Ezekyèl 38
38
1Igamba nyi Yeôva ny’aṽyeṉi gôre myè, awulya inè: 2Ômwa w’ôma, lôṽy’ôzô wo gôre Gog, gô ntye yi Magog, gôr’ôvangiṉi wi Rosi, wi Mesèk, na wi Tubal, avoga gôre yè, 3awulya inè: Yeṉo kambe Rerè, Yeôva, nè: Vôna, mi siro, awè Gog, ôvangiṉi wi Rosi, Mesèk ni Tubal! 4Mi be kegunyo, n’awel’igoro gw’igèngo yo, na mi be kogunyo ni mbèli yo yôdu, ikavala n’aṉôm̃e w’ikavala, waôdu boryô pa n’imyanga yôdu y’igoṽi, nkumba mpôlô twaṉe pe nguṽa nyangô ni mpôlô, waôdu kôta p’ikwara y’ambora bem̃eṉe; 5Paras, Etyop, ni Put na waô, waôdu twaṉa pe nguṽa n’ipaki ny’ômwanga. 6Gomèr, ni nkumbi yè yôdu, nagô yi Tôgarma, gw’inkôṽa si Nor, ni nkumbi yè yôdu, vangaṉ’aṉag’awenge wi re na wè. 7Lwaṉa wè keka pa, èñ, gekiz’ôkuṽi wo, awè, n’inkumbi so sôdu si re dataṉa pa gôre wè, ko wè dwaṉ’egogi gôre waô. 8Intyugw’inyenge pyagaṉa pa, gambèṉè ô be dwaṉa gw’ewônjô zaô; gw’impum̃a yi be sônga ô be nwa ni ntye yi r’alwaṉi, sungiṉô pa avila g’ôkwara, w’adatizyô avila gôr’aṉongw’am̃enge, gw’inômba s’Israèl si re jilizô p’ôling’ôla, ndô wi re dubwa pa avila gôr’aṉaga, waôdu wi be dwaṉe kendekende gw’inagô saô. 9Awè ô be panda, ô be bya egolaṉi g’ôgula, ô be dwaṉ’egolaṉi g’evindi zi ke diṽiṉe ntye, awè n’inkumbi so sôdu n’aṉongw’am̃enge na wè. 10Yeṉo kambe Rerè, Yeôva, inè: Yi be twa gô ntyugu mè inè, isam̃u mè yi be bya gw’ipikilyi so, n’awè ô be bônd’imôndo imbe. 11Ô be bulya nè: Mi be panda gô ntye ya zange; mi be bya ni mangô gôr’aṉaga wi re kendekende, wi dwaṉ’itya fo gw’inagô saô, waôdu wi dwaṉ’ikômba fo gw’alwaṉô maô, na wi r’isape fo n’aguge fo. 12Mi be kènda gô kwèra na gô bong’im̃aṉô, gô keguny’ôgo wam̃ gw’imbôra si re jilizô pa s’atweṉi vèṉo gô dwaṉô, na gôr’aṉaga wi re dataṉa pa avila gôr’aṉongo, wi re n’ilemba y’inyam̃a n’agumba, na wi dwaṉa gw’imbôr’indôndwi si ntye. 13Seba ni Dedan, n’igôlisi yi Tarsis, n’awaṉa w’iliyoni waôdu wa yô, waô wi be bulinyo nè: W’abyeṉi gô kwèr’im̃aṉô? Ô re datiza pe nkumbi yo gô kwèra, gô bonge sika ya pupu na ya teṉateṉa, gô bong’ilemba y’inyam̃a n’agumba, gô kwèr’im̃aṉô ivôlô?
14Sambô, ômwa w’ôma, voga, awulinye Gog inè: Yeṉo kambe Rerè, Yeôva, inè: Ô be mye ntyugu yi r’iṉongo nyam̃ Israèl gô dwaṉe njuke fo. 15Vovo ô be kènda avila gô ntye yo, avila gw’intyay si nkôṽa yi Nor, awè n’aṉag’awenge na wè, waôdu panda pa gw’ikavala, nkumba mpôlô ni mbèli yi ngulu. 16Ô be bya gô nwa n’iṉongo nyam̃ Israèl, egolaṉi g’evindi gô diṽiṉe ntye. Avila vovo yi be twa inè, mi be bago gô ntye yam̃ ko aṉongo mya myè, gô be mèpizô myè gôre wè, Gog, gw’azô maô. 17Yeṉo kambe Rerè, Yeôva, nè: Awè ne yè y’agambyô myè gw’egômb’elônga vo inyôngô sam̃ ivogisi y’Israèl, y’avogagi gw’intyugu mèsoṉo vo impum̃’imyenge inè, mi be bago gôre waô? 18Na yi be twa gô ntyugu mè, gô be bye Gog gô nwa gô ntye y’Israèl, bulye Rerè, Yeôva, inè, eguṉu zi be kogwa avila gw’isoguṉi yam̃ y’ômpômbô. 19Mi bulya yeṉo gw’ivuvi nyam̃ na gw’eguṉu zam̃ evôlô inè, rèti, gô ntyugu mè e be dwaṉ’isugyazugya sipôlô gô ntye y’Israèl. 20Intyuwè si mbeṉe, n’inyoṉi s’igôṉô, n’inyam̃a s’iga, ni ya yôdu yi dandalanda gô ntye, n’aṉaga waôdu wi re gô ntye wi be tatam̃iṉa g’ôzô wam̃; n’inômba si be nyigyanyigyô, n’imbôra s’ôlôlôṽa si be pôswa, n’ôgômby’edu wi be pôswa gô ntye. 21Mi be fwey’ôkwara w’iwora gô nwa na yè gw’inômbi sam̃ sôdu, yeṉo kambe Rerè, Yeôva; ôkwara w’iwora w’ôm’edu wi be nwa na mwô’ngi yè. 22Mi be dwaṉiz’ijèkèlyi sam̃ n’evunga ni ntyiṉa, na mi be nogiza gôre yè na gôre mbèli yè, na gôr’aṉag’awenge wi re na yè, ningô, ni ningô y’adô, ôgôṉi ni sufur. 23Mi be tum̃iny’ipendi sam̃ ni nkèrè yam̃; mi be myez’ôkuṽi wam̃ gw’antyo m’aṉongw’am̃enge, na wi be mya nè, myè ne Yeôva.
നിലവിൽ തിരഞ്ഞെടുത്തിരിക്കുന്നു:
Ezekyèl 38: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Ezekyèl 38
38
1Igamba nyi Yeôva ny’aṽyeṉi gôre myè, awulya inè: 2Ômwa w’ôma, lôṽy’ôzô wo gôre Gog, gô ntye yi Magog, gôr’ôvangiṉi wi Rosi, wi Mesèk, na wi Tubal, avoga gôre yè, 3awulya inè: Yeṉo kambe Rerè, Yeôva, nè: Vôna, mi siro, awè Gog, ôvangiṉi wi Rosi, Mesèk ni Tubal! 4Mi be kegunyo, n’awel’igoro gw’igèngo yo, na mi be kogunyo ni mbèli yo yôdu, ikavala n’aṉôm̃e w’ikavala, waôdu boryô pa n’imyanga yôdu y’igoṽi, nkumba mpôlô twaṉe pe nguṽa nyangô ni mpôlô, waôdu kôta p’ikwara y’ambora bem̃eṉe; 5Paras, Etyop, ni Put na waô, waôdu twaṉa pe nguṽa n’ipaki ny’ômwanga. 6Gomèr, ni nkumbi yè yôdu, nagô yi Tôgarma, gw’inkôṽa si Nor, ni nkumbi yè yôdu, vangaṉ’aṉag’awenge wi re na wè. 7Lwaṉa wè keka pa, èñ, gekiz’ôkuṽi wo, awè, n’inkumbi so sôdu si re dataṉa pa gôre wè, ko wè dwaṉ’egogi gôre waô. 8Intyugw’inyenge pyagaṉa pa, gambèṉè ô be dwaṉa gw’ewônjô zaô; gw’impum̃a yi be sônga ô be nwa ni ntye yi r’alwaṉi, sungiṉô pa avila g’ôkwara, w’adatizyô avila gôr’aṉongw’am̃enge, gw’inômba