Ezekyèl 44
44
1Vovo awiṉizi yè myè gw’iguge nya gw’igala nyi nagô y’ôrunda, ny’avônagi gô nkôṽa yi tongwa ni nkômbe. Ndô ny’avegagi nunjô pa. 2N’awulinyô myè ne Yeôva inè: Iguge nyiṉo nyi be nunjô, ny’ayolye nunguṉô, ge jingiṉ’ôm’edu na nyô; konde Yeôva, Anyambyè y’Israèl, are jingiṉa pa na nyô. Sambô nyi be nunjô. 3G’ômwanja w’ôvangiṉi, ôvangiṉi e be dwaṉa tu gô nyô, gô nye mpèmba g’ôzô wi Yeôva; ayè e be jingiṉa ni mpoṉo y’evungu z’iguge; e be kogwa kè ni mpoṉo mèmô. 4N’aṽagyè myè gw’iguge nyi Nor nyi re swaswo ni nagô. N’avôni myè, na vôna, ônjèlènjèlè wi Yeôva w’ayônyi nagô yi Yeôva. N’avôswi myè ôzô wam̃ gô ntye. 5N’awulinyô myè ne Yeôva inè: Ômwa w’ôma, zilya mbyambye, ko pôna n’antyo mo! Ko jogo n’arôyi mo isam̃u yôdu yi be bulinya myè wè g’ômwanja w’izômbyô yôdu yi nagô yi Yeôva, n’ampanga môdu ma yô; zilya mbyambye njingiṉô yi nagô, ni nkogunyô yi nagô y’ôrunda. 6Ô be buliny’ivavisi vangaṉe gôre nagô y’Israèl, inè: Yeṉo kambe Rerè, Yeôva, inè: Atweṉi kwèkwè g’ômwanja w’isam̃u yaṉ’imbe yôdu, aṉwè nagô y’Israèl! 7Aṉw’are jinginya p’agènda, izombè g’ôrèm̃a n’izombè g’ôzôṉe gô dwaṉa gô nagô yam̃ y’ôrunda, gô fweviza yô; aṉw’are pa pe mpèmbi yam̃, n’agali ni ntyiṉa gw’isam̃u yaṉi yôdu imbe; aṉw’are jôṉa pe njeki yam̃. 8Aṉwè pa dend’eṽilô zi nagô yam̃ y’ôrunda, ndô aṉw’are fwela p’aṉaga gw’inyangi nyaṉi gôre waô gô janj’eṽilô gô nagô yam̃ y’ôrunda. 9Yeṉo kambe Rerè, Yeôva, inè: Ezel’ôgènda, ôzombè g’ôrèm̃a n’ôzombè g’ôzôṉe, wi be jingiṉa gô nagô yam̃ y’ôrunda, ge ôgèndy’edu wi re gôr’awaṉa w’Israèl. 10Ndô Leviti w’agèndi bô avila gôre myè, gw’awem̃’Israèl agegwa avila gôre myè gô kombiz’ikaṉi saô, wi be twaṉ’ibe saô. 11Wi be dwaṉ’imiṉisè gô nagô yam̃ y’ôrunda, wi be bandam̃iṉ’aguge mi nagô, ayanj’eṽilô zi nagô; wi be jôṉa gôr’aṉaga yom̃a yi pô gw’intyagô si pezô na gw’intyagw’im̃ori, na wi be kum̃aṉa g’ôzô wè gô janj’eṽilô zè. 12Konde nè w’ayanj’aṉaga swaswo n’ikaṉi saô, avôsunya gw’ibe nagô y’Israèl, sambô mi tômbiṉ’ôgo wam̃ gôre waô, bulye Rerè, Yeôva, ko waô twaṉ’ibe saô. 13W’ayolye suse pyèrè gôre myè gô dend’eṽilô zi miṉisè gôre myè, ge gô susa pyèrè gô nagô yam̃ y’ôrunda, gw’imbôri sam̃ s’ôrunda mè; ndô wi be twaṉe ntyoni yaô n’isam̃u yaô imbe yi re waô denda pa. 14Mi be panga waô ivenjavenji gô nagô, gw’eṽilô zôdu za yô, n’isam̃u yôdu yi re ko dendô gô yô.
15Ndô imiṉisè ni Leviti, awaṉôme wi Sadok, w’avenjavenji nagô yam̃ y’ôrunda gw’alubwi awaṉa w’Israèl avila gôre myè, wi be susa pyèrè gôre myè gô janjiṉa myè, na wi be kum̃aṉa g’ôzô wam̃ gô jira gôre myè agali ni ntyiṉa, bulye Rerè, Yeôva. 16Wi be jingiṉa gô nagô yam̃ y’ôrunda, na wi be susa pyèrè gô tavulu yam̃ gô janjiṉa myè, na wi be penjavenj’eṽilô zam̃. 17Gô be jingiṉa waô gw’aguge mi ñanja ya gare, wi be boryô n’ingoy si lyamba; wi ze boryô ingoy inyèṉè si lèni, gô be janja waô gw’aguge mi ñanja ya gare gô nagô. 18Wi be dwaṉa bora p’apaki mi lyamba m’ôga gô wônjô yaô, na wi be diry’itumba yi lyamba gw’ini yaô; ndô w’ayolye diry’ikuṽi yaô n’ezom̃’edu zi tôgôr’ejuku. 19Gô be kogwa waô gô kènda gô ñanja y’igala, inè, gô ñanja y’igala gôr’aṉaga, wi be sôruṉ’ingoy s’ajanjaga na waô, alimbiṉa sô gw’inontye s’ôrunda; gambèṉè wi be fwel’ingoy im̃ori inè, w’amèpiz’aṉaga n’ingoy saô. 20W’azèngiṉe wônjô yaô, ge waô jivir’ariṉi maô m’itwe gô pôm̃a, ndô waô ko teṉ’itwe si wônjô yaô. 21Ge miṉisè edu jong’ivè gô be jingiṉa waô gô ñanja ya gare. 22Ge waô jômb’ômwantô wi tigô, ge ômwantô wi re tômbô pa; ndô wi be jômb’azali mi re mi pa dèwa n’ôṉôm̃e avila gôr’awaṉa wi nagô y’Israèl; ndô waô ko jômb’ômwantô wi tigô wi miṉisè. 23Wi be nènj’iṉongo nyam̃ ibangwaṉa ntyo eza zi r’ôrunda n’eza zi r’ôrunda fo, avanga waô gô kèlagèla ntyo eza zi r’isèkè n’eza zi re nkèrè. 24Wi be dwaṉa mongi wi teṉiz’impaga, wi be teṉiza ga nt’ar’iteṉizi sam̃. Wi be penjavenja k’ampangi mam̃ n’intyale sam̃ gw’ifèti sam̃ sôdu; na wi be pang’intyugu sam̃ s’ijowa ôrunda. 25W’aṽya du gw’ebende z’ôma gô fweviz’ikuṽi yaômè; kaô gôre rerè, ntyo gôre ngwè, ntyo gôr’ômwaṉ’ônôm̃e, ntyo gôr’ômwaṉ’ômwantô, gôre mwô’ngwè ôṉôm̃e, ntyo gôre mwô’ ngwè ômwantô wi re azele n’ôṉôm̃e, tômbare pa mongi siṉo, waô ko fweviz’ikuṽi yaô. 26N’ayè jombunyô pa, ntyugu ôrwageṉô si be tangô gôre yè. 27Na gô ntyugu yi kèndè gô nagô y’ôrunda, gô ñanja ya gare, gô janja gô nagô y’ôrunda, e be jire ntyagô yi taṽ’ibe sè, bulye Rerè, Yeôva. 28Na wi be deng’ijiga: myè ne ijigi saô. N’aṉwè ava waô iniva gôr’Israèl: myè ne inivi saô. 29Wi be ny’inya s’intyagô s’impagaga n’intyagô si taṽ’ibe, n’intyagô s’ôgara; n’ezom’edu z’ôrunda gôr’Israèl zi be dwaṉ’izaô. 30Ilônd’ilônga yôdu, ni mpagaga edu yi be pa ṉwè ntômbiṉôgô, yi be dwaṉa gôr’imiṉisè; aṉwè be pa kè gôr’imiṉisè mpèmbi yaṉi nônga, gô pang’ôzaviṉô gô dwaṉa gô nagô yaṉi. 31Imiṉisè s’any’ezom̃’edu zi juwa zômè, ge zi re sasuṉô pa, y’adwaṉe nyoṉi mbya ntyo nyam̃a mbya.
