Ôsea 8
8
1Wel’ôrombo g’ôgwaṉi wo! Ôlôvalôvi e bya ga ngwanyoṉi gô nagô yi Yeôva, konde wi re jôṉa pe njeki yam̃, avav’ivangi nyam̃. 2Wi be tônga gôre myè inè: Anyambyè yam̃, azwè Israèl, azw’avôrô wè! 3Israèl are fala pe mbya; ôlôvalôvi e be kombizè. 4Wi re dôṽya p’aga ndô aranga n’ôzômbyô wam̃, n’ivangiṉi ko my’amya; wi re panga p’ikaṉa ni siki yaô ya pupu na ya teṉateṉa; gô ntiṉa yiṉo wi be jilizô.
5Yeôva are fala pa mwô’nyare wo, Samarya! Eguṉu zam̃ z’abam̃iṉi gôre waô. Wi be bika gô mèpizô kwanga ôlingô sè? 6Wô pila avila gôr’Israèl, ôkèngèkèngè w’avangi wô, na wô arang’Anyambyè; yeṉo mwô’nyare wi Samarya wi be nyigyanyigyô. 7Gô re nè wi re nyènya p’ômpunga, wi be teṉ’ôgulônkangwè; wi ze dèng’egôrô zi bile; yom̃a yi be punjiṉa yi ze jaṉize mpèmba, na ja yi tô jaṉa, agènda wi ko mèṉa yô.
8Israèl ajilizô! Vèṉo wi re gôr’aṉongo ga evagô zi re zi zele ni njôni. 9Konde w’akèndi gw’Asur, egolaṉi ga buru y’iga yi kum̃aṉ’anka; Efrayim are pa pe mpagaga gô dèng’indegô. 10Vangaṉe wi re pa pe mpagaga gôr’aṉongo, vèṉo mi ke datiza waô, ko waô sunge jeṉe njuke g’ômwanja w’irwaṉô ny’ôga w’ivangiṉi.
11Efrayim are buṉiza p’imbôra si jirô intyagô gô janj’ibe, n’imbôra siṉo si jirô intyagô si re pôsunyè pa gw’ibe. 12Vanga my’atèndiṉè intyale sôdu s’ivangi nyam̃, si be dwaṉa ga ôsam̃u ômwoṉa. 13Wi jôṉ’inyam̃a si jiriṉa waô myè ntyagô, ko waô ny’izôṉe ya sô: Yeôva e pa tonda sô. Ndô vèṉo Yeôva e jônginy’ibe saô, ko yè tevuṉ’ibe saô: wi be fwinya gw’Egipt. 14Israèl are deṽaṉa pa ayè y’avangi yè, aṉôg’inagô s’aga, ni Yuda are buṉiza p’inkal’injoli; ndô mi be tôm̃’ôgôṉi gw’inkali saô, ko wô pez’inagô s’aga sa sô.
നിലവിൽ തിരഞ്ഞെടുത്തിരിക്കുന്നു:
Ôsea 8: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.