Ishaya 53
53
1 #
Yowa 12:38; Lom 10:16. Kati yani unetabili ncango zetu?
Liboko lya Nyambi ya Ngula, linaholoko kuli bayani?
2Shengile shifungo sha Nyambi ya Ngula ngayi,
mukamulimo wendi akule,
ngonehe mutondo wawukata,
na mupishi ukutundula ha limvu lya kuyuma.
Kaliha wekalile na wulemu,
hinge wuwahe wakumukomoka.
Kaliha wekalile na shifwekesha sha shiwahe sha kumu wahilila.
3Bantu bamuhandwile na kumukana,
wengile muntu wayandile shikuma kami wayuvwile kukola,
bamukendele, pe kowa muntu
washingile kupenza kukwendi.
4 #
Mat 8:17. Mwa shikuma, washimbile makando wetu,
na kukola kuya twafwaninine kuyuvwa.
Ngoboni twahanganikile ngayi,
kukamiwa na kulemekiwa,
engile malwa a kuli Nyambi.
5 #
1Pita 2:24. Ngoboni walemanine ndaba ya milandu yetu,
wakamiwile, ndaba ya wubi wetu.
Washushuliwile ngayi mwanga tuwane ku mwena.
Tunapolo ndaba ya mabenga wendi.
6 #
1Pita 2:25. Nimwetu tunayongo,
tunafweke ngo bambelele banayongala.
Muntu na muntu unashanukili mu nzila yendi,
Nyambi ya Ngula,
wamutwikile wubi wetu nimwawo.
7 #
Mil 8:32-33. Wayandishiwile na kumoneshiwa makando,
ngoboni kaliha wambile shimina,
wafwekele ngo mwana mbelele ukutwaliwa na kuzihiwa.
Kaliha wambile shimina ngonehe mbelele ukuketuliwa wushako.
8Bamuyandishile na kumuyatisha
pe bamutwalile kukufwa.
Ku bantu bashihemunwino shendi,
kowa wahanganikile ngayi unakamiwi na kuzihiwa,
ndaba ya milandu ya bantu bami.
9 #
1Pita 2:22. Batendele shinzimbi shendi hamo na bantu bakuluwa,
ngoboni wafundiwile mu shinzimbi sha mukakuheta.
Hinge ndi wabulile kutenda mushunga,
mu kanwa kendi kaliha mwafumine mahalo.
10Ngoboni shengile shifungo sha Nyambi ya Ngula ngayi,
alemekiwe na kuyandishiwa,
oho atendiwile kwinga ntupu yaha wubi.
Nohobene ukamona bazukulyendi,
ukavulisha matena wendi,
pe shifungo sha Nyambi ya Ngula
shikatendiwa mumwendi.
11Ukamona mikabo ya makando a moyo wendi,
pe ukawahilila.
Na kalimukisho kendi,
muka mulimo wami wa kulunga ukengisha
babengi kwinga bakwoloka,
pe ukashimba milandu yabo nimwabo.
12 #
Mako 15:28; Luka 22:37. Nohobene nikamupana mwanya hamo na ba maleema,
pe ukatapila lipuku hamo na bantu bangovu,
ndaba watupwile moyo wendi kukuma kukufwa,
kami walabiwile hamo na bantu bababi.
Hinge shingi noho washimbile wubi wababengi.
Walambililile milandu yabo ngayi bayiyatile.
Libuka Lya Kuyela © Bible Society of Zambia, 2020.