നിലവിൽ തിരഞ്ഞെടുത്തിരിക്കുന്നു:
Ezekyèl 44: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Ezekyèl 44
44
1Vovo awiṉizi yè myè gw’iguge nya gw’igala nyi nagô y’ôrunda, ny’avônagi gô nkôṽa yi tongwa ni nkômbe. Ndô ny’avegagi nunjô pa. 2N’awulinyô myè ne Yeôva inè: Iguge nyiṉo nyi be nunjô, ny’ayolye nunguṉô, ge jingiṉ’ôm’edu na nyô; konde Yeôva, Anyambyè y’Israèl, are jingiṉa pa na nyô. Sambô nyi be nunjô. 3G’ômwanja w’ôvangiṉi, ôvangiṉi e be dwaṉa tu gô nyô, gô nye mpèmba g’ôzô wi Yeôva; ayè e be jingiṉa ni mpoṉo y’evungu z’iguge; e be kogwa kè ni mpoṉo mèmô. 4N’aṽagyè myè gw’iguge nyi Nor nyi re swaswo ni nagô. N’avôni myè, na vôna, ônjèlènjèlè wi Yeôva w’ayônyi nagô yi Yeôva. N’avôswi myè ôzô wam̃ gô ntye. 5N’awulinyô myè ne Yeôva inè: Ômwa w’ôma, zilya mbyambye, ko pôna n’antyo mo! Ko jogo n’arôyi mo isam̃u yôdu yi be bulinya myè wè g’ômwanja w’izômbyô yôdu yi nagô yi Yeôva, n’ampanga môdu ma yô; zilya mbyambye njingiṉô yi nagô, ni nkogunyô yi nagô y’ôrunda. 6Ô be buliny’ivavisi vangaṉe gôre nagô y’Israèl, inè: Yeṉo kambe Rerè, Yeôva, inè: Atweṉi kwèkwè g’ômwanja w’isam̃u yaṉ’imbe yôdu, aṉwè nagô y’Israèl! 7Aṉw’are jinginya p’agènda, izombè g’ôrèm̃a n’izombè g’ôzôṉe gô dwaṉa gô nagô yam̃ y’ôrunda, gô fweviza yô; aṉw’are pa pe mpèmbi yam̃, n’agali ni ntyiṉa gw’isam̃u yaṉi yôdu imbe; aṉw’are jôṉa pe njeki yam̃. 8Aṉwè pa dend’eṽilô zi nagô yam̃ y’ôrunda, ndô aṉw’are fwela p’aṉaga gw’inyangi nyaṉi gôre waô gô janj’eṽilô gô nagô yam̃ y’ôrunda. 9Yeṉo kambe Rerè, Yeôva, inè: Ezel’ôgènda, ôzombè g’ôrèm̃a n’ôzombè g’ôzôṉe, wi be jingiṉa gô nagô yam̃ y’ôrunda, ge ôgèndy’edu wi re gôr’awaṉa w’Israèl. 10Ndô Leviti w’agèndi bô avila gôre myè, gw’awem̃’Israèl agegwa avila gôre myè gô kombiz’ikaṉi saô, wi be twaṉ’ibe saô. 11Wi be dwaṉ’imiṉisè gô nagô yam̃ y’ôrunda, wi be bandam̃iṉ’aguge mi nagô, ayanj’eṽilô zi nagô; wi be jôṉa gôr’aṉaga yom̃a yi pô gw’intyagô si pezô na gw’intyagw’im̃ori, na wi be kum̃aṉa g’ôzô wè gô janj’eṽilô zè. 12Konde nè w’ayanj’aṉaga swaswo n’ikaṉi saô, avôsunya gw’ibe nagô y’Israèl, sambô mi tômbiṉ’ôgo wam̃ gôre waô, bulye Rerè, Yeôva, ko waô twaṉ’ibe saô. 13W’ayolye suse pyèrè gôre myè gô dend’eṽilô zi miṉisè gôre myè, ge gô susa pyèrè gô nagô yam̃ y’ôrunda, gw’imbôri sam̃ s’ôrunda mè; ndô wi be twaṉe ntyoni yaô n’isam̃u yaô imbe yi re waô denda pa. 14Mi be panga waô ivenjavenji gô nagô, gw’eṽilô zôdu za yô, n’isam̃u yôdu yi re ko dendô gô yô.
