôzange. 3Na vôna, Môsès n’Eliya w’awôm̃unyi gôre waô nkambaga na yè. 4N’ayiviri Pyère awulinye Yesu inè: Rera, are mbya gôre zwè gô dwaṉa vèṉo; j’aw’ajivira, mi be nôga vèṉo saka rarô, em̃ori gôre wè, n’em̃ori gôre Môsès, n’em̃ori gôr’Eliya. 5Gw’agambagi yè yeṉo, vôna, evindi eyombwi z’aliṽiṉi waô. Na vôna, ayogaṉô inyôy avila gw’evindi awulya inè: Wiṉo ne ômwaṉi wam̃ wi tondô myè, mi jeṉe mbya gôre yè: vôganyôṉi yè! 6Gw’ayogyô waô inyôy mènyoṉo, iṉengi y’avôsunyi azô maô gô ntye, arya pôlô. 7Ndô Yesu aṽyeṉi awata waô, awulya inè: Ṉongwaṉi, ko aryaṉi! 8Gw’arômbiṉi waô antyo, wi pa jeṉ’ômwèṉè kaô Yesu dadyè.
9Gw’azum̃iṉagi waô avila gô nômba, Yesu azômbyi waô inè: Awulinyaṉi ôma ndaga yiṉo y’ajeṉô ṉwè, kaô Ômwaṉa w’ôma atôngunyô avila gw’ijuwa.
10Aṽambyô yè n’iṉèngi yè inè: Ntiṉa nde yi buly’ irèndisi nè, Eliya e be dônge bya? 11Awiṉizi yè inè: Rèti Eliya e bya, ko yè dwaṉiz’isam̃u yôdu. 12Ndô mi bulinya ṉwè inè, Eliya abyeṉi, ko w’amyè, n’alendiṉi waô yè nt’aṽeli waô. Yeṉo kè ômwaṉa w’ôma e be jeṉ’azingô gôre waô. 13Vovo agôtiz’iṉèngi nè, akamba na waô g’ômwanja wi Yôan‐Batist.
14Gw’aṽyeṉi waô gôr’aṉaga, aṽyeṉ’ôma, alôṽiṉe Yesu akotolo, awulya inè: 15Rera, vôgiṉ’ômwaṉi wam̃, konde are ni nkaṉi ya wangô, e jeṉe njuke mpôlô, konde gômbe yenge e pôswa g’ôgôṉi, ni gômbe yenge gw’aṉingô. 16N’aṽagi myè yè gôr’iṉèngi yo, ndô yi re jolve jinge yè. 17N’awiṉizi Yesu awulya inè: Èṉ, ivôm̃a nyi r’ibekelya fo, ni fweva pa kè; ôlingô sè wi be dwaṉa myè na ṉwè? ôlingô sè wi be sindiṉa myè ṉwè? Vagaṉi yè guṉu gôre myè. 18N’azèmbi Yesu iṉiṉ’iṽe, n’agogwi nyô avila gôre yè, n’arôli ômwaṉa gw’igwèra mè.
19Vovo aṽyeṉ’iṉèngi gôre Yesu, waô anka, awulinyè inè: Ntiṉa nde yi re zwè e re jolye gô tômb’ iṉiṉa mènyoṉo? 20N’awulinyô waô ne Yesu inè: G’ômwanja w’itwaṽekelyi saṉi. Konde giligili mi bulinya ṉwè inè, j’aṉw’adwaṉa n’ibekelya g’intyo nyi mutardi, aṉwè be bulinye nômba yiṉo inè: Lubwa vèṉo, agènda gôṉo, ko yô dubwa; e zel’ezom̃a kè zi re z’ayolyô ne ṉwè. 21Ndô iṉiṉ’iṽe ôṉongo mèwoṉo nyi kènda kaô v’ikambiṉa n’ipeng’esônge.
22Gw’alwaṉagi waô gô Galile, Yesu awulinyi waô inè: Ômwaṉa w’ôma e be nozô gw’ago m’aṉaga; 23ko waô jôṉè, ndô e be tôngunyô gô ntyugu yi ntyarô. N’ayeṉi waô ekèṽ’evôlô.
24Gw’aṽyeṉi waô gô Kapèrnaum, waô w’awongagi mpagô w’aṽyeṉi gôre Pyère, awulinyè inè: Ôṉènji waṉi e pa pe mpagô? 25Awulyi yè inè, èñ. Na gw’ayingiṉi yè gô nagô, Yesu alôngi kambi na yè, awulya inè: Ô pikilya sè, Simôn? Aga wi ntye wi bong’asangô ntyo mpagô avila gôre mande? Avila gôr’awaṉi waô, mbè gôr’aṉag’am̃ori? 26Awulinyô yè ne Pyère inè: Gôr’aṉag’am̃ori. Awiṉizô yè ne Yesu inè: Sambô awaṉa wi re dyèngadyènga. 27Ndô azwè vende bendya waô, gènda gw’eliṽa, gô bèmba, ni ntyuè yi be dônge durô wè, wonga yô, ko nunguṉa yô ôgwaṉa, gambèṉè ô be dènge sika. Wonga yô, ko pa yô gôre waô g’ôzambi wam̃ na g’ôzambi wo.
നിലവിൽ തിരഞ്ഞെടുത്തിരിക്കുന്നു:
Matay 17: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Matay 17
17
1Ntyugu ôrôṽa vyagaṉô, Yesu awongi Pyère, ni Yakobu, ni Yôan, ya mwô’ngi yè, avanda na waô gô nômba ndôndwi, waô dadyè. 2N’agalunyô egolaṉi zè gw’azô maô, n’ôzô wè w’aṽambi ga nkômbe, n’ingoy sè s’arweṉi pupu g’ôzange. 3Na vôna, Môsès n’Eliya w’awôm̃unyi gôre waô nkambaga na yè. 4N’ayiviri Pyère awulinye Yesu inè: Rera, are mbya gôre zwè gô dwaṉa vèṉo; j’aw’ajivira, mi be nôga vèṉo saka rarô, em̃ori gôre wè, n’em̃ori gôre Môsès, n’em̃ori gôr’Eliya. 5Gw’agambagi yè yeṉo, vôna, evindi eyombwi z’aliṽiṉi waô. Na vôna, ayogaṉô inyôy avila gw’evindi awulya inè: Wiṉo ne ômwaṉi wam̃ wi tondô myè, mi jeṉe mbya gôre yè: vôganyôṉi yè! 6Gw’ayogyô waô inyôy mènyoṉo, iṉengi y’avôsunyi azô maô gô ntye, arya pôlô. 7Ndô Yesu aṽyeṉi awata waô, awulya inè: Ṉongwaṉi, ko aryaṉi! 8Gw’arômbiṉi waô antyo, wi pa jeṉ’ômwèṉè kaô Yesu dadyè.
9Gw’azum̃iṉagi waô avila gô nômba, Yesu azômbyi waô inè: Awulinyaṉi ôma ndaga yiṉo y’ajeṉô ṉwè, kaô Ômwaṉa w’ôma atôngunyô avila gw’ijuwa.
10Aṽambyô yè n’iṉèngi yè inè: Ntiṉa nde yi buly’ irèndisi nè, Eliya e be dônge bya? 11Awiṉizi yè inè: Rèti Eliya e bya, ko yè dwaṉiz’isam̃u yôdu. 12Ndô mi bulinya ṉwè inè, Eliya abyeṉi, ko w’amyè, n’alendiṉi waô yè nt’aṽeli waô. Yeṉo kè ômwaṉa w’ôma e be jeṉ’azingô gôre waô. 13Vovo agôtiz’iṉèngi nè, akamba na waô g’ômwanja wi Yôan‐Batist.
14Gw’aṽyeṉi waô gôr’aṉaga, aṽyeṉ’ôma, alôṽiṉe Yesu akotolo, awulya inè: 15Rera, vôgiṉ’ômwaṉi wam̃, konde are ni nkaṉi ya wangô, e jeṉe njuke mpôlô, konde gômbe yenge e pôswa g’ôgôṉi, ni gômbe yenge gw’aṉingô. 16N’aṽagi myè yè gôr’iṉèngi yo, ndô yi re jolve jinge yè. 17N’awiṉizi Yesu awulya inè: Èṉ, ivôm̃a nyi r’ibekelya fo, ni fweva pa kè; ôlingô sè wi be dwaṉa myè na ṉwè? ôlingô sè wi be sindiṉa myè ṉwè? Vagaṉi yè guṉu gôre myè. 18N’azèmbi Yesu iṉiṉ’iṽe, n’agogwi nyô avila gôre yè, n’arôli ômwaṉa gw’igwèra mè.
19Vovo aṽyeṉ’iṉèngi gôre Yesu, waô anka, awulinyè inè: Ntiṉa nde yi re zwè e re jolye gô tômb’ iṉiṉa mènyoṉo? 20N’awulinyô waô ne Yesu inè: G’ômwanja w’itwaṽekelyi saṉi. Konde giligili mi bulinya ṉwè inè, j’aṉw’adwaṉa n’ibekelya g’intyo nyi mutardi, aṉwè be bulinye nômba yiṉo inè: Lubwa vèṉo, agènda gôṉo, ko yô dubwa; e zel’ezom̃a kè zi re z’ayolyô ne ṉwè. 21Ndô iṉiṉ’iṽe ôṉongo mèwoṉo nyi kènda kaô v’ikambiṉa n’ipeng’esônge.
22Gw’alwaṉagi waô gô Galile, Yesu awulinyi waô inè: Ômwaṉa w’ôma e be nozô gw’ago m’aṉaga; 23ko waô jôṉè, ndô e be tôngunyô gô ntyugu yi ntyarô. N’ayeṉi waô ekèṽ’evôlô.
24Gw’aṽyeṉi waô gô Kapèrnaum, waô w’awongagi mpagô w’aṽyeṉi gôre Pyère, awulinyè inè: Ôṉènji waṉi e pa pe mpagô? 25Awulyi yè inè, èñ. Na gw’ayingiṉi yè gô nagô, Yesu alôngi kambi na yè, awulya inè: Ô pikilya sè, Simôn? Aga wi ntye wi bong’asangô ntyo mpagô avila gôre mande? Avila gôr’awaṉi waô, mbè gôr’aṉag’am̃ori? 26Awulinyô yè ne Pyère inè: Gôr’aṉag’am̃ori. Awiṉizô yè ne Yesu inè: Sambô awaṉa wi re dyèngadyènga. 27Ndô azwè vende bendya waô, gènda gw’eliṽa, gô bèmba, ni ntyuè yi be dônge durô wè, wonga yô, ko nunguṉa yô ôgwaṉa, gambèṉè ô be dènge sika. Wonga yô, ko pa yô gôre waô g’ôzambi wam̃ na g’ôzambi wo.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.