Matay 16
16
1Aṽyeṉ’ifarisi n’isadusi gôre Yesu gô dembè, aṽambyè gô tum̃inya waô elemba avila g’ôrôṽa. 2Awiṉizô waô ne Yesu inè: Nkôlô, aṉwè bulya inè: E be dwaṉ’ôgwèr’ômbya, konde ôrôṽa wi re teṉateṉa; 3n’ibanga inè: Ôwenj’ôṽe ṉèṉo, konde ôrôṽa wi re teṉateṉa ni bogubogu. Aṉwè imbyagwaṉa, aṉw’ avôrô gô kèlagèl’ôzô w’ôrôṽa, ndô aṉwè pa jolya gô kèlagèle lingilyô yi gômbe. 4Ivôm̃’iṽe na ny’ôṽelaṉô nyi bamby’elemba, ndô ny’ avô elemb’ezèṉè kaô elemba zi Yôna.
N’arigi yè waô agèndaga. 5Gw’alali iṉèngi yè gô ntye mori, w’aleṽaṉi gô bonge mpèmba. 6N’awulinyô waô ne Yesu inè: Ṽandam̃iṉaṉi ko kelim̃aṉi gô levèn y’ifarisi n’isadusi. 7N’agambaṉagi waô awulya inè: E kamba yeṉo konde azwè pa bonge mpèmba. 8N’amyeṉi Yesu, awulya inè: Aṉwè y’ibekely’ijangô, ntiṉa nde yi kambaṉa ṉwè inè, konde aṉwè pa bonge mpèmba? 9Kwanga na ṉèṉo aṉwè pa kôtiza ge jônginya amunga mi mpèmba ataṉè gôr’intozèny s’aṉaga ôtaṉè, ni ntangô y’itôndô y’agum̃inyô ṉwè? 10ge amunga mi mpèmba ôrwageṉô gôr’intozèny s’aṉaga nay, ni ntangô y’itôndô y’agum̃inyô ṉwè? 11Ezom̃a nde zi re aṉwè agôtiza inè, mi pa kamba na ṉwè g’ômwanja wi mpèmba, ndô inè, gelim̃aṉi gô levèn y’ifarisi n’isadusi? 12Vovo agôtizi waô inè, wi ga gelim̃e gô levèn yi mpèmba, ndô gw’ inènja s’ifarisi na s’isadusi.
13Gw’aṽyeṉi Yesu gô ntye yi Sezare yi Filipi, aṽamby’iṉèngi yè inè: Myè Ômwaṉa w’ôma, aṉaga wi bulya nè, myè mande? 14Awulyi waô inè: Awèwo inè, Yôan‐Batist; awèwo inè, Eliya; n’awèwo inè, Yeremya ge ôm̃ori gôr’ ivogisi. 15Awulinyi yè waô inè: Ndô aṉwè bulya inè: Myè mande? 16N’awiṉizi Simôn Pyère inè: Awè ne Krist, y’Ômwaṉa w’Anyambyè ya bo. 17Awiṉizi Yesu awulinyè inè: Ôzaviṉô gôre wè, Simôn, y’ômwaṉa wi Yôna, konde ô pa myezô igamba nyiṉo ne ôzôṉe ni ntyiṉa, ndô w’amyezô nyô ne Reri yam̃ yi re g’ôrôṽa. 18Mi bulinyo kè inè, awè ne Pyère, na gw’idô nyiṉo mi be nôge mandô yam̃, n’aguge m’ilômbô m’ageṽe yô. 19Mi be po kè isape s’iṉongo ny’ôrôṽa: ôsam̃u edu wi be diryô wè gô ntye, wi be diryô g’ôrôṽa, n’ôsam̃u edu wi be puruṉô wè gô ntye, wi be puruṉô kè g’ôrôṽa. 20Vovo azômbyi yè iṉèngi yè inè, w’amyez’ôm’edu inè, ayè ne Krist.
21Avila gw’egômbe mè avakilyi Yesu gô myez’iṉèngi yè inè, ar’isolo gôre yè gô kènda gô Yerusalèm, ko yè sindiṉ’isam̃u imyenge gôr’aṉèro, na gôr’ imiṉisè impôlô, na gôr’irèndisi, ko yè jôṉô, arôngunyô gô ntyugu yi ntyarô. 22N’awongyô yè ne Pyère, avakilya gô sèmbè, awulya inè: Anyambyè e ga vôgiṉe wè, Rera! Igamba nyiṉo ny’alwaṉa gôre wè. 23Ndô Yesu agegwi, awulinye Pyère inè: Winya gô nyum̃i yam̃, Satan! awè ne ibaku gôre myè, konde ô pa nak’isam̃u y’Anyambyè, ndô isam̃u y’aṉaga.
24Vovo Yesu awuliny’iṉèngi yè inè: Jog’ôma abele sônga myè, e ga ṉim̃iṉ’ôkuṽi wèmè, ko yè tômbiṉe krosi yè, azônga myè. 25Konde ôm’edu e bele sungiṉ’em̃èṉo zè, e be periza zô, n’ôm’edu e be periz’em̃èṉo zè g’ômwanji wam̃ e be dènga zô. 26Konde ôba nde wi re n’ôma, ja anyeṉe ntye yôdu, averiz’iṉiṉi nyè? Ge ande yi r’ôma ko pa gw’avendè m’iṉiṉi nyè? 27Konde Ômwaṉa w’ôma e be bya gw’ivenda nya Reri yè, n’iyenjèl sè; egômbe mè e be p’ôm’ edu ga nt’ar’ijanji sè. 28Giligili mi bulinya ṉwè inè: Ar’awèwo gôre waô wi re vèṉo gôre, wi re w’ayuwe, kaô w’ajeṉ’Ômwaṉa w’ôma e bya gw’iṉongo nyè.
നിലവിൽ തിരഞ്ഞെടുത്തിരിക്കുന്നു:
Matay 16: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Matay 16
16
1Aṽyeṉ’ifarisi n’isadusi gôre Yesu gô dembè, aṽambyè gô tum̃inya waô elemba avila g’ôrôṽa. 2Awiṉizô waô ne Yesu inè: Nkôlô, aṉwè bulya inè: E be dwaṉ’ôgwèr’ômbya, konde ôrôṽa wi re teṉateṉa; 3n’ibanga inè: Ôwenj’ôṽe ṉèṉo, konde ôrôṽa wi re teṉateṉa ni bogubogu. Aṉwè imbyagwaṉa, aṉw’ avôrô gô kèlagèl’ôzô w’ôrôṽa, ndô aṉwè pa jolya gô kèlagèle lingilyô yi gômbe. 4Ivôm̃’iṽe na ny’ôṽelaṉô nyi bamby’elemba, ndô ny’ avô elemb’ezèṉè kaô elemba zi Yôna.
N’arigi yè waô agèndaga. 5Gw’alali iṉèngi yè gô ntye mori, w’aleṽaṉi gô bonge mpèmba. 6N’awulinyô waô ne Yesu inè: Ṽandam̃iṉaṉi ko kelim̃aṉi gô levèn y’ifarisi n’isadusi. 7N’agambaṉagi waô awulya inè: E kamba yeṉo konde azwè pa bonge mpèmba. 8N’amyeṉi Yesu, awulya inè: Aṉwè y’ibekely’ijangô, ntiṉa nde yi kambaṉa ṉwè inè, konde aṉwè pa bonge mpèmba? 9Kwanga na ṉèṉo aṉwè pa kôtiza ge jônginya amunga mi mpèmba ataṉè gôr’intozèny s’aṉaga ôtaṉè, ni ntangô y’itôndô y’agum̃inyô ṉwè? 10ge amunga mi mpèmba ôrwageṉô gôr’intozèny s’aṉaga nay, ni ntangô y’itôndô y’agum̃inyô ṉwè? 11Ezom̃a nde zi re aṉwè agôtiza inè, mi pa kamba na ṉwè g’ômwanja wi mpèmba, ndô inè, gelim̃aṉi gô levèn y’ifarisi n’isadusi? 12Vovo agôtizi waô inè, wi ga gelim̃e gô levèn yi mpèmba, ndô gw’ inènja s’ifarisi na s’isadusi.
13Gw’aṽyeṉi Yesu gô ntye yi Sezare yi Filipi, aṽamby’iṉèngi yè inè: Myè Ômwaṉa w’ôma, aṉaga wi bulya nè, myè mande? 14Awulyi waô inè: Awèwo inè, Yôan‐Batist; awèwo inè, Eliya; n’awèwo inè, Yeremya ge ôm̃ori gôr’ ivogisi. 15Awulinyi yè waô inè: Ndô aṉwè bulya inè: Myè mande? 16N’awiṉizi Simôn Pyère inè: Awè ne Krist, y’Ômwaṉa w’Anyambyè ya bo. 17Awiṉizi Yesu awulinyè inè: Ôzaviṉô gôre wè, Simôn, y’ômwaṉa wi Yôna, konde ô pa myezô igamba nyiṉo ne ôzôṉe ni ntyiṉa, ndô w’amyezô nyô ne Reri yam̃ yi re g’ôrôṽa. 18Mi bulinyo kè inè, awè ne Pyère, na gw’idô nyiṉo mi be nôge mandô yam̃, n’aguge m’ilômbô m’ageṽe yô. 19Mi be po kè isape s’iṉongo ny’ôrôṽa: ôsam̃u edu wi be diryô wè gô ntye, wi be diryô g’ôrôṽa, n’ôsam̃u edu wi be puruṉô wè gô ntye, wi be puruṉô kè g’ôrôṽa. 20Vovo azômbyi yè iṉèngi yè inè, w’amyez’ôm’edu inè, ayè ne Krist.
21Avila gw’egômbe mè avakilyi Yesu gô myez’iṉèngi yè inè, ar’isolo gôre yè gô kènda gô Yerusalèm, ko yè sindiṉ’isam̃u imyenge gôr’aṉèro, na gôr’ imiṉisè impôlô, na gôr’irèndisi, ko yè jôṉô, arôngunyô gô ntyugu yi ntyarô. 22N’awongyô yè ne Pyère, avakilya gô sèmbè, awulya inè: Anyambyè e ga vôgiṉe wè, Rera! Igamba nyiṉo ny’alwaṉa gôre wè. 23Ndô Yesu agegwi, awulinye Pyère inè: Winya gô nyum̃i yam̃, Satan! awè ne ibaku gôre myè, konde ô pa nak’isam̃u y’Anyambyè, ndô isam̃u y’aṉaga.
24Vovo Yesu awuliny’iṉèngi yè inè: Jog’ôma abele sônga myè, e ga ṉim̃iṉ’ôkuṽi wèmè, ko yè tômbiṉe krosi yè, azônga myè. 25Konde ôm’edu e bele sungiṉ’em̃èṉo zè, e be periza zô, n’ôm’edu e be periz’em̃èṉo zè g’ômwanji wam̃ e be dènga zô. 26Konde ôba nde wi re n’ôma, ja anyeṉe ntye yôdu, averiz’iṉiṉi nyè? Ge ande yi r’ôma ko pa gw’avendè m’iṉiṉi nyè? 27Konde Ômwaṉa w’ôma e be bya gw’ivenda nya Reri yè, n’iyenjèl sè; egômbe mè e be p’ôm’ edu ga nt’ar’ijanji sè. 28Giligili mi bulinya ṉwè inè: Ar’awèwo gôre waô wi re vèṉo gôre, wi re w’ayuwe, kaô w’ajeṉ’Ômwaṉa w’ôma e bya gw’iṉongo nyè.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.