James 5
5
CHAPTIR FYVE.
A bode for patience and faith. The teachins oʼ Natur; and the experience oʼ men, are aʼ on the ae side!
1Awa noo, ye rich! wail ye and cry, for the dool that is comin on ye!
2Yere gear has roustit; yere cleedin is moth‐eaten;
3Yere gowd and yere siller are roust‐eaten, and their roust sal witness again ye, and sal eat yere flesh as fire. Ye hae laid‐up treasur for the Last Day!
4Tak tent! the penny‐fee oʼ the workers, wha cuttit doon yere fields, and has by you been keepit back by dishonesty, is crying oot: and the cries oʼ thae that shure are enterʼt intil the hearin oʼ the Lord oʼ Hosts.
5Ye leeved wanton on the soil, and rioted; ye pamperʼt yere hearts, as for the #5:5 Amang a hantle oʼ interpretations, aiblins this — that they fed theirsels, as nowte beass, for the shambles — is narest the Apostleʼs meaning.day oʼ slauchtir!
6Ye condemned, ye killed the Richtous Ane; and he resists‐ye‐na.
7Thole patiently, than, brethren! till the Lord be amang ye. Behauld, the tiller is waiting for the precious frutes oʼ the yirth, and is patient wiʼ it, till it gets the early and the hinmaist rain.
8Thole ye patiently, as weel! strenthen yere hearts; for the comin oʼ the Lord draws on!
9Yammer‐na, brethren, again ane anither, least ye be judged: See! the Judge stauns fornent the door.
10Tak ye, brethren, for yere likeness oʼ sufferan and patience, the Prophets that spak iʼ the name oʼ the Lord.
11Look! we caʼ thae happy wha tholed. Oʼ Jobʼs patience ye hae heard; and the end the Lord had in view ye saw: that the Lord is oʼ muckle tender‐love, and fuʼ oʼ compassion.
12But aboon aʼ things, my brethren, sweer‐na; aither by the heeven or the yirth, or by ony ither aith: but lat yere “aye” be “aye,” and yere “na” be “na”; least ye faʼ under judgment.
13Is ony afflictit amang ye? lat him be prayin! Is ony blythe? lat him sing wiʼ harp!
14Is ony ill amang ye? lat him caʼ till him the kirk elders; and lat them pray ower him, anointin him wiʼ oyle iʼ the name oʼ the Lord.
15And the faithfuʼ prayer sal save the dwinin ane, and the Lord wull raise him up: and gin aiblins he has sinned, it sal be forgien him.
16Sae confess ye ane to anither yere sins; and pray ye ilk for ither, to the end that ye may be healed. Muckle avails the prayers oʼ a richtous man in its ootcome.
17Elijah was a man, oʼ like natur wiʼ us; and wiʼ mickle prayer prayed he that thar soud be nae doonfaʼ; and thar was nae weet on the grunʼ for thrie year and a hauf;
18And again prayed he, and the lift gaʼe rain, and the yirth brocht forth her frute.
19My brethren, gin aiblins ony ane amang ye mis‐airts his way frae the truth, and anither convert him,
20Lat him ken, that he that turns a sinner frae the error oʼ his ways, sal save a saul frae death, and gets #5:20 The words theirsel micht mean aither his sins wha is saved, or his wha converts him. But, conform tae the Gospel plan, we understaun it oʼ him that is convertit.coverʼt ower an unco wheen sins.
നിലവിൽ തിരഞ്ഞെടുത്തിരിക്കുന്നു:
James 5: SCO1904
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Translated by Rev William Wye Smith. Published in Paisley, Scotland in 1904.