Ishaya 66
66
Nyambi ya Ngula ukuyata matunga
1 #
Mat 5:34, 35; 23:22. #Mil 7:49-50. Nyambi ya Ngula ukwamba ngayi,
“Liyilu lyenga litanda lyami,
na hanci henga malyatilo a mawulu wami.
Litala lya mushobo ngani mu kutwesha kunzikila,
na mwanya wa mushobo ngani omu nikutwesha kwikala?
2Kati liboko lyami kaliha linatende byuma nimwabyo ebye ndi,
kami nimwabyo byenga byami.
Ngoboni nikafulankana muntu uyo,
mu ka kulilimbwilisha na
kulishisha ku wubi wendi,
na kukanka oho akuyuvwa lizu lyami.
Eshe nisho anamba Nyambi ya Ngula.
3Ngoboni kuli bantu ba kutenda bya bawahilishanga,
kukwabo howa kulishiya kukukombelela nkunzi,
hinge kukombelela muntu,
ndi ba kukombelela mbelele,
hinge ku mungula mukoshi wa kawa,
hinge ndi ba kukombelela mpeka,
ndi bakutupula mukeza wa ngulube.
Ndi ba kuhokesha incence,
hinge kulemesha tunankishi.
Ba nalihatili zinzila zabo,
kami mitima yabo yiku wahilila mu byuma bya wunyengwe.
4Nohobene nami nikabahatila nyinkalo ya shilala,
na kubengisha bowa,
ndaba na behanine, kowa wa nkumbwile.
Oho nambile, kowa wanyuvwililile,
batendele byabibi ku meho ami kami balihatilile
kwamba byuma bya kubula kungwahililisha.”
5Yuvwililenu lizu lya Nyambi ya Ngula,
enu mu kukankila lizu lyendi
bawushindawenu baya bamizimba,
na kumi kenda ndaba ya lizina lyami,
bakwamba ngayi, “Nyambi ya Ngula alemekiwe,
ngayi tumone kutangala kwenu.”
Ngoboni nibo bakayeneshiwa.
6Yuvwililenu oyo mishunga mu lukena,
yuvwenu oyo miyoyo yikufuminina mu Litala lya Nyambi.
Yinengi miyoyo ya lizu lya Nyambi ya Ngula,
ou uli na kushushula bamalamo bendi.
7 #
Kuh 12:5. Lukena lwami lwa kuyela lunafweke ngo mbuyama
ou na bazumuku tuhu washalahonikale,
kwakubula kuyuvwa kukola.
8Yani wayuvwa shuma sha nehe?
Yani wamona shuma sha nehe?
Kati litunga likutwesha kuhemuwa mu mutena umo,
hinge bantu ba kuholoka mu shikati shashishe ndi?
Ngoboni Ziyoni wabelekele bana bendi,
kwakubula kwihala.
9Nyambi ya Ngula nepulu ngayi,
kati nikakandika bantu bami kuhemuwa,
oho shikati shabo shinakumu ndi?
Kati ni ku shinka nzila ya mu kakubeleka,
oho nishinga ngayi abeleke ndi?
Eshe nisho anamba Nyambi ya Ngula.
10Wahililenu na Yelushalema, tangalenu hahendi,
baya bamuhaka nimwabo.
Wahililenu mumwendi na kutangala,
baya bamulililenga nimwabo.
11Ngayi mwanga mukayamwe na kwikuta na mabele
wendi akubengezekesha,
ngayi mukanwe na ku wahilila ku
wuheti wendi wawingi.
12Nyambi ya Ngula ukwamba ngayi,
monenu, nikamutangamisha ngonehe mushinzi,
wuheti wa matunga ukakukila kukwenu ngonehe
kashinzi kaya kabulanga kuyuma,
pe mukayamwa na kumiyaka mu mbebe yendi,
na kumi lela, ha manungo endi.
13Nikakubengezekela mu Yelushalema,
ngonehe manda muntu abengezekanga mwanendi.
14Mukamona eshe shikaholoka,
pe mitima yenu yikawahilila,
bifupa byenu bikatama ngonehe mwila wamulombelela,
pe kukalimukiwa ngayi liboko lya Nyambi ya Ngula,
lili ha bakamilimo bendi,
ngoboni ukamonesha wukali ku bamalamo bendi.
15Monenu, Nyambi ya Ngula ukeza mu mundilo,
na makoloyi wendi akenga ngo kakundukundu,
ngayi akabatokomokele na kupilama kwendi,
na wukali akabambile na milangi ya mundilo.
16Nyambi ya Ngula ukayata bantu nimwabo,
bamu kaye na mukwale wendi na mundilo,
aba bakazihiwa kuli Nyambi ya Ngula bakenga babengi.
17Obo baliyeleshanga nibo bamwine na kutendela banyambi bowa, ngayi baye mu mafuba umo na umo, ba kulya nyama ya bangulube, miholobozi na bampuku, nimwabo bakamaninina hamo.
18Ndaba nikulimuka milimo yabo na bihanganiko byabo, nili na kwiza na kukungula matunga nimwao na zindimi, oho bakeza, bakatwesha ku mona wuwahe wami.
19Kami nikayaka shilimukisho mukati kabo. Hakati kabo nikatuma mashaliza ku matunga, ku baka Tashishi na Limbiya, baka Lindiya na bantu bendi bawunongi wakupuha bipando bya mukunzi ku Tumbalu na Ngilishi nanaba bekala kwakutali ku bibumbo bya liwate, baya banabulu kuyuvwa hinge ku mona wuwahe wami, pe bakashimika wunene wami. 20Bakafumisha baminenu nimwabo mukati ka matunga, kwinga ngo ntupu kuli Nyambi ya Ngula, bakabaleta ha bambishi na ha mambema na ha makamela mu makoloyi na bikocikala ku lipili lyami lya kuyela mu Yelushalema, ngonehe shiya Baishalela baletanga ntupu ya mpeka ha bikwatilo bya kuyela mu Litala lya Nyambi. 21Nikakwataho bamo ngayi benge bakankombela na Balevi. Eshe nisho anamba Nyambi ya Ngula.
22 #
Isha 65:17; 2Pita 3:13; Kuh 21:1. Ndaba ngonehe liyilu lyalipya na kaye kakapya,
aka nikalenga bikekala mwaya myaka,
nisho kami bazukulyenu na mazina wenu bikalaluka,
23Ku balika ha ngonda nimwendi wamupya
kutwala ku ngonda wamina wamupya,
ku balika ha mutena wakukatala kutwala naku mutena wamina,
bantu nimwabo bakeza na kundemesha kuno ku Yelushalema.
Eshe nisho anamba Nyambi ya Ngula.
24 #
Mako 9:48. Pe oho bakatutikanga bakamona mituntu ya bafu ya baya bamfutulukilile na kundwisha. Mapila aya akabalya kukafwa afwako na mundilo uya ukabahokesha kukazimiwa wufwako, bakengisha wunyengwe bantu nimwabo.
Libuka Lya Kuyela © Bible Society of Zambia, 2020.