s’Israèl si re jilizô p’ôling’ôla, ndô wi re dubwa pa avila gôr’aṉaga, waôdu wi be dwaṉe kendekende gw’inagô saô. 9Awè ô be panda, ô be bya egolaṉi g’ôgula, ô be dwaṉ’egolaṉi g’evindi zi ke diṽiṉe ntye, awè n’inkumbi so sôdu n’aṉongw’am̃enge na wè. 10Yeṉo kambe Rerè, Yeôva, inè: Yi be twa gô ntyugu mè inè, isam̃u mè yi be bya gw’ipikilyi so, n’awè ô be bônd’imôndo imbe. 11Ô be bulya nè: Mi be panda gô ntye ya zange; mi be bya ni mangô gôr’aṉaga wi re kendekende, wi dwaṉ’itya fo gw’inagô saô, waôdu wi dwaṉ’ikômba fo gw’alwaṉô maô, na wi r’isape fo n’aguge fo. 12Mi be kènda gô kwèra na gô bong’im̃aṉô, gô keguny’ôgo wam̃ gw’imbôra si re jilizô pa s’atweṉi vèṉo gô dwaṉô, na gôr’aṉaga wi re dataṉa pa avila gôr’aṉongo, wi re n’ilemba y’inyam̃a n’agumba, na wi dwaṉa gw’imbôr’indôndwi si ntye. 13Seba ni Dedan, n’igôlisi yi Tarsis, n’awaṉa w’iliyoni waôdu wa yô, waô wi be bulinyo nè: W’abyeṉi gô kwèr’im̃aṉô? Ô re datiza pe nkumbi yo gô kwèra, gô bonge sika ya pupu na ya teṉateṉa, gô bong’ilemba y’inyam̃a n’agumba, gô kwèr’im̃aṉô ivôlô?
14Sambô, ômwa w’ôma, voga, awulinye Gog inè: Yeṉo kambe Rerè, Yeôva, inè: Ô be mye ntyugu yi r’iṉongo nyam̃ Israèl gô dwaṉe njuke fo. 15Vovo ô be kènda avila gô ntye yo, avila gw’intyay si nkôṽa yi Nor, awè n’aṉag’awenge na wè, waôdu panda pa gw’ikavala, nkumba mpôlô ni mbèli yi ngulu. 16Ô be bya gô nwa n’iṉongo nyam̃ Israèl, egolaṉi g’evindi gô diṽiṉe ntye. Avila vovo yi be twa inè, mi be bago gô ntye yam̃ ko aṉongo mya myè, gô be mèpizô myè gôre wè, Gog, gw’azô maô. 17Yeṉo kambe Rerè, Yeôva, nè: Awè ne yè y’agambyô myè gw’egômb’elônga vo inyôngô sam̃ ivogisi y’Israèl, y’avogagi gw’intyugu mèsoṉo vo impum̃’imyenge inè, mi be bago gôre waô? 18Na yi be twa gô ntyugu mè, gô be bye Gog gô nwa gô ntye y’Israèl, bulye Rerè, Yeôva, inè, eguṉu zi be kogwa avila gw’isoguṉi yam̃ y’ômpômbô. 19Mi bulya yeṉo gw’ivuvi nyam̃ na gw’eguṉu zam̃ evôlô inè, rèti, gô ntyugu mè e be dwaṉ’isugyazugya sipôlô gô ntye y’Israèl. 20Intyuwè si mbeṉe, n’inyoṉi s’igôṉô, n’inyam̃a s’iga, ni ya yôdu yi dandalanda gô ntye, n’aṉaga waôdu wi re gô ntye wi be tatam̃iṉa g’ôzô wam̃; n’inômba si be nyigyanyigyô, n’imbôra s’ôlôlôṽa si be pôswa, n’ôgômby’edu wi be pôswa gô ntye. 21Mi be fwey’ôkwara w’iwora gô nwa na yè gw’inômbi sam̃ sôdu, yeṉo kambe Rerè, Yeôva; ôkwara w’iwora w’ôm’edu wi be nwa na mwô’ngi yè. 22Mi be dwaṉiz’ijèkèlyi sam̃ n’evunga ni ntyiṉa, na mi be nogiza gôre yè na gôre mbèli yè, na gôr’aṉag’awenge wi re na yè, ningô, ni ningô y’adô, ôgôṉi ni sufur. 23Mi be tum̃iny’ipendi sam̃ ni nkèrè yam̃; mi be myez’ôkuṽi wam̃ gw’antyo m’aṉongw’am̃enge, na wi be mya nè, myè ne Yeôva.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.