မႃႇၵူႉ 14
14
တၢင်းဢၼ်ၵျၢမ်ႇဢဝ်ၸဝ်ႈယေႇသူႉတၢႆ
(တူၺ်း၊ မၢတ်ႈ 26:1-5။ လူႉ 22:1-2။ ယူဝ်း 11:45-53)
1လိုၼ်းၼၼ်ႉ ပူၼ်ႉသေသွင်ဝၼ်းယဝ်ႉၸင်ႇ၊ မီးပွႆးပႃႉသၶႃႇ ဢၼ်ဝႃႈ ပွႆးၶဝ်ႈမုၼ်း ဢၼ်ဢမ်ႇပႃးၸိူဝ်ႉပႅင်ႈၼၼ်ႉဢေႃႈ။ ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းထုတ်ႇၵျၢမ်းတင်းလၢႆ ၵျၢမ်ႇႁႃႁႂ်ႈလႆႈႁဵတ်းတင်းပရီႉယႄႇ တီႉဢဝ်မၼ်းၸဝ်ႈသေလႄႈ ဢဝ်တၢႆဢေႃႈ။- 2ၼႂ်းဝႃႈၼၼ်သေၵေႃႈ ၶဝ်ၼၼ်ႉ လၢတ်ႈၵၼ်လႄႈဝႃႈ၊ ၵူဝ်ၵူၼ်းတင်းလၢႆ တၵ်းတူင်ႉတၵ်းတိုၼ်ႇလႄႈ ၼႂ်းဝၼ်းပွႆးၼႆႉၸိုင် ယႃႇပေၽူမ်ႈႁဵတ်းလူးၵွၼ်ႇ၊ ဝႃႈၼင်ႇၼႆဢေႃႈ။
ဢဝ်ၼမ်ႉမၼ်းႁွမ်သွၼ်းလေႃႇၵႃႈၼိူဝ်ႁူဝ်ၸဝ်ႈယေႇသူႉ
(တူၺ်း၊ မၢတ်ႈ 26:6-13။ ယူဝ်း 12:1-8)
3ၼႂ်းမိူဝ်ႈဢၼ်မၼ်းၸဝ်ႈမီးယူႇၼႂ်းဝၢၼ်ႈပေႇထၼီႉ တီႈႁိူၼ်းၵူၼ်းတုတ်ႈၵေႃႉၼိုင်ႈ ဢၼ်လႆႈၸိုဝ်ႈသီႉမုၼ်ႇၼၼ်ႉလႄႈ ဢိင်ယူႇၵႃႈႁိမ်းၶူင်ႇတီႈၵိၼ်ၼၼ်ႉၸိုင်၊ မႄႈယိင်းၵေႃႉၼိုင်ႈ ဢဝ်တဝ်ႈမၢၵ်ႇႁိၼ်ၽိူၵ်ႇလုၵ်းၼိုင်ႈ ဢၼ်တဵမ်ဝႆႉတင်းၼမ်ႉမၼ်းႁွမ်ၼႃႇတူႉၸႅတ်ႈၸႅတ်ႈ ဢၼ်ထိူၵ်ႈၵႃႈယႂ်ႇၼႃႇၼၼ်ႉ မႃးတီႈမၼ်းၸဝ်ႈလႄႈ ဢဝ်တဝ်ႈမၢၵ်ႇႁိၼ်ၽိူၵ်ႇၼၼ်ႉတႅၵ်ႇယဝ်ႉၸင်ႇ၊ ထွၵ်ႇသႂ်ႇၵႃႈၼိူဝ်ႁူဝ်မၼ်းၸဝ်ႈဢေႃႈ။- 4ၵမ်ႈၽွင်ႈၸႂ်မႆႈၶႆႈၸႃႉၼႃႇလူင်လၢင်လႄႈလၢတ်ႈဝႃႈ၊ ႁဵတ်းႁိုဝ်လႄႈ ႁႂ်ႈၼမ်ႉမၼ်းႁွမ်ၼႆႉ သုမ်းပႅတ်ႈလၢႆလၢႆၼင်ႇႁိုဝ်။- 5ၼမ်ႉမၼ်းႁွမ်ၼႆႉ ထုၵ်ႇလီၶၢႆဢဝ် တင်းၵႃႈမၼ်းၶၼ်မၼ်း ဢၼ်တူၵ်း တေႇၼႃႇရီႇ သၢမ်ပၢၵ်ႇၶႅပ်းလိူဝ်လိူဝ်ၼၼ်ႉသေလႄႈ ပၼ်တီႈၶဝ်ၸိူဝ်းဢၼ်ယၢၵ်ႈဢၼ်ၽၢၼ်တင်းလၢႆၼၼ်ႉဢေႃႈ၊ ဝႃႈၼင်ႇၼႆလႄႈ တၢင်ႇဢပႅတ်ႈတီႈ မႄႈယိင်းၼၼ်ႉဢေႃႈ။- 6ယေႇသူႉၵေႃႈ လၢတ်ႈလႄႈဝႃႈ၊ ယႃႇမၼ်းတႃႉ၊ ႁဵတ်းသင်လႄႈ သူယႃႉယူၵ်ႉမၼ်းၼင်ႇႁိုဝ်။ မၼ်းႁဵတ်းလွင်ႈတၢင်းဢၼ်လီဢၼ်ငၢမ်းတီႈၵဝ်ယဝ်ႉ။- 7ၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၼၼ်ႉ မီးယူႇတီႈသူတႃႇသေႇဢေႃႈ။ ၵႃႈၼင်ႇဢၼ် သူမီးဢလူဝ်ႇၼၼ်ႉ၊ သူႁဵတ်းၵျေးၸူးတီႈၶဝ်ၼၼ်ႉ လႆႈယူႇဢေႃႈ။ ၵဝ်ၸမ်ႉ၊ မီးယူႇတီႈသူတႃႇသေႇဢမ်ႇၸႂ်ႈ။- 8မၼ်းၼႆႉ ႁဵတ်းၵႃႈဢၼ် မၼ်းတၢတ်ႈၼိူင်ႇလႆႈၼၼ်ႉယဝ်ႉ။ မၼ်းဢဝ်ၼမ်ႉမၼ်းတႃးတူဝ်ၵဝ် ႁႂ်ႈလႆႈမႄးႁႅၼ်းပုၼ်ႈဢၼ်တၵ်းသၢင်းၵျူဝ်ႇၵဝ်ၼၼ်ႉဝႆႉ ဢွၼ်တၢင်းဢေႃႈ။- 9ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၵႃႈတီႈဢၼ် ႁေႃးလၢတ်ႈတြႃးသတၢင်းသိူဝ်းပျေႃႇ ၵႃႈၼိူဝ်လိၼ်မိူင်း ၵူႈတီႈၵူႈလႅၼ်ၼၼ်ႉ၊ တၵ်းလႆႈမွၵ်ႇလၢတ်ႈ လွင်ႈဢၼ်မၼ်းႁဵတ်းၼႆႉ ပုၼ်ႈဢၼ် တၵ်းၶုၵ်းၸႂ်လႆႈၶႆႈၸႂ်ထူပ်းမၼ်းဢေႃႈ၊ ဝႃႈၼင်ႇၼႆဢေႃႈ။
ယူႉတႃႉဢီႉသၵႃႇရေႇဢုတ်ႈၶၢႆပႅတ်ႈၸဝ်ႈယေႇသူႉ
(တူၺ်း၊ မၢတ်ႈ 26:14-16။ လူႉ 22:3-6)
10မိူဝ်ႈၼၼ်ႉ ယူႉတႃႉဢီႉသၵႃႇရေႇဢုတ်ႈ ဢၼ်ပဵၼ်ၼႂ်းသိပ်းသွင်ပႃးၼၼ်ႉ ၵႂႃႇတီႈယိတ်ႈပရေႃးႁဵၵ်ႈလူင်တင်းလၢႆ ႁႂ်ႈလႆႈဢဝ်မၼ်းၸဝ်ႈဢၢပ်ႈဢေႃႈ။- 11ၶဝ်ၼၼ်ႉ ငိၼ်းသေယဝ်ႉ၊ သိူဝ်းၸူမ်းလႄႈ တၵ်းပၼ်ငိုၼ်း ဝႃႈၼႆ ႁပ်ႉတုင်းဢဝ်ဢေႃႈ။ လိုၼ်းၼၼ်ႉ မၼ်းၵျၢမ်ႇႁႃလွင်ႈဢၼ်တၵ်းလႆႈဢဝ်မၼ်းၸဝ်ႈ ဢၢပ်ႈတီႈၶဝ် ၼႂ်းၶိင်ႇၵႃႇလႃႉဢၼ်ထုၵ်ႇၼၼ်ႉၸိူဝ်ႉၼင်ႇႁိုဝ်ၼၼ်ႉယူႇဢေႃႈ။
ၸဝ်ႈယေႇသူႉၵိၼ်ပွႆးပႃႉသၶႃႇ
(တူၺ်း၊ မၢတ်ႈ 26:17-25။ လူႉ 22:7-14၊21-23။ ယူဝ်း 13:21-30)
12ဝၼ်းပထမႃႉ ပွႆးၶဝ်ႈမုၼ်းဢၼ်ဢမ်ႇပႃးၸိူဝ်ႉပႅင်ႈ၊ ဝၼ်းမိူဝ်ႈဢၼ် ဢဝ်သူဝ်းပႃႉသၶႃႇတၢႆၼၼ်ႉ၊ တပႄးၸဝ်ႈတင်းလၢႆ သုတ်ႉၸပ်းသုတ်ႉၸူး တီႈမၼ်းၸဝ်ႈသေလႄႈ လဝ်ႊထၢမ်လႄႈဝႃႈ၊ ၸဝ်ႈႁဝ်းမီးဢလူဝ်ႇၶႂ်ႈႁႂ်ႈႁဝ်းၶႃႈၵႂႃႇလႄႈ မႄးႁႅၼ်းဝႆႉပုၼ်ႈဢၼ်ၸဝ်ႈႁဝ်း တၵ်းလႆႈၵိၼ်ပွႆးပႃႉသၶႃႇၼၼ်ႉ ၵႃႈတီႈလႂ်ၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 13မၼ်းၸဝ်ႈပွႆႇၸႂ်ႉတပႄးၸဝ်ႈသွင်ၵေႃႉ ၵႂႃႇလႄႈသင်ႇလၢတ်ႈဝႃႈ၊ သူၶဝ်ႈၵႂႃႇၵႃႈၼႂ်းဝဵင်းပုၼ်ႉတႃႉ၊ သူတၵ်းထူပ်းႁၼ် ၵေႃႉဢၼ်ပႃးမေႃႈၼမ်ႉယူႇဢေႃႈ။ ၸွမ်းပႃႈလင်ၵေႃႉၼၼ်ႉၵႂႃႇလႄႈ၊- 14လၢတ်ႈတီႈၸဝ်ႈႁိူၼ်း ၼႂ်းတီႈဢၼ်မၼ်းၶဝ်ႈၼၼ်ႉလႄႈဝႃႈ၊ သြႃႇထၢမ်ဝႃႈ၊ လုၵ်းၶႅၵ်ႇဢၼ်ၵဝ် ဢိၵ်ႇတင်းတပႄးၵဝ်တင်းလၢႆ တၵ်းၵိၼ်ပွႆးပႃႉသၶႃႇၼၼ်ႉၸမ်ႉ၊ မီးၵႃႈလႂ်၊ ဝႃႈၼင်ႇၼႆတႃႉ။- 15ၵေႃႉၼၼ်ႉတၵ်းၼႄပၼ် လုၵ်းလူင်ႁၢၼ်ႉၼိူဝ် ဢၼ်မႄးႁႅၼ်းဝႆႉယဝ်ႉၼၼ်ႉဢေႃႈ။ သူမႄးႁႅၼ်းဝႆႉ ၵႃႈတီႈလုၵ်းၼၼ်ႉပုၼ်ႈၵဝ်တႃႉ၊ ဝႃႈၼင်ႇၼႆဢေႃႈ။- 16တပႄးၸဝ်ႈၸိူဝ်းၼၼ်ႉ ဢွၵ်ႇၵႂႃႇလႄႈ ၶဝ်ႈၵႃႈၼႂ်းဝဵင်းယဝ်ႉၸင်ႇ၊ ထူပ်းႁၼ်ၸိူဝ်ႉၼင်ႇဢၼ်မၼ်းၸဝ်ႈလၢတ်ႈၼၼ်ႉလႄႈ မႄးႁႅၼ်းပွႆးပႃႉသၶႃႇဝႆႉဢေႃႈ။
