'Olic 61
61
O Pilongoc to Sadipot
O 'olic ni Tafiti. Mapatorod i kakridan no paradiway.
1Kawasaw, nanay tngilen Iso ko pitahidang ako a milongoc,
nanay tngilen Iso ko pitolon ako.
2I tini kako iraay no loma' a pala,
mararom ko faloco' ako,
saka, pasayra kako i Tisowanan a milongoc.
Nanay kriden Iso kako a patayra i ikarihadayan a pilimekan,
3nawhani o midipotay i takowan Kiso,
o pipacolian ako to 'ada a pisitaraan Kiso.
4Nanay papida'ocen kako a pakamaro' i talo'an Iso,
papilimeken kako i laloma' no sapikpik Iso.
5Kawasaw, matngilto Iso ko niktonan ako a sowal,
mapaflito Iso kako to sra, oya lalayapen no mangodoay Tisowanan.
6Nanay sofacen Iso ko 'orip no hongti,
ta tahada'oc ko 'orip ningra.
7Kawasaw, nanay mida'oc ko pikowan ningra i ka'ayaw Iso,
nanay o caay ka falic a olah ato so'linay Iso ko sapidipot i cingraan.
8Ta mida'oc kako a romadiw a pahmek to ngangan Iso,
lahcien ako to romi'ami'ad ko niktonan ako a sowal a mipacakat i Tisowanan.
നിലവിൽ തിരഞ്ഞെടുത്തിരിക്കുന്നു:
'Olic 61: AMIS2019
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© The Bible Society in Taiwan, 2019