James 2
2
CHAPTIR TWA.
The rich and the puir: hoo ane soud treat the ither. Faith maun be sawn and tentit, gin it wad braird and growe!
1My brethren, div ye haud by the faith oʼ oor Lord Jesus Christ, the Lord oʼ Glorie, iʼ the maitter oʼ respect oʼ persons?
2For gin aiblins thar come intil yer kirk a man wiʼ rings oʼ gowd, and braw cleedin; and thar come in as weel, ane in poortith, wiʼ claes unclean;
3And ye soud spy him wearin the braw cleedin, and say, “Ye sit here in a gude place!” and to the ane in poortith soud say, “Ye staun there!” or “Sit ye aneath my fit‐brod!”
4Are‐ye‐na than dividit amang yersels, and become judges haein unjust thochts?
5Hearken, my beloved brethren! Hasna God taen the puir oʼ the warld to be rich in faith, and to hae the kingdom he has promised to thae that loʼe him?
6But ye lichtlie the puir ane. Are‐na the rich haudin ye doon? and theirsels harl ye afore judgment‐seats?
7Are‐they‐na miscaʼin the wordie name whilk is placed upon ye?
8Gin than, ye fulfil the law, the royal ane, conform to the Scripturs, “Ye sal loʼe yere neebor as yersel,” weel are ye doing!
9But, gin ye schaw walin oot oʼ persons, ye are committing sin, and are fund guilty by the law as ill‐doers.
10For whasae may keep the hail law, and yet stoiter in ae thing, has become guilty oʼ aʼ.
11For he wha said, “Ye maunna commit adultery,” said as weel, “Ye maunna commit murder.” Noo, gin ye commit nae adultery, but are committin murder, ye hae become a breker oʼ the law.
12Sae be ye speakin, and sae be ye doing, as men throwe a law oʼ liberty to be judged!
13For judgment, wantin mercy, is for him that gied nae mercy; and mercy glories again judgment!
14What the profit, my brethren, gin ane says he has faith, but has nae warks? Isʼt possible for this aneʼs faith to save him?
15Gif aiblins a brither or sister be bare, and wantin oʼ daily meat,
16But ane oʼ ye soud say till them, “Be ye gaun in peace! be ye gettin warmed and gettin meat!” but soudna gie them the thing necessar for the body: what the profit?
17In sic mainner, eʼen the faith, unless aiblins it has warks, is deid by itsel.
18But ane wull say, “Ye hae faith, and I hae warks; lat me see yere faith sindry frae yere warks, and I wull lat ye see, by means oʼ my warks, my faith!”
19Ye believe “God is #2:19 James was specially writing tae Jews (James 1:1); “God is Ane!” quoʼ they; “and sae Jesus canna be divine!” He schaws that a faith that gangs nae farʼer than belief in the existence oʼ ae God, canna save. Sautan kens as muckle as that!Ane”; weel are ye doin! The demons, too, believe, and trimmle.
20But, wull ye learn, O vain man! that faith, sindry frae warks, is barren.
21Wasna Abraʼm oor faither declarʼt richtous throwe warks, whan he gied up his son on the altar?
22See‐ye‐na that his faith was workin in his deeds? and by his deeds his faith was ripened?
23And the Scriptur was fulfilled whilk said, “And Abraʼm believed God; and it was reckoned till him as richtousness,” and “Freend oʼ God” was his name.
24Div ye no see that by means oʼ warks a man is declarʼd richtous, and no by faith allenarlie?
25And, in siclike mainner, Rahab the courtesan too, was she no by warks declarʼd richtous, whan she gae welcome to the messengers, and set them forth anither gate?
26For eʼen as the body, sindry frae the spirit, is deid; sae thus faith, sindry frae warks, is deid.
നിലവിൽ തിരഞ്ഞെടുത്തിരിക്കുന്നു:
James 2: SCO1904
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Translated by Rev William Wye Smith. Published in Paisley, Scotland in 1904.