Amosi 7
7
1Rerè, Yeôva, arum̃inyi myè ijeṉa siṉo. Vôna, avang’isakampazô, gw’egômbe z’avakily’ivar’inum̃uṉa gô pôm̃a; ny’avegag’ivar’inum̃uṉa ôga swa pa. 2Na gw’am̃azi yô gô ny’am̃aṉi mi ntye vya, awulyi myè inè: Sambô, Rera Yeôva, nyeza! Yakob e be kum̃aṉa sè? konde are dèla pôlô. 3Yeôva aṉigi nkôndi g’ômwanja w’igamba nyiṉo. Yeôva awulyi nè: Yiṉo yi ze tô bye.
4Yeṉo Rerè, Yeôva, arum̃inyi myè ijeṉa siṉo. Vôna, Rerè, Yeôva, arakilyagi ôgôm̃a n’ôgôṉi; n’ôgôṉi w’avezag’ôrong’ômpôlô avez’ômpindi. 5Awulyi myè inè: Sambô, Rera Yeôva, zimbya! Yakob e be kum̃aṉa sè? Konde are dèla pôlô. 6Yeôva aṉigi nkôndi g’ômwanja w’igamba nyiṉo. Rerè, Yeôva awulyi nè: Yiṉo yi ze tô bye kè.
7Yeṉo arum̃inyi yè myè ijeṉa siṉo. Vôna, Rerè agum̃aṉi g’ôzira wi re pangô pa n’ôgoli gôre du, n’avegagi yè ni nivô g’ôgo wè. 8N’awulinyô myè ne Yeôva inè: Amosi, ô jeṉ’ande? Awiṉizi myè inè: Nivô. N’awulyi Rerè inè: Vôna, mi be dôṽye nivô gô garegare y’iṉongo nyam̃ ny’Israèl, mi ze tô nyeze waô nyèṉè; 9imbôr’indôndwi s’Izaak si be jilizô; inagô s’ôrunda s’Israèl si be jilizô kè, ko mi kum̃aṉa gô sire nagô yi Yerôbôam n’ôkwara w’iwora.
10Vovo Amazya, yi miṉisè yi Betèl, amyezi Yerôbôam, y’ôga w’Israèl, inè: Amosi are moga p’erungu gôre wè gô gare yi nagô y’Israèl; ntye yi ze ni ngulu yi sindiṉ’agambi mè môdu. 11Konde vôna nte buly’Amosi inè: Yerôbôam e be juwa n’ôkwara w’iwora, n’Israèl e be kôt’ôkôte bô avila gô ntye yè. 12N’awulinyi Amazya Amosi inè: Awè ôma wi jeṉ’ijeṉa, lubwa vovo, ko fanga gô ntye yi Yuda; ko ny’inyi so gôgô, ko poga vovo. 13Ndô w’arô poga gô Betèl, konde yô ne mbôra y’ôrunda y’ôga, yô ne nagô y’ôga.
14N’awiṉiz’Amosi Amazya inè: My’arang’ôvogisi, ge mwaṉa w’ôvogisi; ndô myè n’ôvenjavenji w’ilemba y’inyam̃a, na mi bèṉe rere y’isikômore. 15N’awongyô myè ne Yeôva gô nyum̃a y’ôlemba, n’awulinyô myè ne Yeôva inè: Gèndaga, ko poga gôr’iṉongo nyam̃ ny’Israèl.
16Sambô vèṉo vôganyô igamba nyi Yeôva, awè yi bulya inè: Avoga g’ômwanja w’Israèl, agamba kè gô sire nagô y’Izaak. 17G’ômwanja w’igamba nyiṉo, vôna nte bulye Yeôva inè: Ômwantô wo e be dwaṉ’evôvevôve gô nkala, awaṉi wo aṉôm̃e n’awaṉi wo antô wi be pôswa n’ôkwara w’iwora, n’ômpindi wo wi be kerô n’ôgoli; n’awè ô be juwa gô ntye y’isèkè, n’Israèl e be kôt’ôkôte bô avila gô ntye yè.
നിലവിൽ തിരഞ്ഞെടുത്തിരിക്കുന്നു:
Amosi 7: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.