ယူဝ်းၼႃႉ ၵႂၢမ်းၼမ်း

ၵႂၢမ်းၼမ်း

ဝုတ်ႉထူႉယူဝ်းၼႃႉၸမ်ႉ၊ ပႅၵ်ႇပိူင်ႈၵၼ်တင်း ၵျၢမ်းဢၼႃႇၵၢတ်ႈတီႉ ဢၼ်မီးၵႃႈၼႂ်း သမ်ႇမႃႇၵျၢမ်းလိၵ်ႈၼႆႉ ၵွပ်ႈပိူဝ်ႈပဵၼ် ၽိုၼ်လိၵ်ႈပိုၼ်းဢၼ်တႅမ်ႈလွင်ႈ ပရေႃးၽႅတ်ႈပႃးၼိုင်ႈ ဢၼ်ဢမ်ႇထွမ်ႇဢမ်ႇဢဝ် ဢမိင်ႉထႃႇဝရႃႉၽြႃးၼၼ်ႉဢေႃႈ။ ထႃႇဝရႃႉၽြႃးမီးဢမိင်ႉ ႁႂ်ႈမၼ်းၵႂႃႇၵႃႈတီႈဝဵင်းၼီႉၼေႇဝူၺ်ႇဢၼ်ပဵၼ်ဝဵင်းလူင် ၵူၼ်းမဵဝ်းဢႃႇသူႉရီႉရၢၼ်ႇသူႇ ၵူၼ်းမဵဝ်းဢီႉသရေႇလႃႉၶဝ်ၼၼ်ႉဢေႃႈ။

ၵူၺ်းၵႃႈယူဝ်းၼႃႉၸမ်ႉ၊ ဢမ်ႇၶႂ်ႈပႃးဢဝ် ဢမိင်ႉထႃႇဝရႃႉၽြႃး၊ ၵႂႃႇၸူးၵႃႈတီႈၼၼ်ႈ၊ ၵွပ်ႈပိူဝ်ႈဢၼ်မၼ်းယုမ်ႇဝႃႈ၊ ထႃႇဝရႃႉၽြႃးတၵ်းပွႆႇၶႂၢင်းပၼ် ဢပႅတ်ႈၵူၼ်းဝဵင်းၼၼ်ႉ။ လိုၼ်းသေလွင်ႈတၢင်းဢၼ် လီၵူဝ်လီႁႄပဵၼ်မႃးတီႈမၼ်းယဝ်ႉၼၼ်ႉ မၼ်းၵေႃႈထွမ်ႇဢဝ်လႄႈ ၵႂႃႇလူၺ်ႈတၢင်းဢၼ် ဢမ်ႇပႃးၸႂ်ပႃးၶေႃးဢေႃႈ။ တီႈသုတ်းၼၼ်ႉ တၢင်းဢၼ်မၼ်းႁေႃးလၢတ်ႈ ၶၢဝ်ႇတြႃးလွင်ႈဢၼ် ဝဵင်းၼီႉၼေႇဝူၺ်ႇတၵ်းလႆႈၶၢမ်ႇတၢင်းဢၼ် ၸီႇယၢင်ႇၼၼ်ႉ ဢမ်ႇပဵၼ်မႃးတႄႉ လႄႈယူဝ်းၼႃႉၸႂ်မႆႈၶႆႈၸႃႉၼႃႇဢေႃႈ။

ၵျၢမ်းၽိုၼ်ၼႆႉ လၢတ်ႈၼႄလွင်ႈဢၼ် ထႃႇဝရႃႉၽြႃး၊ ဢုပ်ႉပိူင်ႇၵႃႈၼိူဝ်ဢၼ် မၼ်းၸဝ်ႈၽၢၼ်ႇသၢင်းၵႃႈမီးၼၼ်ႉဢေႃႈ။ လွင်ႈဢၼ်ယႂ်ႇလိူဝ်သေၼၼ်ႉ ပိုၼ်းလိၵ်ႈၼႆႉၼႄလွင်ႈ တၢင်းဢၼ်မၼ်းၸဝ်ႈ ပဵၼ်ၽြႃးပဵၼ်ၸဝ်ႈ၊ ၸဝ်ႈတၢင်းႁၵ်ႉမႅတ်ႈတႃႇ၊ ၸဝ်ႈၵရူႉၼႃႇလႄႈ ပွႆႇၶႂၢင်းဢပႅတ်ႈလႄႈ ၵႄႇသႄႇၶျွတ်ႈဢဝ် ပႃးတင်းၵူၼ်းဢၼ်ပဵၼ်ရၢၼ်ႇသူႇ မဵဝ်းၵူၼ်းမၼ်းၸဝ်ႈ သေယဝ်ႉ၊ ယင်းဢမ်ႇလႆႈၵိူၼ်ႇယႃႉ ႁႂ်ႈၶဝ်လူႉသုမ်းလႄႈ မီးမႅတ်ႈတႃႇဢဵတ်းလူတီႈၶဝ်ဢေႃႈ။

ႁူဝ်ၶေႃႈဢၼ်ၶဝ်ႈပႃးၸမ်ႉ

တၢင်းဢၼ်ႁွင်ႉဢဝ်ယူဝ်းၼႃႉသေၵေႃႈ၊ မၼ်းဢမ်ႇထွမ်ႇၵႂၢမ်းၸဝ်ႈ 1:1-17

တၢင်းဢၼ်ယူဝ်းၼႃႉၶုၵ်းၸႂ်လႆႈဢပႅတ်ႈလႄႈ ၶၢမ်ႇဢဝ်တၢင်းၸွႆႈဢသၢၵ်ႈ 2:1-10

ယူဝ်းၼႃႉႁေႃးလၢတ်ႈတြႃးဢၼ်သၢၼ်ၶတ်းဝဵင်းၼီႉၼေႇဝူၺ်ႇ 3:1-10

ၽြႃးပဵၼ်ၸဝ်ႈဢဵတ်းလူၵူၼ်းဝဵင်းၼီႉၼေႇဝူၺ်ႇ 4:1-11

നിലവിൽ തിരഞ്ഞെടുത്തിരിക്കുന്നു:

ယူဝ်းၼႃႉ ၵႂၢမ်းၼမ်း: CBMS

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

သမ်ႇမႃႇၵျၢမ်းလိၵ်ႈ ထႃႇဝရႃႉၽြႂး നെക്കുറിച്ച് കൂടുതലറിയുക

ယူဝ်းၼႃႉ ၵႂၢမ်းၼမ်း