မၢတ်ႈထႄႇ 6
6
သင်ႇသွၼ်လွင်ႈတႃႇၼႃႉတၢင်းလူႇ
1လွင်ႈၼင်ႇႁိုဝ် သူတၵ်းဢမ်ႇႁဵတ်းသီႇလႃႉတၢင်းသိုဝ်ႈတေႃႇသူ ၵႃႈတီႈၽၢႆႇၼႃႈပိူၼ်ႈတၢင်ႇၵေႃႉ ႁႂ်ႈၵူၼ်းတင်းလၢႆလႆႈႁၼ်ၼၼ်ႉၸိုင်၊ ႁဵတ်းသတီႉတႃႉ။ ပေႃးဢမ်ႇၼၼ် သူဢမ်ႇလႆႈၶၢမ်ႇဢၵျူဝ်း ၵႃႈတီႈပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉ။- 2ပိူဝ်ႈၼႆလႄႈ မိူဝ်ႈဢၼ်မႂ်းႁဵတ်းတႃႇၼႃႉတၢင်းဢၼ် ၽႄၸွၼ်းယိုၼ်ႈမႅင်ႇၼၼ်ႉၸိုင်၊ ယႃႇပေပဝ်ႇပီႇပဝ်ႇၼႄးၵႃႈတီႈၽၢႆႇၼႃႈမႂ်း မိူၼ်ၸိူဝ်ႉၼင်ႇဢၼ်ၵူၼ်းၸိူဝ်းဢၼ် ၸၢင်ႈထိမ်ႇၸၢင်ႈမႅပ်းတင်းလၢႆ ၶႂ်ႈႁႂ်ႈပိူၼ်ႈယွင်ႈယေႃးလႄႈႁဵတ်းၵႃႈၼႂ်းၸရွပ်ႈႁေႃးတြႃးတင်းလၢႆ ဢိၵ်ႇတင်းၵႃႈၼႂ်းသဵၼ်ႈတၢင်းသၢႆတႃႈတင်းလၢႆၼၼ်ႉ။ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၶဝ်ၼၼ်ႉလႆႈဢၵျူဝ်းၶဝ်ယဝ်ႉ။- 3မိူဝ်ႈဢၼ်မႂ်းႁဵတ်းတႃႇၼႃႉတၢင်းဢၼ် ၽႄၸွၼ်းယိုၼ်ႈမႅင်ႇၼၼ်ႉ ၼင်ႇႁိုဝ်တၢင်းဢၼ်မႂ်းၽႄၸွၼ်းယိုၼ်ႈမႅင်ႇၼၼ်ႉ တၵ်းပဵၼ်ဢၼ်တဵတ်ႇတဵတ်ႇယဵၼ်ယဵၼ် ဢမ်ႇထၢင်ႇဢမ်ႇသႃးၸိုင်၊ လွင်ႈဢၼ်ၶွၼ်ၶႂႃႁဵတ်းၼၼ်ႉ ယႃႇပေႁႂ်ႈၶွၼ်သၢႆႉလႆႈႁူႉ။- 4ပေႃႈမႂ်းဢၼ်ႁၼ်လွင်ႈဢၼ်ဢမ်ႇထၢင်ႇဢမ်ႇသႃးၼၼ်ႉ တၵ်းပၼ်ဢၵျူဝ်း ဢေႃႈ။
သင်ႇသွၼ်လွင်ႈပထၼႃႇသူးတွင်း
(တူၺ်း၊ လူႉ 11:2-4)
5မိူဝ်ႈဢၼ်မႂ်းသူးတွင်းၸိုင်၊ ယႃႇပေႁဵတ်းၸိူဝ်ႉၼင်ႇၵူၼ်းၸိူဝ်းဢၼ် ၸၢင်ႈထိမ်ႇၸၢင်ႈမႅပ်းတင်းလၢႆၼၼ်ႉ။ ၶဝ်ၼၼ်ႉ ၼင်ႇႁိုဝ်တၵ်းႁႂ်ႈပိူၼ်ႈႁၼ်ၸိုင်၊ မီးဢလူဝ်ႇၶႂ်ႈၸုၵ်းယူႇၵႃႈၼႂ်းၸရွပ်ႈႁေႃးတြႃး၊ ၵႃႈၼႂ်းတၢင်းၶႂၢႆႈတၢင်းႁွမ်းတင်းလၢႆလႄႈသူးတွင်းဢေႃႈ။ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၶဝ်ၼၼ်ႉ လႆႈဢၵျူဝ်းၶဝ်ယဝ်ႉ။- 6မိူဝ်ႈဢၼ်မႂ်းသူးတွင်းၸိုင် ၶဝ်ႈၵႃႈၼႂ်းလုၵ်းတၢင်းၼႂ်းလႄႈ ဢိုတ်းၽၵ်းတူယဝ်ႉၸင်ႇ၊ သူးတွင်းတီႈပေႃႈမႂ်း ဢၼ်မီးယူႇၵႃႈတီႈဢၼ်ဢမ်ႇထၢင်ႇဢမ်ႇသႃးၼၼ်ႉတႃႉ။ ပေႃႈမႂ်းဢၼ်ႁၼ်လွင်ႈတၢင်းဢၼ်ဢမ်ႇထၢင်ႇဢမ်ႇသႃးၼၼ်ႉ တၵ်းပၼ်ဢၵျူဝ်းဢေႃႈ။
