Malachi 4
4
1Ydy, mae’r diwrnod yn dod;
mae fel ffwrnais yn llosgi.
Bydd yr holl rai haerllug sy’n gwneud drwg
yn cael eu llosgi fel bonion gwellt,
ar y diwrnod sy’n dod,”
–meddai’r ARGLWYDD hollbwerus.
“Byddan nhw’n llosgi’n ulw
nes bydd dim gwreiddyn na changen ar ôl.
2Ond bydd haul cyfiawnder yn gwawrio
arnoch chi sy’n fy mharchu i,
a iachâd yn ei belydrau.
Byddwch yn mynd allan,
yn neidio fel llo wedi’i ollwng yn rhydd.
3Byddwch yn sathru’r rhai drwg,
a byddan nhw fel lludw dan eich traed
ar y diwrnod y bydda i’n gweithredu,”
–meddai’r ARGLWYDD hollbwerus.
Rhybudd ac Addewid
4Cofiwch ddysgeidiaeth Moses, fy ngwas;
y rheolau a’r canllawiau rois iddo ar Fynydd Sinai#4:4 Sinai Hebraeg, “Horeb”, sef enw arall ar Fynydd Sinai.
ar gyfer Israel gyfan.
5Edrychwch, dw i’n anfon y proffwyd Elias atoch chi
cyn i ddiwrnod mawr a dychrynllyd yr ARGLWYDD ddod.
6Bydd yn annog rhieni a phlant i droi’n ôl ata i,
rhag i mi ddod a tharo’r wlad, a’i dinistrio’n llwyr.
നിലവിൽ തിരഞ്ഞെടുത്തിരിക്കുന്നു:
Malachi 4: bnet
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Cymdeithas y Beibl 2023