17မိူဝ်ႈဢၼ်ႁွတ်ႈထိုင်ၶိင်ႇႁူဝ်ၶမ်ႈၸိုင်၊ မၼ်းၸဝ်ႈ ဢိၵ်ႇတင်းသိပ်းသွင်ပႃးမႃးလႄႈ၊- 18ၼႂ်းမိူဝ်ႈဢၼ် ၶဝ်ဢိင်ယူႇၵႃႈတီႈႁိမ်းၶူင်ႇတီႈၵိၼ်သေလႄႈ ၵိၼ်ယူႇၼၼ်ႉၸိုင် ယေႇသူႉလၢတ်ႈလႄႈဝႃႈ၊ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၼႂ်းသူၼႆႉ ၵေႃႉဢၼ်ၵိၼ်ယူႇလူၺ်ႈၵၼ်တင်းၵဝ်ၵေႃႉၼိုင်ႈ တၵ်းဢဝ်ၵဝ်ဢၢပ်ႈဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 19ၶဝ်ၼၼ်ႉ ၸႂ်လဵၵ်ႉၸႂ်ဢူၼ်ႈလႄႈ ၵေႃႉၼိုင်ႈယဝ်ႉၵေႃႉၼိုင်ႈ ႁင်းၽႂ်ႁင်းမၼ်းလဝ်ႊထၢမ်လႄႈဝႃႈ၊ ပဵၼ်ၵဝ်ၶႃႈၶႃႈႁိုဝ်။ ပဵၼ်ၵဝ်ၶႃႈၶႃႈႁိုဝ်။ ဝႃႈၼင်ႇၼႆဢေႃႈ။- 20မၼ်းၸဝ်ႈၵေႃႈ လၢတ်ႈလႄႈဝႃႈ၊ ၵေႃႉဢၼ်ပႃးၼႂ်းသိပ်းသွင်ပႃး ဢၼ်ၸူၵ်းၵႃႈၼႂ်းဝၢၼ်ႇ ႁူမ်ႈၵၼ်တင်းၵဝ်ၼႆႉၼၼ်ႉ တၵ်းဢဝ်ၵဝ်ဢၢပ်ႈဢေႃႈ။- 21လုၵ်ႈၵူၼ်းတၵ်းလႆႈၵႂႃႇ ၵႃႈၼင်ႇဢၼ်မႃးၼႂ်းၵျၢမ်းလိၵ်ႈၼၼ်ႉဢေႃႈ။ ၼႂ်းဝႃႈၼၼ်သေၵေႃႈ ၵေႃႉဢၼ်ဢဝ်လုၵ်ႈၵူၼ်းဢၢပ်ႈၼၼ်ႉ မီးဢႃႉမင်ႇၵလႃႇဢေႃႈ။ ပေႃးၵေႃႉၼၼ်ႉ ဢမ်ႇလႆႈၶၢမ်ႇတၢင်းဢၼ်ၵိူတ်ႇလဵင်ႉမႃးၸိုင်၊ ယဵင်ႈၶႅၼ်းတၵ်းလီဢေႃႈ၊ ဝႃႈၼင်ႇၼႆဢေႃႈ။
တၢင်းဢၼ်ၵိၼ်ပွႆးၸဝ်ႈ
(တူၺ်း၊ မၢတ်ႈ 26:26-30။ လူႉ 22:14-20။ 1 ၵေႃး 11:23-25)
22ၼႂ်းမိူဝ်ႈဢၼ်ၶဝ်ၵိၼ်ယူႇၼၼ်ႉၸိုင်၊ မၼ်းၸဝ်ႈဢဝ်ၶဝ်ႈမုၼ်းလႄႈ ယွင်ႈယေႃးၵျေးၸူးၸဝ်ႈယဝ်ႉၸင်ႇ၊ ဝိတ်းၶဝ်ႈမုၼ်းပၼ်တီႈၶဝ်ၼၼ်ႉလႄႈ လၢတ်ႈဝႃႈ၊ ဢွၼ်ၵၼ်ဢဝ်တႃႉ။ ၶဝ်ႈမုၼ်းၼႆႉၸမ်ႉ ပဵၼ်တူဝ်ၵဝ်ဢေႃႈ၊ ဝႃႈၼင်ႇၼႆဢေႃႈ။- 23ၵွၵ်းၵေႃႈမၼ်းၸဝ်ႈဢဝ်လႄႈ ယွင်ႈယေႃးၵျေးၸူးၸဝ်ႈယဝ်ႉၸင်ႇ၊ ပၼ်တီႈၶဝ်ၼၼ်ႉလႄႈ ၶဝ်ၵႃႈမီးတင်းသဵင်ႈတင်းလူင် ဢွၼ်ၵၼ်ၵိၼ်ဢေႃႈ။- 24မၼ်းၸဝ်ႈသမ်ႉလၢတ်ႈလႄႈဝႃႈ၊ ၵွၵ်းၼႆႉၸမ်ႉ၊ ပဵၼ်လိူတ်ႈၵဝ် ဢၼ်ၸၢပ်ႈသႅင်ႇၵၼ်တင်းပတီႉၺိၺ်ႇတြႃးဢၼ်မႂ်ႇလႄႈ သွၼ်းလေႃႇပုၼ်ႈၵူၼ်းၼမ်ၼႃႇဢေႃႈ။- 25ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၵဝ်တၵ်းဢမ်ႇၵိၼ်ၼမ်ႉမၢၵ်ႇၸပိတ်ႈ တေႃႇထိုင်ႁွတ်ႈဝၼ်းဢၼ်ၵဝ်တၵ်းၵိၼ်မဵဝ်းဢၼ်မႂ်ႇ ၵႃႈၼႂ်းမိူင်းၽြႃးပဵၼ်ၸဝ်ႈပုၼ်ႉဢေႃႈ၊ ဝႃႈၼင်ႇၼႆဢေႃႈ။- 26လိုၼ်းၼၼ်ႉ ၶဝ်ႁဵတ်းၵႂၢမ်းယဝ်ႉၸင်ႇ၊ ဢွၵ်ႇၵႂႃႇၸူးၵႃႈတီႈလွႆသၢၼ်ႇလုၼ်ႇပုၼ်ႉသေဢေႃႈ။
ပေႇတရူႉတၵ်းထဵင်ပႅတ်ႈၸဝ်ႈယေႇသူႉ
(တူၺ်း၊ မၢတ်ႈ 26:31-33။ လူႉ 22:31-34။ ယူဝ်း 13:36-38)
27မိူဝ်ႈၼၼ်ႉ ယေႇသူႉလၢတ်ႈလႄႈဝႃႈ၊ သူၵႃႈမီးတင်းသဵင်ႈတင်းလူင် ၸႂ်တၵ်းလူႉၵွပ်ႈပိူဝ်ႈၵဝ်ဢေႃႈ။ လွင်ႈဢၼ်တႅမ်ႈဝႆႉၼႂ်းၵျၢမ်းလိၵ်ႈလႄႈဝႃႈၸမ်ႉ၊ ၵဝ်တၵ်းပေႃႉယႅၼ်ႉ ၵေႃႉဢၼ်လဵင်ႉဢၼ်ထိင်းသူဝ်းၼၼ်ႉတၢႆလႄႈ သူဝ်းတင်းလၢႆၼၼ်ႉ တၵ်းလႆႈၽၢတ်ႇၽႄၵၼ်ဢေႃႈဝႃႈၼႆ၊ မီးမႃးၼင်ႇၼႆဢေႃႈ။- 28ၼႂ်းဝႃႈၼၼ်သေၵေႃႈ ၵဝ်လုၵ်ႉၶိုၼ်းယဝ်ႉၸင်ႇ တၵ်းၵႂႃႇၵႃႈတီႈမိူင်းၵႃႇလီႉလႄးပုၼ်ႉဢွၼ်တၢင်းသူဢေႃႈ၊ ဝႃႈၼင်ႇၼႆဢေႃႈ။
29 ပေႇတရူႉၵေႃႈလဝ်ႊလၢတ်ႈလႄႈဝႃႈ၊ ပိၵ်ႉသမ်ႉၶဝ်ၸိူဝ်းၼႆႉ တင်းသဵင်ႈတင်းလူင် ၸႂ်လူႉသေၵေႃႈ၊ ၵဝ်ၶႃႈၸႂ်တၵ်းဢမ်ႇလူႉၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 30ယေႇသူႉၵေႃႈလၢတ်ႈလႄႈဝႃႈ၊ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၼႂ်းဝၼ်းမိူဝ်ႈၼႆႉ ၶိုၼ်းၸူဝ်ႈ၊ ၸူဝ်ႈဢၼ်ၵႆႇဢမ်ႇပႆႇၶၼ်သွင်ပွၵ်ႈၼၼ်ႉၸိုင်၊ မႂ်းတၵ်းထဵင်ပႅတ်ႈၵဝ် ထူၼ်ႈထိုင်သၢမ်ပွၵ်ႈဢေႃႈ၊ ဝႃႈၼင်ႇၼႆယဝ်ႉၸင်ႇ၊- 31မၼ်းၵေႃႈ ယဵင်ႈၶႅၼ်းၶိုၼ်းလဝ်ႊလၢတ်ႈၵႂၢမ်းၵႅၼ်ႇၶႅင်ၼႃႇလူင်လၢင်လႄႈဝႃႈ၊ ပိၵ်ႉသမ်ႉၵဝ်ၶႃႈတၵ်းလႆႈတၢႆလူၺ်ႈၵၼ်တင်းၸဝ်ႈႁဝ်းသေၵေႃႈ၊ ၵဝ်ၶႃႈတၵ်းဢမ်ႇ ပႄႇပႅတ်ႈၸဝ်ႈႁဝ်းၶႃႈၵူၺ်ႉ၊ ဝႃႈၼင်ႇၼႆဢေႃႈ။ ၶဝ်တင်းသဵင်ႈတင်းလူင်ၼၼ်ႉၵေႃႈ လဝ်ႊလၢတ်ႈမိူၼ်မိူၼ်ၵၼ်ဢေႃႈ။
ၸဝ်ႈယေႇသူႉသူးတွင်းၼႂ်းသူၼ်
(တူၺ်း၊ မၢတ်ႈ 26:36-46။ လူႉ 22:39-46)
32မိူဝ်ႈၼၼ်ႉ ၶဝ်ႁွတ်ႈထိုင်ၵႃႈတီႈဢၼ်လႆႈၸိုဝ်ႈၵေႇသႃႉသေႇမၼီႉၼၼ်ႉယဝ်ႉၸင်ႇ၊ မၼ်းၸဝ်ႈသင်ႇလၢတ်ႈတီႈတပႄးၸဝ်ႈတင်းလၢႆလႄႈဝႃႈ၊ ၼႂ်းမိူဝ်ႈဢၼ် ၵဝ်ယင်းတိုၵ်ႉသူးတွင်းယူႇၼၼ်ႉၸိုင်၊ သူၼင်ႈယူႇၵႃႈတီႈၼႆႈတႃႉ၊ ဝႃႈၼင်ႇၼႆသေယဝ်ႉ၊- 33ႁွင်ႉဢဝ်ပေႇတရူႉ၊ ယႃႇၵုပ်ႈ တင်းယူဝ်းႁၢၼ်ႇၵႂႃႇလႄႈ မၼ်းၸဝ်ႈႁွတ်ႈထိုင်တၢင်းဢၼ်ၵႂင်ၸႂ်ယုင်ႈၸႂ်၊ တၢင်းဢၼ်ယၢပ်ႇၸႂ်ၵိၼ်းၸႂ်ၼႃႇလူင်လၢင်ဢေႃႈ။- 34ၵမ်းၼၼ်ႉ မၼ်းၸဝ်ႈလၢတ်ႈတီႈၶဝ်လႄႈဝႃႈ၊ ၵဝ်ၼႆႉ ႁူဝ်ၸႂ်လဵၵ်ႉၼႃႇထၼ်ႈပေႃးၸမ်တၵ်းတၢႆဢေႃႈ။ ယူႇၵႃႈတီႈၼႆႈလႄႈပႂ်ႉထႃႈယူႇတႃႉ၊ ဝႃႈၼင်ႇၼႆဢေႃႈ။- 35မၼ်းၸဝ်ႈပူၼ်ႉသေၵႃႈတီႈၼၼ်ႈၵႂႃႇ ဢိတ်းဢွၼ်ႇၼိုင်ႈယဝ်ႉၸင်ႇ၊ ၶုပ်ႉမူပ်ႇၵႃႈၼိူဝ်လိၼ်လႄႈ၊ ပေႃးၶိင်ႇၼႃႇရီႇၼၼ်ႉပူၼ်ႉမၼ်းၸဝ်ႈၵႂႃႇလႆႈ၊ ၼင်ႇႁိုဝ်တၵ်းပူၼ်ႉၵႂႃႇၸိုင်၊ သူးတွင်းလႄႈဝႃႈ၊- 36ဢပ်ႉပႃႉပေႃႈၸဝ်ႈ၊ ၸဝ်ႈႁဝ်းတၢတ်ႈၼိူင်ႇလႆႈၵူႈၸိူဝ်ႉၵူႈပိူင်တီႈၶႃႈဢေႃႈ။ ႁႂ်ႈၵွၵ်းၼႆႉပိူင်ႈသေၵဝ်ၶႃႈသေၵမ်းတီႈၶႃႈ။ ၼႂ်းဝႃႈၼၼ်သေၵေႃႈ ယႃႇႁႂ်ႈပဵၼ်ၵႃႈၼင်ႇဢၼ်ဢလူဝ်ႇၵဝ်ၶႃႈမီးသေၵမ်းတီႈၶႃႈ၊ ႁႂ်ႈပဵၼ်ၵႃႈၼင်ႇဢၼ်ဢလူဝ်ႇၸဝ်ႈႁဝ်းမီးသေၵမ်းတီႈၶႃႈ၊ ဝႃႈၼင်ႇၼႆဢေႃႈ။