7မိူဝ်ႈဢၼ်သူသူးတွင်းၸိုင်၊ ယႃႇပေရွတ်ႈၵႂၢမ်းဢၼ်လၢႆလၢႆယူႇၶိူဝ်းၶိူဝ်းယႂ်းယႂ်း မိူၼ်ၸိူဝ်ႉၼင်ႇၵူၼ်းသႃႇသၼႃႇပႃႉတင်းလၢႆၼၼ်ႉ။ ၶဝ်ၼၼ်ႉ ၵွပ်ႈပိူဝ်ႈဢၼ်ပႃးၵႂၢမ်းၼမ်ၼႃႇၼၼ်ႉလႄႈ ထၢင်ႇဢလူဝ်ႇတူဝ်ၸဝ်ႈၵဝ်ႇတၵ်းပျေႉၸုမ်ႇဢေႃႈ။- 8ယႃႇပေႁဵတ်းၸိူဝ်ႉၼင်ႇၶဝ်ၼၼ်ႉ။ လွင်ႈမၼ်းၸမ်ႉ ၸူဝ်ႈဢၼ်သူဢမ်ႇပႆႇယွၼ်းၼၼ်ႉ ပေႃႈသူႁူႉလွင်ႈဢၼ် သူလူဝ်ႇၵႃႈမီးတင်းသဵင်ႈတင်းလူင်ၼၼ်ႉယူႇဢေႃႈ။- 9ပိူဝ်ႈၼႆလႄႈ သူတၵ်းလႆႈသူးတွင်းလႄႈဝႃႈၸမ်ႉ၊ ပေႃႈႁဝ်းၶႃႈ ဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉ၊ ႁႂ်ႈၼႃႇမႃႉၸိုဝ်ႈသဵင်ၸဝ်ႈႁဝ်း မီးတၢင်းဢၼ်ရူဝ်ႇသေႇၵူဝ်ယမ်သေၵမ်းလူၺ်ႈတီႈၶႃႈ။- 10ႁႂ်ႈမိူင်းၸဝ်ႈႁဝ်းတႄႇပဵၼ်သေၵမ်းလူၺ်ႈတီႈၶႃႈ။ ၸိူဝ်ႉၼင်ႇဢၼ်ဢလူဝ်ႇၸဝ်ႈႁဝ်းပျေႉၸုမ်ႇဝႆႉၵႃႈၼိူဝ်မိူင်းၵၢင်ႁၢဝ်ပုၼ်ႉၼၼ်ႉ၊ ၵႃႈၼိူဝ်လိၼ်မိူင်းၼႆႉၵေႃႈ ႁႂ်ႈပျေႉၸုမ်ႇသေၵမ်းလူၺ်ႈတီႈၶႃႈ။- 11ၶႅၼ်းတေႃႈပၼ်တၢင်းၵိၼ် ဢၼ်ပေႃးၵုမ်ႇလဵင်ႉၸႂ်ၼၼ်ႉ တီႈႁဝ်းၶႃႈ ဝၼ်းမိူဝ်ႈၼႆႉသေၵမ်းတီႈၶႃႈ။- 12ၸိူဝ်ႉၼင်ႇဢၼ်ႁဝ်းၶႃႈပွႆႇလွတ်ႈဢပႅတ်ႈပိူၼ်ႈ တၢင်ႇၵေႃႉဢၼ်ၽိတ်းႁဝ်းၶႃႈၼၼ်ႉ၊ ၶႅၼ်းတေႃႈပွႆႇလွတ်ႈဢပႅတ်ႈႁဝ်းၶႃႈသေၵမ်းတီႈၶႃႈ။- 13ယင်းဢမ်ႇႁႂ်ႈလႆႈၸွမ်းၵႂႃႇၵႃႈတီႈဢပႅတ်ႈတၢင်းဢၼ်ၸူဝ်ႈၵႂႃႇၸူဝ်ႈပႆၼၼ်ႉလႄႈ ၶႅၼ်းတေႃႈၵႄႇသႄႇထွတ်ႇထူၺ်ႈဢဝ်ၵႃႈၼႂ်းလွင်ႈတၢင်းဢၼ်ဢမ်ႇလီဢမ်ႇငၢမ်းသေၵမ်းတီႈၶႃႈ၊ ဝႃႈၼႆ၊ သူးတွင်းတႃႉ။
14ပေႃးသူပွႆႇလွတ်ႈဢပႅတ်ႈပိူၼ်ႈတၢင်ႇၵေႃႉၸိုင်၊ ပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉ တၵ်းပွႆႇလွတ်ႈဢပႅတ်ႈသူဢေႃႈ။- 15ပေႃးသူဢမ်ႇပွႆႇလွတ်ႈဢပႅတ်ႈပိူၼ်ႈတၢင်ႇၵေႃႉၸိုင်၊ ပေႃႈသူၼၼ်ႉ တၵ်းဢမ်ႇပွႆႇလွတ်ႈဢပႅတ်ႈသူ။
သင်ႇသွၼ်လွင်ႈၵမ်တၢင်းၵိၼ်
16မိူဝ်ႈဢၼ်သူၵမ်တၢင်းၵိၼ်ၼၼ်ႉၸိုင်၊ ယႃႇႁႂ်ႈမီးတၢင်းဢၼ် ၼႃႈဢူၼ်ႈၼႃႈငဝ် မိူၼ်ၸိူဝ်ႉၼင်ႇၵူၼ်းၸိူဝ်းဢၼ် ၸၢင်ႈထိမ်ႇၸၢင်ႈမႅပ်းတင်းလၢႆၼၼ်ႉ။ ၶဝ်ၼၼ်ႉ ၼင်ႇႁိုဝ်ပိူၼ်ႈတၵ်းႁၼ်လွင်ႈဢၼ်ၶဝ်ၵမ်တၢင်းၵိၼ်ၼၼ်ႉၸိုင်၊ ၸၢင်ႈယႃႉၼႃႈယႃႉတႃၶဝ်ဢေႃႈ။ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၶဝ်ၼၼ်ႉလႆႈဢၵျူဝ်းၶဝ်ယဝ်ႉ။- 17မိူဝ်ႈဢၼ်မႂ်းၵမ်တၢင်းၵိၼ်ၼၼ်ႉ၊ ၼင်ႇႁိုဝ်ပိူၼ်ႈတၵ်းဢမ်ႇႁၼ် လွင်ႈဢၼ်မႂ်းၵမ်တၢင်းၵိၼ်ၼၼ်ႉလႄႈ ပေႃႈမႂ်းဢၼ်မီးယူႇၵႃႈတီႈဢၼ်ဢမ်ႇထၢင်ႇဢမ်ႇသႃးၼၼ်ႉ တၵ်းႁၼ်ၸိုင်၊ တႃးႁူဝ်လႄႈသုၵ်ႈၼႃႈမႂ်းတႃႉ။- 18ပေႃႈမႂ်းဢၼ်ႁၼ် လွင်ႈတၢင်းဢၼ်ဢမ်ႇထၢင်ႇဢမ်ႇသႃးၼၼ်ႉ တၵ်းပၼ်ဢၵျူဝ်းဢေႃႈ။
သင်ႇသွၼ်လွင်ႈၽၼ်ႇတႃႇမိူင်းၵၢင်ႁၢဝ်
19ယႃႇပေသိမ်းပႅင်းၽၼ်ႇတႃႇဢုၵ်ႉၸႃႇၵႃႈၼိူဝ်လိၼ်မိူင်း တီႈဢၼ်ႁေႃတင်းမႅင်းၸၢင်ႈယႃႉ၊ ဢၼ်ၽူႈလၵ်ႉၸၢင်ႈမူင်ႇလႄႈလၵ်ႉဢဝ်လႆႈၼႆႉ။- 20သိမ်းပႅင်းၽၼ်ႇတႃႇဢုၵ်ႉၸႃႇ ၵႃႈၼိူဝ်မိူင်းၵၢင်ႁၢဝ် တီႈဢၼ်ႁေႃတင်းမႅင်းဢမ်ႇၸၢင်ႈယႃႉ၊ ဢၼ်ၽူႈလၵ်ႉဢမ်ႇၸၢင်ႈမူင်ႇလႄႈ လၵ်ႉဢဝ်လႆႈၼၼ်ႉတႃႉ။- 21လွင်ႈမၼ်းၸမ်ႉ ႁူဝ်ၸႂ်သူၸၢင်ႈမီးၵႃႈတီႈဢၼ်ၽၼ်ႇတႃႇဢုၵ်ႉၸႃႇသူမီးၼၼ်ႉဢေႃႈ။
လွင်ႈဢၼ်လႅင်းတူဝ်ၶၼ်ႇထႃႇ
(တူၺ်း၊ လူႉ 11:34-36)
22ဝၢၼ်ႇၽႆးတဵၼ်းတူဝ်ၵႃႇယႃႉၸမ်ႉ၊ ပဵၼ်မၢၵ်ႇတႃဢေႃႈ။ ပိူဝ်ႈၼႆလႄႈ ပေႃးမၢၵ်ႇတႃမႂ်းသႂ်လႅင်းၸိုင် တၵ်းလႅင်းတင်းတူဝ်ဢေႃႈ။- 23ပေႃးမၢၵ်ႇတႃမႂ်းဢမ်ႇလီၸိုင် တၵ်းလပ်းသိင်ႇတင်းတူဝ်ဢေႃႈ။ ပေႃးဢၼ်လႅင်းဢၼ်မီးၼႂ်းမႂ်းၼၼ်ႉ ပဵၼ်ဢၼ်လပ်းသိင်ႇၸိုင် ဢၼ်လပ်းသိင်ႇၼၼ်ႉ လပ်းသိင်ႇၼႃႇလူင်လၢင်ဢေႃႈ။
ၽြႃးပဵၼ်ၸဝ်ႈလႄႈၸေးၸိမ်ႇလေႃးၵႃႉ
(တူၺ်း၊ လူႉ 16:13။ လူႉ 12:22-31)
24ၽူႈလႂ်ဢမ်ႇၶၢမ်ႇတၢင်းဢၼ် ၸဝ်ႈသွင်ၵေႃႉၸႂ်ႉသွႆၼၼ်ႉလႆႈ။ တၵ်းၸင်းၸဝ်ႈၵေႃႉၼိုင်ႈလႄႈ ႁၵ်ႉၸဝ်ႈၵေႃႉၼိုင်ႈဢေႃႈ။ တၵ်းဢိင်ပိုင်ႈၸဝ်ႈၵေႃႉၼိုင်ႈလႄႈ ဢမ်ႇၼပ်ႉဢမ်ႇၶၢၼ်းၸဝ်ႈၵေႃႉၼိုင်ႈဢေႃႈ။ သူဢမ်ႇၶၢမ်ႇတၢင်းဢၼ် ၽြႃးပဵၼ်ၸဝ်ႈၸႂ်ႉသွႆဢိၵ်ႇတင်းတၢင်းဢၼ်ၸေးၸိမ်ႇလေႃးၵီႇၸႂ်ႉသွႆၼၼ်ႉလႆႈ။- 25ပိူဝ်ႈၼႆလႄႈ ၵဝ်ဝႃႈတီႈသူၸမ်ႉ၊ တၵ်းလႆႈၵိၼ်ၸိူဝ်ႉၼင်ႇႁိုဝ်ဝႃႈၼႆ ပုၼ်ႈဢသၢၵ်ႈလႄႈသင်၊ တၵ်းလႆႈၼုင်ႈၸိူဝ်ႉၼင်ႇႁိုဝ်ဝႃႈၼႆ ပုၼ်ႈတူဝ်ၵႃႇယႃႉလႄႈသင်၊ ယႃႇပေမႆႈၸႂ်။ ဢသၢၵ်ႈမျၢတ်ႈသေတၢင်းၵိၼ်ဢမ်ႇၸႂ်ႈႁိုဝ်။ တူဝ်ၵႃႇယႃႉမျၢတ်ႈသေတင်းၼုင်ႈဢမ်ႇၸႂ်ႈႁိုဝ်။- 26တူၺ်းၼူၵ်ႉဢၼ်မိၼ်ၵႃႈၼိူဝ်ၵၢင်ႁၢဝ်ၸိူဝ်းၼၼ်ႉတႃႉ။ ၼူၵ်ႉၸိူဝ်းၼၼ်ႉ ဢမ်ႇဝၢၼ်ႇဢမ်ႇသွမ်ႈၸိူဝ်ႉၽၼ်း။ ၶဝ်ႈၵေႃႈဢမ်ႇပၢတ်ႇဢမ်ႇထိူဝ်။ ဢမ်ႇၸူႉဢမ်ႇသိမ်းဝႆႉၵႃႈၼႂ်းယွင်ၼႂ်းယေး။ ၼႂ်းဝႃႈၼၼ်သေၵေႃႈ ပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ၼၼ်ႉ လဵင်ႉလူၶဝ်ယူႇဢေႃႈ။ သူမျၢတ်ႈသေၼူၵ်ႉၸိူဝ်းၼၼ်ႉဢမ်ႇၸႂ်ႈႁိုဝ်။- 27ၵွပ်ႈပိူဝ်ႈတၢင်းဢၼ်မႆႈၸႂ်ၶီၸႂ်လႄႈ ၼႂ်းသူၽူႈလႂ် တၵ်းႁႂ်ႈၸူဝ်ႈတႃႇဢသၢၵ်ႈတူဝ်ၸဝ်ႈၵဝ်ႇ ယၢဝ်းမႃးထႅင်ႈသေသွၵ်ႇၼိုင်ႈလႆႈ။- 28ႁဵတ်းႁိုဝ်လႄႈ လႆႈမႆႈၸႂ်ပုၼ်ႈတင်းၼုင်ႈတင်းမႆၸိူဝ်ႉၼင်ႇႁိုဝ်။ ၶႆႈၸႂ်တူၺ်းတူၼ်ႈမွၵ်ႇၼႂ်းထိူၼ်ႇတင်းလၢႆၼၼ်ႉ ယႂ်ႇမႃးၵွပ်ႈပိူဝ်ႈလွင်ႈၸိူဝ်ႉၼင်ႇႁိုဝ်ၼၼ်ႉတႃႉ။ တူၼ်ႈၸိူဝ်းၼၼ်ႉ ဢမ်ႇႁဵတ်းတၢင်းႁဵတ်း၊ ဢမ်ႇပၼ်ႇဢမ်ႇတေႃး။- 29ၼႂ်းဝႃႈၼၼ်သေၵေႃႈ ၵဝ်ဝႃႈတီႈသူၸမ်ႉ၊ တၢင်းၼုင်ႈတၢင်းမႆ ၶုၼ်လူင်သေႃးလမုၼ်ႇ ဢၼ်မီးမုၼ်ယႂ်ႇၼႃႇၼၼ်ႉ ဢမ်ႇၶိုတ်းတူၼ်ႈၸိူဝ်းၼၼ်ႉသေတူၼ်ႈ။- 30သူၸိူဝ်းဢၼ်ယုမ်ႇမၢတ်ႈၵေႇတင်းလၢႆၼႆႉဢိူၺ်း၊ ပေႃးၽြႃးပဵၼ်ၸဝ်ႈ ဢဝ်တၢင်းၼုင်ႈတၢင်းမႆႁူမ်ႇလူမ်ႈတူၼ်ႈယိူဝ်ႈတူၼ်ႈယႃႈၵႃႈၼႂ်းထိူၼ်ႇ ဢၼ်ဝၼ်းမိူဝ်ႈၼႆႉဢသၢၵ်ႈလိပ်းယူႇလႄႈ ဝၼ်းမိူဝ်ႈၽုၵ်ႈဢဝ်ၶျႃးသႂ်ႇၵႃႈၼႂ်းမုၵ်ႉၽႆးၼၼ်ႉၸိူဝ်ႉၼင်ႇၼၼ်ၼၼ်ႉၸိုင်၊ မၼ်းၸဝ်ႈယဵင်ႈၶႅၼ်းတၵ်းဢဝ်တၢင်းၼုင်ႈတၢင်းမႆ ႁူမ်ႇလူမ်ႈသူလိူဝ်တွၼ်းၼႃႇသေၼၼ်ႉဢမ်ႇၸႂ်ႈႁိုဝ်။- 31ပိူဝ်ႈၼႆလႄႈ တၵ်းလႆႈၵိၼ်ၸိူဝ်ႉၼင်ႇႁိုဝ်။ တၵ်းလႆႈၼုင်ႈၸိူဝ်ႉၼင်ႇႁိုဝ်ဝႃႈၼႆ၊ ယႃႇပေမႆႈၸႂ်။- 32ၵူၼ်းလေႃးၵီႇတင်းလၢႆ ၸၢင်ႈႁႃဢဝ်လွင်ႈတၢင်းၵႃႈမီးတင်းသဵင်ႈတင်းလူင်ၸိူဝ်းၼႆႉဢေႃႈ။ ပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ၼၼ်ႉ ႁူႉလွင်ႈဢၼ်သူလူဝ်ႇလွင်ႈတၢင်းၵႃႈမီးတင်းသဵင်ႈတင်းလူင်ၸိူဝ်းၼႆႉဢေႃႈ။- 33ႁႃမိူင်းၽြႃးပဵၼ်ၸဝ်ႈ တင်းတြႃးတၢင်းဢၼ်သိုဝ်ႈတေႃႇ ဢွၼ်တၢင်းတႃႉ။ လိုၼ်းၼၼ်ႉၸင်ႇ၊ မၼ်းၸဝ်ႈတၵ်းပၼ် လွင်ႈတၢင်းၵႃႈမီးတင်းသဵင်ႈတင်းလူင် ၸိူဝ်းၼႆႉထႅင်ႈဢေႃႈ။- 34ပိူဝ်ႈၼႆလႄႈ ပုၼ်ႈတႃႇဝၼ်းမိူဝ်ႈၽုၵ်ႈၸိုင် ယႃႇပေမႆႈၸႂ်။ ဝၼ်းမိူဝ်ႈၽုၵ်ႈၼၼ်ႉ တၵ်းမႆႈၸႂ်ပုၼ်ႈတူဝ်ၸဝ်ႈၵဝ်ႇဢေႃႈ။ လွင်ႈတၢင်းဢၼ်ဢမ်ႇလီဢမ်ႇထုၵ်ႇၼႂ်းဝၼ်းမိူဝ်ႈၼႆႉၼၼ်ႉ ပေႃးၵုမ်ႇပုၼ်ႈဝၼ်းမိူဝ်ႈၼႆႉယဝ်ႉ။
നിലവിൽ തിരഞ്ഞെടുത്തിരിക്കുന്നു:
မၢတ်ႈထႄႇ 6: CBMS
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship
မၢတ်ႈထႄႇ 6
6
သင်ႇသွၼ်လွင်ႈတႃႇၼႃႉတၢင်းလူႇ
1လွင်ႈၼင်ႇႁိုဝ် သူတၵ်းဢမ်ႇႁဵတ်းသီႇလႃႉတၢင်းသိုဝ်ႈတေႃႇသူ ၵႃႈတီႈၽၢႆႇၼႃႈပိူၼ်ႈတၢင်ႇၵေႃႉ ႁႂ်ႈၵူၼ်းတင်းလၢႆလႆႈႁၼ်ၼၼ်ႉၸိုင်၊ ႁဵတ်းသတီႉတႃႉ။ ပေႃးဢမ်ႇၼၼ် သူဢမ်ႇလႆႈၶၢမ်ႇဢၵျူဝ်း ၵႃႈတီႈပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉ။- 2ပိူဝ်ႈၼႆလႄႈ မိူဝ်ႈဢၼ်မႂ်းႁဵတ်းတႃႇၼႃႉတၢင်းဢၼ် ၽႄၸွၼ်းယိုၼ်ႈမႅင်ႇၼၼ်ႉၸိုင်၊ ယႃႇပေပဝ်ႇပီႇပဝ်ႇၼႄးၵႃႈတီႈၽၢႆႇၼႃႈမႂ်း မိူၼ်ၸိူဝ်ႉၼင်ႇဢၼ်ၵူၼ်းၸိူဝ်းဢၼ် ၸၢင်ႈထိမ်ႇၸၢင်ႈမႅပ်းတင်းလၢႆ ၶႂ်ႈႁႂ်ႈပိူၼ်ႈယွင်ႈယေႃးလႄႈႁဵတ်းၵႃႈၼႂ်းၸရွပ်ႈႁေႃးတြႃးတင်းလၢႆ ဢိၵ်ႇတင်းၵႃႈၼႂ်းသဵၼ်ႈတၢင်းသၢႆတႃႈတင်းလၢႆၼၼ်ႉ။ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၶဝ်ၼၼ်ႉလႆႈဢၵျူဝ်းၶဝ်ယဝ်ႉ။- 3မိူဝ်ႈဢၼ်မႂ်းႁဵတ်းတႃႇၼႃႉတၢင်းဢၼ် ၽႄၸွၼ်းယိုၼ်ႈမႅင်ႇၼၼ်ႉ ၼင်ႇႁိုဝ်တၢင်းဢၼ်မႂ်းၽႄၸွၼ်းယိုၼ်ႈမႅင်ႇၼၼ်ႉ တၵ်းပဵၼ်ဢၼ်တဵတ်ႇတဵတ်ႇယဵၼ်ယဵၼ် ဢမ်ႇထၢင်ႇဢမ်ႇသႃးၸိုင်၊ လွင်ႈဢၼ်ၶွၼ်ၶႂႃႁဵတ်းၼၼ်ႉ ယႃႇပေႁႂ်ႈၶွၼ်သၢႆႉလႆႈႁူႉ။- 4ပေႃႈမႂ်းဢၼ်ႁၼ်လွင်ႈဢၼ်ဢမ်ႇထၢင်ႇဢမ်ႇသႃးၼၼ်ႉ တၵ်းပၼ်ဢၵျူဝ်း ဢေႃႈ။
သင်ႇသွၼ်လွင်ႈပထၼႃႇသူးတွင်း
(တူၺ်း၊ လူႉ 11:2-4)
5မိူဝ်ႈဢၼ်မႂ်းသူးတွင်းၸိုင်၊ ယႃႇပေႁဵတ်းၸိူဝ်ႉၼင်ႇၵူၼ်းၸိူဝ်းဢၼ် ၸၢင်ႈထိမ်ႇၸၢင်ႈမႅပ်းတင်းလၢႆၼၼ်ႉ။ ၶဝ်ၼၼ်ႉ ၼင်ႇႁိုဝ်တၵ်းႁႂ်ႈပိူၼ်ႈႁၼ်ၸိုင်၊ မီးဢလူဝ်ႇၶႂ်ႈၸုၵ်းယူႇၵႃႈၼႂ်းၸရွပ်ႈႁေႃးတြႃး၊ ၵႃႈၼႂ်းတၢင်းၶႂၢႆႈတၢင်းႁွမ်းတင်းလၢႆလႄႈသူးတွင်းဢေႃႈ။ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၶဝ်ၼၼ်ႉ လႆႈဢၵျူဝ်းၶဝ်ယဝ်ႉ။- 6မိူဝ်ႈဢၼ်မႂ်းသူးတွင်းၸိုင် ၶဝ်ႈၵႃႈၼႂ်းလုၵ်းတၢင်းၼႂ်းလႄႈ ဢိုတ်းၽၵ်းတူယဝ်ႉၸင်ႇ၊ သူးတွင်းတီႈပေႃႈမႂ်း ဢၼ်မီးယူႇၵႃႈတီႈဢၼ်ဢမ်ႇထၢင်ႇဢမ်ႇသႃးၼၼ်ႉတႃႉ။ ပေႃႈမႂ်းဢၼ်ႁၼ်လွင်ႈတၢင်းဢၼ်ဢမ်ႇထၢင်ႇဢမ်ႇသႃးၼၼ်ႉ တၵ်းပၼ်ဢၵျူဝ်းဢေႃႈ။
7မိူဝ်ႈဢၼ်သူသူးတွင်းၸိုင်၊ ယႃႇပေရွတ်ႈၵႂၢမ်းဢၼ်လၢႆလၢႆယူႇၶိူဝ်းၶိူဝ်းယႂ်းယႂ်း မိူၼ်ၸိူဝ်ႉၼင်ႇၵူၼ်းသႃႇသၼႃႇပႃႉတင်းလၢႆၼၼ်ႉ။ ၶဝ်ၼၼ်ႉ ၵွပ်ႈပိူဝ်ႈဢၼ်ပႃးၵႂၢမ်းၼမ်ၼႃႇၼၼ်ႉလႄႈ ထၢင်ႇဢလူဝ်ႇတူဝ်ၸဝ်ႈၵဝ်ႇတၵ်းပျေႉၸုမ်ႇဢေႃႈ။- 8ယႃႇပေႁဵတ်းၸိူဝ်ႉၼင်ႇၶဝ်ၼၼ်ႉ။ လွင်ႈမၼ်းၸမ်ႉ ၸူဝ်ႈဢၼ်သူဢမ်ႇပႆႇယွၼ်းၼၼ်ႉ ပေႃႈသူႁူႉလွင်ႈဢၼ် သူလူဝ်ႇၵႃႈမီးတင်းသဵင်ႈတင်းလူင်ၼၼ်ႉယူႇဢေႃႈ။- 9ပိူဝ်ႈၼႆလႄႈ သူတၵ်းလႆႈသူးတွင်းလႄႈဝႃႈၸမ်ႉ၊ ပေႃႈႁဝ်းၶႃႈ ဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉ၊ ႁႂ်ႈၼႃႇမႃႉၸိုဝ်ႈသဵင်ၸဝ်ႈႁဝ်း မီးတၢင်းဢၼ်ရူဝ်ႇသေႇၵူဝ်ယမ်သေၵမ်းလူၺ်ႈတီႈၶႃႈ။- 10ႁႂ်ႈမိူင်းၸဝ်ႈႁဝ်းတႄႇပဵၼ်သေၵမ်းလူၺ်ႈတီႈၶႃႈ။ ၸိူဝ်ႉၼင်ႇဢၼ်ဢလူဝ်ႇၸဝ်ႈႁဝ်းပျေႉၸုမ်ႇဝႆႉၵႃႈၼိူဝ်မိူင်းၵၢင်ႁၢဝ်ပုၼ်ႉၼၼ်ႉ၊ ၵႃႈၼိူဝ်လိၼ်မိူင်းၼႆႉၵေႃႈ ႁႂ်ႈပျေႉၸုမ်ႇသေၵမ်းလူၺ်ႈတီႈၶႃႈ။- 11ၶႅၼ်းတေႃႈပၼ်တၢင်းၵိၼ် ဢၼ်ပေႃးၵုမ်ႇလဵင်ႉၸႂ်ၼၼ်ႉ တီႈႁဝ်းၶႃႈ ဝၼ်းမိူဝ်ႈၼႆႉသေၵမ်းတီႈၶႃႈ။- 12ၸိူဝ်ႉၼင်ႇဢၼ်ႁဝ်းၶႃႈပွႆႇလွတ်ႈဢပႅတ်ႈပိူၼ်ႈ တၢင်ႇၵေႃႉဢၼ်ၽိတ်းႁဝ်းၶႃႈၼၼ်ႉ၊ ၶႅၼ်းတေႃႈပွႆႇလွတ်ႈဢပႅတ်ႈႁဝ်းၶႃႈသေၵမ်းတီႈၶႃႈ။- 13ယင်းဢမ်ႇႁႂ်ႈလႆႈၸွမ်းၵႂႃႇၵႃႈတီႈဢပႅတ်ႈတၢင်းဢၼ်ၸူဝ်ႈၵႂႃႇၸူဝ်ႈပႆၼၼ်ႉလႄႈ ၶႅၼ်းတေႃႈၵႄႇသႄႇထွတ်ႇထူၺ်ႈဢဝ်ၵႃႈၼႂ်းလွင်ႈတၢင်းဢၼ်ဢမ်ႇလီဢမ်ႇငၢမ်းသေၵမ်းတီႈၶႃႈ၊ ဝႃႈၼႆ၊ သူးတွင်းတႃႉ။
14ပေႃးသူပွႆႇလွတ်ႈဢပႅတ်ႈပိူၼ်ႈတၢင်ႇၵေႃႉၸိုင်၊ ပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉ တၵ်းပွႆႇလွတ်ႈဢပႅတ်ႈသူဢေႃႈ။- 15ပေႃးသူဢမ်ႇပွႆႇလွတ်ႈဢပႅတ်ႈပိူၼ်ႈတၢင်ႇၵေႃႉၸိုင်၊ ပေႃႈသူၼၼ်ႉ တၵ်းဢမ်ႇပွႆႇလွတ်ႈဢပႅတ်ႈသူ။
သင်ႇသွၼ်လွင်ႈၵမ်တၢင်းၵိၼ်
16မိူဝ်ႈဢၼ်သူၵမ်တၢင်းၵိၼ်ၼၼ်ႉၸိုင်၊ ယႃႇႁႂ်ႈမီးတၢင်းဢၼ် ၼႃႈဢူၼ်ႈၼႃႈငဝ် မိူၼ်ၸိူဝ်ႉၼင်ႇၵူၼ်းၸိူဝ်းဢၼ် ၸၢင်ႈထိမ်ႇၸၢင်ႈမႅပ်းတင်းလၢႆၼၼ်ႉ။ ၶဝ်ၼၼ်ႉ ၼင်ႇႁိုဝ်ပိူၼ်ႈတၵ်းႁၼ်လွင်ႈဢၼ်ၶဝ်ၵမ်တၢင်းၵိၼ်ၼၼ်ႉၸိုင်၊ ၸၢင်ႈယႃႉၼႃႈယႃႉတႃၶဝ်ဢေႃႈ။ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၶဝ်ၼၼ်ႉလႆႈဢၵျူဝ်းၶဝ်ယဝ်ႉ။- 17မိူဝ်ႈဢၼ်မႂ်းၵမ်တၢင်းၵိၼ်ၼၼ်ႉ၊ ၼင်ႇႁိုဝ်ပိူၼ်ႈတၵ်းဢမ်ႇႁၼ် လွင်ႈဢၼ်မႂ်းၵမ်တၢင်းၵိၼ်ၼၼ်ႉလႄႈ ပေႃႈမႂ်းဢၼ်မီးယူႇၵႃႈတီႈဢၼ်ဢမ်ႇထၢင်ႇဢမ်ႇသႃးၼၼ်ႉ တၵ်းႁၼ်ၸိုင်၊ တႃးႁူဝ်လႄႈသုၵ်ႈၼႃႈမႂ်းတႃႉ။- 18ပေႃႈမႂ်းဢၼ်ႁၼ် လွင်ႈတၢင်းဢၼ်ဢမ်ႇထၢင်ႇဢမ်ႇသႃးၼၼ်ႉ တၵ်းပၼ်ဢၵျူဝ်းဢေႃႈ။
သင်ႇသွၼ်လွင်ႈၽၼ်ႇတႃႇမိူင်းၵၢင်ႁၢဝ်
19ယႃႇပေသိမ်းပႅင်းၽၼ်ႇတႃႇဢုၵ်ႉၸႃႇၵႃႈၼိူဝ်လိၼ်မိူင်း တီႈဢၼ်ႁေႃတင်းမႅင်းၸၢင်ႈယႃႉ၊ ဢၼ်ၽူႈလၵ်ႉၸၢင်ႈမူင်ႇလႄႈလၵ်ႉဢဝ်လႆႈၼႆႉ။- 20သိမ်းပႅင်းၽၼ်ႇတႃႇဢုၵ်ႉၸႃႇ ၵႃႈၼိူဝ်မိူင်းၵၢင်ႁၢဝ် တီႈဢၼ်ႁေႃတင်းမႅင်းဢမ်ႇၸၢင်ႈယႃႉ၊ ဢၼ်ၽူႈလၵ်ႉဢမ်ႇၸၢင်ႈမူင်ႇလႄႈ လၵ်ႉဢဝ်လႆႈၼၼ်ႉတႃႉ။- 21လွင်ႈမၼ်းၸမ်ႉ ႁူဝ်ၸႂ်သူၸၢင်ႈမီးၵႃႈတီႈဢၼ်ၽၼ်ႇတႃႇဢုၵ်ႉၸႃႇသူမီးၼၼ်ႉဢေႃႈ။
လွင်ႈဢၼ်လႅင်းတူဝ်ၶၼ်ႇထႃႇ
(တူၺ်း၊ လူႉ 11:34-36)
22ဝၢၼ်ႇၽႆးတဵၼ်းတူဝ်ၵႃႇယႃႉၸမ်ႉ၊ ပဵၼ်မၢၵ်ႇတႃဢေႃႈ။ ပိူဝ်ႈၼႆလႄႈ ပေႃးမၢၵ်ႇတႃမႂ်းသႂ်လႅင်းၸိုင် တၵ်းလႅင်းတင်းတူဝ်ဢေႃႈ။- 23ပေႃးမၢၵ်ႇတႃမႂ်းဢမ်ႇလီၸိုင် တၵ်းလပ်းသိင်ႇတင်းတူဝ်ဢေႃႈ။ ပေႃးဢၼ်လႅင်းဢၼ်မီးၼႂ်းမႂ်းၼၼ်ႉ ပဵၼ်ဢၼ်လပ်းသိင်ႇၸိုင် ဢၼ်လပ်းသိင်ႇၼၼ်ႉ လပ်းသိင်ႇၼႃႇလူင်လၢင်ဢေႃႈ။
ၽြႃးပဵၼ်ၸဝ်ႈလႄႈၸေးၸိမ်ႇလေႃးၵႃႉ
(တူၺ်း၊ လူႉ 16:13။ လူႉ 12:22-31)
24ၽူႈလႂ်ဢမ်ႇၶၢမ်ႇတၢင်းဢၼ် ၸဝ်ႈသွင်ၵေႃႉၸႂ်ႉသွႆၼၼ်ႉလႆႈ။ တၵ်းၸင်းၸဝ်ႈၵေႃႉၼိုင်ႈလႄႈ ႁၵ်ႉၸဝ်ႈၵေႃႉၼိုင်ႈဢေႃႈ။ တၵ်းဢိင်ပိုင်ႈၸဝ်ႈၵေႃႉၼိုင်ႈလႄႈ ဢမ်ႇၼပ်ႉဢမ်ႇၶၢၼ်းၸဝ်ႈၵေႃႉၼိုင်ႈဢေႃႈ။ သူဢမ်ႇၶၢမ်ႇတၢင်းဢၼ် ၽြႃးပဵၼ်ၸဝ်ႈၸႂ်ႉသွႆဢိၵ်ႇတင်းတၢင်းဢၼ်ၸေးၸိမ်ႇလေႃးၵီႇၸႂ်ႉသွႆၼၼ်ႉလႆႈ။- 25ပိူဝ်ႈၼႆလႄႈ ၵဝ်ဝႃႈတီႈသူၸမ်ႉ၊ တၵ်းလႆႈၵိၼ်ၸိူဝ်ႉၼင်ႇႁိုဝ်ဝႃႈၼႆ ပုၼ်ႈဢသၢၵ်ႈလႄႈသင်၊ တၵ်းလႆႈၼုင်ႈၸိူဝ်ႉၼင်ႇႁိုဝ်ဝႃႈၼႆ ပုၼ်ႈတူဝ်ၵႃႇယႃႉလႄႈသင်၊ ယႃႇပေမႆႈၸႂ်။ ဢသၢၵ်ႈမျၢတ်ႈသေတၢင်းၵိၼ်ဢမ်ႇၸႂ်ႈႁိုဝ်။ တူဝ်ၵႃႇယႃႉမျၢတ်ႈသေတင်းၼုင်ႈဢမ်ႇၸႂ်ႈႁိုဝ်။- 26တူၺ်းၼူၵ်ႉဢၼ်မိၼ်ၵႃႈၼိူဝ်ၵၢင်ႁၢဝ်ၸိူဝ်းၼၼ်ႉတႃႉ။ ၼူၵ်ႉၸိူဝ်းၼၼ်ႉ ဢမ်ႇဝၢၼ်ႇဢမ်ႇသွမ်ႈၸိူဝ်ႉၽၼ်း။ ၶဝ်ႈၵေႃႈဢမ်ႇပၢတ်ႇဢမ်ႇထိူဝ်။ ဢမ်ႇၸူႉဢမ်ႇသိမ်းဝႆႉၵႃႈၼႂ်းယွင်ၼႂ်းယေး။ ၼႂ်းဝႃႈၼၼ်သေၵေႃႈ ပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ၼၼ်ႉ လဵင်ႉလူၶဝ်ယူႇဢေႃႈ။ သူမျၢတ်ႈသေၼူၵ်ႉၸိူဝ်းၼၼ်ႉဢမ်ႇၸႂ်ႈႁိုဝ်။- 27ၵွပ်ႈပိူဝ်ႈတၢင်းဢၼ်မႆႈၸႂ်ၶီၸႂ်လႄႈ ၼႂ်းသူၽူႈလႂ် တၵ်းႁႂ်ႈၸူဝ်ႈတႃႇဢသၢၵ်ႈတူဝ်ၸဝ်ႈၵဝ်ႇ ယၢဝ်းမႃးထႅင်ႈသေသွၵ်ႇၼိုင်ႈလႆႈ။- 28ႁဵတ်းႁိုဝ်လႄႈ လႆႈမႆႈၸႂ်ပုၼ်ႈတင်းၼုင်ႈတင်းမႆၸိူဝ်ႉၼင်ႇႁိုဝ်။ ၶႆႈၸႂ်တူၺ်းတူၼ်ႈမွၵ်ႇၼႂ်းထိူၼ်ႇတင်းလၢႆၼၼ်ႉ ယႂ်ႇမႃးၵွပ်ႈပိူဝ်ႈလွင်ႈၸိူဝ်ႉၼင်ႇႁိုဝ်ၼၼ်ႉတႃႉ။ တူၼ်ႈၸိူဝ်းၼၼ်ႉ ဢမ်ႇႁဵတ်းတၢင်းႁဵတ်း၊ ဢမ်ႇပၼ်ႇဢမ်ႇတေႃး။- 29ၼႂ်းဝႃႈၼၼ်သေၵေႃႈ ၵဝ်ဝႃႈတီႈသူၸမ်ႉ၊ တၢင်းၼုင်ႈတၢင်းမႆ ၶုၼ်လူင်သေႃးလမုၼ်ႇ ဢၼ်မီးမုၼ်ယႂ်ႇၼႃႇၼၼ်ႉ ဢမ်ႇၶိုတ်းတူၼ်ႈၸိူဝ်းၼၼ်ႉသေတူၼ်ႈ။- 30သူၸိူဝ်းဢၼ်ယုမ်ႇမၢတ်ႈၵေႇတင်းလၢႆၼႆႉဢိူၺ်း၊ ပေႃးၽြႃးပဵၼ်ၸဝ်ႈ ဢဝ်တၢင်းၼုင်ႈတၢင်းမႆႁူမ်ႇလူမ်ႈတူၼ်ႈယိူဝ်ႈတူၼ်ႈယႃႈၵႃႈၼႂ်းထိူၼ်ႇ ဢၼ်ဝၼ်းမိူဝ်ႈၼႆႉဢသၢၵ်ႈလိပ်းယူႇလႄႈ ဝၼ်းမိူဝ်ႈၽုၵ်ႈဢဝ်ၶျႃးသႂ်ႇၵႃႈၼႂ်းမုၵ်ႉၽႆးၼၼ်ႉၸိူဝ်ႉၼင်ႇၼၼ်ၼၼ်ႉၸိုင်၊ မၼ်းၸဝ်ႈယဵင်ႈၶႅၼ်းတၵ်းဢဝ်တၢင်းၼုင်ႈတၢင်းမႆ ႁူမ်ႇလူမ်ႈသူလိူဝ်တွၼ်းၼႃႇသေၼၼ်ႉဢမ်ႇၸႂ်ႈႁိုဝ်။- 31ပိူဝ်ႈၼႆလႄႈ တၵ်းလႆႈၵိၼ်ၸိူဝ်ႉၼင်ႇႁိုဝ်။ တၵ်းလႆႈၼုင်ႈၸိူဝ်ႉၼင်ႇႁိုဝ်ဝႃႈၼႆ၊ ယႃႇပေမႆႈၸႂ်။- 32ၵူၼ်းလေႃးၵီႇတင်းလၢႆ ၸၢင်ႈႁႃဢဝ်လွင်ႈတၢင်းၵႃႈမီးတင်းသဵင်ႈတင်းလူင်ၸိူဝ်းၼႆႉဢေႃႈ။ ပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ၼၼ်ႉ ႁူႉလွင်ႈဢၼ်သူလူဝ်ႇလွင်ႈတၢင်းၵႃႈမီးတင်းသဵင်ႈတင်းလူင်ၸိူဝ်းၼႆႉဢေႃႈ။- 33ႁႃမိူင်းၽြႃးပဵၼ်ၸဝ်ႈ တင်းတြႃးတၢင်းဢၼ်သိုဝ်ႈတေႃႇ ဢွၼ်တၢင်းတႃႉ။ လိုၼ်းၼၼ်ႉၸင်ႇ၊ မၼ်းၸဝ်ႈတၵ်းပၼ် လွင်ႈတၢင်းၵႃႈမီးတင်းသဵင်ႈတင်းလူင် ၸိူဝ်းၼႆႉထႅင်ႈဢေႃႈ။- 34ပိူဝ်ႈၼႆလႄႈ ပုၼ်ႈတႃႇဝၼ်းမိူဝ်ႈၽုၵ်ႈၸိုင် ယႃႇပေမႆႈၸႂ်။ ဝၼ်းမိူဝ်ႈၽုၵ်ႈၼၼ်ႉ တၵ်းမႆႈၸႂ်ပုၼ်ႈတူဝ်ၸဝ်ႈၵဝ်ႇဢေႃႈ။ လွင်ႈတၢင်းဢၼ်ဢမ်ႇလီဢမ်ႇထုၵ်ႇၼႂ်းဝၼ်းမိူဝ်ႈၼႆႉၼၼ်ႉ ပေႃးၵုမ်ႇပုၼ်ႈဝၼ်းမိူဝ်ႈၼႆႉယဝ်ႉ။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship