Nyimbo 2
2
Mwene wakuhatiwa kuli Nyambi
1 #
Mil 4:25-26. Kati shumangani matunga ali na bifungo bya kumfutulukila?
Kati shumangani aba bantu bali na bihanganiko byowa?
2Bamyene zabo banamfutulukili,
na batulela babo banakunguluku hamo na kulwisha Nyambi ya Ngula,
na mwene ou awabishile.
3Bakwamba nehe ngayi,
“Tokonoko tufume mu kulela kwabo,
tupohomokenu mu ngovu zabo.”
4Nyambi ya Ngula ha litanda lyendi muyilu wahepanga,
naku kumangiza bifungo byabo byowa.
5Pe ukabapilamina naku ba shuza,
na ku batinisha na wukali wendi.
6Niye ukwamba ngayi, “Nashwanishi mwene yami ha Ziyoni,
lipili lyami lya kuyela.”
7 #
Mil 13:33; Bah 1:5; 5:5. Mwene ukwamba ngayi, “Nikabilika,
eshe anatontololo Nyambi ya Ngula.
Wambile kukwami ngayi, ‘Obe uli mwanami,
mutena walelo nengakale Tatiyobe.
8Nyepa kukwami,
pe nika kupana matunga nimwawo kwinga likona lyobe,
pe kaye nimwako kakenga wuheti wobe,
9 #
Kuh 2:26-27; 12:5; 19:15. ukabalela na muwana wa shondo.
Ukabancancola cancucancu ngonehe nyungu ya lima ya kubumba.’”
10Haya enu bamyene,
yuvwililenu eshe nikumibela,
enu batulela ba hano hanci.
11Tendelenu milimo Nyambi ya Ngula na bowa,
12kankenu na kulamba kukwendi,
ndelewa muka mupilamisha pe mukalobeshiwa,
ndaba wukali wendi wabanganga na wangu.
Bali na mfuywezi aba ba kuholama mumwendi.
Libuka Lya Kuyela © Bible Society of Zambia, 2020.