15Ndô imiṉisè ni Leviti, awaṉôme wi Sadok, w’avenjavenji nagô yam̃ y’ôrunda gw’alubwi awaṉa w’Israèl avila gôre myè, wi be susa pyèrè gôre myè gô janjiṉa myè, na wi be kum̃aṉa g’ôzô wam̃ gô jira gôre myè agali ni ntyiṉa, bulye Rerè, Yeôva. 16Wi be jingiṉa gô nagô yam̃ y’ôrunda, na wi be susa pyèrè gô tavulu yam̃ gô janjiṉa myè, na wi be penjavenj’eṽilô zam̃. 17Gô be jingiṉa waô gw’aguge mi ñanja ya gare, wi be boryô n’ingoy si lyamba; wi ze boryô ingoy inyèṉè si lèni, gô be janja waô gw’aguge mi ñanja ya gare gô nagô. 18Wi be dwaṉa bora p’apaki mi lyamba m’ôga gô wônjô yaô, na wi be diry’itumba yi lyamba gw’ini yaô; ndô w’ayolye diry’ikuṽi yaô n’ezom̃’edu zi tôgôr’ejuku. 19Gô be kogwa waô gô kènda gô ñanja y’igala, inè, gô ñanja y’igala gôr’aṉaga, wi be sôruṉ’ingoy s’ajanjaga na waô, alimbiṉa sô gw’inontye s’ôrunda; gambèṉè wi be fwel’ingoy im̃ori inè, w’amèpiz’aṉaga n’ingoy saô. 20W’azèngiṉe wônjô yaô, ge waô jivir’ariṉi maô m’itwe gô pôm̃a, ndô waô ko teṉ’itwe si wônjô yaô. 21Ge miṉisè edu jong’ivè gô be jingiṉa waô gô ñanja ya gare. 22Ge waô jômb’ômwantô wi tigô, ge ômwantô wi re tômbô pa; ndô wi be jômb’azali mi re mi pa dèwa n’ôṉôm̃e avila gôr’awaṉa wi nagô y’Israèl; ndô waô ko jômb’ômwantô wi tigô wi miṉisè. 23Wi be nènj’iṉongo nyam̃ ibangwaṉa ntyo eza zi r’ôrunda n’eza zi r’ôrunda fo, avanga waô gô kèlagèla ntyo eza zi r’isèkè n’eza zi re nkèrè. 24Wi be dwaṉa mongi wi teṉiz’impaga, wi be teṉiza ga nt’ar’iteṉizi sam̃. Wi be penjavenja k’ampangi mam̃ n’intyale sam̃ gw’ifèti sam̃ sôdu; na wi be pang’intyugu sam̃ s’ijowa ôrunda. 25W’aṽya du gw’ebende z’ôma gô fweviz’ikuṽi yaômè; kaô gôre rerè, ntyo gôre ngwè, ntyo gôr’ômwaṉ’ônôm̃e, ntyo gôr’ômwaṉ’ômwantô, gôre mwô’ngwè ôṉôm̃e, ntyo gôre mwô’ ngwè ômwantô wi re azele n’ôṉôm̃e, tômbare pa mongi siṉo, waô ko fweviz’ikuṽi yaô. 26N’ayè jombunyô pa, ntyugu ôrwageṉô si be tangô gôre yè. 27Na gô ntyugu yi kèndè gô nagô y’ôrunda, gô ñanja ya gare, gô janja gô nagô y’ôrunda, e be jire ntyagô yi taṽ’ibe sè, bulye Rerè, Yeôva. 28Na wi be deng’ijiga: myè ne ijigi saô. N’aṉwè ava waô iniva gôr’Israèl: myè ne inivi saô. 29Wi be ny’inya s’intyagô s’impagaga n’intyagô si taṽ’ibe, n’intyagô s’ôgara; n’ezom’edu z’ôrunda gôr’Israèl zi be dwaṉ’izaô. 30Ilônd’ilônga yôdu, ni mpagaga edu yi be pa ṉwè ntômbiṉôgô, yi be dwaṉa gôr’imiṉisè; aṉwè be pa kè gôr’imiṉisè mpèmbi yaṉi nônga, gô pang’ôzaviṉô gô dwaṉa gô nagô yaṉi. 31Imiṉisè s’any’ezom̃’edu zi juwa zômè, ge zi re sasuṉô pa, y’adwaṉe nyoṉi mbya ntyo nyam̃a mbya.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.