Ishaya 62
62
Yelushalema ukapuluka
1Ndaba ya Ziyoni nifwako kukamwena,
kami ndaba ya Yelushalema nifwako kukakatala,
kutwala noho kulunga kukabyazime ngonehe kututika kwa mutena,
na kupulwisha kukabyazime ngo lumuni.
2Obe Yelushalema,
matunga nimwawo akamona kukoma kwobe.
Bamyene zabo nimwabo bakamona wuwahe wobe,
kami ukehaniwa na lizina lyalipya,
olyo eze likafume mu kanwa ka Nyambi ya Ngula.
3Ukenga munana wa maleema mu maboko a Nyambi ya Ngula,
na mpande ya wene mu liboko lya Nyambi yobe.
4Ufwako kukatumbiwa ngayi “Wakukaniwa”,
Litunga lyobe lifwako kukatumbiwa ngayi “Libelelengwa.”
Lizina lyobe lyalipya likatumbiwa ngayi, “Niku wahilila nendi.”
Litunga lyobe likatumbiwa ngayi,
“Nayekiwi na ku wahilila”
Ndaba Nyambi ya Ngula uku wahilila nobe,
Kami ukafweka ngo mbuyama ku
mukokwendi ku litunga lyobe.
5Ngonehe ndumbana ayekanga kankanga,
nisho bana bobe babalume eze ba kakuyeke,
ngonehe muka kuyeka awahililanga ha mwenga wendi,
nisho eze akawahilile Nyambi hahobe.
6Obe Yelushalema,
ha mamota obe na yakaho bakakulama,
bafwako kukamwena mwaana na wushiku.
Enu mukwanukisha Nyambi ya Ngula,
hinga mukwanga,
7kami hinga mu mwitabilisha kukatala,
kutwala oho eze akashumishe Yelushalema,
na kulwinga lukena olwo bakayemeza baka hanci.
8Nyambi ya Ngula na libeze na liboko lyendi lya shilyo,
na liboko lyendi lya ngovu,
“Nifwako kukapanika kami,
byakulya byobe ku bamalamo bobe,
kami mapukwenda bafwako ku kanwa waine yayipya,
oyo munatengelele.
9Ngoboni baya ba kayiteza bakalyayo,
na kuyemeza Nyambi ya Ngula,
kami baya baka kungula mikabo ya shinyanca,
bakanwinayo mu binzanza bya Litala lya Nyambi.”
10Pitenu, pitenu mu mapangati!
Wahishilenu bantu nzila.
Hebulenu, hebulenu mukwakwa,
fumishenumo mamanya.
Zikilenu matunga ndembela.
11 #
Isha 40:10; Kuh 22:12. Nyambi ya Ngula nabiliki
hano hanci nimwaho ngayi,
tongweza bana babambuyama ba Ziyoni ngayi,
“Monenu mupulwishi wenu uli na kwiza.
Monenu ncuungu yili mu liboko lyendi,
kami ninobyo akahingishila bantu ukeza nabyo.”
12Bakehaniwa ngayi bantu ba kuyela.
Banakuliziwi na Nyambi ya Ngula,
kami mukehaniwa ngayi ba kakushingiwa,
lukena olwo bantu eze bakabule ku shila.
Lukena luya Nyambi ya Ngula a kubula kukana.
Libuka Lya Kuyela © Bible Society of Zambia, 2020.