37မၼ်းၸဝ်ႈၶိုၼ်းမႃးလႄႈ ထူပ်းႁၼ်ၶဝ်ၼွၼ်းလပ်းယူႇသေယဝ်ႉ၊ လၢတ်ႈတီႈပေႇတရူႉလႄႈဝႃႈ၊ မႂ်းၼွၼ်းလပ်းယူႇႁိုဝ်။ ၼင်ႇႁိုဝ်တၵ်းလႆႈပႂ်ႉယူႇသေၼႃႇရီႇၼိုင်ႈၵူၺ်းၸိုင်၊ မႂ်းဢမ်ႇတၢတ်ႈၼိူင်ႇလႆႈႁိုဝ်။- 38လွင်ႈၼင်ႇႁိုဝ် တၵ်းဢမ်ႇလႆႈၶၢမ်ႇတၢင်းဢၼ်ၸၢမ်းတူၺ်းယႃႉယူၵ်ႉၸိုင်၊ သူးတွင်းလႄႈပႂ်ႉထႃႈယူႇတႃႉ။ ပိၵ်ႉသမ်ႉၸႂ်ဝီႉၺိၺ်ႇမီးတင်းၸေႇတၼႃႇသေၵေႃႈ၊ တူဝ်ၸမ်ႉ၊ ဢမ်ႇမီးႁႅင်း၊ ဝႃႈၼင်ႇၼႆယဝ်ႉၸင်ႇ၊- 39သမ်ႉၵႂႃႇထႅင်ႈလႄႈသူးတွင်း ၸိူဝ်ႉၼင်ႇၵႂၢမ်းဢၼ်ဝႃႈ ၵမ်းဢွၼ်တၢင်းၼၼ်ႉယူႇဢေႃႈ။- 40လိုၼ်းၼၼ်ႉ မၼ်းၸဝ်ႈသမ်ႉၶိုၼ်းမႃးတီႈဢၼ် ၶဝ်မီးၼၼ်ႉထႅင်ႈလႄႈ ထူပ်းႁၼ်ၶဝ်ၼွၼ်းလပ်းၵွပ်ႈပိူဝ်ႈဢၼ် မၢၵ်ႇတႃၶဝ်ၼၵ်းၼႃႇ လူင်လၢင်ၼၼ်ႉဢေႃႈ။ ၶဝ်ဢမ်ႇႁူႉလွင်ႈဢၼ် ၶဝ်တၵ်းၶိုၼ်းလဝ်ႊလၢတ်ႈတီႈမၼ်းၸဝ်ႈၸိူဝ်ႉၼင်ႇႁိုဝ်ၼၼ်ႉ။
41လိုၼ်းၼၼ်ႉ မၼ်းၸဝ်ႈသမ်ႉၶိုၼ်းမႃးၵႃႈတီႈဢၼ် ၶဝ်မီးၼၼ်ႉထူၼ်ႈထိုင်သၢမ်ပွၵ်ႈလႄႈလၢတ်ႈဝႃႈ၊ မိူဝ်ႈလဵဝ်ၼႆႉ သူၼွၼ်းလပ်းယူႇၼိမ်ၼိမ်တႃႉ။ ပေႃးယဝ်ႉ။ ၶိင်ႇႁွတ်ႈမႃးယဝ်ႉ။ တူၺ်းလူး၊ လုၵ်ႈၵူၼ်းလႆႈၶၢမ်ႇတၢင်းဢၼ် ဢၢပ်ႈၵႃႈၼႂ်းမိုဝ်းၵူၼ်းႁၢႆႉတင်းလၢႆဢေႃႈ။- 42ဢွၼ်ၵၼ်လုၵ်ႉတႃႉ။ ၵႂႃႇတႃႉႁဝ်း။ ၵေႃႉဢၼ်ဢဝ်ၵဝ်ဢၢပ်ႈၼၼ်ႉ ႁွတ်ႈမႃးယဝ်ႉ၊ ဝႃႈၼင်ႇၼႆဢေႃႈ။
တၢင်းဢၼ်တီႉဢဝ်ၸဝ်ႈယေႇသူႉ
(တူၺ်း၊ မၢတ်ႈ 26:47-56။ လူႉ 22:47-53။ ယူဝ်း 18:3-12)
43ၼႂ်းမိူဝ်ႈဢၼ်မၼ်းၸဝ်ႈလၢတ်ႈၸိူဝ်ႉၼင်ႇၼႆယူႇၼၼ်ႉၸိုင်၊ ယူႉတႃႉ ဢီႉသၵႃႇရေႇဢုတ်ႈ ဢၼ်ပႃးၼႂ်းသိပ်းသွင်ပႃးၼၼ်ႉ မႃးၵမ်းလဵဝ်ဢေႃႈ။ ၵူၼ်းဢၼ်ၸူႉဢၼ်တုမ် ဢၼ်ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းထုတ်ႇၵျၢမ်း တင်းၵူၼ်းဢၼ်ပဵၼ်ၵႄႇပဵၼ်ႁူဝ်တင်းလၢႆ ပွႆႇၸႂ်ႉမႃးၸိူဝ်းၼၼ်ႉၵေႃႈ ၸွမ်းမၼ်းမႃးလႄႈ ပႃးတင်းၶွၼ်ႉတင်းလၢပ်ႇယူႇဢေႃႈ။- 44ၵေႃႉဢၼ်ဢဝ်မၼ်းၸဝ်ႈဢၢပ်ႈၼၼ်ႉ ႁဵတ်းတီႈမၢတ်ႈတီႈတွင်းဝႆႉတီႈၶဝ်ၼၼ်ႉလႄႈဝႃႈ၊ ၵေႃႉဢၼ်ၵဝ်ၼူမ်ၼၼ်ႉ ပဵၼ်မၼ်းဢေႃႈ။ တီႉဢဝ်မၼ်းလႄႈႁဵတ်းတင်းသတီႉဢဝ်ၵႂႃႇတႃႉဝႃႈၼႆ၊ ၵႃႈၼင်ႇဢၼ်ဝႃႈၼၼ်ႉ၊- 45မိူဝ်ႈဢၼ်မၼ်းႁွတ်ႈထိုင်ၸိုင်၊ သုတ်ႉၸပ်းသုတ်ႉၸူး တီႈမၼ်းၸဝ်ႈၵမ်းလဵဝ်လႄႈဝႃႈ၊ ၸဝ်ႈႁဝ်း၊ ၸဝ်ႈႁဝ်း၊ ဝႃႈၼင်ႇၼႆသေလႄႈ ၼူမ်မၼ်းၸဝ်ႈဢေႃႈ။- 46ၶဝ်ၼၼ်ႉယိပ်းၵမ်တီႉဢဝ်မၼ်းၸဝ်ႈဢေႃႈ။- 47ၵူၼ်းဢၼ်ၸုၵ်းယူႇႁိမ်းၼၼ်ႉၵေႃႉၼိုင်ႈ ထွတ်ႇဢဝ်လၢပ်ႇမၼ်းဢွၵ်ႇယဝ်ႉၸင်ႇ၊ ၽၼ်းၶႃႈယိတ်ႈပရေႃးႁဵၵ်ႈလူင်ၵေႃႉၼိုင်ႈလႄႈ ဝၢၼ်ႁူမၼ်းၶၢတ်ႇၵႂႃႇဢေႃႈ။- 48ယေႇသူႉၵေႃႈလၢတ်ႈတီႈၶဝ်လႄႈဝႃႈ၊ သူပႃးဢဝ်တင်းလၢပ်ႇတင်းၶွၼ်ႉသေလႄႈ မႃးႁႂ်ႈလႆႈတီႉဢဝ်ၵဝ်မိူၼ်ၸိူဝ်ႉၼင်ႇဢၼ် တီႉဢဝ်ၸူၼ်ၼၼ်ႉလူင်ပႄႇ။- 49မိူဝ်ႈဢၼ်ၵဝ်မီးယူႇလူၺ်ႈၵၼ်တင်းသူ ၵႃႈၼႂ်းပိၵ်ႈမၢၼ်ႇၸဝ်ႈၵူႈဝၼ်းလႄႈ သင်ႇသွၼ်ပၼ်ယူႇၼၼ်ႉၸိုင်၊ သူဢမ်ႇတီႉဢဝ်ၵဝ်။ လွင်ႈမၼ်းၸမ်ႉ လွင်ႈၼင်ႇႁိုဝ်ၵျၢမ်းလိၵ်ႈတၵ်းပျေႉၸုမ်ႇၸိုင်၊ ၸင်ႇပဵၼ်ဢေႃႈ၊ ဝႃႈၼင်ႇၼႆဢေႃႈ။- 50မိူဝ်ႈၼၼ်ႉ တပႄးၸဝ်ႈတင်းသဵင်ႈတင်းလူင် ပႅတ်ႈဝႆႉမၼ်းၸဝ်ႈသေလႄႈ ဢွၼ်ၵၼ်လႅၼ်ႈပၢႆႈဢေႃႈ။
51ၵူၼ်းၼုမ်ႇဢၼ်တူဝ်ပူၺ်လႄႈ သုမ်ႇဝႆႉၽႃႈဝႆၽိုၼ်ၼိုင်ႈယူႇၼၼ်ႉၵေႃႉၼိုင်ႈ ၸွမ်းပႃႈလင်မၼ်းၸဝ်ႈၵႂႃႇလႄႈ၊ ၵူၼ်းဢွၼ်ႇၶုၼ်ၸိူဝ်းၼၼ်ႉ တီႉဢဝ်မၼ်းၼၼ်ႉဢေႃႈ။- 52မၼ်းၵေႃႈ ပႅတ်ႈဝႆႉၽႃႈဝႆသေလႄႈ ယူႇတူဝ်ပူၺ်ဢွၵ်ႇပၢႆႈၵႂႃႇသေၵႃႈၼႂ်းမိုဝ်းၶဝ်ၼၼ်ႉဢေႃႈ။
ၸဝ်ႈယေႇသူႉလႆႈၶၢမ်ႇၸႅတ်ႈထၢမ်
(တူၺ်း၊ မၢတ်ႈ 26:57-68။ လူႉ 22:54-55၊63-71။ ယူဝ်း 18:13-14၊19-24)
53ၶဝ်ၼၼ်ႉ ဢဝ်ယေႇသူႉၵႂႃႇသူင်ႇၵႃႈတီႈၶုၼ်ယိတ်ႈပရေႃးႁဵၵ်ႈဢေႃႈ။ ၵႃႈတီႈၶုၼ်ၼၼ်ႉ၊ ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းဢၼ်ပဵၼ်ၵႄႇပဵၼ်ႁူဝ် တင်းၵူၼ်းထုတ်ႇၵျၢမ်းတင်းသဵင်ႈတင်းလူင် ၸူႉၵၼ်တုမ်ၵၼ်ယူႇဢေႃႈ။- 54ပေႇတရူႉၵေႃႈ ယူႇၵႆၵႆၸွမ်းမၼ်းၸဝ်ႈ ၵႂႃႇထိုင်ႁွတ်ႈၵႃႈၼႂ်းတလၢင်း ဢၼ်မီးၵႄႈႁိူၼ်းၶုၼ်ယိတ်ႈပရေႃးႁဵၵ်ႈၼၼ်ႉယဝ်ႉၸင်ႇ၊ ၼင်ႈယူႇလူၺ်ႈၵၼ်တင်းလုၵ်ႈဢွၼ်ႇၶုၼ်တင်းလၢႆသေလႄႈ ဢွမ်ႇၽႆးယူႇဢေႃႈ။
55ယိတ်ႈပရေႃးႁဵၵ်ႈလူင် ဢိၵ်ႇတင်းၶုၼ်တီႈလုမ်းလူင် တင်းသဵင်ႈတင်းလူင်ၼၼ်ႉ ႁႃသၢၵ်ႈသေႇႁႂ်ႈလႆႈဢဝ်ယေႇသူႉတၢႆသေၵေႃႈ၊ ဢမ်ႇထူပ်းဢမ်ႇလႆႈ။- 56ပိၵ်ႉသမ်ႉၵူၼ်းၼမ်ၼႃႇ ယူႇၽၢႆႇၼိုင်ႈတင်းမၼ်းၸဝ်ႈသေလႄႈ ၶၢမ်ႇသၢၵ်ႈသေႇဢၼ်ဢမ်ႇၸိုဝ်ႈဢမ်ႇၸႂ်ႈသေၵေႃႈ၊ လွင်ႈဢၼ်ၶဝ်ၶၢမ်ႇသၢၵ်ႈသေႇၼၼ်ႉ ဢမ်ႇမႅၼ်ႈၵၼ်။- 57ၵမ်ႈၽွင်ႈလုၵ်ႉလႄႈ ၶၢမ်ႇသၢၵ်ႈသေႇဢၼ်ဢမ်ႇၸိုဝ်ႈဢမ်ႇၸႂ်ႈၼၼ်ႉသေလႄႈလၢတ်ႈဝႃႈ၊- 58ႁဝ်းၶႃႈလႆႈငိၼ်းၵေႃႉၼႆႉလၢတ်ႈလႄႈဝႃႈ၊ ၵဝ်တၵ်းယႃႉပႅတ်ႈပိၵ်ႈမၢၼ်ႇၸဝ်ႈ ဢၼ်ဢဝ်မိုဝ်းၵူၼ်းႁဵတ်းၼႆႉသေလႄႈ၊ ၼႂ်းသၢမ်ဝၼ်း တၵ်းမႄးႁဵတ်းပိၵ်ႈမၢၼ်ႇၸဝ်ႈလင်ၼိုင်ႈ ဢၼ်ဢမ်ႇဢဝ်မိုဝ်းၵူၼ်းႁဵတ်းၼၼ်ႉဢေႃႈ၊ ဝႃႈၼင်ႇၼႆၼၼ်ႉၶႃႈယဝ်ႉ၊ ဝႃႈၼင်ႇၼႆဢေႃႈ။- 59ၼႂ်းဝႃႈၼၼ်သေၵေႃႈ လွင်ႈဢၼ်ၶဝ်ၶၢမ်ႇသၢၵ်ႈသေႇၼၼ်ႉ ဢမ်ႇမႅၼ်ႈၵၼ်။
60ၶုၼ်ယိတ်ႈပရေႃးႁဵၵ်ႈၼၼ်ႉ၊ လုၵ်ႉၸုၵ်းယူႇၵႃႈၼႂ်းၶိုင်ႈၵၢင်ၶဝ်သေလႄႈ ထၢမ်တီႈယေႇသူႉလႄႈဝႃႈ၊ မႂ်းဢမ်ႇၶိုၼ်းလၢတ်ႈၵႃႈသင်သေဢိတ်းႁိုဝ်။ ၶဝ်ၼႆႉယူႇၽၢႆႇၼိုင်ႈတင်းမႂ်းသေလႄႈ ၶၢမ်ႇသၢၵ်ႈသေႇၸိူဝ်ႉၼင်ႇႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊- 61မၼ်းၸဝ်ႈယူႇတဵတ်ႇတဵတ်ႇယူႇလႄႈ ဢမ်ႇၶိုၼ်းလၢတ်ႈၵႂၢမ်းသေၶေႃႈသေၵမ်း။ ၶုၼ်ယိတ်ႈပရေႃးႁဵၵ်ႈၵေႃႈ သမ်ႉၶိုၼ်းထၢမ်ထႅင်ႈလႄႈဝႃႈ၊ မႂ်းပဵၼ်ၸဝ်ႈၶရိၸ်ႈ လုၵ်ႈၽြႃးပဵၼ်ၸဝ်ႈဢၼ်မီးမင်ႇၵလႃႇၼၼ်ႉ၊ ၸႂ်ႈႁိုဝ်။ ဢမ်ႇၸႂ်ႈႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊- 62ယေႇသူႉၵေႃႈလၢတ်ႈလႄႈဝႃႈ၊ ၵဝ်ပဵၼ်ဢေႃႈ။ မိူဝ်းၼႃႈထႃႈလိုၼ်းသူတၵ်းလႆႈႁၼ်လုၵ်ႈၵူၼ်းၼင်ႈယူႇၵႃႈတီႈၽၢႆႇၶႂႃတၼ်းၶူဝ်းၸဝ်ႈသေလႄႈ မႃးၵႃႈၼိူဝ်မွၵ်ႇၵုမ်ႈပုၼ်ႉဢေႃႈ၊ ဝႃႈၼင်ႇၼႆဢေႃႈ။- 63မိူဝ်ႈၼၼ်ႉ ၶုၼ်ယိတ်ႈပရေႃးႁဵၵ်ႈ ၸၵ်ႉသိၵ်ႇၶူဝ်းၼုင်ႈတူဝ်ၸဝ်ႈၵဝ်ႇသေလႄႈ သမ်ႉၶိုၼ်းထၢမ်လႄႈဝႃႈ၊ ႁဝ်းတၵ်းလူဝ်ႇသၢၵ်ႈသေႇဢၼ်လႂ်ထႅင်ႈလူးၵွၼ်ႇ။- 64သူလႆႈငိၼ်းၵႂၢမ်းဢၼ်လၢတ်ႈပူၼ်ႉလၢတ်ႈလိူဝ် ၽြႃးပဵၼ်ၸဝ်ႈၼႆႉယဝ်ႉ။ သူထၢင်ႇၸိူဝ်ႉၼင်ႇႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊ မၼ်းၸဝ်ႈထိူၵ်ႈၶၢမ်ႇတၢင်းတၢႆယဝ်ႉ၊ ဝႃႈၼႆ၊ ၶဝ်တင်းသဵင်ႈတင်းလူင်ၸိူဝ်းၼၼ်ႉ ၽွမ်ႉၵၼ်ၸီႇယၢင်ႇဢေႃႈ။- 65မိူဝ်ႈၼၼ်ႉ ၵမ်ႈၽွင်ႈထူမ်ႇၼမ်ႉလၢႆးသႂ်ႇတီႈမၼ်းၸဝ်ႈဢေႃႈ။ ၶဝ်ႁူမ်ႇသုမ်ႇၼႃႈမၼ်းၸဝ်ႈယဝ်ႉၸင်ႇ၊ ဢဝ်တႃမိုဝ်းတမ်သႂ်ႇမၼ်းၸဝ်ႈလႄႈလၢတ်ႈဝႃႈ၊ ၶႅၼ်းတေႃႈႁဵတ်းပရေႃးၽႅတ်ႈသေလႄႈ ႁေႃးလၢတ်ႈသေၵမ်းတီႈၶႃႈ၊ ဝႃႈၼင်ႇၼႆဢေႃႈ။ လုၵ်ႈဢွၼ်ႇၶုၼ်တင်းလၢႆၵေႃႈ ထုပ်ႉတဵင်ႉမၼ်းၸဝ်ႈသေလႄႈ ႁပ်ႉတုင်းဢဝ်မၼ်းၸဝ်ႈဢေႃႈ။
ပေႇတရူႉထဵင်ပႅတ်ႈၸဝ်ႈယေႇသူႉ
(တူၺ်း၊ မၢတ်ႈ 26:69-75။ လူႉ 22:56-62။ ယူဝ်း 18:15-18၊25-27)
66ၼႂ်းမိူဝ်ႈဢၼ်ပေႇတရူႉမီးယူႇၵႃႈတႂ်ႈၼႂ်းတလၢင်း ဢၼ်မီးၵႄႈႁိူၼ်းၼၼ်ႉယူႇၼၼ်ႉၸိုင်၊ မႄႈယိင်းဢၼ်ပဵၼ်ၵူၼ်းၸႂ်ႉၵူၼ်းသွႆ ၶုၼ်ယိတ်ႈပရေႃးႁဵၵ်ႈၵေႃႉၼိုင်ႈမႃးလႄႈ၊- 67ႁၼ်ပေႇတရူႉဢွမ်ႇၽႆးယူႇၼၼ်ႉသေယဝ်ႉ၊ ယႅၵ်ႉတူၺ်းမၼ်းၸေးၸေးၸွတ်ႇၸွတ်ႇသေလႄႈလၢတ်ႈဝႃႈ၊ မႂ်းၼႆႉၵေႃႈလႆႈယူႇလူၺ်ႈၵၼ်တင်းယေႇသူႉၵူၼ်းဝဵင်းၼႃႇၸရႅတ်ႈၼၼ်ႉဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 68မၼ်းၵေႃႈထဵင်ပႅတ်ႈလႄႈဝႃႈ၊ ၵဝ်ဢမ်ႇႁူႉဢမ်ႇၸႅင်ႈ လွင်ႈဢၼ်မႂ်းလၢတ်ႈၼႆႉ၊ ဝႃႈၼင်ႇၼႆယဝ်ႉၸင်ႇ၊ ဢွၵ်ႇၵႂႃႇၵႃႈၼွၵ်ႈ ၼႂ်းတီႈဢၼ်မီးပႃႈၼႃႈတလၢင်း ဢၼ်မီးၵႄႈႁိူၼ်းၼၼ်ႉလႄႈၵႆႇၶၼ်ဢေႃႈ။
69လိုၼ်းၼၼ်ႉ မႄႈယိင်းၼၼ်ႉ ႁၼ်မၼ်းသေယဝ်ႉ၊ သမ်ႉလၢတ်ႈတီႈၶဝ်ၸိူဝ်းဢၼ် ၸုၵ်းယူႇၵႃႈတီႈႁိမ်းၼၼ်ႉလႄႈဝႃႈ၊ ၵေႃႉၼႆႉၶဝ်ႈပႃးၼႂ်းၶဝ်ၸိူဝ်းၼၼ်ႉဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊ ပေႇတရူႉသမ်ႉၶိုၼ်းထဵင်ပႅတ်ႈဢေႃႈ။
70လိုၼ်းၼၼ်ႉ ဢမ်ႇပေႃးႁိုင် ၶဝ်ၸိူဝ်းဢၼ်ၸုၵ်းယူႇၵႃႈတီႈႁိမ်းၼၼ်ႉၵေႃႈ လၢတ်ႈတီႈပေႇတရူႉလႄႈဝႃႈ၊ ၸႂ်ႈတႄႉ၊ မႂ်းၼႆႉ ၶဝ်ႈပႃးၼႂ်းၶဝ်ၸိူဝ်းၼၼ်ႉဢေႃႈ။ လွင်ႈမၼ်းၸမ်ႉ မႂ်းပဵၼ်ၵူၼ်းမိူင်းၵႃႇလီႉလႄးဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 71မၼ်းၵေႃႈတိူင်ႇလႄႈၵိၼ်ႇလၢတ်ႈဝႃႈ၊ ၵဝ်ဢမ်ႇႁူႉၵေႃႉဢၼ်သူလၢတ်ႈၼၼ်ႉ၊ ဝႃႈၼင်ႇၼႆယဝ်ႉၸင်ႇ၊- 72ၵႆႇသမ်ႉၶၼ်ထႅင်ႈပွၵ်ႈၼိုင်ႈဢေႃႈ။ ပေႇတရူႉၶုၵ်းၸႂ်လႆႈၶႆႈၸႂ်ထူပ်း ၵႂၢမ်းဢၼ်ယေႇသူႉလၢတ်ႈတီႈမၼ်းလႄႈဝႃႈ၊ ၸူဝ်ႈဢၼ်ၵႆႇဢမ်ႇပႆႇၶၼ်သွင်ပွၵ်ႈၼၼ်ႉၸိုင် မႂ်းတၵ်းထဵင်ပႅတ်ႈၵဝ် ထူၼ်ႈထိုင်သၢမ်ပွၵ်ႈဢေႃႈ၊ ဝႃႈၼင်ႇၼႆၼၼ်ႉလႄႈ၊ မိူဝ်ႈဢၼ်ၶႆႈၸႂ်ဝူၼ်ႉၸႂ်လူၺ်ႈလွင်ႈမၼ်းယဝ်ႉၼၼ်ႉၸိုင် ႁွင်ႉႁႆႈဢေႃႈ။
നിലവിൽ തിരഞ്ഞെടുത്തിരിക്കുന്നു:
မႃႇၵူႉ 14: CBMS
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship
မႃႇၵူႉ 14
14
တၢင်းဢၼ်ၵျၢမ်ႇဢဝ်ၸဝ်ႈယေႇသူႉတၢႆ
(တူၺ်း၊ မၢတ်ႈ 26:1-5။ လူႉ 22:1-2။ ယူဝ်း 11:45-53)
1လိုၼ်းၼၼ်ႉ ပူၼ်ႉသေသွင်ဝၼ်းယဝ်ႉၸင်ႇ၊ မီးပွႆးပႃႉသၶႃႇ ဢၼ်ဝႃႈ ပွႆးၶဝ်ႈမုၼ်း ဢၼ်ဢမ်ႇပႃးၸိူဝ်ႉပႅင်ႈၼၼ်ႉဢေႃႈ။ ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းထုတ်ႇၵျၢမ်းတင်းလၢႆ ၵျၢမ်ႇႁႃႁႂ်ႈလႆႈႁဵတ်းတင်းပရီႉယႄႇ တီႉဢဝ်မၼ်းၸဝ်ႈသေလႄႈ ဢဝ်တၢႆဢေႃႈ။- 2ၼႂ်းဝႃႈၼၼ်သေၵေႃႈ ၶဝ်ၼၼ်ႉ လၢတ်ႈၵၼ်လႄႈဝႃႈ၊ ၵူဝ်ၵူၼ်းတင်းလၢႆ တၵ်းတူင်ႉတၵ်းတိုၼ်ႇလႄႈ ၼႂ်းဝၼ်းပွႆးၼႆႉၸိုင် ယႃႇပေၽူမ်ႈႁဵတ်းလူးၵွၼ်ႇ၊ ဝႃႈၼင်ႇၼႆဢေႃႈ။
ဢဝ်ၼမ်ႉမၼ်းႁွမ်သွၼ်းလေႃႇၵႃႈၼိူဝ်ႁူဝ်ၸဝ်ႈယေႇသူႉ
(တူၺ်း၊ မၢတ်ႈ 26:6-13။ ယူဝ်း 12:1-8)
3ၼႂ်းမိူဝ်ႈဢၼ်မၼ်းၸဝ်ႈမီးယူႇၼႂ်းဝၢၼ်ႈပေႇထၼီႉ တီႈႁိူၼ်းၵူၼ်းတုတ်ႈၵေႃႉၼိုင်ႈ ဢၼ်လႆႈၸိုဝ်ႈသီႉမုၼ်ႇၼၼ်ႉလႄႈ ဢိင်ယူႇၵႃႈႁိမ်းၶူင်ႇတီႈၵိၼ်ၼၼ်ႉၸိုင်၊ မႄႈယိင်းၵေႃႉၼိုင်ႈ ဢဝ်တဝ်ႈမၢၵ်ႇႁိၼ်ၽိူၵ်ႇလုၵ်းၼိုင်ႈ ဢၼ်တဵမ်ဝႆႉတင်းၼမ်ႉမၼ်းႁွမ်ၼႃႇတူႉၸႅတ်ႈၸႅတ်ႈ ဢၼ်ထိူၵ်ႈၵႃႈယႂ်ႇၼႃႇၼၼ်ႉ မႃးတီႈမၼ်းၸဝ်ႈလႄႈ ဢဝ်တဝ်ႈမၢၵ်ႇႁိၼ်ၽိူၵ်ႇၼၼ်ႉတႅၵ်ႇယဝ်ႉၸင်ႇ၊ ထွၵ်ႇသႂ်ႇၵႃႈၼိူဝ်ႁူဝ်မၼ်းၸဝ်ႈဢေႃႈ။- 4ၵမ်ႈၽွင်ႈၸႂ်မႆႈၶႆႈၸႃႉၼႃႇလူင်လၢင်လႄႈလၢတ်ႈဝႃႈ၊ ႁဵတ်းႁိုဝ်လႄႈ ႁႂ်ႈၼမ်ႉမၼ်းႁွမ်ၼႆႉ သုမ်းပႅတ်ႈလၢႆလၢႆၼင်ႇႁိုဝ်။- 5ၼမ်ႉမၼ်းႁွမ်ၼႆႉ ထုၵ်ႇလီၶၢႆဢဝ် တင်းၵႃႈမၼ်းၶၼ်မၼ်း ဢၼ်တူၵ်း တေႇၼႃႇရီႇ သၢမ်ပၢၵ်ႇၶႅပ်းလိူဝ်လိူဝ်ၼၼ်ႉသေလႄႈ ပၼ်တီႈၶဝ်ၸိူဝ်းဢၼ်ယၢၵ်ႈဢၼ်ၽၢၼ်တင်းလၢႆၼၼ်ႉဢေႃႈ၊ ဝႃႈၼင်ႇၼႆလႄႈ တၢင်ႇဢပႅတ်ႈတီႈ မႄႈယိင်းၼၼ်ႉဢေႃႈ။- 6ယေႇသူႉၵေႃႈ လၢတ်ႈလႄႈဝႃႈ၊ ယႃႇမၼ်းတႃႉ၊ ႁဵတ်းသင်လႄႈ သူယႃႉယူၵ်ႉမၼ်းၼင်ႇႁိုဝ်။ မၼ်းႁဵတ်းလွင်ႈတၢင်းဢၼ်လီဢၼ်ငၢမ်းတီႈၵဝ်ယဝ်ႉ။- 7ၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၼၼ်ႉ မီးယူႇတီႈသူတႃႇသေႇဢေႃႈ။ ၵႃႈၼင်ႇဢၼ် သူမီးဢလူဝ်ႇၼၼ်ႉ၊ သူႁဵတ်းၵျေးၸူးတီႈၶဝ်ၼၼ်ႉ လႆႈယူႇဢေႃႈ။ ၵဝ်ၸမ်ႉ၊ မီးယူႇတီႈသူတႃႇသေႇဢမ်ႇၸႂ်ႈ။- 8မၼ်းၼႆႉ ႁဵတ်းၵႃႈဢၼ် မၼ်းတၢတ်ႈၼိူင်ႇလႆႈၼၼ်ႉယဝ်ႉ။ မၼ်းဢဝ်ၼမ်ႉမၼ်းတႃးတူဝ်ၵဝ် ႁႂ်ႈလႆႈမႄးႁႅၼ်းပုၼ်ႈဢၼ်တၵ်းသၢင်းၵျူဝ်ႇၵဝ်ၼၼ်ႉဝႆႉ ဢွၼ်တၢင်းဢေႃႈ။- 9ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၵႃႈတီႈဢၼ် ႁေႃးလၢတ်ႈတြႃးသတၢင်းသိူဝ်းပျေႃႇ ၵႃႈၼိူဝ်လိၼ်မိူင်း ၵူႈတီႈၵူႈလႅၼ်ၼၼ်ႉ၊ တၵ်းလႆႈမွၵ်ႇလၢတ်ႈ လွင်ႈဢၼ်မၼ်းႁဵတ်းၼႆႉ ပုၼ်ႈဢၼ် တၵ်းၶုၵ်းၸႂ်လႆႈၶႆႈၸႂ်ထူပ်းမၼ်းဢေႃႈ၊ ဝႃႈၼင်ႇၼႆဢေႃႈ။
ယူႉတႃႉဢီႉသၵႃႇရေႇဢုတ်ႈၶၢႆပႅတ်ႈၸဝ်ႈယေႇသူႉ
(တူၺ်း၊ မၢတ်ႈ 26:14-16။ လူႉ 22:3-6)
10မိူဝ်ႈၼၼ်ႉ ယူႉတႃႉဢီႉသၵႃႇရေႇဢုတ်ႈ ဢၼ်ပဵၼ်ၼႂ်းသိပ်းသွင်ပႃးၼၼ်ႉ ၵႂႃႇတီႈယိတ်ႈပရေႃးႁဵၵ်ႈလူင်တင်းလၢႆ ႁႂ်ႈလႆႈဢဝ်မၼ်းၸဝ်ႈဢၢပ်ႈဢေႃႈ။- 11ၶဝ်ၼၼ်ႉ ငိၼ်းသေယဝ်ႉ၊ သိူဝ်းၸူမ်းလႄႈ တၵ်းပၼ်ငိုၼ်း ဝႃႈၼႆ ႁပ်ႉတုင်းဢဝ်ဢေႃႈ။ လိုၼ်းၼၼ်ႉ မၼ်းၵျၢမ်ႇႁႃလွင်ႈဢၼ်တၵ်းလႆႈဢဝ်မၼ်းၸဝ်ႈ ဢၢပ်ႈတီႈၶဝ် ၼႂ်းၶိင်ႇၵႃႇလႃႉဢၼ်ထုၵ်ႇၼၼ်ႉၸိူဝ်ႉၼင်ႇႁိုဝ်ၼၼ်ႉယူႇဢေႃႈ။
ၸဝ်ႈယေႇသူႉၵိၼ်ပွႆးပႃႉသၶႃႇ
(တူၺ်း၊ မၢတ်ႈ 26:17-25။ လူႉ 22:7-14၊21-23။ ယူဝ်း 13:21-30)
12ဝၼ်းပထမႃႉ ပွႆးၶဝ်ႈမုၼ်းဢၼ်ဢမ်ႇပႃးၸိူဝ်ႉပႅင်ႈ၊ ဝၼ်းမိူဝ်ႈဢၼ် ဢဝ်သူဝ်းပႃႉသၶႃႇတၢႆၼၼ်ႉ၊ တပႄးၸဝ်ႈတင်းလၢႆ သုတ်ႉၸပ်းသုတ်ႉၸူး တီႈမၼ်းၸဝ်ႈသေလႄႈ လဝ်ႊထၢမ်လႄႈဝႃႈ၊ ၸဝ်ႈႁဝ်းမီးဢလူဝ်ႇၶႂ်ႈႁႂ်ႈႁဝ်းၶႃႈၵႂႃႇလႄႈ မႄးႁႅၼ်းဝႆႉပုၼ်ႈဢၼ်ၸဝ်ႈႁဝ်း တၵ်းလႆႈၵိၼ်ပွႆးပႃႉသၶႃႇၼၼ်ႉ ၵႃႈတီႈလႂ်ၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 13မၼ်းၸဝ်ႈပွႆႇၸႂ်ႉတပႄးၸဝ်ႈသွင်ၵေႃႉ ၵႂႃႇလႄႈသင်ႇလၢတ်ႈဝႃႈ၊ သူၶဝ်ႈၵႂႃႇၵႃႈၼႂ်းဝဵင်းပုၼ်ႉတႃႉ၊ သူတၵ်းထူပ်းႁၼ် ၵေႃႉဢၼ်ပႃးမေႃႈၼမ်ႉယူႇဢေႃႈ။ ၸွမ်းပႃႈလင်ၵေႃႉၼၼ်ႉၵႂႃႇလႄႈ၊- 14လၢတ်ႈတီႈၸဝ်ႈႁိူၼ်း ၼႂ်းတီႈဢၼ်မၼ်းၶဝ်ႈၼၼ်ႉလႄႈဝႃႈ၊ သြႃႇထၢမ်ဝႃႈ၊ လုၵ်းၶႅၵ်ႇဢၼ်ၵဝ် ဢိၵ်ႇတင်းတပႄးၵဝ်တင်းလၢႆ တၵ်းၵိၼ်ပွႆးပႃႉသၶႃႇၼၼ်ႉၸမ်ႉ၊ မီးၵႃႈလႂ်၊ ဝႃႈၼင်ႇၼႆတႃႉ။- 15ၵေႃႉၼၼ်ႉတၵ်းၼႄပၼ် လုၵ်းလူင်ႁၢၼ်ႉၼိူဝ် ဢၼ်မႄးႁႅၼ်းဝႆႉယဝ်ႉၼၼ်ႉဢေႃႈ။ သူမႄးႁႅၼ်းဝႆႉ ၵႃႈတီႈလုၵ်းၼၼ်ႉပုၼ်ႈၵဝ်တႃႉ၊ ဝႃႈၼင်ႇၼႆဢေႃႈ။- 16တပႄးၸဝ်ႈၸိူဝ်းၼၼ်ႉ ဢွၵ်ႇၵႂႃႇလႄႈ ၶဝ်ႈၵႃႈၼႂ်းဝဵင်းယဝ်ႉၸင်ႇ၊ ထူပ်းႁၼ်ၸိူဝ်ႉၼင်ႇဢၼ်မၼ်းၸဝ်ႈလၢတ်ႈၼၼ်ႉလႄႈ မႄးႁႅၼ်းပွႆးပႃႉသၶႃႇဝႆႉဢေႃႈ။
17မိူဝ်ႈဢၼ်ႁွတ်ႈထိုင်ၶိင်ႇႁူဝ်ၶမ်ႈၸိုင်၊ မၼ်းၸဝ်ႈ ဢိၵ်ႇတင်းသိပ်းသွင်ပႃးမႃးလႄႈ၊- 18ၼႂ်းမိူဝ်ႈဢၼ် ၶဝ်ဢိင်ယူႇၵႃႈတီႈႁိမ်းၶူင်ႇတီႈၵိၼ်သေလႄႈ ၵိၼ်ယူႇၼၼ်ႉၸိုင် ယေႇသူႉလၢတ်ႈလႄႈဝႃႈ၊ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၼႂ်းသူၼႆႉ ၵေႃႉဢၼ်ၵိၼ်ယူႇလူၺ်ႈၵၼ်တင်းၵဝ်ၵေႃႉၼိုင်ႈ တၵ်းဢဝ်ၵဝ်ဢၢပ်ႈဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 19ၶဝ်ၼၼ်ႉ ၸႂ်လဵၵ်ႉၸႂ်ဢူၼ်ႈလႄႈ ၵေႃႉၼိုင်ႈယဝ်ႉၵေႃႉၼိုင်ႈ ႁင်းၽႂ်ႁင်းမၼ်းလဝ်ႊထၢမ်လႄႈဝႃႈ၊ ပဵၼ်ၵဝ်ၶႃႈၶႃႈႁိုဝ်။ ပဵၼ်ၵဝ်ၶႃႈၶႃႈႁိုဝ်။ ဝႃႈၼင်ႇၼႆဢေႃႈ။- 20မၼ်းၸဝ်ႈၵေႃႈ လၢတ်ႈလႄႈဝႃႈ၊ ၵေႃႉဢၼ်ပႃးၼႂ်းသိပ်းသွင်ပႃး ဢၼ်ၸူၵ်းၵႃႈၼႂ်းဝၢၼ်ႇ ႁူမ်ႈၵၼ်တင်းၵဝ်ၼႆႉၼၼ်ႉ တၵ်းဢဝ်ၵဝ်ဢၢပ်ႈဢေႃႈ။- 21လုၵ်ႈၵူၼ်းတၵ်းလႆႈၵႂႃႇ ၵႃႈၼင်ႇဢၼ်မႃးၼႂ်းၵျၢမ်းလိၵ်ႈၼၼ်ႉဢေႃႈ။ ၼႂ်းဝႃႈၼၼ်သေၵေႃႈ ၵေႃႉဢၼ်ဢဝ်လုၵ်ႈၵူၼ်းဢၢပ်ႈၼၼ်ႉ မီးဢႃႉမင်ႇၵလႃႇဢေႃႈ။ ပေႃးၵေႃႉၼၼ်ႉ ဢမ်ႇလႆႈၶၢမ်ႇတၢင်းဢၼ်ၵိူတ်ႇလဵင်ႉမႃးၸိုင်၊ ယဵင်ႈၶႅၼ်းတၵ်းလီဢေႃႈ၊ ဝႃႈၼင်ႇၼႆဢေႃႈ။
တၢင်းဢၼ်ၵိၼ်ပွႆးၸဝ်ႈ
(တူၺ်း၊ မၢတ်ႈ 26:26-30။ လူႉ 22:14-20။ 1 ၵေႃး 11:23-25)
22ၼႂ်းမိူဝ်ႈဢၼ်ၶဝ်ၵိၼ်ယူႇၼၼ်ႉၸိုင်၊ မၼ်းၸဝ်ႈဢဝ်ၶဝ်ႈမုၼ်းလႄႈ ယွင်ႈယေႃးၵျေးၸူးၸဝ်ႈယဝ်ႉၸင်ႇ၊ ဝိတ်းၶဝ်ႈမုၼ်းပၼ်တီႈၶဝ်ၼၼ်ႉလႄႈ လၢတ်ႈဝႃႈ၊ ဢွၼ်ၵၼ်ဢဝ်တႃႉ။ ၶဝ်ႈမုၼ်းၼႆႉၸမ်ႉ ပဵၼ်တူဝ်ၵဝ်ဢေႃႈ၊ ဝႃႈၼင်ႇၼႆဢေႃႈ။- 23ၵွၵ်းၵေႃႈမၼ်းၸဝ်ႈဢဝ်လႄႈ ယွင်ႈယေႃးၵျေးၸူးၸဝ်ႈယဝ်ႉၸင်ႇ၊ ပၼ်တီႈၶဝ်ၼၼ်ႉလႄႈ ၶဝ်ၵႃႈမီးတင်းသဵင်ႈတင်းလူင် ဢွၼ်ၵၼ်ၵိၼ်ဢေႃႈ။- 24မၼ်းၸဝ်ႈသမ်ႉလၢတ်ႈလႄႈဝႃႈ၊ ၵွၵ်းၼႆႉၸမ်ႉ၊ ပဵၼ်လိူတ်ႈၵဝ် ဢၼ်ၸၢပ်ႈသႅင်ႇၵၼ်တင်းပတီႉၺိၺ်ႇတြႃးဢၼ်မႂ်ႇလႄႈ သွၼ်းလေႃႇပုၼ်ႈၵူၼ်းၼမ်ၼႃႇဢေႃႈ။- 25ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၵဝ်တၵ်းဢမ်ႇၵိၼ်ၼမ်ႉမၢၵ်ႇၸပိတ်ႈ တေႃႇထိုင်ႁွတ်ႈဝၼ်းဢၼ်ၵဝ်တၵ်းၵိၼ်မဵဝ်းဢၼ်မႂ်ႇ ၵႃႈၼႂ်းမိူင်းၽြႃးပဵၼ်ၸဝ်ႈပုၼ်ႉဢေႃႈ၊ ဝႃႈၼင်ႇၼႆဢေႃႈ။- 26လိုၼ်းၼၼ်ႉ ၶဝ်ႁဵတ်းၵႂၢမ်းယဝ်ႉၸင်ႇ၊ ဢွၵ်ႇၵႂႃႇၸူးၵႃႈတီႈလွႆသၢၼ်ႇလုၼ်ႇပုၼ်ႉသေဢေႃႈ။
ပေႇတရူႉတၵ်းထဵင်ပႅတ်ႈၸဝ်ႈယေႇသူႉ
(တူၺ်း၊ မၢတ်ႈ 26:31-33။ လူႉ 22:31-34။ ယူဝ်း 13:36-38)
27မိူဝ်ႈၼၼ်ႉ ယေႇသူႉလၢတ်ႈလႄႈဝႃႈ၊ သူၵႃႈမီးတင်းသဵင်ႈတင်းလူင် ၸႂ်တၵ်းလူႉၵွပ်ႈပိူဝ်ႈၵဝ်ဢေႃႈ။ လွင်ႈဢၼ်တႅမ်ႈဝႆႉၼႂ်းၵျၢမ်းလိၵ်ႈလႄႈဝႃႈၸမ်ႉ၊ ၵဝ်တၵ်းပေႃႉယႅၼ်ႉ ၵေႃႉဢၼ်လဵင်ႉဢၼ်ထိင်းသူဝ်းၼၼ်ႉတၢႆလႄႈ သူဝ်းတင်းလၢႆၼၼ်ႉ တၵ်းလႆႈၽၢတ်ႇၽႄၵၼ်ဢေႃႈဝႃႈၼႆ၊ မီးမႃးၼင်ႇၼႆဢေႃႈ။- 28ၼႂ်းဝႃႈၼၼ်သေၵေႃႈ ၵဝ်လုၵ်ႉၶိုၼ်းယဝ်ႉၸင်ႇ တၵ်းၵႂႃႇၵႃႈတီႈမိူင်းၵႃႇလီႉလႄးပုၼ်ႉဢွၼ်တၢင်းသူဢေႃႈ၊ ဝႃႈၼင်ႇၼႆဢေႃႈ။
29 ပေႇတရူႉၵေႃႈလဝ်ႊလၢတ်ႈလႄႈဝႃႈ၊ ပိၵ်ႉသမ်ႉၶဝ်ၸိူဝ်းၼႆႉ တင်းသဵင်ႈတင်းလူင် ၸႂ်လူႉသေၵေႃႈ၊ ၵဝ်ၶႃႈၸႂ်တၵ်းဢမ်ႇလူႉၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 30ယေႇသူႉၵေႃႈလၢတ်ႈလႄႈဝႃႈ၊ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၼႂ်းဝၼ်းမိူဝ်ႈၼႆႉ ၶိုၼ်းၸူဝ်ႈ၊ ၸူဝ်ႈဢၼ်ၵႆႇဢမ်ႇပႆႇၶၼ်သွင်ပွၵ်ႈၼၼ်ႉၸိုင်၊ မႂ်းတၵ်းထဵင်ပႅတ်ႈၵဝ် ထူၼ်ႈထိုင်သၢမ်ပွၵ်ႈဢေႃႈ၊ ဝႃႈၼင်ႇၼႆယဝ်ႉၸင်ႇ၊- 31မၼ်းၵေႃႈ ယဵင်ႈၶႅၼ်းၶိုၼ်းလဝ်ႊလၢတ်ႈၵႂၢမ်းၵႅၼ်ႇၶႅင်ၼႃႇလူင်လၢင်လႄႈဝႃႈ၊ ပိၵ်ႉသမ်ႉၵဝ်ၶႃႈတၵ်းလႆႈတၢႆလူၺ်ႈၵၼ်တင်းၸဝ်ႈႁဝ်းသေၵေႃႈ၊ ၵဝ်ၶႃႈတၵ်းဢမ်ႇ ပႄႇပႅတ်ႈၸဝ်ႈႁဝ်းၶႃႈၵူၺ်ႉ၊ ဝႃႈၼင်ႇၼႆဢေႃႈ။ ၶဝ်တင်းသဵင်ႈတင်းလူင်ၼၼ်ႉၵေႃႈ လဝ်ႊလၢတ်ႈမိူၼ်မိူၼ်ၵၼ်ဢေႃႈ။
ၸဝ်ႈယေႇသူႉသူးတွင်းၼႂ်းသူၼ်
(တူၺ်း၊ မၢတ်ႈ 26:36-46။ လူႉ 22:39-46)
32မိူဝ်ႈၼၼ်ႉ ၶဝ်ႁွတ်ႈထိုင်ၵႃႈတီႈဢၼ်လႆႈၸိုဝ်ႈၵေႇသႃႉသေႇမၼီႉၼၼ်ႉယဝ်ႉၸင်ႇ၊ မၼ်းၸဝ်ႈသင်ႇလၢတ်ႈတီႈတပႄးၸဝ်ႈတင်းလၢႆလႄႈဝႃႈ၊ ၼႂ်းမိူဝ်ႈဢၼ် ၵဝ်ယင်းတိုၵ်ႉသူးတွင်းယူႇၼၼ်ႉၸိုင်၊ သူၼင်ႈယူႇၵႃႈတီႈၼႆႈတႃႉ၊ ဝႃႈၼင်ႇၼႆသေယဝ်ႉ၊- 33ႁွင်ႉဢဝ်ပေႇတရူႉ၊ ယႃႇၵုပ်ႈ တင်းယူဝ်းႁၢၼ်ႇၵႂႃႇလႄႈ မၼ်းၸဝ်ႈႁွတ်ႈထိုင်တၢင်းဢၼ်ၵႂင်ၸႂ်ယုင်ႈၸႂ်၊ တၢင်းဢၼ်ယၢပ်ႇၸႂ်ၵိၼ်းၸႂ်ၼႃႇလူင်လၢင်ဢေႃႈ။- 34ၵမ်းၼၼ်ႉ မၼ်းၸဝ်ႈလၢတ်ႈတီႈၶဝ်လႄႈဝႃႈ၊ ၵဝ်ၼႆႉ ႁူဝ်ၸႂ်လဵၵ်ႉၼႃႇထၼ်ႈပေႃးၸမ်တၵ်းတၢႆဢေႃႈ။ ယူႇၵႃႈတီႈၼႆႈလႄႈပႂ်ႉထႃႈယူႇတႃႉ၊ ဝႃႈၼင်ႇၼႆဢေႃႈ။- 35မၼ်းၸဝ်ႈပူၼ်ႉသေၵႃႈတီႈၼၼ်ႈၵႂႃႇ ဢိတ်းဢွၼ်ႇၼိုင်ႈယဝ်ႉၸင်ႇ၊ ၶုပ်ႉမူပ်ႇၵႃႈၼိူဝ်လိၼ်လႄႈ၊ ပေႃးၶိင်ႇၼႃႇရီႇၼၼ်ႉပူၼ်ႉမၼ်းၸဝ်ႈၵႂႃႇလႆႈ၊ ၼင်ႇႁိုဝ်တၵ်းပူၼ်ႉၵႂႃႇၸိုင်၊ သူးတွင်းလႄႈဝႃႈ၊- 36ဢပ်ႉပႃႉပေႃႈၸဝ်ႈ၊ ၸဝ်ႈႁဝ်းတၢတ်ႈၼိူင်ႇလႆႈၵူႈၸိူဝ်ႉၵူႈပိူင်တီႈၶႃႈဢေႃႈ။ ႁႂ်ႈၵွၵ်းၼႆႉပိူင်ႈသေၵဝ်ၶႃႈသေၵမ်းတီႈၶႃႈ။ ၼႂ်းဝႃႈၼၼ်သေၵေႃႈ ယႃႇႁႂ်ႈပဵၼ်ၵႃႈၼင်ႇဢၼ်ဢလူဝ်ႇၵဝ်ၶႃႈမီးသေၵမ်းတီႈၶႃႈ၊ ႁႂ်ႈပဵၼ်ၵႃႈၼင်ႇဢၼ်ဢလူဝ်ႇၸဝ်ႈႁဝ်းမီးသေၵမ်းတီႈၶႃႈ၊ ဝႃႈၼင်ႇၼႆဢေႃႈ။
37မၼ်းၸဝ်ႈၶိုၼ်းမႃးလႄႈ ထူပ်းႁၼ်ၶဝ်ၼွၼ်းလပ်းယူႇသေယဝ်ႉ၊ လၢတ်ႈတီႈပေႇတရူႉလႄႈဝႃႈ၊ မႂ်းၼွၼ်းလပ်းယူႇႁိုဝ်။ ၼင်ႇႁိုဝ်တၵ်းလႆႈပႂ်ႉယူႇသေၼႃႇရီႇၼိုင်ႈၵူၺ်းၸိုင်၊ မႂ်းဢမ်ႇတၢတ်ႈၼိူင်ႇလႆႈႁိုဝ်။- 38လွင်ႈၼင်ႇႁိုဝ် တၵ်းဢမ်ႇလႆႈၶၢမ်ႇတၢင်းဢၼ်ၸၢမ်းတူၺ်းယႃႉယူၵ်ႉၸိုင်၊ သူးတွင်းလႄႈပႂ်ႉထႃႈယူႇတႃႉ။ ပိၵ်ႉသမ်ႉၸႂ်ဝီႉၺိၺ်ႇမီးတင်းၸေႇတၼႃႇသေၵေႃႈ၊ တူဝ်ၸမ်ႉ၊ ဢမ်ႇမီးႁႅင်း၊ ဝႃႈၼင်ႇၼႆယဝ်ႉၸင်ႇ၊- 39သမ်ႉၵႂႃႇထႅင်ႈလႄႈသူးတွင်း ၸိူဝ်ႉၼင်ႇၵႂၢမ်းဢၼ်ဝႃႈ ၵမ်းဢွၼ်တၢင်းၼၼ်ႉယူႇဢေႃႈ။- 40လိုၼ်းၼၼ်ႉ မၼ်းၸဝ်ႈသမ်ႉၶိုၼ်းမႃးတီႈဢၼ် ၶဝ်မီးၼၼ်ႉထႅင်ႈလႄႈ ထူပ်းႁၼ်ၶဝ်ၼွၼ်းလပ်းၵွပ်ႈပိူဝ်ႈဢၼ် မၢၵ်ႇတႃၶဝ်ၼၵ်းၼႃႇ လူင်လၢင်ၼၼ်ႉဢေႃႈ။ ၶဝ်ဢမ်ႇႁူႉလွင်ႈဢၼ် ၶဝ်တၵ်းၶိုၼ်းလဝ်ႊလၢတ်ႈတီႈမၼ်းၸဝ်ႈၸိူဝ်ႉၼင်ႇႁိုဝ်ၼၼ်ႉ။
41လိုၼ်းၼၼ်ႉ မၼ်းၸဝ်ႈသမ်ႉၶိုၼ်းမႃးၵႃႈတီႈဢၼ် ၶဝ်မီးၼၼ်ႉထူၼ်ႈထိုင်သၢမ်ပွၵ်ႈလႄႈလၢတ်ႈဝႃႈ၊ မိူဝ်ႈလဵဝ်ၼႆႉ သူၼွၼ်းလပ်းယူႇၼိမ်ၼိမ်တႃႉ။ ပေႃးယဝ်ႉ။ ၶိင်ႇႁွတ်ႈမႃးယဝ်ႉ။ တူၺ်းလူး၊ လုၵ်ႈၵူၼ်းလႆႈၶၢမ်ႇတၢင်းဢၼ် ဢၢပ်ႈၵႃႈၼႂ်းမိုဝ်းၵူၼ်းႁၢႆႉတင်းလၢႆဢေႃႈ။- 42ဢွၼ်ၵၼ်လုၵ်ႉတႃႉ။ ၵႂႃႇတႃႉႁဝ်း။ ၵေႃႉဢၼ်ဢဝ်ၵဝ်ဢၢပ်ႈၼၼ်ႉ ႁွတ်ႈမႃးယဝ်ႉ၊ ဝႃႈၼင်ႇၼႆဢေႃႈ။
တၢင်းဢၼ်တီႉဢဝ်ၸဝ်ႈယေႇသူႉ
(တူၺ်း၊ မၢတ်ႈ 26:47-56။ လူႉ 22:47-53။ ယူဝ်း 18:3-12)
43ၼႂ်းမိူဝ်ႈဢၼ်မၼ်းၸဝ်ႈလၢတ်ႈၸိူဝ်ႉၼင်ႇၼႆယူႇၼၼ်ႉၸိုင်၊ ယူႉတႃႉ ဢီႉသၵႃႇရေႇဢုတ်ႈ ဢၼ်ပႃးၼႂ်းသိပ်းသွင်ပႃးၼၼ်ႉ မႃးၵမ်းလဵဝ်ဢေႃႈ။ ၵူၼ်းဢၼ်ၸူႉဢၼ်တုမ် ဢၼ်ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းထုတ်ႇၵျၢမ်း တင်းၵူၼ်းဢၼ်ပဵၼ်ၵႄႇပဵၼ်ႁူဝ်တင်းလၢႆ ပွႆႇၸႂ်ႉမႃးၸိူဝ်းၼၼ်ႉၵေႃႈ ၸွမ်းမၼ်းမႃးလႄႈ ပႃးတင်းၶွၼ်ႉတင်းလၢပ်ႇယူႇဢေႃႈ။- 44ၵေႃႉဢၼ်ဢဝ်မၼ်းၸဝ်ႈဢၢပ်ႈၼၼ်ႉ ႁဵတ်းတီႈမၢတ်ႈတီႈတွင်းဝႆႉတီႈၶဝ်ၼၼ်ႉလႄႈဝႃႈ၊ ၵေႃႉဢၼ်ၵဝ်ၼူမ်ၼၼ်ႉ ပဵၼ်မၼ်းဢေႃႈ။ တီႉဢဝ်မၼ်းလႄႈႁဵတ်းတင်းသတီႉဢဝ်ၵႂႃႇတႃႉဝႃႈၼႆ၊ ၵႃႈၼင်ႇဢၼ်ဝႃႈၼၼ်ႉ၊- 45မိူဝ်ႈဢၼ်မၼ်းႁွတ်ႈထိုင်ၸိုင်၊ သုတ်ႉၸပ်းသုတ်ႉၸူး တီႈမၼ်းၸဝ်ႈၵမ်းလဵဝ်လႄႈဝႃႈ၊ ၸဝ်ႈႁဝ်း၊ ၸဝ်ႈႁဝ်း၊ ဝႃႈၼင်ႇၼႆသေလႄႈ ၼူမ်မၼ်းၸဝ်ႈဢေႃႈ။- 46ၶဝ်ၼၼ်ႉယိပ်းၵမ်တီႉဢဝ်မၼ်းၸဝ်ႈဢေႃႈ။- 47ၵူၼ်းဢၼ်ၸုၵ်းယူႇႁိမ်းၼၼ်ႉၵေႃႉၼိုင်ႈ ထွတ်ႇဢဝ်လၢပ်ႇမၼ်းဢွၵ်ႇယဝ်ႉၸင်ႇ၊ ၽၼ်းၶႃႈယိတ်ႈပရေႃးႁဵၵ်ႈလူင်ၵေႃႉၼိုင်ႈလႄႈ ဝၢၼ်ႁူမၼ်းၶၢတ်ႇၵႂႃႇဢေႃႈ။- 48ယေႇသူႉၵေႃႈလၢတ်ႈတီႈၶဝ်လႄႈဝႃႈ၊ သူပႃးဢဝ်တင်းလၢပ်ႇတင်းၶွၼ်ႉသေလႄႈ မႃးႁႂ်ႈလႆႈတီႉဢဝ်ၵဝ်မိူၼ်ၸိူဝ်ႉၼင်ႇဢၼ် တီႉဢဝ်ၸူၼ်ၼၼ်ႉလူင်ပႄႇ။- 49မိူဝ်ႈဢၼ်ၵဝ်မီးယူႇလူၺ်ႈၵၼ်တင်းသူ ၵႃႈၼႂ်းပိၵ်ႈမၢၼ်ႇၸဝ်ႈၵူႈဝၼ်းလႄႈ သင်ႇသွၼ်ပၼ်ယူႇၼၼ်ႉၸိုင်၊ သူဢမ်ႇတီႉဢဝ်ၵဝ်။ လွင်ႈမၼ်းၸမ်ႉ လွင်ႈၼင်ႇႁိုဝ်ၵျၢမ်းလိၵ်ႈတၵ်းပျေႉၸုမ်ႇၸိုင်၊ ၸင်ႇပဵၼ်ဢေႃႈ၊ ဝႃႈၼင်ႇၼႆဢေႃႈ။- 50မိူဝ်ႈၼၼ်ႉ တပႄးၸဝ်ႈတင်းသဵင်ႈတင်းလူင် ပႅတ်ႈဝႆႉမၼ်းၸဝ်ႈသေလႄႈ ဢွၼ်ၵၼ်လႅၼ်ႈပၢႆႈဢေႃႈ။
51ၵူၼ်းၼုမ်ႇဢၼ်တူဝ်ပူၺ်လႄႈ သုမ်ႇဝႆႉၽႃႈဝႆၽိုၼ်ၼိုင်ႈယူႇၼၼ်ႉၵေႃႉၼိုင်ႈ ၸွမ်းပႃႈလင်မၼ်းၸဝ်ႈၵႂႃႇလႄႈ၊ ၵူၼ်းဢွၼ်ႇၶုၼ်ၸိူဝ်းၼၼ်ႉ တီႉဢဝ်မၼ်းၼၼ်ႉဢေႃႈ။- 52မၼ်းၵေႃႈ ပႅတ်ႈဝႆႉၽႃႈဝႆသေလႄႈ ယူႇတူဝ်ပူၺ်ဢွၵ်ႇပၢႆႈၵႂႃႇသေၵႃႈၼႂ်းမိုဝ်းၶဝ်ၼၼ်ႉဢေႃႈ။
ၸဝ်ႈယေႇသူႉလႆႈၶၢမ်ႇၸႅတ်ႈထၢမ်
(တူၺ်း၊ မၢတ်ႈ 26:57-68။ လူႉ 22:54-55၊63-71။ ယူဝ်း 18:13-14၊19-24)
53ၶဝ်ၼၼ်ႉ ဢဝ်ယေႇသူႉၵႂႃႇသူင်ႇၵႃႈတီႈၶုၼ်ယိတ်ႈပရေႃးႁဵၵ်ႈဢေႃႈ။ ၵႃႈတီႈၶုၼ်ၼၼ်ႉ၊ ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းဢၼ်ပဵၼ်ၵႄႇပဵၼ်ႁူဝ် တင်းၵူၼ်းထုတ်ႇၵျၢမ်းတင်းသဵင်ႈတင်းလူင် ၸူႉၵၼ်တုမ်ၵၼ်ယူႇဢေႃႈ။- 54ပေႇတရူႉၵေႃႈ ယူႇၵႆၵႆၸွမ်းမၼ်းၸဝ်ႈ ၵႂႃႇထိုင်ႁွတ်ႈၵႃႈၼႂ်းတလၢင်း ဢၼ်မီးၵႄႈႁိူၼ်းၶုၼ်ယိတ်ႈပရေႃးႁဵၵ်ႈၼၼ်ႉယဝ်ႉၸင်ႇ၊ ၼင်ႈယူႇလူၺ်ႈၵၼ်တင်းလုၵ်ႈဢွၼ်ႇၶုၼ်တင်းလၢႆသေလႄႈ ဢွမ်ႇၽႆးယူႇဢေႃႈ။
55ယိတ်ႈပရေႃးႁဵၵ်ႈလူင် ဢိၵ်ႇတင်းၶုၼ်တီႈလုမ်းလူင် တင်းသဵင်ႈတင်းလူင်ၼၼ်ႉ ႁႃသၢၵ်ႈသေႇႁႂ်ႈလႆႈဢဝ်ယေႇသူႉတၢႆသေၵေႃႈ၊ ဢမ်ႇထူပ်းဢမ်ႇလႆႈ။- 56ပိၵ်ႉသမ်ႉၵူၼ်းၼမ်ၼႃႇ ယူႇၽၢႆႇၼိုင်ႈတင်းမၼ်းၸဝ်ႈသေလႄႈ ၶၢမ်ႇသၢၵ်ႈသေႇဢၼ်ဢမ်ႇၸိုဝ်ႈဢမ်ႇၸႂ်ႈသေၵေႃႈ၊ လွင်ႈဢၼ်ၶဝ်ၶၢမ်ႇသၢၵ်ႈသေႇၼၼ်ႉ ဢမ်ႇမႅၼ်ႈၵၼ်။- 57ၵမ်ႈၽွင်ႈလုၵ်ႉလႄႈ ၶၢမ်ႇသၢၵ်ႈသေႇဢၼ်ဢမ်ႇၸိုဝ်ႈဢမ်ႇၸႂ်ႈၼၼ်ႉသေလႄႈလၢတ်ႈဝႃႈ၊- 58ႁဝ်းၶႃႈလႆႈငိၼ်းၵေႃႉၼႆႉလၢတ်ႈလႄႈဝႃႈ၊ ၵဝ်တၵ်းယႃႉပႅတ်ႈပိၵ်ႈမၢၼ်ႇၸဝ်ႈ ဢၼ်ဢဝ်မိုဝ်းၵူၼ်းႁဵတ်းၼႆႉသေလႄႈ၊ ၼႂ်းသၢမ်ဝၼ်း တၵ်းမႄးႁဵတ်းပိၵ်ႈမၢၼ်ႇၸဝ်ႈလင်ၼိုင်ႈ ဢၼ်ဢမ်ႇဢဝ်မိုဝ်းၵူၼ်းႁဵတ်းၼၼ်ႉဢေႃႈ၊ ဝႃႈၼင်ႇၼႆၼၼ်ႉၶႃႈယဝ်ႉ၊ ဝႃႈၼင်ႇၼႆဢေႃႈ။- 59ၼႂ်းဝႃႈၼၼ်သေၵေႃႈ လွင်ႈဢၼ်ၶဝ်ၶၢမ်ႇသၢၵ်ႈသေႇၼၼ်ႉ ဢမ်ႇမႅၼ်ႈၵၼ်။
60ၶုၼ်ယိတ်ႈပရေႃးႁဵၵ်ႈၼၼ်ႉ၊ လုၵ်ႉၸုၵ်းယူႇၵႃႈၼႂ်းၶိုင်ႈၵၢင်ၶဝ်သေလႄႈ ထၢမ်တီႈယေႇသူႉလႄႈဝႃႈ၊ မႂ်းဢမ်ႇၶိုၼ်းလၢတ်ႈၵႃႈသင်သေဢိတ်းႁိုဝ်။ ၶဝ်ၼႆႉယူႇၽၢႆႇၼိုင်ႈတင်းမႂ်းသေလႄႈ ၶၢမ်ႇသၢၵ်ႈသေႇၸိူဝ်ႉၼင်ႇႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊- 61မၼ်းၸဝ်ႈယူႇတဵတ်ႇတဵတ်ႇယူႇလႄႈ ဢမ်ႇၶိုၼ်းလၢတ်ႈၵႂၢမ်းသေၶေႃႈသေၵမ်း။ ၶုၼ်ယိတ်ႈပရေႃးႁဵၵ်ႈၵေႃႈ သမ်ႉၶိုၼ်းထၢမ်ထႅင်ႈလႄႈဝႃႈ၊ မႂ်းပဵၼ်ၸဝ်ႈၶရိၸ်ႈ လုၵ်ႈၽြႃးပဵၼ်ၸဝ်ႈဢၼ်မီးမင်ႇၵလႃႇၼၼ်ႉ၊ ၸႂ်ႈႁိုဝ်။ ဢမ်ႇၸႂ်ႈႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊- 62ယေႇသူႉၵေႃႈလၢတ်ႈလႄႈဝႃႈ၊ ၵဝ်ပဵၼ်ဢေႃႈ။ မိူဝ်းၼႃႈထႃႈလိုၼ်းသူတၵ်းလႆႈႁၼ်လုၵ်ႈၵူၼ်းၼင်ႈယူႇၵႃႈတီႈၽၢႆႇၶႂႃတၼ်းၶူဝ်းၸဝ်ႈသေလႄႈ မႃးၵႃႈၼိူဝ်မွၵ်ႇၵုမ်ႈပုၼ်ႉဢေႃႈ၊ ဝႃႈၼင်ႇၼႆဢေႃႈ။- 63မိူဝ်ႈၼၼ်ႉ ၶုၼ်ယိတ်ႈပရေႃးႁဵၵ်ႈ ၸၵ်ႉသိၵ်ႇၶူဝ်းၼုင်ႈတူဝ်ၸဝ်ႈၵဝ်ႇသေလႄႈ သမ်ႉၶိုၼ်းထၢမ်လႄႈဝႃႈ၊ ႁဝ်းတၵ်းလူဝ်ႇသၢၵ်ႈသေႇဢၼ်လႂ်ထႅင်ႈလူးၵွၼ်ႇ။- 64သူလႆႈငိၼ်းၵႂၢမ်းဢၼ်လၢတ်ႈပူၼ်ႉလၢတ်ႈလိူဝ် ၽြႃးပဵၼ်ၸဝ်ႈၼႆႉယဝ်ႉ။ သူထၢင်ႇၸိူဝ်ႉၼင်ႇႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊ မၼ်းၸဝ်ႈထိူၵ်ႈၶၢမ်ႇတၢင်းတၢႆယဝ်ႉ၊ ဝႃႈၼႆ၊ ၶဝ်တင်းသဵင်ႈတင်းလူင်ၸိူဝ်းၼၼ်ႉ ၽွမ်ႉၵၼ်ၸီႇယၢင်ႇဢေႃႈ။- 65မိူဝ်ႈၼၼ်ႉ ၵမ်ႈၽွင်ႈထူမ်ႇၼမ်ႉလၢႆးသႂ်ႇတီႈမၼ်းၸဝ်ႈဢေႃႈ။ ၶဝ်ႁူမ်ႇသုမ်ႇၼႃႈမၼ်းၸဝ်ႈယဝ်ႉၸင်ႇ၊ ဢဝ်တႃမိုဝ်းတမ်သႂ်ႇမၼ်းၸဝ်ႈလႄႈလၢတ်ႈဝႃႈ၊ ၶႅၼ်းတေႃႈႁဵတ်းပရေႃးၽႅတ်ႈသေလႄႈ ႁေႃးလၢတ်ႈသေၵမ်းတီႈၶႃႈ၊ ဝႃႈၼင်ႇၼႆဢေႃႈ။ လုၵ်ႈဢွၼ်ႇၶုၼ်တင်းလၢႆၵေႃႈ ထုပ်ႉတဵင်ႉမၼ်းၸဝ်ႈသေလႄႈ ႁပ်ႉတုင်းဢဝ်မၼ်းၸဝ်ႈဢေႃႈ။
ပေႇတရူႉထဵင်ပႅတ်ႈၸဝ်ႈယေႇသူႉ
(တူၺ်း၊ မၢတ်ႈ 26:69-75။ လူႉ 22:56-62။ ယူဝ်း 18:15-18၊25-27)
66ၼႂ်းမိူဝ်ႈဢၼ်ပေႇတရူႉမီးယူႇၵႃႈတႂ်ႈၼႂ်းတလၢင်း ဢၼ်မီးၵႄႈႁိူၼ်းၼၼ်ႉယူႇၼၼ်ႉၸိုင်၊ မႄႈယိင်းဢၼ်ပဵၼ်ၵူၼ်းၸႂ်ႉၵူၼ်းသွႆ ၶုၼ်ယိတ်ႈပရေႃးႁဵၵ်ႈၵေႃႉၼိုင်ႈမႃးလႄႈ၊- 67ႁၼ်ပေႇတရူႉဢွမ်ႇၽႆးယူႇၼၼ်ႉသေယဝ်ႉ၊ ယႅၵ်ႉတူၺ်းမၼ်းၸေးၸေးၸွတ်ႇၸွတ်ႇသေလႄႈလၢတ်ႈဝႃႈ၊ မႂ်းၼႆႉၵေႃႈလႆႈယူႇလူၺ်ႈၵၼ်တင်းယေႇသူႉၵူၼ်းဝဵင်းၼႃႇၸရႅတ်ႈၼၼ်ႉဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 68မၼ်းၵေႃႈထဵင်ပႅတ်ႈလႄႈဝႃႈ၊ ၵဝ်ဢမ်ႇႁူႉဢမ်ႇၸႅင်ႈ လွင်ႈဢၼ်မႂ်းလၢတ်ႈၼႆႉ၊ ဝႃႈၼင်ႇၼႆယဝ်ႉၸင်ႇ၊ ဢွၵ်ႇၵႂႃႇၵႃႈၼွၵ်ႈ ၼႂ်းတီႈဢၼ်မီးပႃႈၼႃႈတလၢင်း ဢၼ်မီးၵႄႈႁိူၼ်းၼၼ်ႉလႄႈၵႆႇၶၼ်ဢေႃႈ။
69လိုၼ်းၼၼ်ႉ မႄႈယိင်းၼၼ်ႉ ႁၼ်မၼ်းသေယဝ်ႉ၊ သမ်ႉလၢတ်ႈတီႈၶဝ်ၸိူဝ်းဢၼ် ၸုၵ်းယူႇၵႃႈတီႈႁိမ်းၼၼ်ႉလႄႈဝႃႈ၊ ၵေႃႉၼႆႉၶဝ်ႈပႃးၼႂ်းၶဝ်ၸိူဝ်းၼၼ်ႉဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊ ပေႇတရူႉသမ်ႉၶိုၼ်းထဵင်ပႅတ်ႈဢေႃႈ။
70လိုၼ်းၼၼ်ႉ ဢမ်ႇပေႃးႁိုင် ၶဝ်ၸိူဝ်းဢၼ်ၸုၵ်းယူႇၵႃႈတီႈႁိမ်းၼၼ်ႉၵေႃႈ လၢတ်ႈတီႈပေႇတရူႉလႄႈဝႃႈ၊ ၸႂ်ႈတႄႉ၊ မႂ်းၼႆႉ ၶဝ်ႈပႃးၼႂ်းၶဝ်ၸိူဝ်းၼၼ်ႉဢေႃႈ။ လွင်ႈမၼ်းၸမ်ႉ မႂ်းပဵၼ်ၵူၼ်းမိူင်းၵႃႇလီႉလႄးဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 71မၼ်းၵေႃႈတိူင်ႇလႄႈၵိၼ်ႇလၢတ်ႈဝႃႈ၊ ၵဝ်ဢမ်ႇႁူႉၵေႃႉဢၼ်သူလၢတ်ႈၼၼ်ႉ၊ ဝႃႈၼင်ႇၼႆယဝ်ႉၸင်ႇ၊- 72ၵႆႇသမ်ႉၶၼ်ထႅင်ႈပွၵ်ႈၼိုင်ႈဢေႃႈ။ ပေႇတရူႉၶုၵ်းၸႂ်လႆႈၶႆႈၸႂ်ထူပ်း ၵႂၢမ်းဢၼ်ယေႇသူႉလၢတ်ႈတီႈမၼ်းလႄႈဝႃႈ၊ ၸူဝ်ႈဢၼ်ၵႆႇဢမ်ႇပႆႇၶၼ်သွင်ပွၵ်ႈၼၼ်ႉၸိုင် မႂ်းတၵ်းထဵင်ပႅတ်ႈၵဝ် ထူၼ်ႈထိုင်သၢမ်ပွၵ်ႈဢေႃႈ၊ ဝႃႈၼင်ႇၼႆၼၼ်ႉလႄႈ၊ မိူဝ်ႈဢၼ်ၶႆႈၸႂ်ဝူၼ်ႉၸႂ်လူၺ်ႈလွင်ႈမၼ်းယဝ်ႉၼၼ်ႉၸိုင် ႁွင်ႉႁႆႈဢေႃႈ။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship