မႃႇၵူႉ 15
15
ဢဝ်ၸဝ်ႈယေႇသူႉဢၢပ်ႈတီႈၶုၼ်ပီႉလတ်ႉ
(တူၺ်း၊ မၢတ်ႈ 27:1-2၊11-14။ လူႉ 23:1-5။ ယူဝ်း 18:28-38)
1မိူဝ်ႈၶိင်ႇၵၢင်ၼႂ်ၼၼ်ႉၵမ်းလဵဝ်၊ ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းဢၼ်ပဵၼ်ၵႄႇပဵၼ်ႁူဝ် တင်းၵူၼ်းထုတ်ႇၵျၢမ်း တင်းၶုၼ်တီႈလုမ်းတင်းလၢႆၸိူဝ်းၼၼ်ႉတင်းသဵင်ႈတင်းလူင် ၸူႉတုမ်တိူင်ႇပၢင်ႇၵၼ်လႄႈ မတ်ႉၽုၵ်ႇယေႇသူႉယဝ်ႉၸင်ႇ၊ ဢဝ်ၵႂႃႇဢၢပ်ႈပၼ်တီႈ ၶုၼ်ပီႉလတ်ႉဢေႃႈ။- 2ၶုၼ်ပီႉလတ်ႉထၢမ်မၼ်းၸဝ်ႈလႄႈဝႃႈ၊ မႂ်းၸႂ်ႈၶုၼ်ႁေႃၶမ်းယူႉတႃႉႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊ မၼ်းၸဝ်ႈၵေႃႈၶိုၼ်းလၢတ်ႈလႄႈဝႃႈ၊ မႅၼ်ႈၵႃႈၼင်ႇဢၼ်ၸဝ်ႈထၢမ်ၼႆႉယဝ်ႉ၊ ဝႃႈၼင်ႇၼႆဢေႃႈ။- 3ယိတ်ႈပရေႃးႁဵၵ်ႈလူင်ၸိူဝ်းၼၼ်ႉ တၢင်ႇဢပႅတ်ႈတီႈမၼ်းၸဝ်ႈၼမ်ၼႃႇဢေႃႈ။
4ၶုၼ်ပီႉလတ်ႉသမ်ႉၶိုၼ်းထၢမ်တီႈမၼ်းၸဝ်ႈထႅင်ႈလႄႈဝႃႈ၊ မႂ်းဢမ်ႇၶိုၼ်းလၢတ်ႈၵႂၢမ်းသေၶေႃႈသေၵမ်းႁိုဝ်။ တူၺ်းလူး၊ ၶဝ်ယူႇၽၢႆႇၼိုင်ႈတင်းမႂ်းသေလႄႈ ၶၢမ်ႇသၢၵ်ႈသေႇဢမ်ႇႁူႉၼမ်လႂ်ဢေႃႈ။ ပိၵ်ႉသမ်ႉဝႃႈၼင်ႇၼႆသေၵေႃႈ၊- 5မၼ်းၸဝ်ႈဢမ်ႇၶိုၼ်းလၢတ်ႈၵႂၢမ်းသေၶေႃႈသေၵမ်း တေႃႇထိုင်ႁွတ်ႈထၼ်ႈပေႃး ၶုၼ်ပီႉလတ်ႉဢၢမ်းၼႃႇလူင်လၢင်ဢေႃႈ။
6ၼႂ်းပွႆးၼၼ်ႉ၊ ၶုၼ်မီးထုင်းၸၢမ်ႇဢၼ်ပွႆႇလွတ်ႈၵူၼ်းဢၼ်တူၵ်းၵိၼ်းၵေႃႉၼိုင်ႈ ပၼ်တီႈၵူၼ်းတင်းလၢႆ ၸွမ်းၼင်ႇဢၼ်ၶဝ်ယွၼ်းဢဝ်ၼၼ်ႉဢေႃႈ။- 7မိူဝ်ႈၼၼ်ႉ မီးၵူၼ်းဢၼ်လႆႈႁွင်ႉႁဵၵ်ႈၸိုဝ်ႈပႃႇရပ်ႉပႃႉ ဢၼ်လႆႈၶၢမ်ႇတၢင်းဢၼ်မတ်ႉၽုၵ်ႇ ႁူမ်ႈလူၺ်ႈၵၼ်တင်းၵူၼ်းဢၼ်ပုင်ႇၵၢၼ်ႇ#15:7 ပုင်ႇၵၢၼ်ႇ - ၽိုၼ်ႉၶိုၼ်းလႄႈ လႆႈဢဝ်ဢသၢၵ်ႈပိူၼ်ႈတၢႆ ၼႂ်းမိူဝ်ႈဢၼ်ၶဝ်ပုင်ႇၵၢၼ်ႇၼၼ်ႉ ၵေႃႉၼိုင်ႈဢေႃႈ။- 8မိူဝ်ႈဢၼ်ၵူၼ်းဢၼ်ၸူႉဢၼ်တုမ်ၸိူဝ်းၼၼ်ႉ ၶိုၼ်ႈၸူးလႄႈ တွင်းပၢၼ်ႇႁႂ်ႈႁဵတ်းၵႃႈၼင်ႇဢၼ် ယၢမ်ႈႁဵတ်းၼၼ်ႉယူႇၼၼ်ႉၸိုင်၊- 9ၶုၼ်ပီႉလတ်ႉၵေႃႈ ၶိုၼ်းထၢမ်လႄႈဝႃႈ၊ သူၶႂ်ႈႁႂ်ႈၵဝ်ပွႆႇလွတ်ႈၶုၼ်ႁေႃၶမ်းယူႉတႃႉၼၼ်ႉႁိုဝ်။ ဝႃႈၼင်ႇၼႆဢေႃႈ။- 10ႁဵတ်းႁိုဝ်လႄႈထၢမ်ဝႃႈ ၸိူဝ်ႉၼင်ႇၼၼ်ၸမ်ႉ၊ ၶုၼ်ၼၼ်ႉ ႁူႉလွင်ႈဢၼ် ယိတ်ႈပရေႃးႁဵၵ်ႈလူင်ၸိူဝ်းၼၼ်ႉ ဢဝ်မၼ်းၸဝ်ႈဢၢပ်ႈ ၵွပ်ႈပိူဝ်ႈဢၼ်ၶဝ်မီးၸႂ်ဢၼ်သီႈၵေႉႁေႈတႃမၼ်းၸဝ်ႈၼၼ်ႉယူႇဢေႃႈ။- 11ယိတ်ႈပရေႃးႁဵၵ်ႈလူင်ၸိူဝ်းၼၼ်ႉ တိုၵ်းယူင်းၵူၼ်းဢၼ်ၸူႉဢၼ်တုမ်တင်းလၢႆ ႁႂ်ႈၶုၼ်ပွႆႇလွတ်ႈပႃႇရပ်ႉပႃႉၵူၺ်း ပၼ်တီႈၶဝ်ဢေႃႈ။- 12ၶုၼ်ပီႉလတ်ႉၵေႃႈ သမ်ႉၶိုၼ်းထၢမ်ထႅင်ႈလႄႈဝႃႈ၊ ၵဝ်တၵ်းလႆႈႁဵတ်းတီႈၵေႃႉဢၼ်သူႁွင်ႉႁဵၵ်ႈ ၶုၼ်ႁေႃၶမ်းယူႉတႃႉၼႆႉ ၸိူဝ်ႉၼင်ႇႁိုဝ်၊ မိူဝ်ႈဢၼ်ဝႃႈၼင်ႇၼႆၸိုင်၊- 13ၶဝ်ၵေႃႈၶိုၼ်းႁွင်ႉသႅၼ်ႇထႅင်ႈလႄႈဝႃႈ၊ ဢဝ်မၼ်းတွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈသေၵမ်းၶႃႈ၊ ဝႃႈၼင်ႇၼႆဢေႃႈ။- 14ၶုၼ်ပီႉလတ်ႉၵေႃႈထၢမ်လႄႈဝႃႈ၊ ၵွပ်ႈပိူဝ်ႈလွင်ႈၸိူဝ်ႉၼင်ႇႁိုဝ်။ မၼ်းႁဵတ်းဢပႅတ်ႈၵႃႈသင်ယဝ်ႉ၊ မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်ယဵင်ႈၶႅၼ်းႁွင်ႉသႅၼ်ႇလႄႈဝႃႈ၊ ဢဝ်မၼ်းတွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈသေၵမ်းၶႃႈ၊ ဝႃႈၼင်ႇၼႆဢေႃႈ။- 15ၶုၼ်ပီႉလတ်ႉၵေႃႈ မီးဢလူဝ်ႇၶႂ်ႈႁႂ်ႈၵူၼ်းတင်းလၢႆပေႇၸႂ်လႄႈ ပွႆႇလွတ်ႈပႃႇရပ်ႉပႃႉၼၼ်ႉ ပၼ်တီႈၶဝ်ဢေႃႈ။ ယေႇသူႉၸမ်ႉ၊ ပေႃႉယႅၼ်ႉယဝ်ႉၸင်ႇ၊ ဢဝ်ဢၢပ်ႈပၼ်ၵႂႃႇ ႁႂ်ႈလႆႈတွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈဢေႃႈ။
ၵူၼ်းသိုၵ်းႁဵတ်းပျၢၵ်ႈတီႈၸဝ်ႈယေႇသူႉ
(တူၺ်း၊ မၢတ်ႈ 27:27-31။ ယူဝ်း 19:2-3)
16မိူဝ်ႈၼၼ်ႉ ၵူၼ်းသိုၵ်းတင်းလၢႆ ဢဝ်မၼ်းၸဝ်ႈၵႂႃႇ ၵႃႈၼႂ်းတလၢင်းဢၼ် မီးၵႄႈႁိူၼ်း ဢၼ်ပဵၼ်တပ်ႉၶုၼ်ၼၼ်ႉလႄႈ ႁႂ်ႈၵူၼ်းသိုၵ်းတင်းတပ်ႉ ၸူႉၵၼ်တုမ်ၵၼ်ယဝ်ႉၸင်ႇ၊- 17ဢဝ်ၶူဝ်းၼုင်ႈဢၼ်လႅင်ၵမ်ႇ ၼုင်ႈပၼ်မၼ်းၸဝ်ႈဢေႃႈ။ ၶဝ်ဢဝ်ၼၢမ် သၢၼ်ႁဵတ်းပၢၼ်းၵုမ်းသေယဝ်ႉ၊ တၢင်ႇသႂ်ႇၵႃႈၼိူဝ်ႁူဝ်မၼ်းၸဝ်ႈသေလႄႈ- 18တၵ်ႉလၢတ်ႈလႄႈဝႃႈ၊ ၶုၼ်ႁေႃၶမ်းယူႉတႃႉတီႈၶႃႈဢိူၺ်း၊ ႁႂ်ႈၸဝ်ႈႁဝ်းမီးမင်ႇၵလႃႇသေၵမ်းလူၺ်ႈ၊ ဝႃႈၼင်ႇၼႆဢေႃႈ။- 19ၶဝ်ဢဝ်မႆႉဢေႃႈ ပေႃႉယႅၼ်ႉႁူဝ်မၼ်းၸဝ်ႈလႄႈ ထူမ်ႇၼမ်ႉလၢႆးသႂ်ႇတီႈမၼ်းၸဝ်ႈယဝ်ႉၸင်ႇ၊ ၶုပ်ႉၶဝ်ႇသေလႄႈ ၵူမ်ႈမူပ်ႇယူႇဢေႃႈ။- 20လိုၼ်းသေၶဝ်ႁဵတ်းပျၢၵ်ႈတီႈမၼ်းၸဝ်ႈယဝ်ႉၼၼ်ႉ၊ ၶဝ်ထွတ်ႇဢဝ်ၶူဝ်းၼုင်ႈဢၼ်လႅင်ၵမ်ႇ တီႈမၼ်းၸဝ်ႈၼၼ်ႉသေလႄႈ သမ်ႉၶိုၼ်းဢဝ်ၶူဝ်းၼုင်ႈမၼ်းၸဝ်ႈ ၼုင်ႈပၼ်ယဝ်ႉၸင်ႇ၊ ဢဝ်ဢွၵ်ႇၵႂႃႇ ႁႂ်ႈလႆႈတွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈဢေႃႈ။
ၸဝ်ႈယေႇသူႉလႆႈၶၢမ်ႇတွၵ်ႇၵႃႈၼိူဝ်သဝ်
(တူၺ်း၊ မၢတ်ႈ 27:32-44။ လူႉ 23:26-43။ ယူဝ်း 19:17-27)
21ၶဝ်ၼၼ်ႉ ႁဵတ်းပႄႉႁဵတ်းၼႅင်ႇႁႂ်ႈသီႉမုၼ်ႇၵူၼ်းမိူင်း ၵူႉရေႇၼေႇ ဢၼ်ပဵၼ်ပေႃႈဢႃႇလေႇၸၼ်ႇတြႃႇ တင်းရူႉၽူႉ ဢၼ်လုၵ်ႉသေၵႃႈတီႈဝၢၼ်ႈထိူၼ်ႇလႄႈ ပႆၸွမ်းတၢင်းမႃးယူႇၼၼ်ႉ ႁၢပ်ႇဢဝ်သဝ်လၵ်းဝႃးၵၢပ်ႈမၼ်းၸဝ်ႈၵႂႃႇဢေႃႈ။- 22ၶဝ်ဢဝ်မၼ်းၸဝ်ႈၵႂႃႇၵႃႈတီႈ ၵေႃးလႃႉၵေႃးထႃႉ ဢၼ်ၶႂ်ႈဝႃႈ တီႈၵွၵ်းႁူဝ်ၼၼ်ႉယဝ်ႉၸင်ႇ၊- 23ဢဝ်ၼမ်ႉပုင်းယေႇ#15:23 ၼမ်ႉပုင်းယေႇ - ၼမ်ႉမၢၵ်ႇၸပိတ်ႈသူမ်ႈ ဢၼ်လေႃးၵၼ်တင်းမူႉရၼ်ႇၼၼ်ႉ ပၼ်တီႈမၼ်းၸဝ်ႈဢေႃႈ။ မၼ်းၸဝ်ႈဢမ်ႇၶၢမ်ႇဢဝ်လႄႈယူႇသေဢေႃႈ။- 24ၶဝ်ဢဝ်မၼ်းၸဝ်ႈတွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈယဝ်ႉၸင်ႇ၊ ဢဝ်ၶူဝ်းၼုင်ႈမၼ်းၸဝ်ႈ တူၵ်းၸႃႇၵွၵ်ႈ လွင်ႈဢၼ် ၽူႈလႂ်တၵ်းလႆႈဢၼ်လႂ် ၼၼ်ႉသေလႄႈ ၽႄမႅင်ႇပၼ်ၵၼ်ဢေႃႈ။- 25ၶိင်ႇဢၼ်ဢဝ်မၼ်းၸဝ်ႈတွၵ်ႇဝႆႉ ၵႃႈၼိူဝ်သဝ်လၵ်းဝႃးၵၢပ်ႈၼၼ်ႉၸမ်ႉ၊ ပဵၼ်ၶိင်ႇသၢမ်ၼႃႇရီႇဢေႃႈ။- 26လိၵ်ႈဢၼ်တႅမ်ႈလႄႈ ၽုၺ်ႇၼႄဢပႅတ်ႈမၼ်းၸဝ်ႈၼၼ်ႉဝႃႈၸမ်ႉ၊ ၶုၼ်ႁေႃၶမ်းယူႉတႃႉ၊ ဝႃႈၼင်ႇၼႆဢေႃႈ။- 27မိူဝ်ႈၼၼ်ႉ ၶဝ်ဢဝ်ၸူၼ်သွင်ၵေႃႉ တွၵ်ႇဝႆႉၵႃႈတီႈၽၢႆႇၶႂႃၸဝ်ႈၵေႃႉၼိုင်ႈ ၵႃႈတီႈၽၢႆႇသၢႆႉၸဝ်ႈၵေႃႉၼိုင်ႈ ၵႃႈၼိူဝ်သဝ်လၵ်းဝႃးၵၢပ်ႈလူၺ်ႈၵၼ်တင်းမၼ်းၸဝ်ႈဢေႃႈ။- 28ဢၼ်မီးၼႂ်းၵျၢမ်းလိၵ်ႈလႄႈဝႃႈ၊ မၼ်းလႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးလူၺ်ႈၵၼ်တင်းၶဝ်ၸိူဝ်းဢၼ်ဢမ်ႇတြႃးတင်းလၢႆၼၼ်ႉဢေႃႈ၊ ဝႃႈၼင်ႇၼႆၼၼ်ႉ လႆႈပျေႉၸုမ်ႇဝႆႉယဝ်ႉမိူဝ်ႈၼၼ်ႉဢေႃႈ။
29ၶဝ်ၸိူဝ်းဢၼ်ၵႂႃႇဢၼ်မႃး ၵႃႈတီႈႁိမ်းမၼ်းၸဝ်ႈတင်းလၢႆၵေႃႈ သႄႉသွမ်းတၢင်ႇဢပႅတ်ႈတီႈမၼ်းၸဝ်ႈလႄႈ ဝႆႁူဝ်ၶွၼ်းႁူဝ်တူဝ်ၸဝ်ႈၵဝ်ႇယူႇသေလႄႈ လၢတ်ႈလႄႈဝႃႈ၊ ႁႄႉ၊ ၵေႃႉဢၼ်ယႃႉပႅတ်ႈပိၵ်ႈမၢၼ်ႇၸဝ်ႈသေလႄႈ ၼႂ်းသၢမ်ဝၼ်းၵူၺ်း တၵ်းၶိုၼ်းမႄးႁဵတ်းၼႆႉဢိူၺ်း၊- 30တူဝ်ၸဝ်ႈၵဝ်ႇ ၵႄႇၶျွတ်ႈဢဝ် တူဝ်ၸဝ်ႈၵဝ်ႇတႃႉ။ လူင်းသေၵႃႈၼိူဝ်သဝ်လၵ်းဝႃးၵၢပ်ႈသေၵမ်းတႃႉ၊ ဝႃႈၼင်ႇၼႆဢေႃႈ။- 31မိူၼ်ၼင်ႇၼၼ် ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းထုတ်ႇၵျၢမ်းတင်းလၢႆၵေႃႈ၊ ၵေႃႉၼိုင်ႈလႄႈၵေႃႉၼိုင်ႈ ႁဵတ်းပျၢၵ်ႈၶူဝ်တေႃႇၵၼ်လႄႈဝႃႈ၊ ၵေႃႉၼႆႉၸၢင်ႈၵႄႇၶျွတ်ႈဢဝ်ပိူၼ်ႈဢေႃႈ။ တူဝ်ၸဝ်ႈၵဝ်ႇဢမ်ႇၵႄႇၶျွတ်ႈဢဝ် တူဝ်ၸဝ်ႈၵဝ်ႇလႆႈလူင်ပႄႇ။- 32ၼင်ႇႁိုဝ်ႁဝ်းတၵ်းလႆႈႁၼ်လႄႈယုမ်ႇမၢတ်ႈၸိုင်၊ တေႃႈလဵဝ်ၼႆႉ ႁႂ်ႈၸဝ်ႈၶရိၸ်ႈ ၶုၼ်ႁေႃၶမ်းဢီႉသရေႇလႃႉ လူင်းသေၵႃႈတီႈ သဝ်လၵ်းဝႃးၵၢပ်ႈၼၼ်ႉသေၵမ်းတႃႉ၊ ဝႃႈၼင်ႇၼႆဢေႃႈ။ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်တွၵ်ႇဝႆႉ ၵႃႈၼိူဝ်သဝ်လၵ်းဝႃးၵၢပ်ႈလူၺ်ႈၵၼ်တင်းမၼ်းၸဝ်ႈၼၼ်ႉၵေႃႈ သႄႉသွမ်းတၢင်ႇဢပႅတ်ႈတီႈမၼ်းၸဝ်ႈဢေႃႈ။
ၸဝ်ႈယေႇသူႉၸႂ်ၶၢတ်ႇတၢႆၵႂႃႇ
(တူၺ်း၊ မၢတ်ႈ 27:45-56။ လူႉ 23:44-49။ ယူဝ်း 19:28-30)
33မိူဝ်ႈဢၼ်ႁွတ်ႈထိုင်ႁူၵ်းၼႃႇရီႇၸိုင် ၸႃႉၸဵမ်ၼႃႇရီႇၼၼ်ႉ တေႃႇထိုင်ႁွတ်ႈၵဝ်ႈၼႃႇရီႇလႄႈ ပဵၼ်ဢၼ်လပ်းသိင်ႇၵႂႃႇၽိတ်းၽိတ်း တင်းမိူင်းဢေႃႈ။- 34ၶိင်ႇၵဝ်ႈၼႃႇရီႇၼၼ်ႉ၊ ယေႇသူႉႁဵတ်းတင်းသဵင်ဢၼ်ယႂ်ႇၼႃႇ ႁွင်ႉသႅၼ်ႇလႄႈဝႃႈ၊ ဢေးလီႉ၊ ဢေးလီႉ၊ လႃႇမႃႉ၊ သႃႇပၵ်ႉသၼီႉ ဝႃႈၼင်ႇၼႆဢေႃႈ။ ဢၼ်မၼ်းၸဝ်ႈဝႃႈၼၼ်ႉၸမ်ႉ၊ ၽြႃးၵဝ်ၶႃႈ၊ ၽြႃးၵဝ်ၶႃႈ၊ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၸုၼ်ႉပႅတ်ႈၵဝ်ၶႃႈၼင်ႇႁိုဝ်တီႈၶႃႈ၊ ဝႃႈၼင်ႇၼႆဢေႃႈ။- 35ၵူၼ်းၵမ်ႈၽွင်ႈ ဢၼ်ၸုၵ်းယူႇၵႃႈတီႈႁိမ်းၼၼ်ႉၸိူဝ်းၼၼ်ႉ ငိၼ်းသေယဝ်ႉ လၢတ်ႈလႄႈဝႃႈ၊ တူၺ်းလူး၊ မၼ်းႁွင်ႉႁႃဢေးလီႉယႃႉဢေႃႈ၊ ဝႃႈၼင်ႇၼႆဢေႃႈ။
36ၵူၼ်းၵေႃႉၼိုင်ႈၶုၼ်ႇလႅၼ်ႈၵႂႃႇလႄႈ ဢဝ်ႁိပ်ႇၼမ်ႉဢၼ်ၼိုင်ႈတဵမ်တင်းၼမ်ႉပုင်းယေႇယဝ်ႉၸင်ႇ၊ သႂ်ႇပၢႆမႆႉဢေႃႈသေလႄႈ ပၼ်ႁႂ်ႈမၼ်းၸဝ်ႈၵိၼ်လႄႈဝႃႈ၊ ယႃႇမၼ်းတႃႉ။ ဢေးလီႉယႃႉတၵ်းမႃးၶျႃးမၼ်းလူင်းႁိုဝ်။ တၵ်းဢမ်ႇမႃး ၶျႃးမၼ်းလူင်းႁိုဝ်။ တူၺ်းလူးတႃႉႁဝ်း၊ ဝႃႈၼင်ႇၼႆဢေႃႈ။- 37ယေႇသူႉႁဵတ်းတင်းသဵင်ဢၼ်ယႂ်ႇၼႃႇ ႁွင်ႉသႅၼ်ႇလႄႈ ထွတ်ႇၸႂ်မၼ်းၸဝ်ႈသေဢေႃႈ။
38မိူဝ်ႈၼၼ်ႉ ၽႃႈၵင်ႈႁိူၼ်းပိၵ်ႈမၢၼ်ႇၸဝ်ႈ သိၵ်ႇၶၢတ်ႇၵႂႃႇၸႃႉၸဵမ် ၵႃႈၼိူဝ်တေႃႇထိုင်ႁွတ်ႈၵႃႈတႂ်ႈဢေႃႈ။- 39တပ်ႉမူးဢၼ်ၸုၵ်းတေႃႇၼႃႈၵၼ်တင်းမၼ်းၸဝ်ႈၼၼ်ႉ၊ မိူဝ်ႈဢၼ်ႁၼ်မၼ်းၸဝ်ႈႁွင်ႉသႅၼ်ႇသေလႄႈ ထွတ်ႇၸႂ်ၸိူဝ်ႉၼင်ႇၼၼ်ၼၼ်ႉၸိုင်၊ လၢတ်ႈလႄႈဝႃႈ၊ ၸႂ်ႈတႄႉ၊ ၵေႃႉၼႆႉပဵၼ်လုၵ်ႈၽြႃးပဵၼ်ၸဝ်ႈတႄႉဢေႃႈ၊ ဝႃႈၼင်ႇၼႆဢေႃႈ။
40-41မႄႈယိင်းတင်းလၢႆၵေႃႈ ယူႇတီႈဢၼ်ၵႆသေလႄႈ လွမ်တူၺ်းယူႇဢေႃႈ။ ၼႂ်းမႄႈယိင်းၸိူဝ်းၼၼ်ႉ ပႃးၸႃႉၸဵမ် မႃႇရီႉမႃႇၵတလႃႉ၊ မႃႇရီႉ ဢၼ်ပဵၼ်မႄႈယႃႇၵုပ်ႈတင်းယူဝ်းသေႇ၊ သႃႇလုမ်ႇ ဢၼ်ၸွမ်းပႃႈလင်မၼ်းၸဝ်ႈသေလႄႈ ႁဵတ်းလဵင်ႉႁဵတ်းလူ ၼႂ်းမိူဝ်ႈဢၼ် မၼ်းၸဝ်ႈမီးယူႇၼႂ်းမိူင်းၵႃႇလီႉလႄးၼၼ်ႉ ဢိၵ်ႇတင်းမႄႈယိင်းတၢင်ႇၵေႃႉၼမ်ၼႃႇ ဢၼ်လုၵ်ႉသေၵႃႈတီႈဝဵင်းယေႇရူႉသလႅမ်ႇ ၸွမ်းပႃႈလင်မၼ်းၸဝ်ႈယူႇၸိူဝ်းၼၼ်ႉဢေႃႈ။
သၢင်းၵျူဝ်ႇတူဝ်တၢႆၸဝ်ႈယေႇသူႉ
(တူၺ်း၊ မၢတ်ႈ 27:57-61။ လူႉ 23:50-56။ ယူဝ်း 19:38-42)
42ပိူဝ်ႈဢၼ်ဝၼ်းၼၼ်ႉ ပဵၼ်ဝၼ်းဢၼ်မႄးႁႅၼ်းဝႆႉ ဢၼ်ဝႃႈဝၼ်းၽိတ်ႈလႄႈ ႁွတ်ႈထိုင်ၶိင်ႇၵၢင်ၶမ်ႈယဝ်ႉၸင်ႇ၊- 43ယူဝ်းသႅပ်ႈၵူၼ်းဝဵင်း ဢရီႉမသႄး ဢၼ်ပဵၼ်ၶုၼ်တီႈလုမ်းလူင် ဢၼ်မီးသရေႇ၊ ဢၼ်ပဵၼ်ၵေႃႉဢၼ်မုင်ႈထႃႈမွင်းထႃႈ မိူင်းၽြႃးပဵၼ်ၸဝ်ႈယူႇၼၼ်ႉ ၶဝ်ႈၸူးတီႈၶုၼ်ပီႉလတ်ႉ ႁတ်းႁတ်းႁၢၼ်ႁၢၼ်သေလႄႈ ယွၼ်းဢဝ်တူဝ်တၢႆယေႇသူႉဢေႃႈ။- 44မၼ်းၸဝ်ႈၸင်ႇတၢႆယဝ်ႉတေႃႈလဵဝ်ၼႆႉဝႃႈၼႆ၊ ၶုၼ်ပီႉလတ်ႉမီးတၢင်းဢၼ် ဢၢမ်းၼႃႇလူင်လၢင်သေယဝ်ႉ၊ ႁွင်ႉတပ်ႉမူးၼၼ်ႉမႃးလႄႈထၢမ်ဝႃႈ၊ ဢၼ်မၼ်းတၢႆၼၼ်ႉၸမ်ႉ၊ ႁိုင်ယဝ်ႉႁိုဝ်။ ဝႃႈၼင်ႇၼႆဢေႃႈ။- 45မိူဝ်ႈဢၼ်ႁူႉလွင်ႈဢၼ်တၢႆယဝ်ႉၼၼ်ႉ ၵႃႈတီႈၵႂၢမ်းတပ်ႉမူးၼၼ်ႉၸိုင်၊ ဢၢပ်ႈတူဝ်တၢႆမၼ်းၸဝ်ႈ ပၼ်တီႈယူဝ်းသႅပ်ႈဢေႃႈ။- 46မၼ်းၼၼ်ႉ သိုဝ်ႉပိၵ်ႈၶျေႃးမႃးလႄႈ ၶျႃးမၼ်းၸဝ်ႈလူင်းယဝ်ႉၸင်ႇ၊ ဢဝ်တင်းပိၵ်ႈၶျေႃးၶဵၼ်းႁေႃႇသေလႄႈ သႂၢင်းသႂ်ႇဝႆႉၵႃႈၼႂ်းၶုမ်သၢင်းၶႅင်း ဢၼ်ၶုတ်းမူင်ႇဝႆႉၵႃႈၼႂ်းမၢၵ်ႇႁိၼ်ၼၼ်ႉဢေႃႈ။ မၢၵ်ႇႁိၼ်ၵေႃႈ မၼ်းၵိင်ႈသႂ်ႇဝႆႉ ၵႃႈၼိူဝ်ႁူးၶုမ်သၢင်းၶႅင်းဢေႃႈ။- 47မႃႇရီႉမႃႇၵတလႃႉတင်း မႃႇရီႉဢၼ်ပဵၼ် မႄႈယူဝ်းသေႇၼၼ်ႉ တူၺ်းႁၼ် တီႈဢၼ်ဢဝ်တူဝ်တၢႆမၼ်းၸဝ်ႈဝႆႉ ၼၼ်ႉဢေႃႈ။
നിലവിൽ തിരഞ്ഞെടുത്തിരിക്കുന്നു:
မႃႇၵူႉ 15: CBMS
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship
မႃႇၵူႉ 15
15
ဢဝ်ၸဝ်ႈယေႇသူႉဢၢပ်ႈတီႈၶုၼ်ပီႉလတ်ႉ
(တူၺ်း၊ မၢတ်ႈ 27:1-2၊11-14။ လူႉ 23:1-5။ ယူဝ်း 18:28-38)
1မိူဝ်ႈၶိင်ႇၵၢင်ၼႂ်ၼၼ်ႉၵမ်းလဵဝ်၊ ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းဢၼ်ပဵၼ်ၵႄႇပဵၼ်ႁူဝ် တင်းၵူၼ်းထုတ်ႇၵျၢမ်း တင်းၶုၼ်တီႈလုမ်းတင်းလၢႆၸိူဝ်းၼၼ်ႉတင်းသဵင်ႈတင်းလူင် ၸူႉတုမ်တိူင်ႇပၢင်ႇၵၼ်လႄႈ မတ်ႉၽုၵ်ႇယေႇသူႉယဝ်ႉၸင်ႇ၊ ဢဝ်ၵႂႃႇဢၢပ်ႈပၼ်တီႈ ၶုၼ်ပီႉလတ်ႉဢေႃႈ။- 2ၶုၼ်ပီႉလတ်ႉထၢမ်မၼ်းၸဝ်ႈလႄႈဝႃႈ၊ မႂ်းၸႂ်ႈၶုၼ်ႁေႃၶမ်းယူႉတႃႉႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊ မၼ်းၸဝ်ႈၵေႃႈၶိုၼ်းလၢတ်ႈလႄႈဝႃႈ၊ မႅၼ်ႈၵႃႈၼင်ႇဢၼ်ၸဝ်ႈထၢမ်ၼႆႉယဝ်ႉ၊ ဝႃႈၼင်ႇၼႆဢေႃႈ။- 3ယိတ်ႈပရေႃးႁဵၵ်ႈလူင်ၸိူဝ်းၼၼ်ႉ တၢင်ႇဢပႅတ်ႈတီႈမၼ်းၸဝ်ႈၼမ်ၼႃႇဢေႃႈ။
4ၶုၼ်ပီႉလတ်ႉသမ်ႉၶိုၼ်းထၢမ်တီႈမၼ်းၸဝ်ႈထႅင်ႈလႄႈဝႃႈ၊ မႂ်းဢမ်ႇၶိုၼ်းလၢတ်ႈၵႂၢမ်းသေၶေႃႈသေၵမ်းႁိုဝ်။ တူၺ်းလူး၊ ၶဝ်ယူႇၽၢႆႇၼိုင်ႈတင်းမႂ်းသေလႄႈ ၶၢမ်ႇသၢၵ်ႈသေႇဢမ်ႇႁူႉၼမ်လႂ်ဢေႃႈ။ ပိၵ်ႉသမ်ႉဝႃႈၼင်ႇၼႆသေၵေႃႈ၊- 5မၼ်းၸဝ်ႈဢမ်ႇၶိုၼ်းလၢတ်ႈၵႂၢမ်းသေၶေႃႈသေၵမ်း တေႃႇထိုင်ႁွတ်ႈထၼ်ႈပေႃး ၶုၼ်ပီႉလတ်ႉဢၢမ်းၼႃႇလူင်လၢင်ဢေႃႈ။
6ၼႂ်းပွႆးၼၼ်ႉ၊ ၶုၼ်မီးထုင်းၸၢမ်ႇဢၼ်ပွႆႇလွတ်ႈၵူၼ်းဢၼ်တူၵ်းၵိၼ်းၵေႃႉၼိုင်ႈ ပၼ်တီႈၵူၼ်းတင်းလၢႆ ၸွမ်းၼင်ႇဢၼ်ၶဝ်ယွၼ်းဢဝ်ၼၼ်ႉဢေႃႈ။- 7မိူဝ်ႈၼၼ်ႉ မီးၵူၼ်းဢၼ်လႆႈႁွင်ႉႁဵၵ်ႈၸိုဝ်ႈပႃႇရပ်ႉပႃႉ ဢၼ်လႆႈၶၢမ်ႇတၢင်းဢၼ်မတ်ႉၽုၵ်ႇ ႁူမ်ႈလူၺ်ႈၵၼ်တင်းၵူၼ်းဢၼ်ပုင်ႇၵၢၼ်ႇ#15:7 ပုင်ႇၵၢၼ်ႇ - ၽိုၼ်ႉၶိုၼ်းလႄႈ လႆႈဢဝ်ဢသၢၵ်ႈပိူၼ်ႈတၢႆ ၼႂ်းမိူဝ်ႈဢၼ်ၶဝ်ပုင်ႇၵၢၼ်ႇၼၼ်ႉ ၵေႃႉၼိုင်ႈဢေႃႈ။- 8မိူဝ်ႈဢၼ်ၵူၼ်းဢၼ်ၸူႉဢၼ်တုမ်ၸိူဝ်းၼၼ်ႉ ၶိုၼ်ႈၸူးလႄႈ တွင်းပၢၼ်ႇႁႂ်ႈႁဵတ်းၵႃႈၼင်ႇဢၼ် ယၢမ်ႈႁဵတ်းၼၼ်ႉယူႇၼၼ်ႉၸိုင်၊- 9ၶုၼ်ပီႉလတ်ႉၵေႃႈ ၶိုၼ်းထၢမ်လႄႈဝႃႈ၊ သူၶႂ်ႈႁႂ်ႈၵဝ်ပွႆႇလွတ်ႈၶုၼ်ႁေႃၶမ်းယူႉတႃႉၼၼ်ႉႁိုဝ်။ ဝႃႈၼင်ႇၼႆဢေႃႈ။- 10ႁဵတ်းႁိုဝ်လႄႈထၢမ်ဝႃႈ ၸိူဝ်ႉၼင်ႇၼၼ်ၸမ်ႉ၊ ၶုၼ်ၼၼ်ႉ ႁူႉလွင်ႈဢၼ် ယိတ်ႈပရေႃးႁဵၵ်ႈလူင်ၸိူဝ်းၼၼ်ႉ ဢဝ်မၼ်းၸဝ်ႈဢၢပ်ႈ ၵွပ်ႈပိူဝ်ႈဢၼ်ၶဝ်မီးၸႂ်ဢၼ်သီႈၵေႉႁေႈတႃမၼ်းၸဝ်ႈၼၼ်ႉယူႇဢေႃႈ။- 11ယိတ်ႈပရေႃးႁဵၵ်ႈလူင်ၸိူဝ်းၼၼ်ႉ တိုၵ်းယူင်းၵူၼ်းဢၼ်ၸူႉဢၼ်တုမ်တင်းလၢႆ ႁႂ်ႈၶုၼ်ပွႆႇလွတ်ႈပႃႇရပ်ႉပႃႉၵူၺ်း ပၼ်တီႈၶဝ်ဢေႃႈ။- 12ၶုၼ်ပီႉလတ်ႉၵေႃႈ သမ်ႉၶိုၼ်းထၢမ်ထႅင်ႈလႄႈဝႃႈ၊ ၵဝ်တၵ်းလႆႈႁဵတ်းတီႈၵေႃႉဢၼ်သူႁွင်ႉႁဵၵ်ႈ ၶုၼ်ႁေႃၶမ်းယူႉတႃႉၼႆႉ ၸိူဝ်ႉၼင်ႇႁိုဝ်၊ မိူဝ်ႈဢၼ်ဝႃႈၼင်ႇၼႆၸိုင်၊- 13ၶဝ်ၵေႃႈၶိုၼ်းႁွင်ႉသႅၼ်ႇထႅင်ႈလႄႈဝႃႈ၊ ဢဝ်မၼ်းတွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈသေၵမ်းၶႃႈ၊ ဝႃႈၼင်ႇၼႆဢေႃႈ။- 14ၶုၼ်ပီႉလတ်ႉၵေႃႈထၢမ်လႄႈဝႃႈ၊ ၵွပ်ႈပိူဝ်ႈလွင်ႈၸိူဝ်ႉၼင်ႇႁိုဝ်။ မၼ်းႁဵတ်းဢပႅတ်ႈၵႃႈသင်ယဝ်ႉ၊ မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်ယဵင်ႈၶႅၼ်းႁွင်ႉသႅၼ်ႇလႄႈဝႃႈ၊ ဢဝ်မၼ်းတွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈသေၵမ်းၶႃႈ၊ ဝႃႈၼင်ႇၼႆဢေႃႈ။- 15ၶုၼ်ပီႉလတ်ႉၵေႃႈ မီးဢလူဝ်ႇၶႂ်ႈႁႂ်ႈၵူၼ်းတင်းလၢႆပေႇၸႂ်လႄႈ ပွႆႇလွတ်ႈပႃႇရပ်ႉပႃႉၼၼ်ႉ ပၼ်တီႈၶဝ်ဢေႃႈ။ ယေႇသူႉၸမ်ႉ၊ ပေႃႉယႅၼ်ႉယဝ်ႉၸင်ႇ၊ ဢဝ်ဢၢပ်ႈပၼ်ၵႂႃႇ ႁႂ်ႈလႆႈတွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈဢေႃႈ။
ၵူၼ်းသိုၵ်းႁဵတ်းပျၢၵ်ႈတီႈၸဝ်ႈယေႇသူႉ
(တူၺ်း၊ မၢတ်ႈ 27:27-31။ ယူဝ်း 19:2-3)
16မိူဝ်ႈၼၼ်ႉ ၵူၼ်းသိုၵ်းတင်းလၢႆ ဢဝ်မၼ်းၸဝ်ႈၵႂႃႇ ၵႃႈၼႂ်းတလၢင်းဢၼ် မီးၵႄႈႁိူၼ်း ဢၼ်ပဵၼ်တပ်ႉၶုၼ်ၼၼ်ႉလႄႈ ႁႂ်ႈၵူၼ်းသိုၵ်းတင်းတပ်ႉ ၸူႉၵၼ်တုမ်ၵၼ်ယဝ်ႉၸင်ႇ၊- 17ဢဝ်ၶူဝ်းၼုင်ႈဢၼ်လႅင်ၵမ်ႇ ၼုင်ႈပၼ်မၼ်းၸဝ်ႈဢေႃႈ။ ၶဝ်ဢဝ်ၼၢမ် သၢၼ်ႁဵတ်းပၢၼ်းၵုမ်းသေယဝ်ႉ၊ တၢင်ႇသႂ်ႇၵႃႈၼိူဝ်ႁူဝ်မၼ်းၸဝ်ႈသေလႄႈ- 18တၵ်ႉလၢတ်ႈလႄႈဝႃႈ၊ ၶုၼ်ႁေႃၶမ်းယူႉတႃႉတီႈၶႃႈဢိူၺ်း၊ ႁႂ်ႈၸဝ်ႈႁဝ်းမီးမင်ႇၵလႃႇသေၵမ်းလူၺ်ႈ၊ ဝႃႈၼင်ႇၼႆဢေႃႈ။- 19ၶဝ်ဢဝ်မႆႉဢေႃႈ ပေႃႉယႅၼ်ႉႁူဝ်မၼ်းၸဝ်ႈလႄႈ ထူမ်ႇၼမ်ႉလၢႆးသႂ်ႇတီႈမၼ်းၸဝ်ႈယဝ်ႉၸင်ႇ၊ ၶုပ်ႉၶဝ်ႇသေလႄႈ ၵူမ်ႈမူပ်ႇယူႇဢေႃႈ။- 20လိုၼ်းသေၶဝ်ႁဵတ်းပျၢၵ်ႈတီႈမၼ်းၸဝ်ႈယဝ်ႉၼၼ်ႉ၊ ၶဝ်ထွတ်ႇဢဝ်ၶူဝ်းၼုင်ႈဢၼ်လႅင်ၵမ်ႇ တီႈမၼ်းၸဝ်ႈၼၼ်ႉသေလႄႈ သမ်ႉၶိုၼ်းဢဝ်ၶူဝ်းၼုင်ႈမၼ်းၸဝ်ႈ ၼုင်ႈပၼ်ယဝ်ႉၸင်ႇ၊ ဢဝ်ဢွၵ်ႇၵႂႃႇ ႁႂ်ႈလႆႈတွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈဢေႃႈ။
ၸဝ်ႈယေႇသူႉလႆႈၶၢမ်ႇတွၵ်ႇၵႃႈၼိူဝ်သဝ်
(တူၺ်း၊ မၢတ်ႈ 27:32-44။ လူႉ 23:26-43။ ယူဝ်း 19:17-27)
21ၶဝ်ၼၼ်ႉ ႁဵတ်းပႄႉႁဵတ်းၼႅင်ႇႁႂ်ႈသီႉမုၼ်ႇၵူၼ်းမိူင်း ၵူႉရေႇၼေႇ ဢၼ်ပဵၼ်ပေႃႈဢႃႇလေႇၸၼ်ႇတြႃႇ တင်းရူႉၽူႉ ဢၼ်လုၵ်ႉသေၵႃႈတီႈဝၢၼ်ႈထိူၼ်ႇလႄႈ ပႆၸွမ်းတၢင်းမႃးယူႇၼၼ်ႉ ႁၢပ်ႇဢဝ်သဝ်လၵ်းဝႃးၵၢပ်ႈမၼ်းၸဝ်ႈၵႂႃႇဢေႃႈ။- 22ၶဝ်ဢဝ်မၼ်းၸဝ်ႈၵႂႃႇၵႃႈတီႈ ၵေႃးလႃႉၵေႃးထႃႉ ဢၼ်ၶႂ်ႈဝႃႈ တီႈၵွၵ်းႁူဝ်ၼၼ်ႉယဝ်ႉၸင်ႇ၊- 23ဢဝ်ၼမ်ႉပုင်းယေႇ#15:23 ၼမ်ႉပုင်းယေႇ - ၼမ်ႉမၢၵ်ႇၸပိတ်ႈသူမ်ႈ ဢၼ်လေႃးၵၼ်တင်းမူႉရၼ်ႇၼၼ်ႉ ပၼ်တီႈမၼ်းၸဝ်ႈဢေႃႈ။ မၼ်းၸဝ်ႈဢမ်ႇၶၢမ်ႇဢဝ်လႄႈယူႇသေဢေႃႈ။- 24ၶဝ်ဢဝ်မၼ်းၸဝ်ႈတွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈယဝ်ႉၸင်ႇ၊ ဢဝ်ၶူဝ်းၼုင်ႈမၼ်းၸဝ်ႈ တူၵ်းၸႃႇၵွၵ်ႈ လွင်ႈဢၼ် ၽူႈလႂ်တၵ်းလႆႈဢၼ်လႂ် ၼၼ်ႉသေလႄႈ ၽႄမႅင်ႇပၼ်ၵၼ်ဢေႃႈ။- 25ၶိင်ႇဢၼ်ဢဝ်မၼ်းၸဝ်ႈတွၵ်ႇဝႆႉ ၵႃႈၼိူဝ်သဝ်လၵ်းဝႃးၵၢပ်ႈၼၼ်ႉၸမ်ႉ၊ ပဵၼ်ၶိင်ႇသၢမ်ၼႃႇရီႇဢေႃႈ။- 26လိၵ်ႈဢၼ်တႅမ်ႈလႄႈ ၽုၺ်ႇၼႄဢပႅတ်ႈမၼ်းၸဝ်ႈၼၼ်ႉဝႃႈၸမ်ႉ၊ ၶုၼ်ႁေႃၶမ်းယူႉတႃႉ၊ ဝႃႈၼင်ႇၼႆဢေႃႈ။- 27မိူဝ်ႈၼၼ်ႉ ၶဝ်ဢဝ်ၸူၼ်သွင်ၵေႃႉ တွၵ်ႇဝႆႉၵႃႈတီႈၽၢႆႇၶႂႃၸဝ်ႈၵေႃႉၼိုင်ႈ ၵႃႈတီႈၽၢႆႇသၢႆႉၸဝ်ႈၵေႃႉၼိုင်ႈ ၵႃႈၼိူဝ်သဝ်လၵ်းဝႃးၵၢပ်ႈလူၺ်ႈၵၼ်တင်းမၼ်းၸဝ်ႈဢေႃႈ။- 28ဢၼ်မီးၼႂ်းၵျၢမ်းလိၵ်ႈလႄႈဝႃႈ၊ မၼ်းလႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးလူၺ်ႈၵၼ်တင်းၶဝ်ၸိူဝ်းဢၼ်ဢမ်ႇတြႃးတင်းလၢႆၼၼ်ႉဢေႃႈ၊ ဝႃႈၼင်ႇၼႆၼၼ်ႉ လႆႈပျေႉၸုမ်ႇဝႆႉယဝ်ႉမိူဝ်ႈၼၼ်ႉဢေႃႈ။
29ၶဝ်ၸိူဝ်းဢၼ်ၵႂႃႇဢၼ်မႃး ၵႃႈတီႈႁိမ်းမၼ်းၸဝ်ႈတင်းလၢႆၵေႃႈ သႄႉသွမ်းတၢင်ႇဢပႅတ်ႈတီႈမၼ်းၸဝ်ႈလႄႈ ဝႆႁူဝ်ၶွၼ်းႁူဝ်တူဝ်ၸဝ်ႈၵဝ်ႇယူႇသေလႄႈ လၢတ်ႈလႄႈဝႃႈ၊ ႁႄႉ၊ ၵေႃႉဢၼ်ယႃႉပႅတ်ႈပိၵ်ႈမၢၼ်ႇၸဝ်ႈသေလႄႈ ၼႂ်းသၢမ်ဝၼ်းၵူၺ်း တၵ်းၶိုၼ်းမႄးႁဵတ်းၼႆႉဢိူၺ်း၊- 30တူဝ်ၸဝ်ႈၵဝ်ႇ ၵႄႇၶျွတ်ႈဢဝ် တူဝ်ၸဝ်ႈၵဝ်ႇတႃႉ။ လူင်းသေၵႃႈၼိူဝ်သဝ်လၵ်းဝႃးၵၢပ်ႈသေၵမ်းတႃႉ၊ ဝႃႈၼင်ႇၼႆဢေႃႈ။- 31မိူၼ်ၼင်ႇၼၼ် ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းထုတ်ႇၵျၢမ်းတင်းလၢႆၵေႃႈ၊ ၵေႃႉၼိုင်ႈလႄႈၵေႃႉၼိုင်ႈ ႁဵတ်းပျၢၵ်ႈၶူဝ်တေႃႇၵၼ်လႄႈဝႃႈ၊ ၵေႃႉၼႆႉၸၢင်ႈၵႄႇၶျွတ်ႈဢဝ်ပိူၼ်ႈဢေႃႈ။ တူဝ်ၸဝ်ႈၵဝ်ႇဢမ်ႇၵႄႇၶျွတ်ႈဢဝ် တူဝ်ၸဝ်ႈၵဝ်ႇလႆႈလူင်ပႄႇ။- 32ၼင်ႇႁိုဝ်ႁဝ်းတၵ်းလႆႈႁၼ်လႄႈယုမ်ႇမၢတ်ႈၸိုင်၊ တေႃႈလဵဝ်ၼႆႉ ႁႂ်ႈၸဝ်ႈၶရိၸ်ႈ ၶုၼ်ႁေႃၶမ်းဢီႉသရေႇလႃႉ လူင်းသေၵႃႈတီႈ သဝ်လၵ်းဝႃးၵၢပ်ႈၼၼ်ႉသေၵမ်းတႃႉ၊ ဝႃႈၼင်ႇၼႆဢေႃႈ။ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်တွၵ်ႇဝႆႉ ၵႃႈၼိူဝ်သဝ်လၵ်းဝႃးၵၢပ်ႈလူၺ်ႈၵၼ်တင်းမၼ်းၸဝ်ႈၼၼ်ႉၵေႃႈ သႄႉသွမ်းတၢင်ႇဢပႅတ်ႈတီႈမၼ်းၸဝ်ႈဢေႃႈ။
ၸဝ်ႈယေႇသူႉၸႂ်ၶၢတ်ႇတၢႆၵႂႃႇ
(တူၺ်း၊ မၢတ်ႈ 27:45-56။ လူႉ 23:44-49။ ယူဝ်း 19:28-30)
33မိူဝ်ႈဢၼ်ႁွတ်ႈထိုင်ႁူၵ်းၼႃႇရီႇၸိုင် ၸႃႉၸဵမ်ၼႃႇရီႇၼၼ်ႉ တေႃႇထိုင်ႁွတ်ႈၵဝ်ႈၼႃႇရီႇလႄႈ ပဵၼ်ဢၼ်လပ်းသိင်ႇၵႂႃႇၽိတ်းၽိတ်း တင်းမိူင်းဢေႃႈ။- 34ၶိင်ႇၵဝ်ႈၼႃႇရီႇၼၼ်ႉ၊ ယေႇသူႉႁဵတ်းတင်းသဵင်ဢၼ်ယႂ်ႇၼႃႇ ႁွင်ႉသႅၼ်ႇလႄႈဝႃႈ၊ ဢေးလီႉ၊ ဢေးလီႉ၊ လႃႇမႃႉ၊ သႃႇပၵ်ႉသၼီႉ ဝႃႈၼင်ႇၼႆဢေႃႈ။ ဢၼ်မၼ်းၸဝ်ႈဝႃႈၼၼ်ႉၸမ်ႉ၊ ၽြႃးၵဝ်ၶႃႈ၊ ၽြႃးၵဝ်ၶႃႈ၊ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၸုၼ်ႉပႅတ်ႈၵဝ်ၶႃႈၼင်ႇႁိုဝ်တီႈၶႃႈ၊ ဝႃႈၼင်ႇၼႆဢေႃႈ။- 35ၵူၼ်းၵမ်ႈၽွင်ႈ ဢၼ်ၸုၵ်းယူႇၵႃႈတီႈႁိမ်းၼၼ်ႉၸိူဝ်းၼၼ်ႉ ငိၼ်းသေယဝ်ႉ လၢတ်ႈလႄႈဝႃႈ၊ တူၺ်းလူး၊ မၼ်းႁွင်ႉႁႃဢေးလီႉယႃႉဢေႃႈ၊ ဝႃႈၼင်ႇၼႆဢေႃႈ။
36ၵူၼ်းၵေႃႉၼိုင်ႈၶုၼ်ႇလႅၼ်ႈၵႂႃႇလႄႈ ဢဝ်ႁိပ်ႇၼမ်ႉဢၼ်ၼိုင်ႈတဵမ်တင်းၼမ်ႉပုင်းယေႇယဝ်ႉၸင်ႇ၊ သႂ်ႇပၢႆမႆႉဢေႃႈသေလႄႈ ပၼ်ႁႂ်ႈမၼ်းၸဝ်ႈၵိၼ်လႄႈဝႃႈ၊ ယႃႇမၼ်းတႃႉ။ ဢေးလီႉယႃႉတၵ်းမႃးၶျႃးမၼ်းလူင်းႁိုဝ်။ တၵ်းဢမ်ႇမႃး ၶျႃးမၼ်းလူင်းႁိုဝ်။ တူၺ်းလူးတႃႉႁဝ်း၊ ဝႃႈၼင်ႇၼႆဢေႃႈ။- 37ယေႇသူႉႁဵတ်းတင်းသဵင်ဢၼ်ယႂ်ႇၼႃႇ ႁွင်ႉသႅၼ်ႇလႄႈ ထွတ်ႇၸႂ်မၼ်းၸဝ်ႈသေဢေႃႈ။
38မိူဝ်ႈၼၼ်ႉ ၽႃႈၵင်ႈႁိူၼ်းပိၵ်ႈမၢၼ်ႇၸဝ်ႈ သိၵ်ႇၶၢတ်ႇၵႂႃႇၸႃႉၸဵမ် ၵႃႈၼိူဝ်တေႃႇထိုင်ႁွတ်ႈၵႃႈတႂ်ႈဢေႃႈ။- 39တပ်ႉမူးဢၼ်ၸုၵ်းတေႃႇၼႃႈၵၼ်တင်းမၼ်းၸဝ်ႈၼၼ်ႉ၊ မိူဝ်ႈဢၼ်ႁၼ်မၼ်းၸဝ်ႈႁွင်ႉသႅၼ်ႇသေလႄႈ ထွတ်ႇၸႂ်ၸိူဝ်ႉၼင်ႇၼၼ်ၼၼ်ႉၸိုင်၊ လၢတ်ႈလႄႈဝႃႈ၊ ၸႂ်ႈတႄႉ၊ ၵေႃႉၼႆႉပဵၼ်လုၵ်ႈၽြႃးပဵၼ်ၸဝ်ႈတႄႉဢေႃႈ၊ ဝႃႈၼင်ႇၼႆဢေႃႈ။
40-41မႄႈယိင်းတင်းလၢႆၵေႃႈ ယူႇတီႈဢၼ်ၵႆသေလႄႈ လွမ်တူၺ်းယူႇဢေႃႈ။ ၼႂ်းမႄႈယိင်းၸိူဝ်းၼၼ်ႉ ပႃးၸႃႉၸဵမ် မႃႇရီႉမႃႇၵတလႃႉ၊ မႃႇရီႉ ဢၼ်ပဵၼ်မႄႈယႃႇၵုပ်ႈတင်းယူဝ်းသေႇ၊ သႃႇလုမ်ႇ ဢၼ်ၸွမ်းပႃႈလင်မၼ်းၸဝ်ႈသေလႄႈ ႁဵတ်းလဵင်ႉႁဵတ်းလူ ၼႂ်းမိူဝ်ႈဢၼ် မၼ်းၸဝ်ႈမီးယူႇၼႂ်းမိူင်းၵႃႇလီႉလႄးၼၼ်ႉ ဢိၵ်ႇတင်းမႄႈယိင်းတၢင်ႇၵေႃႉၼမ်ၼႃႇ ဢၼ်လုၵ်ႉသေၵႃႈတီႈဝဵင်းယေႇရူႉသလႅမ်ႇ ၸွမ်းပႃႈလင်မၼ်းၸဝ်ႈယူႇၸိူဝ်းၼၼ်ႉဢေႃႈ။
သၢင်းၵျူဝ်ႇတူဝ်တၢႆၸဝ်ႈယေႇသူႉ
(တူၺ်း၊ မၢတ်ႈ 27:57-61။ လူႉ 23:50-56။ ယူဝ်း 19:38-42)
42ပိူဝ်ႈဢၼ်ဝၼ်းၼၼ်ႉ ပဵၼ်ဝၼ်းဢၼ်မႄးႁႅၼ်းဝႆႉ ဢၼ်ဝႃႈဝၼ်းၽိတ်ႈလႄႈ ႁွတ်ႈထိုင်ၶိင်ႇၵၢင်ၶမ်ႈယဝ်ႉၸင်ႇ၊- 43ယူဝ်းသႅပ်ႈၵူၼ်းဝဵင်း ဢရီႉမသႄး ဢၼ်ပဵၼ်ၶုၼ်တီႈလုမ်းလူင် ဢၼ်မီးသရေႇ၊ ဢၼ်ပဵၼ်ၵေႃႉဢၼ်မုင်ႈထႃႈမွင်းထႃႈ မိူင်းၽြႃးပဵၼ်ၸဝ်ႈယူႇၼၼ်ႉ ၶဝ်ႈၸူးတီႈၶုၼ်ပီႉလတ်ႉ ႁတ်းႁတ်းႁၢၼ်ႁၢၼ်သေလႄႈ ယွၼ်းဢဝ်တူဝ်တၢႆယေႇသူႉဢေႃႈ။- 44မၼ်းၸဝ်ႈၸင်ႇတၢႆယဝ်ႉတေႃႈလဵဝ်ၼႆႉဝႃႈၼႆ၊ ၶုၼ်ပီႉလတ်ႉမီးတၢင်းဢၼ် ဢၢမ်းၼႃႇလူင်လၢင်သေယဝ်ႉ၊ ႁွင်ႉတပ်ႉမူးၼၼ်ႉမႃးလႄႈထၢမ်ဝႃႈ၊ ဢၼ်မၼ်းတၢႆၼၼ်ႉၸမ်ႉ၊ ႁိုင်ယဝ်ႉႁိုဝ်။ ဝႃႈၼင်ႇၼႆဢေႃႈ။- 45မိူဝ်ႈဢၼ်ႁူႉလွင်ႈဢၼ်တၢႆယဝ်ႉၼၼ်ႉ ၵႃႈတီႈၵႂၢမ်းတပ်ႉမူးၼၼ်ႉၸိုင်၊ ဢၢပ်ႈတူဝ်တၢႆမၼ်းၸဝ်ႈ ပၼ်တီႈယူဝ်းသႅပ်ႈဢေႃႈ။- 46မၼ်းၼၼ်ႉ သိုဝ်ႉပိၵ်ႈၶျေႃးမႃးလႄႈ ၶျႃးမၼ်းၸဝ်ႈလူင်းယဝ်ႉၸင်ႇ၊ ဢဝ်တင်းပိၵ်ႈၶျေႃးၶဵၼ်းႁေႃႇသေလႄႈ သႂၢင်းသႂ်ႇဝႆႉၵႃႈၼႂ်းၶုမ်သၢင်းၶႅင်း ဢၼ်ၶုတ်းမူင်ႇဝႆႉၵႃႈၼႂ်းမၢၵ်ႇႁိၼ်ၼၼ်ႉဢေႃႈ။ မၢၵ်ႇႁိၼ်ၵေႃႈ မၼ်းၵိင်ႈသႂ်ႇဝႆႉ ၵႃႈၼိူဝ်ႁူးၶုမ်သၢင်းၶႅင်းဢေႃႈ။- 47မႃႇရီႉမႃႇၵတလႃႉတင်း မႃႇရီႉဢၼ်ပဵၼ် မႄႈယူဝ်းသေႇၼၼ်ႉ တူၺ်းႁၼ် တီႈဢၼ်ဢဝ်တူဝ်တၢႆမၼ်းၸဝ်ႈဝႆႉ ၼၼ်ႉဢေႃႈ။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship