1 John 3
3
CHAPTIR THRIE.
Godʼs bairns to ʼgree thegither — loʼe ane anither — and loʼe God maist oʼ aʼ.
1Look, whatna love the Faither has bestown on us, that we soud be caʼd “Godʼs Bairns”; and we are! And that the warld kens‐us‐na; for it kent‐him‐na!
2Beloved, noo are we bairns oʼ God; and it hasna yet been seen what we sal be. But we ken that gin he sal be seen, we sal be like him; for we sal see him; conform to what he is.
3And ilka ane haein this hope in him, maks his sel pure, eʼen as Christ is pure.
4Ilk ane that dis sin brecks ower the law; for sin is a breckin ower the law,
5And ye are aware that he was made kent, that he micht tak awa oor sins; and in him sin isna!
6Nae ane bidin in him sins; nae ane sinnin has seen him nor comprehendit him.
7Dear bairns! lat nae ane beguile ye! He that dis richtousness he is richtous, eʼen as Christ is richtous.
8He that dis sin is oʼ Sautan; for Sautan sins frae the first. And for this end was the Son oʼ God made kent, that he micht whammle ower the warks oʼ Sautan.
9Nae ane begotten oʼ God gangs on in sin; for his seed in him abides; and he canna gang on in sin, for he is begotten oʼ God.
10In siclike is made kent the bairns oʼ God, and the bairns oʼ Sautan. Nae ane that disna do richtousness is oʼ God, naither he that loeʼs‐na his brither.
11For this is the message ye heard frae the first: that we soud loʼe ane anither:
12No like Cain, wha was oʼ the Ill‐ane, and slew his brither. And for why did he slay him? For that his warks war ill, and his britherʼs richtous.
13Brethren, ferlie‐na gin the warld hate ye.
14We oorsels ken we hae stappit ower frae death intil life, for that we loʼe the brethren. He that loeʼs‐na bides still in death.
15Ilka ane that hates his brither is a #3:15 “Ye sal do nae murder,” is a declaration oʼ war again the king oʼ a great nation. The king is Murder; but the hail hostile nation is Hatred. See hoo oor Lord maks this plain in Matt. 5:21, 22.blude‐shedder; and we ken that nae blude‐shedder has evir‐durin life bidin in him.
16Hereby hae we come to ken love, in that Christ on our behauf laid doon his life; and we soud, in behauf oʼ the brethren to pawn oor lives.
17But whasae has this warldʼs gear, and sees his brither in need, and steeks oot his tender affections awa frae him, hoo dwalls Godʼs ain love in him?
18Dear bairns! lat us no loʼe alane in words; nor wiʼ the tongue, but in warks and in truth!
19And in this sal we come to ken that we oorsels are oʼ the truth, and sal mak blythe oor hearts afore him.
20Whan oor hearts wyte us, God is aboon oor hearts, and kens aʼ things.
21Beloved, gin aiblins oor heart wytes‐us‐na, we hae freedom oʼ speech toward God;
22And whatna things we may be seekin, we are obteenin frae him; for his commauns we are keepin, and the things pleasin in his sicht we are doin.
23And this is his commaun, that we soud hae faith iʼ the name oʼ his Son Jesus Christ, and be loeʼin ane anither; conform to the commaun he gied us.
24And he that keeps his commauns, in Christ abides, and he in him! And thus we ken that he abides in us, throwe the Spirit he has gien us.
നിലവിൽ തിരഞ്ഞെടുത്തിരിക്കുന്നു:
1 John 3: SCO1904
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Translated by Rev William Wye Smith. Published in Paisley, Scotland in 1904.