Ezekyèl 39
39
1N’awè, ômwa w’ôma, voga gô sire Gog, awulya nè: Yeṉo kambe Rerè, Yeôva, inè: Vôna, mi siro, Gog, ôvangiṉi wi Rosi, wi Mesèk, na wi Tubal! 2Mi be kegunyo, mi be kèndyo, mi be pandizo avila gw’intyay si nkôṽa yi Nor, na mi be bago gw’inômba s’Israèl. 3Mi be bôl’elendiṉi zo avila g’ôgo wo ônyantwè, na mi be pôsuny’izongo yo avila g’ôgo wo ôṉôm̃yè. 4Ô be pôswa gw’inômba s’Israèl, awè n’inkumbi so sôdu, n’aṉaga wi re na wè; mi be po gô nyô gôr’ôṉongo wi nyony’edu yi sasuṉa na yi re n’ampava, ni nyam̃y’edu y’ôrôve. 5Ô be pôswa gô ntye, konde my’akambi, bulye Rerè, Yeôva. 6Mi be tôm̃’ôgôṉi gô Magog, na gôre waô wi dwaṉe kendekende gw’inenge; na wi be mya nè, myè ne Yeôva. 7Mi be myez’ini nyam̃ ny’ôrunda gô garegare y’iṉongo nyam̃ Israèl; my’arô jivir’ini nyam̃ ny’ôrunda gô bundakaṉô nyèṉè; n’aṉongo mi be mya nè, myè ne Yeôva, ôma wi nkèrè gôr’Israèl. 8Vôna, isam̃u yiṉo yi bya, na yi be dendô, bulye Rerè, Yeôva; yiṉo ne ntyugu yi re myè kamba pa. 9Waô wi dwaṉa gw’inkala s’Israèl wi be kogwa; wi be pez’imyanga, ava yô g’ôgôṉi, inguṽa inyangô n’impôlô ta lendiṉa n’izongo, ni sôkôdô, n’agonga; wi be pang’ôgôṉi na yô impum̃’ôrwageṉô. 10Wi ze bong’impundu s’ikôṉi g’ôrôve, ge teṉ’ôgôny’edu gw’iga, konde wi be pang’ôgôṉi n’imyanga. Wi be kwèra waô wi re waô kwèra pa, avaruṉa waô wi re waô paruṉa pa, bulye Rerè, Yeôva.
11Gô ntyugu mè yi be twa inè, mi be pa gôre Gog mbôra y’ôrôngiṉô gw’Israèl, ôdèdè wa mongi wi kèndagènda, gô nkôṽa yi ntyuṽa yi tongwa ni nkômbe; ôrôngiṉô wiṉo wi be nunj’ivyagaṉô nya mongi wi pyagaṉa. Vovo aṽènyô Gog ni nkondo yè yôdu; n’ôdèdè wiṉo wi be fweyô inè, ôdèdè wi nkondo yi Gog. 12Nagô y’Israèl yi be bèṉa waô, ko ntye jombunyô agwèli ôrwageṉô. 13Aṉaga waôdu wi ntye wi be bèṉa waô; na yi be dwaṉ’elum̃i gôre waô, gô ntyugu mè yi be pendizô myè, bulye Rerè, Yeôva. 14Wi be pinj’aṉaga wi be dwaṉa kaô ndèndaga mbôry’edu, na wi be bèṉa, n’iṉunguṉa sa mongi wi kèndagènda, bende yi re tigaṉa pa g’ôlômba wi ntye; wi be jombunye ntye, na wi be kèlagèla yô agwèli ôrwageṉô wa ntuntu. 15Wi be kènda mbôry’edu gô ntye; j’ôm’edu ajeṉe pa y’ôma, gambèṉè e be dôṽy’elingilyô vovo, kaô iṽèṉisi w’abèṉa yô g’ôdèdè wi nkondo yi Gog. 16Yi be dwaṉa kè nkala yi be fweyô nè Amona. Yeṉo ntye yi be jombunyô.
17N’awè, ômwa w’ôma, yeṉo kambe Rerè, Yeôva, inè: Gamba gôr’ônongo wi nyony’edu, na gôre nyam̃y’edu y’ôrôve, inè: Lataṉaṉi, yôgôṉi, lataṉaṉi gô nkôṽy’edu gô ntyagô yi jirô myè g’ômwanji waṉi, ntyagô mpôlô gw’inômba s’Israèl! Aṉwè be ny’ôzôṉe, ayonge ntyiṉa. 18Aṉwè be ny’izôṉe y’iṽèmba, ayonge ntyiṉa y’ivangiṉi yi ntye, y’adombè aṉôm̃e, y’awadombè, na y’imbôṉi, y’inyare n’inyam̃’impom̃i sôdu si Basan. 19Aṉwè be ny’ipom̃a kwanga aṉwè ajôrizô, ayonge ntyiṉa kwanga aṉw’adwaṉa timbili, gô ntyagô yi be jira myè g’ômwanji waṉi. 20Aṉwè be jôrizô gô tavulu yam̃ n’izôṉe y’ikavala na ya mongi wi kavala, n’izôṉe y’aṉôm̃e wi ngulu, na y’aṉôm̃e w’igoṽi waôdu, bulye Rerè, Yeôva. 21Mi be dôṽy’ivendi nyam̃ gôr’aṉongo; n’aṉongo môdu mi be jeṉ’ijèkèlyi sam̃ si be denda myè, n’irevuṉô yi be pa myè waô. 22Nagô y’Israèl yi be mya nè, myè ne Yeôva, Anyambyè yaô, avila gô ntyugu yiṉo agènda gô yi bya. 23N’aṉongo mi be mya nè, nagô y’Israèl y’agèndizô imbwedi g’ômwanja w’ibe saô si re waô janja pa gôre myè; n’ayumbuṉi myè ôzô wam̃ avila gôre waô, ava waô gw’ago m’ilôvalôvi yaô, ko waôdu pôswa n’ôkwara w’iwora. 24My’alendi gôre waô ga nt’avegag’isèkè saô ni nt’avegag’ipavi saô; n’ayumbuṉi myè ôzô wam̃ avila gôre waô.
25Sambô yeṉo kambe Rerè, Yeôva, inè: Vèṉo mi be tô bag’imbwedi si Yakob, avôgiṉe nagô yôdu y’Israèl, na mi be puva g’ômwanja w’ini nyam̃ ny’ôrunda. 26Vovo wi be deṽaṉe ntyoṉi yaô, n’ipava sôdu si re waô pava pa gôre myè, gw’alwaṉi waô njuke fo gô ntye yaô, zel’ôma gô tyeza waô. 27Gô be tô baga myè waô avila gôr’aṉaga, alatiza waô avila gw’intye s’ilôvalôvi yaô, mi be mèpizô ne waô gw’antyo m’aṉongo am̃enge. 28Na wi be mya nè, myè ne Yeôva, Anyambyè yaô, y’agèndizi waô imbwedi gôr’aṉongo, na yi datiza waô gô ntye yaômè; my’arô tig’ôm’edu gôre waô nyèṉè vovo, 29my’arô jumbuṉ’ôzô wam̃ nyèṉè avila gôre waô, konde mi be jir’iṉiṉi nyam̃ gôre nagô y’Israèl, bulye Rerè, Yeôva.
നിലവിൽ തിരഞ്ഞെടുത്തിരിക്കുന്നു:
Ezekyèl 39: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Ezekyèl 39
39
1N’awè, ômwa w’ôma, voga gô sire Gog, awulya nè: Yeṉo kambe Rerè, Yeôva, inè: Vôna, mi siro, Gog, ôvangiṉi wi Rosi, wi Mesèk, na wi Tubal! 2Mi be kegunyo, mi be kèndyo, mi be pandizo avila gw’intyay si nkôṽa yi Nor, na mi be bago gw’inômba s’Israèl. 3Mi be bôl’elendiṉi zo avila g’ôgo wo ônyantwè, na mi be pôsuny’izongo yo avila g’ôgo wo ôṉôm̃yè. 4Ô be pôswa gw’inômba s’Israèl, awè n’inkumbi so sôdu, n’aṉaga wi re na wè; mi be po gô nyô gôr’ôṉongo wi nyony’edu yi sasuṉa na yi re n’ampava, ni nyam̃y’edu y’ôrôve. 5Ô be pôswa gô ntye, konde my’akambi, bulye Rerè, Yeôva. 6Mi be tôm̃’ôgôṉi gô Magog, na gôre waô wi dwaṉe kendekende gw’inenge; na wi be mya nè, myè ne Yeôva. 7Mi be myez’ini nyam̃ ny’ôrunda gô garegare y’iṉongo nyam̃ Israèl; my’arô jivir’ini nyam̃ ny’ôrunda gô bundakaṉô nyèṉè; n’aṉongo mi be mya nè, myè ne Yeôva, ôma wi nkèrè gôr’Israèl. 8Vôna, isam̃u yiṉo yi bya, na yi be dendô, bulye Rerè, Yeôva; yiṉo ne ntyugu yi re myè kamba pa. 9Waô wi dwaṉa gw’inkala s’Israèl wi be kogwa; wi be pez’imyanga, ava yô g’ôgôṉi, inguṽa inyangô n’impôlô ta lendiṉa n’izongo, ni sôkôdô, n’agonga; wi be pang’ôgôṉi na yô impum̃’ôrwageṉô. 10Wi ze bong’impundu s’ikôṉi g’ôrôve, ge teṉ’ôgôny’edu gw’iga, konde wi be pang’ôgôṉi n’imyanga. Wi be kwèra waô wi re waô kwèra pa, avaruṉa waô wi re waô paruṉa pa, bulye Rerè, Yeôva.
11Gô ntyugu mè yi be twa inè, mi be pa gôre Gog mbôra y’ôrôngiṉô gw’Israèl, ôdèdè wa mongi wi kèndagènda, gô nkôṽa yi ntyuṽa yi tongwa ni nkômbe; ôrôngiṉô wiṉo wi be nunj’ivyagaṉô nya mongi wi pyagaṉa. Vovo aṽènyô Gog ni nkondo yè yôdu; n’ôdèdè wiṉo wi be fweyô inè, ôdèdè wi nkondo yi Gog. 12Nagô y’Israèl yi be bèṉa waô, ko ntye jombunyô agwèli ôrwageṉô. 13Aṉaga waôdu wi ntye wi be bèṉa waô; na yi be dwaṉ’elum̃i gôre waô, gô ntyugu mè yi be pendizô myè, bulye Rerè, Yeôva. 14Wi be pinj’aṉaga wi be dwaṉa kaô ndèndaga mbôry’edu, na wi be bèṉa, n’iṉunguṉa sa mongi wi kèndagènda, bende yi re tigaṉa pa g’ôlômba wi ntye; wi be jombunye ntye, na wi be kèlagèla yô agwèli ôrwageṉô wa ntuntu. 15Wi be kènda mbôry’edu gô ntye; j’ôm’edu ajeṉe pa y’ôma, gambèṉè e be dôṽy’elingilyô vovo, kaô iṽèṉisi w’abèṉa yô g’ôdèdè wi nkondo yi Gog. 16Yi be dwaṉa kè nkala yi be fweyô nè Amona. Yeṉo ntye yi be jombunyô.
17N’awè, ômwa w’ôma, yeṉo kambe Rerè, Yeôva, inè: Gamba gôr’ônongo wi nyony’edu, na gôre nyam̃y’edu y’ôrôve, inè: Lataṉaṉi, yôgôṉi, lataṉaṉi gô nkôṽy’edu gô ntyagô yi jirô myè g’ômwanji waṉi, ntyagô mpôlô gw’inômba s’Israèl! Aṉwè be ny’ôzôṉe, ayonge ntyiṉa. 18Aṉwè be ny’izôṉe y’iṽèmba, ayonge ntyiṉa y’ivangiṉi yi ntye, y’adombè aṉôm̃e, y’awadombè, na y’imbôṉi, y’inyare n’inyam̃’impom̃i sôdu si Basan. 19Aṉwè be ny’ipom̃a kwanga aṉwè ajôrizô, ayonge ntyiṉa kwanga aṉw’adwaṉa timbili, gô ntyagô yi be jira myè g’ômwanji waṉi. 20Aṉwè be jôrizô gô tavulu yam̃ n’izôṉe y’ikavala na ya mongi wi kavala, n’izôṉe y’aṉôm̃e wi ngulu, na y’aṉôm̃e w’igoṽi waôdu, bulye Rerè, Yeôva. 21Mi be dôṽy’ivendi nyam̃ gôr’aṉongo; n’aṉongo môdu mi be jeṉ’ijèkèlyi sam̃ si be denda myè, n’irevuṉô yi be pa myè waô. 22Nagô y’Israèl yi be mya nè, myè ne Yeôva, Anyambyè yaô, avila gô ntyugu yiṉo agènda gô yi bya. 23N’aṉongo mi be mya nè, nagô y’Israèl y’agèndizô imbwedi g’ômwanja w’ibe saô si re waô janja pa gôre myè; n’ayumbuṉi myè ôzô wam̃ avila gôre waô, ava waô gw’ago m’ilôvalôvi yaô, ko waôdu pôswa n’ôkwara w’iwora. 24My’alendi gôre waô ga nt’avegag’isèkè saô ni nt’avegag’ipavi saô; n’ayumbuṉi myè ôzô wam̃ avila gôre waô.
25Sambô yeṉo kambe Rerè, Yeôva, inè: Vèṉo mi be tô bag’imbwedi si Yakob, avôgiṉe nagô yôdu y’Israèl, na mi be puva g’ômwanja w’ini nyam̃ ny’ôrunda. 26Vovo wi be deṽaṉe ntyoṉi yaô, n’ipava sôdu si re waô pava pa gôre myè, gw’alwaṉi waô njuke fo gô ntye yaô, zel’ôma gô tyeza waô. 27Gô be tô baga myè waô avila gôr’aṉaga, alatiza waô avila gw’intye s’ilôvalôvi yaô, mi be mèpizô ne waô gw’antyo m’aṉongo am̃enge. 28Na wi be mya nè, myè ne Yeôva, Anyambyè yaô, y’agèndizi waô imbwedi gôr’aṉongo, na yi datiza waô gô ntye yaômè; my’arô tig’ôm’edu gôre waô nyèṉè vovo, 29my’arô jumbuṉ’ôzô wam̃ nyèṉè avila gôre waô, konde mi be jir’iṉiṉi nyam̃ gôre nagô y’Israèl, bulye Rerè, Yeôva.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.