Abakuk 2
2
1My’avegagi gô mbôri yam̃, agum̃aṉa gô mbôra ndôndwi; my’aṽèmbagi gô jeṉa nte be bulinyô myè ne Yeôva, ni nte be fwiṉiza myè g’ômwanja w’idagalagi sam̃. 2N’ayiviryô myè ne Yeôva, awulya inè: Rènd’ipoga: rènda sô gw’itavulu, ko waô tanguṉa sô zange. 3Konde ipoga mèsoṉo si re n’egômbe tetô pa, si kombize ntyay ya sô, ko s’aṉôka; ja s’adinga, ko pengiṉa sô, konde si be dwaṉa, si be dwaṉa rèti.
4Vôna, iṉiṉi nyè ny’atômbinyô, nyi zele gôre gôre yè; ndô ôma w’ôgôre e be dwaṉa bo vo ibekelyi sè. 5Egolaṉi g’ayè yi re bongô pa n’ivè n’ekale, ekalekale zi pa dwaṉa dwèrè; e pendiz’ôgwaṉi wè ga ilômbô, ar’ôgasô ga ijuwa; e dur’aṉongo môdu gôre yè, e datiz’aṉongo môdu gôre yè. 6Wiṉo waôdu wi ze pônguṉe yè, agôviṉè nkôgô y’isèlya? Yi be bulyô inè: Azile gôre yè yi kum̃inye yom̃a yi re arang’iyè! ôlingô sè? ... azile gôre yè yi pendiz’irwaṉô ny’inwani sè! 7Mongi yo wi nwanô wi ze sunge nongwe? iṽangati yo yi ze tô nongwe? ko wè dwaṉ’im̃aṉô gôre waô. 8Gô re nè ô re kwèra p’aṉongw’am̃enge, mbèy y’aṉongo yôdu yi re tigaṉa pa yi be kwèro; konde ô re pôviza pe ntyiṉa y’aṉaga, o re denda pe mbaô gô ntye, gô nkala na gôr’alwaṉi wa yô waôdu.
9Azile gôre yè yi kum̃iny’ôba ômbe gô nagô yè, ko yè dôṽy’ikundu nyè gô mbôra ndôndwi, gôre yè gô sungiṉô avila gô mbe! 10Ô re kenja pe ntyoṉi gô nagô yo, gw’ayilizi wè aṉongw’am̃enge, ô re janja p’ibe g’ôkuṽi womè. 11Konde idô nyi tônga avila g’ôzira, ni bimi yi jivira nyô.
12Azile gôre yè yi nôge nkala ni ntyiṉa, alôṽye nkala n’ifwem̃a! 13Vônaṉi, ja Yeôva are kenja pa nyô, aṉongo mi janja vangaṉe g’ôgôṉi, aṉongo mi jasa gô nyawènyawè. 14Konde ntye yi be jônya n’imya s’ivenda nyi Yeôva, ga nte jôny’aṉingô ôronga wi mbeṉe mpôlô.
15Azile gôre yè yi p’ijonga gôr’ôrangaṉô wè, gôre wè yi jire mbute yo avangè gô bongô kè, ko wè jeṉ’ôtele wè! 16Ô be jôrizô ni ntyoṉi vyagaṉô n’ivenda; yonga kè awèmè, ko tum̃iny’ôzombè wo! imogi ny’ôgo ôṉôm̃yè wi Yeôva nyi be kegwa gôre wè, ni ntyoṉi yi be fweviz’ivendi nyo. 17Konde mbaô y’alendyô gôre Liban yi be tô bya gôre wè, n’ijiliza s’inyam̃a si be tyezo, konde ô re pôviza pe ntyiṉa y’aṉaga, alende mbaô gô ntye, gô nkala na gôr’alwaṉi wa yô waôdu.
18Isolo nde nyi re n’ôgaṉa wi mpaṉôgô, wi paṉô n’ôvaṉisi? isolo nde nyi re n’ôgaṉa wi njirôgô na wi nènj’inôka, ko ôvangisi wa wô bekelya wô, gô pang’ikaṉa s’am̃am̃u? 19Azile gôre yè yi bulinye mpundu y’ôgôṉi inè: Ṉongwa! na gôr’idô ny’im̃am̃u inè: Gum̃aṉa! nyi be nènja? vôna, nyi re jagô pa ni sika ya teṉateṉa na ya pupu, ndô nyi zele n’iṉiṉa gô gare ya nyô. 20Yeôva are gô nagô yè y’ôrunda. Ntye yôdu yi ga lwaṉe do g’ôzô wè!
നിലവിൽ തിരഞ്ഞെടുത്തിരിക്കുന്നു:
Abakuk 2: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.