မၢတ်ႈထႄႇ 5
5
တြႃးၸဝ်ႈဢၼ်ႁေႃးတီႈၼိူဝ်လွႆ
1မိူဝ်ႈဢၼ်ႁၼ်ၵူၼ်းဢၼ်ၸူႉဢၼ်တုမ်ၵၼ်တင်းလၢႆၼၼ်ႉၸိုင်၊ မၼ်းၸဝ်ႈၶိုၼ်ႈၵႂႃႇၵႃႈၼိူဝ်လွႆသေယဝ်ႉ၊ ၼင်ႈယူႇလႄႈ တပႄးၸဝ်ႈတင်းလၢႆ သုတ်ႉၸပ်းသုတ်ႉၸူးၵႃႈတီႈမၼ်းၸဝ်ႈဢေႃႈ။- 2မိူဝ်ႈၼၼ်ႉ မၼ်းၸဝ်ႈပိုတ်ႇပၢၵ်ႇသင်ႇသွၼ်သုင်းမႃႉပၼ်တီႈတပႄးၸဝ်ႈၸိူဝ်းၼၼ်ႉလႄႈဝႃႈ၊
မင်ႇၵလႃႇတြႃးၸဝ်ႈ
(တူၺ်း၊ လူႉ 6:20-23)
3ၶဝ်ၸိူဝ်းဢၼ် ႁူဝ်ၸႂ်ၶျႃးတႅမ်ႇၼၼ်ႉ မီးမင်ႇၵလႃႇဢေႃႈ။ လွင်ႈမၼ်းၸမ်ႉ မိူင်းၵၢင်ႁၢဝ်ၸဝ်ႈပဵၼ်မိူင်းၶဝ်ၼၼ်ႉဢေႃႈ။- 4ၶဝ်ၸိူဝ်းဢၼ်ႁူဝ်ၸႂ်ဢမ်ႇသႃႇလႄႈ မႆႈၸႂ်ၶီၸႂ်ၼၼ်ႉ မီးမင်ႇၵလႃႇဢေႃႈ။ လွင်ႈမၼ်းၸမ်ႉ ၶဝ်ၼၼ်ႉ တၵ်းႁွတ်ႈတၢင်းဢၼ်သၢၵ်ႈသႃႇဢေႃႈ။- 5ၶဝ်ၸိူဝ်းဢၼ် ႁူဝ်ၸႂ်ၼိမ်သိမ်ႇဢူၼ်ႈဢွၼ်ႇၼၼ်ႉ မီးမင်ႇၵလႃႇဢေႃႈ။ လွင်ႈမၼ်းၸမ်ႉ ၶဝ်ၼၼ်ႉတၵ်းၶၢမ်ႇ ဢမူၺ်ႇမိူင်းၸဝ်ႈဢေႃႈ။- 6ၶဝ်ၸိူဝ်းဢၼ် ဢိုပ်းယၢၵ်ႈတွင်ႉမႆႈပႃႇရမီႇ တၢင်းသိုဝ်ႈတေႃႇၼၼ်ႉ မီးမင်ႇၵလႃႇဢေႃႈ။ လွင်ႈမၼ်းၸမ်ႉ ၶဝ်ၼၼ်ႉ တၵ်းႁွတ်ႈတၢင်းဢၼ် လိူင်ႇၸႂ်ဢေႃႈ။- 7ၶဝ်ၸိူဝ်းဢၼ်ၸၢင်ႈႁၵ်ႉဢဵတ်းလူၼၼ်ႉ မီးမင်ႇၵလႃႇဢေႃႈ။ လွင်ႈမၼ်းၸမ်ႉ ၶဝ်ၼၼ်ႉ တၵ်းၶၢမ်ႇတၢင်းဢၼ် ႁၵ်ႉဢဵတ်းလူဢေႃႈ။- 8ၶဝ်ၸိူဝ်းဢၼ် ႁူဝ်ၸႂ်ၶၢဝ်ၸၢင်ႇၼၼ်ႉ မီးမင်ႇၵလႃႇဢေႃႈ။ လွင်ႈမၼ်းၸမ်ႉ ၶဝ်ၼၼ်ႉ တၵ်းႁၼ်ၽြႃးပဵၼ်ၸဝ်ႈဢေႃႈ။- 9ၶဝ်ၸိူဝ်းဢၼ်ႁႂ်ႈတၢင်းဢၼ်ပိူၼ်ႈတၢင်ႇၵေႃႉၽိတ်းၵၼ် ယဵၼ်ၼၼ်ႉ မီးမင်ႇၵလႃႇဢေႃႈ။ လွင်ႈမၼ်းၸမ်ႉ ၶဝ်ၼၼ်ႉတၵ်းၶၢမ်ႇတၢင်းႁွင်ႉလုၵ်ႈၽြႃးပဵၼ်ၸဝ်ႈဢေႃႈ။- 10ၶဝ်ၸိူဝ်းဢၼ်လႆႈၶၢမ်ႇတၢင်းဢၼ် ၼိၵ်ႈၸၢၵ်ႈငႅၼ်းသႄး ၵွပ်ႈပိူဝ်ႈတြႃးတၢင်းဢၼ်သိုဝ်ႈတေႃႇၼၼ်ႉ မီးမင်ႇၵလႃႇဢေႃႈ။ လွင်ႈမၼ်းၸမ်ႉ မိူင်းၵၢင်ႁၢဝ်ၸဝ်ႈပဵၼ်မိူင်းၶဝ်ၼၼ်ႉဢေႃႈ။- 11ၵွပ်ႈပိူဝ်ႈၵဝ်ၼႆႉလႄႈ မိူဝ်ႈဢၼ်ပိူၼ်ႈသႄႉသွမ်း ၼိၵ်ႈၸၢၵ်ႈငႅၼ်းသႄးသူလႄႈ တၢင်ႇဢပႅတ်ႈၵူႈၸိူဝ်ႉၵူႈပိူင် ဢၼ်ဢမ်ႇၸိုဝ်ႈဢမ်ႇၸႂ်ႈတီႈသူၼၼ်ႉၸိုင်၊ သူမီးမင်ႇၵလႃႇဢေႃႈ။- 12သိူဝ်းၸူမ်းမူၼ်ႈပျေႃႇတႃႉ။ လွင်ႈမၼ်းၸမ်ႉ ဢၵျူဝ်းသူယႂ်ႇၼႃႇ ၵႃႈၼႂ်းမိူင်းၵၢင်ႁၢဝ်ပုၼ်ႉဢေႃႈ။ ၶဝ်ၼၼ်ႉ ၼိၵ်ႈၸၢၵ်ႈငႅၼ်းသႄး ပရေႃးၽႅတ်ႈ ဢၼ်ပေႃႇမႃးဢွၼ်တၢင်းသူတင်းလၢႆၼၼ်ႉ မိူၼ်ၸိူဝ်ႉၼင်ႇၼႆယဝ်ႉ။
လွင်ႈၵိူဝ်ဢိၵ်ႇတင်းဢၼ်လႅင်း
(တူၺ်း၊ မႃႇ 9:50။ လူႉ 14:34-35)
13သူပဵၼ်ၵိူဝ်လေႃးၵႃႉၼႆႉဢေႃႈ။ ၵိူဝ်ၸမ်ႉ၊ ပေႃးဢၼ်ၸဵမ်းမၼ်းႁၢႆၵႂႃႇၸိုင်၊ တၵ်းၶိုၼ်းလႆႈဢၼ်ၸဵမ်းမၼ်းၸိူဝ်ႉၼင်ႇႁိုဝ်။ လိူဝ်သေတၢင်းဢၼ်ထိမ်ႈပႅတ်ႈၵႃႈၼွၵ်ႈလႄႈ ပိူၼ်ႈယဵပ်ႇပိူၼ်ႈၶၢမ်ႈၼၼ်ႉ၊ ဢမ်ႇပွင်ႇလွင်ႈၵႃႈသင်သေဢိတ်း။
14သူပဵၼ်ဢၼ်လႅင်းလေႃးၵႃႉၼႆႉဢေႃႈ။ ဝဵင်းဢၼ်တႄႇဝႆႉၵႃႈၼိူဝ်ပၢႆၸိၵ်းလွႆၸိုင် ဢမ်ႇလပ်ႉဝႆႉလႆႈ။- 15ၵူၼ်းႁဝ်းၼႆႉ တႆႈဝၢၼ်ႇၽႆးတဵၼ်းသေလႄႈ ဢဝ်ႁူမ်ႇဝႆႉၵႃႈတႂ်ႈပဵတ်ႈဢမ်ႇၸႂ်ႈ။ ၼင်ႇႁိုဝ်ၵူၼ်းႁိူၼ်းၵူၼ်းယေးတင်းသဵင်ႈတင်းလူင် တၵ်းလႆႈႁၼ်ဢၼ်လႅင်းမၼ်းၸိုင်၊ ယၢမ်ႈဢဝ်တၢင်ႇဝႆႉၵႃႈၼိူဝ်ၶူင်ႇတီႈတႆႈၽႆးဢေႃႈ။- 16ပိူင်လဵဝ်ၵၼ်၊ ၼင်ႇႁိုဝ်ပိူၼ်ႈတၵ်းႁၼ်တၢင်းၵမ်တၢင်းၵျၢင်ႉသူ ဢၼ်လီၼၼ်ႉလႄႈ ယွင်ႈယေႃးပေႃႈသူ ဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉၸိုင်၊ ႁႂ်ႈဢၼ်လႅင်းသူလႅင်းပႃႈၼႃႈပိူၼ်ႈတႃႉ။
သွၼ်ပၼ်လွင်ႈပိင်းၺၢပ်ႈတြႃး
17ၵဝ်မႃးႁႂ်ႈလႆႈယႃႉၵျၢမ်းပိင်းၺၢပ်ႈတီႉ၊ ၵျၢမ်းဢၼႃႇၵၢတ်ႈတီႉဝႃႈၼႆ ယႃႇပေထၢင်ႇပေထိူမ်။ ၵဝ်မႃးႁႂ်ႈလႆႈယႃႉဢမ်ႇၸႂ်ႈ။ ၵဝ်မႃးႁႂ်ႈလႆႈပျေႉၸုမ်ႇဢေႃႈ။- 18ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ တေႃႇထိုင်ႁွတ်ႈၸူဝ်ႈဢၼ်ၵၢင်ႁၢဝ် တင်းလိၼ်မိူင်းၼႆႉဢမ်ႇပႆႇလူႉၼၼ်ႉၸိုင်၊ ၼႂ်းၵျၢမ်းပိင်းၺၢပ်ႈတီႉ တူဝ်လိၵ်ႈဢၼ်လဵၵ်ႉသေပိူၼ်ႈ ၸမ်ႈမၼ်းပဵင်ႇတူႉသေႁူၺ်ႇ ၸူဝ်ႈဢၼ်ဢမ်ႇပႆႇပျေႉၸုမ်ႇၼၼ်ႉ၊ ဢမ်ႇလႆႈလူႉ။- 19ပိူဝ်ႈၼႆလႄႈ ၽူႈလႂ်သေဢမ်ႇဝႃႈ၊ ၵေႃႉဢၼ်တူဝ်ၸဝ်ႈၵဝ်ႇ ပူၼ်ႉလိူဝ်ပိင်းၺၢပ်ႈ ဢၼ်လဵၵ်ႉသေပိူၼ်ႈပႃးၼိုင်ႈလႄႈ သင်ႇသွၼ်ပၼ်ပိူၼ်ႈၸိူဝ်ႉၼင်ႇၼၼ်ၼၼ်ႉ၊ ၵေႃႉၼၼ်ႉ တၵ်းလႆႈၶၢမ်ႇတၢင်းႁွင်ႉၵေႃႉဢၼ်လဵၵ်ႉသေပိူၼ်ႈၵႃႈၼႂ်းမိူင်းၵၢင်ႁၢဝ်ၸဝ်ႈပုၼ်ႉဢေႃႈ။ ၽူႈလႂ်သေဢမ်ႇဝႃႈ၊ ၵေႃႉဢၼ်တူဝ်ၸဝ်ႈၵဝ်ႇ ၵမ်ၵျၢင်ႉလႄႈ သင်ႇသွၼ်ပၼ်ပိူၼ်ႈၸိူဝ်ႉၼင်ႇၼၼ်ၼၼ်ႉ၊ ၵေႃႉၼၼ်ႉ တၵ်းလႆႈၶၢမ်ႇတၢင်းႁွင်ႉ ၵေႃႉဢၼ်ယႂ်ႇၵႃႈၼႂ်းမိူင်းၵၢင်ႁၢဝ်ၸဝ်ႈပုၼ်ႉဢေႃႈ။
20ၵဝ်ဝႃႈတီႈသူၸမ်ႉ၊ ပေႃးတၢင်းသိုဝ်ႈတေႃႇသူ ဢမ်ႇပူၼ်ႉဢမ်ႇလိူဝ်တၢင်းသိုဝ်ႈတေႃႇ ၽႃႇရီႉသႄး ဢိၵ်ႇတင်းၵူၼ်းထုတ်ႇၵျၢမ်းတင်းလၢႆၸိုင်၊ သူတၵ်းဢမ်ႇလႆႈၶဝ်ႈ ၵႃႈၼႂ်းမိူင်းၵၢင်ႁၢဝ်ၸဝ်ႈပုၼ်ႉ။
တၢင်းဢၼ်သင်ႇသွၼ်လွင်ႈၸႂ်လမ်သႆႈၵမ်ႇ
21သူလႆႈငိၼ်းလွင်ႈဢၼ်ပိင်းၺၢပ်ႈဝႆႉ ၵႃႈတီႈၵူၼ်းမိူဝ်ႈၵွၼ်ႇဢွၼ်ၼႆႉ တင်းလၢႆၼၼ်ႉလႄႈဝႃႈ၊ ယႃႇပေဢဝ်ဢသၢၵ်ႈၵူၼ်းတၢႆ။ ၽူႈလႂ်သေဢမ်ႇဝႃႈ၊ ၵေႃႉဢၼ်ဢဝ်တၢႆၼၼ်ႉ တၵ်းထိူၵ်ႈၶၢမ်ႇတၢင်းဢၼ်ၸီႇယၢင်ႇဢပႅတ်ႈဢေႃႈ၊ ဝႃႈၼင်ႇၼႆၼၼ်ႉဝႆႉယဝ်ႉ။- 22ၵဝ်ပိင်းၺၢပ်ႈၸမ်ႉ၊ လွင်ႈတီႈၸႂ်မႆႈၶႆႈၸႃႉယင်းဢမ်ႇမီးလႄႈ ၵေႃႉဢၼ်ၸႂ်မႆႈၶႆႈၸႃႉတီႈပီႈၼွင်ႉမၼ်းၼၼ်ႉ တၵ်းထိူၵ်ႈၶၢမ်ႇတၢင်းဢၼ်ၸီႇယၢင်ႇဢပႅတ်ႈဢေႃႈ။ ၽူႈလႂ်သေဢမ်ႇဝႃႈ၊ ၵေႃႉဢၼ်လၢတ်ႈတီႈပီႈၼွင်ႉမၼ်းလႄႈဝႃႈ၊ ရႃႇၵႃႇ#5:22 ရႃႇၵႃႇ - ပဵၼ်ၵႂၢမ်းဢႃႇရမိၵ်ႉ ၶႂ်ႈဝႃႈၵူၼ်းငိူဝ်ႈငႃႉ၊ ဝႃႈၼင်ႇၼႆၼၼ်ႉ တၵ်းထိူၵ်ႈၶၢမ်ႇ တၢင်းဢၼ်ၸီႇယၢင်ႇၵႃႈတီႈလုမ်းလူင်ဢေႃႈ။ ၽူႈလႂ်သေဢမ်ႇဝႃႈ၊ ၵေႃႉဢၼ်လၢတ်ႈလႄႈဝႃႈ၊ မႂ်းမိူၵ်ႈ၊ ဝႃႈၼင်ႇၼႆၼၼ်ႉ တၵ်းထိူၵ်ႈၶၢမ်ႇ ၽႆးငရၢႆးဢေႃႈ။- 23ပိူဝ်ႈၼႆလႄႈ ပေႃးမႂ်းဢဝ်တၢင်းပုၵ်ႈၸေႃႇ မႃးၵႃႈတီႈယိတ်ႈပလၢင်ႇလႄႈ ၶုၵ်းၸႂ်လႆႈၶႆႈၸႂ်ထူပ်း လွင်ႈဢၼ်ပီႈၼွင်ႉမႂ်း မီးတီႈတၢင်ႇဢပႅတ်ႈၵႃႈၼိူဝ်မႂ်းသေဢိတ်းၸိုင်၊- 24ဝႆႉတၢင်းပုၵ်ႈၸေႃႇမႂ်းၼၼ်ႉ ၵႃႈတီႈၽၢႆႇၼႃႈ ယိတ်ႈပလၢင်ႇ သေလႄႈၵႂႃႇတႃႉ။ ထုၵ်ႇၵၼ်တင်း ပီႈၼွင်ႉမႂ်းယဝ်ႉၸင်ႇ၊ ၶိုၼ်းမႃးလႄႈ ဢဝ်တၢင်းပုၵ်ႈၸေႃႇမႂ်းတၢင်ႇတႃႉ။
25ၼႂ်းမိူဝ်ႈဢၼ်မႂ်း ၵႂႃႇတၢင်းလူၺ်ႈၵၼ်တင်းၵေႃႉဢၼ် ႁဵတ်းဢမူႉတီႈမႂ်းယူႇၼၼ်ႉ ၼင်ႇႁိုဝ်တၵ်းႁႂ်ႈမၼ်းပေႇၸႂ်ၸိုင်၊ ၸဵဝ်းႁဵတ်းၶၼ်ၶၼ်ၽႂ်းၽႂ်းတႃႉ။ ပေႃးဢမ်ႇၼၼ် ၵေႃႉဢၼ်ႁဵတ်းဢမူႉၼၼ်ႉ တၵ်းဢဝ်မႂ်းဢၢပ်ႈပၼ်တီႈၶုၼ်ဢေႃႈ။ ၶုၼ်ၵေႃႈတၵ်းဢဝ်မႂ်းဢၢပ်ႈပၼ်တီႈၵႄႇဢွၼ်ႇၸၢႆးလႄႈ ၶင်ဝႆႉၵႃႈၼႂ်းထွင်ႇဢေႃႈ။- 26ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၸူဝ်ႈဢၼ်မႂ်းဢမ်ႇပႆႇယေႃႇငိုၼ်း တေႃႇထိုင်ႁွတ်ႈ ပႅၵ်ႉသၢၼ်ႇဢမ်ႇၵိုတ်းဝႆႉသေၶႅပ်းၼၼ်ႉၸိုင် ဢမ်ႇလႆႈဢွၵ်ႇၵႃႈၼႂ်းထွင်ႇ။
လွင်ႈတၢင်းဢၼ်ၵူတ်ႉမေးပိူၼ်ႈ
27သူလႆႈငိၼ်းလွင်ႈဢၼ်ပိင်းၺၢပ်ႈဝႆႉလႄႈဝႃႈ၊ ယႃႇပေၽိတ်းမေးပိူၼ်ႈ၊ ဝႃႈၼင်ႇၼႆၼၼ်ႉဝႆႉယဝ်ႉ။- 28ၵဝ်ပိင်းၺၢပ်ႈၸမ်ႉ၊ ၵေႃႉဢၼ်ပႃးတင်းၸႂ်ၵီႉလေႇသႃႇသေလႄႈ တူၺ်းမေးပိူၼ်ႈၼၼ်ႉ၊ ၵႃႈၼႂ်းႁူဝ်ၸႂ်မၼ်း ၽိတ်းပိူင်ႈတင်းမႄႈယိင်းၼၼ်ႉယဝ်ႉ။- 29ပေႃးမၢၵ်ႇတႃၶွၼ်ၶႂႃမႂ်း ႁႂ်ႈၽိတ်းပိူင်ႈၸိုင်၊ ၶွၵ်းဢွၵ်ႇပႅတ်ႈသေတႃႉ။ တၢင်းဢၼ် ဢၢင်ႇၵႃႇဢၼ်ၼိုင်ႈလူႉၼၼ်ႉ ယဵင်ႈၶႅၼ်းတၵ်းလီသေ တၢင်းဢၼ် တူၵ်းငရၢႆးတင်းတူဝ်ဢေႃႈ။- 30မိူၼ်ၵၼ် ပေႃးမိုဝ်းၶွၼ်ၶႂႃႁႂ်ႈမႂ်း ၽိတ်းပိူင်ႈၸိုင်၊ တႅပ်းပႅတ်ႈသေတႃႉ။ ဢၢင်ႇၵႃႇဢၼ်ၼိုင်ႈလူႉၼၼ်ႉ ယဵင်ႈၶႅၼ်းတၵ်းလီသေတူၵ်းငရၢႆးတင်းတူဝ်ဢေႃႈ။
လွင်ႈတၢင်းဢၼ်ၽူဝ်မေးပႅတ်ႈၵၼ်
(တူၺ်း၊ မၢတ်ႈ 19:9။ မႃႇ 10:11-12။ လူႉ 16:18)
31လႆႈသမ်ႉ ၵႂၢမ်းပိင်းၺၢပ်ႈမီးဝႆႉလႄႈဝႃႈၸမ်ႉ၊ ပေႃးၶႂ်ႈပႅတ်ႈမေးၸိုင် ႁႂ်ႈဢၢပ်ႈပၼ်လိၵ်ႈဢၼ်ပုတ်းဢၼ်ၶၢတ်ႇတီႈမၼ်းတႃႉ၊ ဝႃႈၼင်ႇၼႆၼၼ်ႉ ဝႆႉယဝ်ႉ။- 32ၵဝ်ပိင်းၺၢပ်ႈၸမ်ႉ၊ လိူဝ်သေၵွပ်ႈပိူဝ်ႈတၢင်းဢၼ်ၽိတ်းပိူင်ႈၼၼ်ႉၵူၺ်း၊ ၽူႈလႂ်သေဢမ်ႇဝႃႈ၊ ၵေႃႉဢၼ်ပႅတ်ႈမေးမၼ်းၼၼ်ႉ ႁႂ်ႈမေးမၼ်းၽိတ်းပိူင်ႈဢေႃႈ။ ၵေႃႉဢၼ်ဢဝ်မႄႈယိင်းဢၼ်ပႅတ်ႈၼၼ်ႉၵေႃႈ ၽိတ်းပိူင်ႈမေးပိူၼ်ႈဢေႃႈ။
လွင်ႈဢၼ်ၵိၼ်ႇဢၼ်ဝႃႈ
33လႆႈသမ်ႉ သူလႆႈငိၼ်းလွင်ႈဢၼ် ပိင်းၺၢပ်ႈဝႆႉၵႃႈတီႈၵူၼ်းမိူဝ်ႈၵွၼ်ႇဢွၼ်ၼႆႉတင်းလၢႆၼၼ်ႉလႄႈဝႃႈ၊ ဢၼ်ဢမ်ႇၸိုဝ်ႈဢမ်ႇၸႂ်ႈၼၼ်ႉၸိုင် ဢမ်ႇလႆႈႁဵတ်းတၢင်းဢၼ်ၵိၼ်ႇဢၼ်ဝႃႈ။ ၵႃႈၼင်ႇဢၼ်ႁဵတ်း တၢင်းဢၼ်ၵိၼ်ႇဢၼ်ဝႃႈၼၼ်ႉ၊ ႁႂ်ႈမၼ်ႈၶိူင်ႇပႃႈၼႃႈၽြႃးပဵၼ်ၸဝ်ႈတႃႉ၊ ဝႃႈၼင်ႇၼႆၼၼ်ႉဝႆႉယဝ်ႉ။- 34ၵဝ်ပိင်းၺၢပ်ႈၸမ်ႉ၊ ဢမ်ႇလႆႈႁဵတ်းတၢင်းဢၼ်ၵိၼ်ႇဢၼ်ဝႃႈသေဢိတ်း။ မိူင်းၵၢင်ႁၢဝ်ၸိုင် ဢမ်ႇလႆႈဢဝ်ႁဵတ်းတၢင်းဢၼ်ၵိၼ်ႇဢၼ်ဝႃႈ။ မိူင်းၵၢင်ႁၢဝ်ၸမ်ႉ၊ ပဵၼ်ပလၢင်ႇၽြႃးပဵၼ်ၸဝ်ႈဢေႃႈ။- 35လိၼ်မိူင်းၸိုင် ဢမ်ႇလႆႈဢဝ်ႁဵတ်းတၢင်းဢၼ်ၵိၼ်ႇဢၼ်ဝႃႈ။ လိၼ်မိူင်းၸမ်ႉ၊ ပဵၼ်တီႈတၢင်ႇတိၼ်ၽြႃးပဵၼ်ၸဝ်ႈဢေႃႈ။ ဝဵင်းယေႇရူႉသလႅမ်ႇၸိုင် ဢမ်ႇလႆႈဢဝ်ႁဵတ်းတၢင်းဢၼ်ၵိၼ်ႇဢၼ်ဝႃႈ။ ပဵၼ်ဝဵင်းမႁႃႇၶုၼ်လူင်ဢေႃႈ။- 36ႁူဝ်တူဝ်ၸဝ်ႈၵဝ်ႇၸိုင် ဢမ်ႇလႆႈဢဝ်ႁဵတ်းတၢင်းဢၼ်ၵိၼ်ႇဢၼ်ဝႃႈ။ လွင်ႈမၼ်းၸမ်ႉ ဢမ်ႇႁဵတ်းႁႂ်ႈၶူၼ်ႁူဝ်သေသဵၼ်ႈ ၽိူၵ်ႇလႆႈလမ်လႆႈ။- 37ၵႂၢမ်းမႂ်းၸမ်ႉ၊ ဢၼ်ၸႂ်ႈၼၼ်ႉၸိုင် ႁႂ်ႈပဵၼ်ဢၼ်ၸႂ်ႈတႃႉ။ ဢၼ်ဢမ်ႇၸႂ်ႈၼၼ်ႉၸိုင် ႁႂ်ႈပဵၼ်ဢၼ်ဢမ်ႇၸႂ်ႈတႃႉ။ ၵႂၢမ်းဢၼ်လိူဝ်ပႅၼ်သေၼႆႉၸမ်ႉ၊ ၸၢပ်ႈသႅင်ႇၵၼ်တင်း လွင်ႈတၢင်းဢၼ်ဢမ်ႇလီဢေႃႈ။
လွင်ႈတၢင်းဢၼ်တွပ်ႇတႅၼ်းၶိုၼ်း
(တူၺ်း၊ လူႉ 6:29-30)
38သူလႆႈငိၼ်းလွင်ႈဢၼ်ပိင်းၺၢပ်ႈဝႆႉလႄႈဝႃႈ၊ မၢၵ်ႇတႃပုၼ်ႈမၢၵ်ႇတႃလႄႈသင်၊ ၶဵဝ်ႈပုၼ်ႈၶဵဝ်ႈလႄႈသင်၊ တၵ်းလႆႈၶၢမ်ႇဢေႃႈ၊ ဝႃႈၼင်ႇၼႆၼၼ်ႉဝႆႉယဝ်ႉ။- 39ၵဝ်ပိင်းၺၢပ်ႈၸမ်ႉ၊ ယႃႇပေႁၢမ်ႈတၢပ်ႈႁႄႉၶႅၼ်ၵေႃႉဢၼ်ဢမ်ႇလီၼၼ်ႉ။ ပေႃးပိူၼ်ႈတူပ်းၵႅမ်ႈမႂ်းၽၢၵ်ႇၼိုင်ႈၸိုင်၊ ဝၢႆႇပၼ်ၵႅမ်ႈမႂ်းၽၢၵ်ႇၼိုင်ႈထႅင်ႈလူးၵွၼ်ႇတႃႉ။- 40ၵေႃႉဢၼ်ၶႂ်ႈႁဵတ်းဢမူႉတီႈမႂ်းလႄႈ ဢဝ်သိူဝ်ႈမႂ်းၼၼ်ႉၸိုင်၊ ပၼ်ဢဝ်တင်းၽႃႈဝႆမႂ်းတႃႉ။- 41ၽူႈလႂ်သေဢမ်ႇဝႃႈ၊ ၵေႃႉဢၼ်ႁဵတ်းပႄႉႁဵတ်းၼႅင်ႇလႄႈ ႁႂ်ႈမႂ်းၵႂႃႇၸွမ်းလၵ်းၼိုင်ႈၼၼ်ႉ၊ ဢိၵ်ႇတင်းၵေႃႉၼၼ်ႉသမ်ႉ ၵႂႃႇၸွမ်းထႅင်ႈသွင်လၵ်းလူးၵွၼ်ႇတႃႉ။- 42တီႈၵေႃႉဢၼ်ယွၼ်းတီႈမႂ်းၼၼ်ႉၸိုင် ပၼ်တႃႉ။ ၵေႃႉဢၼ်ၶႂ်ႈၵူႈၶႂ်ႈယိုမ်ၼၼ်ႉၵေႃႈ ယႃႇပေပိုၼ်ႉပေပႅတ်ႈ။
တၢင်းဢၼ်သင်ႇသွၼ်ႁႂ်ႈႁၵ်ႉရၢၼ်ႇသူႇ
(တူၺ်း၊ လူႉ 6:27-28၊32-36)
43သူလႆႈငိၼ်းလွင်ႈဢၼ်ပိင်းၺၢပ်ႈဝႆႉလႄႈဝႃႈ၊ ႁၵ်ႉၵေႃႉဢၼ်ၸၢပ်ႈသႅင်ႇၵၼ်တင်းမႂ်းၼၼ်ႉတႃႉ။ ၸင်းရၢၼ်ႇသူႇမႂ်းတႃႉ၊ ဝႃႈၼင်ႇၼႆၼၼ်ႉဝႆႉယဝ်ႉ။- 44ၵဝ်ပိင်းၺၢပ်ႈၸမ်ႉ၊ ႁၵ်ႉရၢၼ်ႇသူႇသူတႃႉ။ သူးတွင်းပုၼ်ႈၶဝ်ၸိူဝ်းဢၼ်ယႃႉယူၵ်ႉသူၼၼ်ႉတႃႉ။- 45ပေႃးႁဵတ်းၸိူဝ်ႉၼင်ႇၼၼ်ႉၸိုင်၊ သူတၵ်းပဵၼ်လုၵ်ႈပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉဢေႃႈ။ လွင်ႈမၼ်းၸမ်ႉ ပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ၼၼ်ႉ ႁႂ်ႈၵၢင်ဝၼ်းဢွၵ်ႇၵႃႈၼိူဝ်ၵူၼ်းဢၼ်လီ ၵူၼ်းဢၼ်ဢမ်ႇလီတင်းလၢႆဢေႃႈ။ မၼ်းၸဝ်ႈႁႂ်ႈၽူၼ်တူၵ်း ၵႃႈၼိူဝ်ၵူၼ်းဢၼ်သိုဝ်ႈတေႃႇ ၵူၼ်းဢၼ်ဢမ်ႇသိုဝ်ႈတေႃႇတင်းလၢႆဢေႃႈ။- 46ပေႃးသူႁၵ်ႉၶဝ်ၸိူဝ်းဢၼ်ႁၵ်ႉသူၼၼ်ႉၵူၺ်းၸိုင်၊ တၵ်းမီးဢၵျူဝ်းၸိူဝ်ႉၼင်ႇႁိုဝ်။ ၶဝ်ၸိူဝ်းဢၼ်ၵဵပ်းၶွၼ်ႇတင်းလၢႆၼၼ်ႉ ႁဵတ်းထၢၼ်ႇၼႆႉယူႇ ဢမ်ႇၸႂ်ႈႁိုဝ်။- 47ပေႃးတၵ်ႉၼၢႆလၢတ်ႈတေႃႇပီႈၼွင်ႉသူၵူၺ်းၸိုင်၊ တၵ်းမျၢတ်ႈတွၼ်းလိူဝ်ၸိူဝ်ႉၼင်ႇႁိုဝ်။ ၵူၼ်းသႃႇသၼႃႇပႃႉတင်းလၢႆၼၼ်ႉ ႁဵတ်းထၢၼ်ႇၼႆႉယူႇဢမ်ႇၸႂ်ႈႁိုဝ်။- 48ပိူဝ်ႈၼႆလႄႈ ၸိူဝ်ႉၼင်ႇဢၼ် ပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉ ၸေးၸုမ်ႇၼၼ်ႉ၊ သူၵေႃႈ ၸေးၸုမ်ႇတႃႉ။
നിലവിൽ തിരഞ്ഞെടുത്തിരിക്കുന്നു:
မၢတ်ႈထႄႇ 5: CBMS
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship
မၢတ်ႈထႄႇ 5
5
တြႃးၸဝ်ႈဢၼ်ႁေႃးတီႈၼိူဝ်လွႆ
1မိူဝ်ႈဢၼ်ႁၼ်ၵူၼ်းဢၼ်ၸူႉဢၼ်တုမ်ၵၼ်တင်းလၢႆၼၼ်ႉၸိုင်၊ မၼ်းၸဝ်ႈၶိုၼ်ႈၵႂႃႇၵႃႈၼိူဝ်လွႆသေယဝ်ႉ၊ ၼင်ႈယူႇလႄႈ တပႄးၸဝ်ႈတင်းလၢႆ သုတ်ႉၸပ်းသုတ်ႉၸူးၵႃႈတီႈမၼ်းၸဝ်ႈဢေႃႈ။- 2မိူဝ်ႈၼၼ်ႉ မၼ်းၸဝ်ႈပိုတ်ႇပၢၵ်ႇသင်ႇသွၼ်သုင်းမႃႉပၼ်တီႈတပႄးၸဝ်ႈၸိူဝ်းၼၼ်ႉလႄႈဝႃႈ၊
မင်ႇၵလႃႇတြႃးၸဝ်ႈ
(တူၺ်း၊ လူႉ 6:20-23)
3ၶဝ်ၸိူဝ်းဢၼ် ႁူဝ်ၸႂ်ၶျႃးတႅမ်ႇၼၼ်ႉ မီးမင်ႇၵလႃႇဢေႃႈ။ လွင်ႈမၼ်းၸမ်ႉ မိူင်းၵၢင်ႁၢဝ်ၸဝ်ႈပဵၼ်မိူင်းၶဝ်ၼၼ်ႉဢေႃႈ။- 4ၶဝ်ၸိူဝ်းဢၼ်ႁူဝ်ၸႂ်ဢမ်ႇသႃႇလႄႈ မႆႈၸႂ်ၶီၸႂ်ၼၼ်ႉ မီးမင်ႇၵလႃႇဢေႃႈ။ လွင်ႈမၼ်းၸမ်ႉ ၶဝ်ၼၼ်ႉ တၵ်းႁွတ်ႈတၢင်းဢၼ်သၢၵ်ႈသႃႇဢေႃႈ။- 5ၶဝ်ၸိူဝ်းဢၼ် ႁူဝ်ၸႂ်ၼိမ်သိမ်ႇဢူၼ်ႈဢွၼ်ႇၼၼ်ႉ မီးမင်ႇၵလႃႇဢေႃႈ။ လွင်ႈမၼ်းၸမ်ႉ ၶဝ်ၼၼ်ႉတၵ်းၶၢမ်ႇ ဢမူၺ်ႇမိူင်းၸဝ်ႈဢေႃႈ။- 6ၶဝ်ၸိူဝ်းဢၼ် ဢိုပ်းယၢၵ်ႈတွင်ႉမႆႈပႃႇရမီႇ တၢင်းသိုဝ်ႈတေႃႇၼၼ်ႉ မီးမင်ႇၵလႃႇဢေႃႈ။ လွင်ႈမၼ်းၸမ်ႉ ၶဝ်ၼၼ်ႉ တၵ်းႁွတ်ႈတၢင်းဢၼ် လိူင်ႇၸႂ်ဢေႃႈ။- 7ၶဝ်ၸိူဝ်းဢၼ်ၸၢင်ႈႁၵ်ႉဢဵတ်းလူၼၼ်ႉ မီးမင်ႇၵလႃႇဢေႃႈ။ လွင်ႈမၼ်းၸမ်ႉ ၶဝ်ၼၼ်ႉ တၵ်းၶၢမ်ႇတၢင်းဢၼ် ႁၵ်ႉဢဵတ်းလူဢေႃႈ။- 8ၶဝ်ၸိူဝ်းဢၼ် ႁူဝ်ၸႂ်ၶၢဝ်ၸၢင်ႇၼၼ်ႉ မီးမင်ႇၵလႃႇဢေႃႈ။ လွင်ႈမၼ်းၸမ်ႉ ၶဝ်ၼၼ်ႉ တၵ်းႁၼ်ၽြႃးပဵၼ်ၸဝ်ႈဢေႃႈ။- 9ၶဝ်ၸိူဝ်းဢၼ်ႁႂ်ႈတၢင်းဢၼ်ပိူၼ်ႈတၢင်ႇၵေႃႉၽိတ်းၵၼ် ယဵၼ်ၼၼ်ႉ မီးမင်ႇၵလႃႇဢေႃႈ။ လွင်ႈမၼ်းၸမ်ႉ ၶဝ်ၼၼ်ႉတၵ်းၶၢမ်ႇတၢင်းႁွင်ႉလုၵ်ႈၽြႃးပဵၼ်ၸဝ်ႈဢေႃႈ။- 10ၶဝ်ၸိူဝ်းဢၼ်လႆႈၶၢမ်ႇတၢင်းဢၼ် ၼိၵ်ႈၸၢၵ်ႈငႅၼ်းသႄး ၵွပ်ႈပိူဝ်ႈတြႃးတၢင်းဢၼ်သိုဝ်ႈတေႃႇၼၼ်ႉ မီးမင်ႇၵလႃႇဢေႃႈ။ လွင်ႈမၼ်းၸမ်ႉ မိူင်းၵၢင်ႁၢဝ်ၸဝ်ႈပဵၼ်မိူင်းၶဝ်ၼၼ်ႉဢေႃႈ။- 11ၵွပ်ႈပိူဝ်ႈၵဝ်ၼႆႉလႄႈ မိူဝ်ႈဢၼ်ပိူၼ်ႈသႄႉသွမ်း ၼိၵ်ႈၸၢၵ်ႈငႅၼ်းသႄးသူလႄႈ တၢင်ႇဢပႅတ်ႈၵူႈၸိူဝ်ႉၵူႈပိူင် ဢၼ်ဢမ်ႇၸိုဝ်ႈဢမ်ႇၸႂ်ႈတီႈသူၼၼ်ႉၸိုင်၊ သူမီးမင်ႇၵလႃႇဢေႃႈ။- 12သိူဝ်းၸူမ်းမူၼ်ႈပျေႃႇတႃႉ။ လွင်ႈမၼ်းၸမ်ႉ ဢၵျူဝ်းသူယႂ်ႇၼႃႇ ၵႃႈၼႂ်းမိူင်းၵၢင်ႁၢဝ်ပုၼ်ႉဢေႃႈ။ ၶဝ်ၼၼ်ႉ ၼိၵ်ႈၸၢၵ်ႈငႅၼ်းသႄး ပရေႃးၽႅတ်ႈ ဢၼ်ပေႃႇမႃးဢွၼ်တၢင်းသူတင်းလၢႆၼၼ်ႉ မိူၼ်ၸိူဝ်ႉၼင်ႇၼႆယဝ်ႉ။
လွင်ႈၵိူဝ်ဢိၵ်ႇတင်းဢၼ်လႅင်း
(တူၺ်း၊ မႃႇ 9:50။ လူႉ 14:34-35)
13သူပဵၼ်ၵိူဝ်လေႃးၵႃႉၼႆႉဢေႃႈ။ ၵိူဝ်ၸမ်ႉ၊ ပေႃးဢၼ်ၸဵမ်းမၼ်းႁၢႆၵႂႃႇၸိုင်၊ တၵ်းၶိုၼ်းလႆႈဢၼ်ၸဵမ်းမၼ်းၸိူဝ်ႉၼင်ႇႁိုဝ်။ လိူဝ်သေတၢင်းဢၼ်ထိမ်ႈပႅတ်ႈၵႃႈၼွၵ်ႈလႄႈ ပိူၼ်ႈယဵပ်ႇပိူၼ်ႈၶၢမ်ႈၼၼ်ႉ၊ ဢမ်ႇပွင်ႇလွင်ႈၵႃႈသင်သေဢိတ်း။
14သူပဵၼ်ဢၼ်လႅင်းလေႃးၵႃႉၼႆႉဢေႃႈ။ ဝဵင်းဢၼ်တႄႇဝႆႉၵႃႈၼိူဝ်ပၢႆၸိၵ်းလွႆၸိုင် ဢမ်ႇလပ်ႉဝႆႉလႆႈ။- 15ၵူၼ်းႁဝ်းၼႆႉ တႆႈဝၢၼ်ႇၽႆးတဵၼ်းသေလႄႈ ဢဝ်ႁူမ်ႇဝႆႉၵႃႈတႂ်ႈပဵတ်ႈဢမ်ႇၸႂ်ႈ။ ၼင်ႇႁိုဝ်ၵူၼ်းႁိူၼ်းၵူၼ်းယေးတင်းသဵင်ႈတင်းလူင် တၵ်းလႆႈႁၼ်ဢၼ်လႅင်းမၼ်းၸိုင်၊ ယၢမ်ႈဢဝ်တၢင်ႇဝႆႉၵႃႈၼိူဝ်ၶူင်ႇတီႈတႆႈၽႆးဢေႃႈ။- 16ပိူင်လဵဝ်ၵၼ်၊ ၼင်ႇႁိုဝ်ပိူၼ်ႈတၵ်းႁၼ်တၢင်းၵမ်တၢင်းၵျၢင်ႉသူ ဢၼ်လီၼၼ်ႉလႄႈ ယွင်ႈယေႃးပေႃႈသူ ဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉၸိုင်၊ ႁႂ်ႈဢၼ်လႅင်းသူလႅင်းပႃႈၼႃႈပိူၼ်ႈတႃႉ။
သွၼ်ပၼ်လွင်ႈပိင်းၺၢပ်ႈတြႃး
17ၵဝ်မႃးႁႂ်ႈလႆႈယႃႉၵျၢမ်းပိင်းၺၢပ်ႈတီႉ၊ ၵျၢမ်းဢၼႃႇၵၢတ်ႈတီႉဝႃႈၼႆ ယႃႇပေထၢင်ႇပေထိူမ်။ ၵဝ်မႃးႁႂ်ႈလႆႈယႃႉဢမ်ႇၸႂ်ႈ။ ၵဝ်မႃးႁႂ်ႈလႆႈပျေႉၸုမ်ႇဢေႃႈ။- 18ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ တေႃႇထိုင်ႁွတ်ႈၸူဝ်ႈဢၼ်ၵၢင်ႁၢဝ် တင်းလိၼ်မိူင်းၼႆႉဢမ်ႇပႆႇလူႉၼၼ်ႉၸိုင်၊ ၼႂ်းၵျၢမ်းပိင်းၺၢပ်ႈတီႉ တူဝ်လိၵ်ႈဢၼ်လဵၵ်ႉသေပိူၼ်ႈ ၸမ်ႈမၼ်းပဵင်ႇတူႉသေႁူၺ်ႇ ၸူဝ်ႈဢၼ်ဢမ်ႇပႆႇပျေႉၸုမ်ႇၼၼ်ႉ၊ ဢမ်ႇလႆႈလူႉ။- 19ပိူဝ်ႈၼႆလႄႈ ၽူႈလႂ်သေဢမ်ႇဝႃႈ၊ ၵေႃႉဢၼ်တူဝ်ၸဝ်ႈၵဝ်ႇ ပူၼ်ႉလိူဝ်ပိင်းၺၢပ်ႈ ဢၼ်လဵၵ်ႉသေပိူၼ်ႈပႃးၼိုင်ႈလႄႈ သင်ႇသွၼ်ပၼ်ပိူၼ်ႈၸိူဝ်ႉၼင်ႇၼၼ်ၼၼ်ႉ၊ ၵေႃႉၼၼ်ႉ တၵ်းလႆႈၶၢမ်ႇတၢင်းႁွင်ႉၵေႃႉဢၼ်လဵၵ်ႉသေပိူၼ်ႈၵႃႈၼႂ်းမိူင်းၵၢင်ႁၢဝ်ၸဝ်ႈပုၼ်ႉဢေႃႈ။ ၽူႈလႂ်သေဢမ်ႇဝႃႈ၊ ၵေႃႉဢၼ်တူဝ်ၸဝ်ႈၵဝ်ႇ ၵမ်ၵျၢင်ႉလႄႈ သင်ႇသွၼ်ပၼ်ပိူၼ်ႈၸိူဝ်ႉၼင်ႇၼၼ်ၼၼ်ႉ၊ ၵေႃႉၼၼ်ႉ တၵ်းလႆႈၶၢမ်ႇတၢင်းႁွင်ႉ ၵေႃႉဢၼ်ယႂ်ႇၵႃႈၼႂ်းမိူင်းၵၢင်ႁၢဝ်ၸဝ်ႈပုၼ်ႉဢေႃႈ။
20ၵဝ်ဝႃႈတီႈသူၸမ်ႉ၊ ပေႃးတၢင်းသိုဝ်ႈတေႃႇသူ ဢမ်ႇပူၼ်ႉဢမ်ႇလိူဝ်တၢင်းသိုဝ်ႈတေႃႇ ၽႃႇရီႉသႄး ဢိၵ်ႇတင်းၵူၼ်းထုတ်ႇၵျၢမ်းတင်းလၢႆၸိုင်၊ သူတၵ်းဢမ်ႇလႆႈၶဝ်ႈ ၵႃႈၼႂ်းမိူင်းၵၢင်ႁၢဝ်ၸဝ်ႈပုၼ်ႉ။
တၢင်းဢၼ်သင်ႇသွၼ်လွင်ႈၸႂ်လမ်သႆႈၵမ်ႇ
21သူလႆႈငိၼ်းလွင်ႈဢၼ်ပိင်းၺၢပ်ႈဝႆႉ ၵႃႈတီႈၵူၼ်းမိူဝ်ႈၵွၼ်ႇဢွၼ်ၼႆႉ တင်းလၢႆၼၼ်ႉလႄႈဝႃႈ၊ ယႃႇပေဢဝ်ဢသၢၵ်ႈၵူၼ်းတၢႆ။ ၽူႈလႂ်သေဢမ်ႇဝႃႈ၊ ၵေႃႉဢၼ်ဢဝ်တၢႆၼၼ်ႉ တၵ်းထိူၵ်ႈၶၢမ်ႇတၢင်းဢၼ်ၸီႇယၢင်ႇဢပႅတ်ႈဢေႃႈ၊ ဝႃႈၼင်ႇၼႆၼၼ်ႉဝႆႉယဝ်ႉ။- 22ၵဝ်ပိင်းၺၢပ်ႈၸမ်ႉ၊ လွင်ႈတီႈၸႂ်မႆႈၶႆႈၸႃႉယင်းဢမ်ႇမီးလႄႈ ၵေႃႉဢၼ်ၸႂ်မႆႈၶႆႈၸႃႉတီႈပီႈၼွင်ႉမၼ်းၼၼ်ႉ တၵ်းထိူၵ်ႈၶၢမ်ႇတၢင်းဢၼ်ၸီႇယၢင်ႇဢပႅတ်ႈဢေႃႈ။ ၽူႈလႂ်သေဢမ်ႇဝႃႈ၊ ၵေႃႉဢၼ်လၢတ်ႈတီႈပီႈၼွင်ႉမၼ်းလႄႈဝႃႈ၊ ရႃႇၵႃႇ#5:22 ရႃႇၵႃႇ - ပဵၼ်ၵႂၢမ်းဢႃႇရမိၵ်ႉ ၶႂ်ႈဝႃႈၵူၼ်းငိူဝ်ႈငႃႉ၊ ဝႃႈၼင်ႇၼႆၼၼ်ႉ တၵ်းထိူၵ်ႈၶၢမ်ႇ တၢင်းဢၼ်ၸီႇယၢင်ႇၵႃႈတီႈလုမ်းလူင်ဢေႃႈ။ ၽူႈလႂ်သေဢမ်ႇဝႃႈ၊ ၵေႃႉဢၼ်လၢတ်ႈလႄႈဝႃႈ၊ မႂ်းမိူၵ်ႈ၊ ဝႃႈၼင်ႇၼႆၼၼ်ႉ တၵ်းထိူၵ်ႈၶၢမ်ႇ ၽႆးငရၢႆးဢေႃႈ။- 23ပိူဝ်ႈၼႆလႄႈ ပေႃးမႂ်းဢဝ်တၢင်းပုၵ်ႈၸေႃႇ မႃးၵႃႈတီႈယိတ်ႈပလၢင်ႇလႄႈ ၶုၵ်းၸႂ်လႆႈၶႆႈၸႂ်ထူပ်း လွင်ႈဢၼ်ပီႈၼွင်ႉမႂ်း မီးတီႈတၢင်ႇဢပႅတ်ႈၵႃႈၼိူဝ်မႂ်းသေဢိတ်းၸိုင်၊- 24ဝႆႉတၢင်းပုၵ်ႈၸေႃႇမႂ်းၼၼ်ႉ ၵႃႈတီႈၽၢႆႇၼႃႈ ယိတ်ႈပလၢင်ႇ သေလႄႈၵႂႃႇတႃႉ။ ထုၵ်ႇၵၼ်တင်း ပီႈၼွင်ႉမႂ်းယဝ်ႉၸင်ႇ၊ ၶိုၼ်းမႃးလႄႈ ဢဝ်တၢင်းပုၵ်ႈၸေႃႇမႂ်းတၢင်ႇတႃႉ။
25ၼႂ်းမိူဝ်ႈဢၼ်မႂ်း ၵႂႃႇတၢင်းလူၺ်ႈၵၼ်တင်းၵေႃႉဢၼ် ႁဵတ်းဢမူႉတီႈမႂ်းယူႇၼၼ်ႉ ၼင်ႇႁိုဝ်တၵ်းႁႂ်ႈမၼ်းပေႇၸႂ်ၸိုင်၊ ၸဵဝ်းႁဵတ်းၶၼ်ၶၼ်ၽႂ်းၽႂ်းတႃႉ။ ပေႃးဢမ်ႇၼၼ် ၵေႃႉဢၼ်ႁဵတ်းဢမူႉၼၼ်ႉ တၵ်းဢဝ်မႂ်းဢၢပ်ႈပၼ်တီႈၶုၼ်ဢေႃႈ။ ၶုၼ်ၵေႃႈတၵ်းဢဝ်မႂ်းဢၢပ်ႈပၼ်တီႈၵႄႇဢွၼ်ႇၸၢႆးလႄႈ ၶင်ဝႆႉၵႃႈၼႂ်းထွင်ႇဢေႃႈ။- 26ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၸူဝ်ႈဢၼ်မႂ်းဢမ်ႇပႆႇယေႃႇငိုၼ်း တေႃႇထိုင်ႁွတ်ႈ ပႅၵ်ႉသၢၼ်ႇဢမ်ႇၵိုတ်းဝႆႉသေၶႅပ်းၼၼ်ႉၸိုင် ဢမ်ႇလႆႈဢွၵ်ႇၵႃႈၼႂ်းထွင်ႇ။
လွင်ႈတၢင်းဢၼ်ၵူတ်ႉမေးပိူၼ်ႈ
27သူလႆႈငိၼ်းလွင်ႈဢၼ်ပိင်းၺၢပ်ႈဝႆႉလႄႈဝႃႈ၊ ယႃႇပေၽိတ်းမေးပိူၼ်ႈ၊ ဝႃႈၼင်ႇၼႆၼၼ်ႉဝႆႉယဝ်ႉ။- 28ၵဝ်ပိင်းၺၢပ်ႈၸမ်ႉ၊ ၵေႃႉဢၼ်ပႃးတင်းၸႂ်ၵီႉလေႇသႃႇသေလႄႈ တူၺ်းမေးပိူၼ်ႈၼၼ်ႉ၊ ၵႃႈၼႂ်းႁူဝ်ၸႂ်မၼ်း ၽိတ်းပိူင်ႈတင်းမႄႈယိင်းၼၼ်ႉယဝ်ႉ။- 29ပေႃးမၢၵ်ႇတႃၶွၼ်ၶႂႃမႂ်း ႁႂ်ႈၽိတ်းပိူင်ႈၸိုင်၊ ၶွၵ်းဢွၵ်ႇပႅတ်ႈသေတႃႉ။ တၢင်းဢၼ် ဢၢင်ႇၵႃႇဢၼ်ၼိုင်ႈလူႉၼၼ်ႉ ယဵင်ႈၶႅၼ်းတၵ်းလီသေ တၢင်းဢၼ် တူၵ်းငရၢႆးတင်းတူဝ်ဢေႃႈ။- 30မိူၼ်ၵၼ် ပေႃးမိုဝ်းၶွၼ်ၶႂႃႁႂ်ႈမႂ်း ၽိတ်းပိူင်ႈၸိုင်၊ တႅပ်းပႅတ်ႈသေတႃႉ။ ဢၢင်ႇၵႃႇဢၼ်ၼိုင်ႈလူႉၼၼ်ႉ ယဵင်ႈၶႅၼ်းတၵ်းလီသေတူၵ်းငရၢႆးတင်းတူဝ်ဢေႃႈ။
လွင်ႈတၢင်းဢၼ်ၽူဝ်မေးပႅတ်ႈၵၼ်
(တူၺ်း၊ မၢတ်ႈ 19:9။ မႃႇ 10:11-12။ လူႉ 16:18)
31လႆႈသမ်ႉ ၵႂၢမ်းပိင်းၺၢပ်ႈမီးဝႆႉလႄႈဝႃႈၸမ်ႉ၊ ပေႃးၶႂ်ႈပႅတ်ႈမေးၸိုင် ႁႂ်ႈဢၢပ်ႈပၼ်လိၵ်ႈဢၼ်ပုတ်းဢၼ်ၶၢတ်ႇတီႈမၼ်းတႃႉ၊ ဝႃႈၼင်ႇၼႆၼၼ်ႉ ဝႆႉယဝ်ႉ။- 32ၵဝ်ပိင်းၺၢပ်ႈၸမ်ႉ၊ လိူဝ်သေၵွပ်ႈပိူဝ်ႈတၢင်းဢၼ်ၽိတ်းပိူင်ႈၼၼ်ႉၵူၺ်း၊ ၽူႈလႂ်သေဢမ်ႇဝႃႈ၊ ၵေႃႉဢၼ်ပႅတ်ႈမေးမၼ်းၼၼ်ႉ ႁႂ်ႈမေးမၼ်းၽိတ်းပိူင်ႈဢေႃႈ။ ၵေႃႉဢၼ်ဢဝ်မႄႈယိင်းဢၼ်ပႅတ်ႈၼၼ်ႉၵေႃႈ ၽိတ်းပိူင်ႈမေးပိူၼ်ႈဢေႃႈ။
လွင်ႈဢၼ်ၵိၼ်ႇဢၼ်ဝႃႈ
33လႆႈသမ်ႉ သူလႆႈငိၼ်းလွင်ႈဢၼ် ပိင်းၺၢပ်ႈဝႆႉၵႃႈတီႈၵူၼ်းမိူဝ်ႈၵွၼ်ႇဢွၼ်ၼႆႉတင်းလၢႆၼၼ်ႉလႄႈဝႃႈ၊ ဢၼ်ဢမ်ႇၸိုဝ်ႈဢမ်ႇၸႂ်ႈၼၼ်ႉၸိုင် ဢမ်ႇလႆႈႁဵတ်းတၢင်းဢၼ်ၵိၼ်ႇဢၼ်ဝႃႈ။ ၵႃႈၼင်ႇဢၼ်ႁဵတ်း တၢင်းဢၼ်ၵိၼ်ႇဢၼ်ဝႃႈၼၼ်ႉ၊ ႁႂ်ႈမၼ်ႈၶိူင်ႇပႃႈၼႃႈၽြႃးပဵၼ်ၸဝ်ႈတႃႉ၊ ဝႃႈၼင်ႇၼႆၼၼ်ႉဝႆႉယဝ်ႉ။- 34ၵဝ်ပိင်းၺၢပ်ႈၸမ်ႉ၊ ဢမ်ႇလႆႈႁဵတ်းတၢင်းဢၼ်ၵိၼ်ႇဢၼ်ဝႃႈသေဢိတ်း။ မိူင်းၵၢင်ႁၢဝ်ၸိုင် ဢမ်ႇလႆႈဢဝ်ႁဵတ်းတၢင်းဢၼ်ၵိၼ်ႇဢၼ်ဝႃႈ။ မိူင်းၵၢင်ႁၢဝ်ၸမ်ႉ၊ ပဵၼ်ပလၢင်ႇၽြႃးပဵၼ်ၸဝ်ႈဢေႃႈ။- 35လိၼ်မိူင်းၸိုင် ဢမ်ႇလႆႈဢဝ်ႁဵတ်းတၢင်းဢၼ်ၵိၼ်ႇဢၼ်ဝႃႈ။ လိၼ်မိူင်းၸမ်ႉ၊ ပဵၼ်တီႈတၢင်ႇတိၼ်ၽြႃးပဵၼ်ၸဝ်ႈဢေႃႈ။ ဝဵင်းယေႇရူႉသလႅမ်ႇၸိုင် ဢမ်ႇလႆႈဢဝ်ႁဵတ်းတၢင်းဢၼ်ၵိၼ်ႇဢၼ်ဝႃႈ။ ပဵၼ်ဝဵင်းမႁႃႇၶုၼ်လူင်ဢေႃႈ။- 36ႁူဝ်တူဝ်ၸဝ်ႈၵဝ်ႇၸိုင် ဢမ်ႇလႆႈဢဝ်ႁဵတ်းတၢင်းဢၼ်ၵိၼ်ႇဢၼ်ဝႃႈ။ လွင်ႈမၼ်းၸမ်ႉ ဢမ်ႇႁဵတ်းႁႂ်ႈၶူၼ်ႁူဝ်သေသဵၼ်ႈ ၽိူၵ်ႇလႆႈလမ်လႆႈ။- 37ၵႂၢမ်းမႂ်းၸမ်ႉ၊ ဢၼ်ၸႂ်ႈၼၼ်ႉၸိုင် ႁႂ်ႈပဵၼ်ဢၼ်ၸႂ်ႈတႃႉ။ ဢၼ်ဢမ်ႇၸႂ်ႈၼၼ်ႉၸိုင် ႁႂ်ႈပဵၼ်ဢၼ်ဢမ်ႇၸႂ်ႈတႃႉ။ ၵႂၢမ်းဢၼ်လိူဝ်ပႅၼ်သေၼႆႉၸမ်ႉ၊ ၸၢပ်ႈသႅင်ႇၵၼ်တင်း လွင်ႈတၢင်းဢၼ်ဢမ်ႇလီဢေႃႈ။
လွင်ႈတၢင်းဢၼ်တွပ်ႇတႅၼ်းၶိုၼ်း
(တူၺ်း၊ လူႉ 6:29-30)
38သူလႆႈငိၼ်းလွင်ႈဢၼ်ပိင်းၺၢပ်ႈဝႆႉလႄႈဝႃႈ၊ မၢၵ်ႇတႃပုၼ်ႈမၢၵ်ႇတႃလႄႈသင်၊ ၶဵဝ်ႈပုၼ်ႈၶဵဝ်ႈလႄႈသင်၊ တၵ်းလႆႈၶၢမ်ႇဢေႃႈ၊ ဝႃႈၼင်ႇၼႆၼၼ်ႉဝႆႉယဝ်ႉ။- 39ၵဝ်ပိင်းၺၢပ်ႈၸမ်ႉ၊ ယႃႇပေႁၢမ်ႈတၢပ်ႈႁႄႉၶႅၼ်ၵေႃႉဢၼ်ဢမ်ႇလီၼၼ်ႉ။ ပေႃးပိူၼ်ႈတူပ်းၵႅမ်ႈမႂ်းၽၢၵ်ႇၼိုင်ႈၸိုင်၊ ဝၢႆႇပၼ်ၵႅမ်ႈမႂ်းၽၢၵ်ႇၼိုင်ႈထႅင်ႈလူးၵွၼ်ႇတႃႉ။- 40ၵေႃႉဢၼ်ၶႂ်ႈႁဵတ်းဢမူႉတီႈမႂ်းလႄႈ ဢဝ်သိူဝ်ႈမႂ်းၼၼ်ႉၸိုင်၊ ပၼ်ဢဝ်တင်းၽႃႈဝႆမႂ်းတႃႉ။- 41ၽူႈလႂ်သေဢမ်ႇဝႃႈ၊ ၵေႃႉဢၼ်ႁဵတ်းပႄႉႁဵတ်းၼႅင်ႇလႄႈ ႁႂ်ႈမႂ်းၵႂႃႇၸွမ်းလၵ်းၼိုင်ႈၼၼ်ႉ၊ ဢိၵ်ႇတင်းၵေႃႉၼၼ်ႉသမ်ႉ ၵႂႃႇၸွမ်းထႅင်ႈသွင်လၵ်းလူးၵွၼ်ႇတႃႉ။- 42တီႈၵေႃႉဢၼ်ယွၼ်းတီႈမႂ်းၼၼ်ႉၸိုင် ပၼ်တႃႉ။ ၵေႃႉဢၼ်ၶႂ်ႈၵူႈၶႂ်ႈယိုမ်ၼၼ်ႉၵေႃႈ ယႃႇပေပိုၼ်ႉပေပႅတ်ႈ။
တၢင်းဢၼ်သင်ႇသွၼ်ႁႂ်ႈႁၵ်ႉရၢၼ်ႇသူႇ
(တူၺ်း၊ လူႉ 6:27-28၊32-36)
43သူလႆႈငိၼ်းလွင်ႈဢၼ်ပိင်းၺၢပ်ႈဝႆႉလႄႈဝႃႈ၊ ႁၵ်ႉၵေႃႉဢၼ်ၸၢပ်ႈသႅင်ႇၵၼ်တင်းမႂ်းၼၼ်ႉတႃႉ။ ၸင်းရၢၼ်ႇသူႇမႂ်းတႃႉ၊ ဝႃႈၼင်ႇၼႆၼၼ်ႉဝႆႉယဝ်ႉ။- 44ၵဝ်ပိင်းၺၢပ်ႈၸမ်ႉ၊ ႁၵ်ႉရၢၼ်ႇသူႇသူတႃႉ။ သူးတွင်းပုၼ်ႈၶဝ်ၸိူဝ်းဢၼ်ယႃႉယူၵ်ႉသူၼၼ်ႉတႃႉ။- 45ပေႃးႁဵတ်းၸိူဝ်ႉၼင်ႇၼၼ်ႉၸိုင်၊ သူတၵ်းပဵၼ်လုၵ်ႈပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉဢေႃႈ။ လွင်ႈမၼ်းၸမ်ႉ ပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ၼၼ်ႉ ႁႂ်ႈၵၢင်ဝၼ်းဢွၵ်ႇၵႃႈၼိူဝ်ၵူၼ်းဢၼ်လီ ၵူၼ်းဢၼ်ဢမ်ႇလီတင်းလၢႆဢေႃႈ။ မၼ်းၸဝ်ႈႁႂ်ႈၽူၼ်တူၵ်း ၵႃႈၼိူဝ်ၵူၼ်းဢၼ်သိုဝ်ႈတေႃႇ ၵူၼ်းဢၼ်ဢမ်ႇသိုဝ်ႈတေႃႇတင်းလၢႆဢေႃႈ။- 46ပေႃးသူႁၵ်ႉၶဝ်ၸိူဝ်းဢၼ်ႁၵ်ႉသူၼၼ်ႉၵူၺ်းၸိုင်၊ တၵ်းမီးဢၵျူဝ်းၸိူဝ်ႉၼင်ႇႁိုဝ်။ ၶဝ်ၸိူဝ်းဢၼ်ၵဵပ်းၶွၼ်ႇတင်းလၢႆၼၼ်ႉ ႁဵတ်းထၢၼ်ႇၼႆႉယူႇ ဢမ်ႇၸႂ်ႈႁိုဝ်။- 47ပေႃးတၵ်ႉၼၢႆလၢတ်ႈတေႃႇပီႈၼွင်ႉသူၵူၺ်းၸိုင်၊ တၵ်းမျၢတ်ႈတွၼ်းလိူဝ်ၸိူဝ်ႉၼင်ႇႁိုဝ်။ ၵူၼ်းသႃႇသၼႃႇပႃႉတင်းလၢႆၼၼ်ႉ ႁဵတ်းထၢၼ်ႇၼႆႉယူႇဢမ်ႇၸႂ်ႈႁိုဝ်။- 48ပိူဝ်ႈၼႆလႄႈ ၸိူဝ်ႉၼင်ႇဢၼ် ပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉ ၸေးၸုမ်ႇၼၼ်ႉ၊ သူၵေႃႈ ၸေးၸုမ်ႇတႃႉ။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship