Levitiku 27
27
Woopoliwa wa yaale ari a Yave
1Yave aamweerela Moisesi: 2“Mwaaleele ha aYixrayeli: ‘Mukina aroromeliha aatteeliheraka atthu mwa Yave apakeke attharihaka nlivo nintthuneya; 3avareleke muteko moota ola: wa asilopana variyari wa iyaakha miloko miili ni miloko mithannamosa okhuma oyariwawaya aliveke ixekeli* miloko mithanu, ettharaka exekeli* ya Nipuro Nootteela*; 4ni nlivo na muthiyana nikhaleke ixekeli* miloko miraru. 5Asilopwana variyari wa iyaakha ithanu ni a iyaakha miloko miili okhuma oyariwawaya, nlivo na mulopwana nikhaleke ixekeli* miloko miili ni na muthiyana ixekeli* muloko. 6Wa atthu variyari wa mweeri mmoha ni iyaakha ithanu okhuma oyariwawaya, nlivo na mulopwana nikhaleke ixekeli* ithanu sa eparatha* ni na muthiyana ixekeli* tthaaru sa eparatha*. 7Atthu arino iyaakha miloko mithannamosa wookela muhoolo okhuma oyariwawaya, nlivo na mulopwana nikhaleke ixekeli* muloko niithanu ni na muthiyana ixekeli* muloko. 8Yoowo onroromeliha akhala oohaawaxa ahiweraka oliva nlivo nenenenno, owo amwaattameleke musaserdoti* ni musaserdoti* owo onoomuleela nlivo attharihaka yeeyo mulopwana ongweraawe oliva. 9Yeeyo ororomelinghaawe akhala mwaamunama oowaakhuleleya wa Yave ntoko yooveleela, mwaamunama owo oovahiwa wa Yave onoothatuwa ootteela. 10Owo ahiceendyiweke hata ahimwaakakhanyihe ooreera ni oonanara naari oonanara ni ooreera; owo amwaakakhanyiha mwaamunama mmoha ni mukina, ooweeli awo anoothatuwa ootteela. 11Mwaamunama owo omuroromelinghaawe akhala oohitteela– mmoha oohaakhuleleya ntoko yooveleela wa Yave – vano mwaamunama owo ooniheriweke wa musaserdoti*, 12mwa yoowo anaamoone makhalelowaawe. Moonelo wa musaserdoti* onoohima otthuneya wa mwaamunama owo. 13Muneene a mwaamunama atthuna omoopola mwaamunama owo, owo aandyeerereke mpatta wanaathanu ni nlivo nno. 14Mulopwana amutteelihera empaawe Yave, musaserdoti* ahimeke makhalelo a empa. Moonelo wa musaserdoti* ti oneera ohime muttengwaaya. 15Mulopwana otteelinghe empaawe atthuna woopola yeeyo, owo aandyeerereke mpatta wanaathanu ni nlivo nno. Vano empa eyo enoohokoleela okhala yawawe. 16Mulopwana amutteelihera Yave mpatta wa ettima ya amusaawe; nlivonaya niphimiweke oottharihiwaka mmiso mpatta ontthuneya – ixekeli* miloko mithanu wa ikiilu* macira ni miloko mithannararu sa mmiso wa esevada*. 17Owo atteeliha ettimaawe vaYaakhani ya Otthapa, nlivo nipwaherereke nennoweene. 18Vaheera atteeliha ettima vahoolo wa Eyaakha ya Otthapa, musaserdoti* aphimeke nlivo attharihaka waatta wa iyaakha singhala mpaka Eyaakha ya Otthapa onttharelana, ni nlivonawe nnoovukuliwa. 19Mulopwana ontteeliha ettimaawe atthuna woopola, owo aandyeerereke mpatta wanaathanu wa nlivo nno, ni ettimeene yeeyo enoohokoleela okhala yawawe. 20Wa soothesene, owo aahoopola ettima hoye hoye athumiha, khoongwereya woopolatho. 21Ettima yaatapuxiwa vaYaakhani ya Otthapa, enoothatuwa yootteela, ntoko ettima yootteeliheriwa Yave; enoothatuwa ettima ya asaserdoti*. 22Mulopwana amutteelihera Yave ettima othummaawe, eyo ehikhanle ya mpatta wa amusaawe, 23musaserdoti* akhaliheke nlivonaya mpaka Eyaakha ya Otthapa onttharelana ni mulopwana aliveke nihuku nenenenno ntoko etthu yootteeliheriwa Yave. 24vaYaakhani ya Otthapa ittima sihokoloxeriweke wa yoole aathumihale. 25Nlivo nootheene niphimiweke ettharihiwaka exekeli* ya Nipuro Nootteela*, mwa yeeyo enlemela igrama* muloko ni piili. 26Ahikhaleru aneera atteelihe ntthaara na muhuwo, yeenre matthaara ootheene ekhalaka a Yave; ekhalaka emobe hoye hoye epuri naari ekhondoolo, ti a Yave. 27Akhala mmoha a mwaamunama oohitteela, owo oopoliweke ni nlivo nna nikhalihingwe waandyeereriwaka mpatta wanaathanu wa nlivo nno. Owo aahoopola, mwaamunama owo athumihiwe ni nlivo nikhalihingwe. 28Wa soothesene ehikhaleru etthu orinaawe mutthu ni omutteelihenraawe Yave, okhuma mutthu, etthu eri ya mulopwana omutteelihenre Yave – akhalaka mutthu, mwaamunama hoye hoye ettima yawaweene eneera ethumihiwe naari eniyoopoliwe; itthu sootheene sitteelihingwe ti sootteelaxa wa Yave. 29Mutthu otteeliheriwe ophwatiwa; ahoopoliweke; owo iiviweke. 30Mpatta wanaamuloko wa sootheene siri mulaponi – ekhalaka etrigu hoye hoye soowiima sa nyiri – ti sa Yave; ti sootteeliheriwa Yave. 31Mulopwana atthuna woopola mpatta wanaamulokwaawe, owo aandyeerereke mpatta wanaathanu wa nlivonawe. 32Mpatta wanaamuloko wootheene wa mihuwo sootheene – khula mwaamunama anaamuloko amvira vathi wa ekopo ya mukukhuli – onookhala ootteela wa Yave. 33Muneene ahaavenxeke ooreerela eriyari ya oonanarela hata ahiwaakakhanyihe. Owo awaakakhanyiha, axinama eeli awosa, ooweeli anoothatuwa ootteela wa Yave ni khoongwereya owoopola.’” 34Iya ti ikano, malamulo ni soolamula Yave aakhalinghaawe vamwaako oSinayi variyari wa Yoowo ni aYixrayeli mwa Moisesi.
നിലവിൽ തിരഞ്ഞെടുത്തിരിക്കുന്നു:
Levitiku 27: VMK2021
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.
Levitiku 27
27
Woopoliwa wa yaale ari a Yave
1Yave aamweerela Moisesi: 2“Mwaaleele ha aYixrayeli: ‘Mukina aroromeliha aatteeliheraka atthu mwa Yave apakeke attharihaka nlivo nintthuneya; 3avareleke muteko moota ola: wa asilopana variyari wa iyaakha miloko miili ni miloko mithannamosa okhuma oyariwawaya aliveke ixekeli* miloko mithanu, ettharaka exekeli* ya Nipuro Nootteela*; 4ni nlivo na muthiyana nikhaleke ixekeli* miloko miraru. 5Asilopwana variyari wa iyaakha ithanu ni a iyaakha miloko miili okhuma oyariwawaya, nlivo na mulopwana nikhaleke ixekeli* miloko miili ni na muthiyana ixekeli* muloko. 6Wa atthu variyari wa mweeri mmoha ni iyaakha ithanu okhuma oyariwawaya, nlivo na mulopwana nikhaleke ixekeli* ithanu sa eparatha* ni na muthiyana ixekeli* tthaaru sa eparatha*. 7Atthu arino iyaakha miloko mithannamosa wookela muhoolo okhuma oyariwawaya, nlivo na mulopwana nikhaleke ixekeli* muloko niithanu ni na muthiyana ixekeli* muloko. 8Yoowo onroromeliha akhala oohaawaxa ahiweraka oliva nlivo nenenenno, owo amwaattameleke musaserdoti* ni musaserdoti* owo onoomuleela nlivo attharihaka yeeyo mulopwana ongweraawe oliva. 9Yeeyo ororomelinghaawe akhala mwaamunama oowaakhuleleya wa Yave ntoko yooveleela, mwaamunama owo oovahiwa wa Yave onoothatuwa ootteela. 10Owo ahiceendyiweke hata ahimwaakakhanyihe ooreera ni oonanara naari oonanara ni ooreera; owo amwaakakhanyiha mwaamunama mmoha ni mukina, ooweeli awo anoothatuwa ootteela. 11Mwaamunama owo omuroromelinghaawe akhala oohitteela– mmoha oohaakhuleleya ntoko yooveleela wa Yave – vano mwaamunama owo ooniheriweke wa musaserdoti*, 12mwa yoowo anaamoone makhalelowaawe. Moonelo wa musaserdoti* onoohima otthuneya wa mwaamunama owo. 13Muneene a mwaamunama atthuna omoopola mwaamunama owo, owo aandyeerereke mpatta wanaathanu ni nlivo nno. 14Mulopwana amutteelihera empaawe Yave, musaserdoti* ahimeke makhalelo a empa. Moonelo wa musaserdoti* ti oneera ohime muttengwaaya. 15Mulopwana otteelinghe empaawe atthuna woopola yeeyo, owo aandyeerereke mpatta wanaathanu ni nlivo nno. Vano empa eyo enoohokoleela okhala yawawe. 16Mulopwana amutteelihera Yave mpatta wa ettima ya amusaawe; nlivonaya niphimiweke oottharihiwaka mmiso mpatta ontthuneya – ixekeli* miloko mithanu wa ikiilu* macira ni miloko mithannararu sa mmiso wa esevada*. 17Owo atteeliha ettimaawe vaYaakhani ya Otthapa, nlivo nipwaherereke nennoweene. 18Vaheera atteeliha ettima vahoolo wa Eyaakha ya Otthapa, musaserdoti* aphimeke nlivo attharihaka waatta wa iyaakha singhala mpaka Eyaakha ya Otthapa onttharelana, ni nlivonawe nnoovukuliwa. 19Mulopwana ontteeliha ettimaawe atthuna woopola, owo aandyeerereke mpatta wanaathanu wa nlivo nno, ni ettimeene yeeyo enoohokoleela okhala yawawe. 20Wa soothesene, owo aahoopola ettima hoye hoye athumiha, khoongwereya woopolatho. 21Ettima yaatapuxiwa vaYaakhani ya Otthapa, enoothatuwa yootteela, ntoko ettima yootteeliheriwa Yave; enoothatuwa ettima ya asaserdoti*. 22Mulopwana amutteelihera Yave ettima othummaawe, eyo ehikhanle ya mpatta wa amusaawe, 23musaserdoti* akhaliheke nlivonaya mpaka Eyaakha ya Otthapa onttharelana ni mulopwana aliveke nihuku nenenenno ntoko etthu yootteeliheriwa Yave. 24vaYaakhani ya Otthapa ittima sihokoloxeriweke wa yoole aathumihale. 25Nlivo nootheene niphimiweke ettharihiwaka exekeli* ya Nipuro Nootteela*, mwa yeeyo enlemela igrama* muloko ni piili. 26Ahikhaleru aneera atteelihe ntthaara na muhuwo, yeenre matthaara ootheene ekhalaka a Yave; ekhalaka emobe hoye hoye epuri naari ekhondoolo, ti a Yave. 27Akhala mmoha a mwaamunama oohitteela, owo oopoliweke ni nlivo nna nikhalihingwe waandyeereriwaka mpatta wanaathanu wa nlivo nno. Owo aahoopola, mwaamunama owo athumihiwe ni nlivo nikhalihingwe. 28Wa soothesene ehikhaleru etthu orinaawe mutthu ni omutteelihenraawe Yave, okhuma mutthu, etthu eri ya mulopwana omutteelihenre Yave – akhalaka mutthu, mwaamunama hoye hoye ettima yawaweene eneera ethumihiwe naari eniyoopoliwe; itthu sootheene sitteelihingwe ti sootteelaxa wa Yave. 29Mutthu otteeliheriwe ophwatiwa; ahoopoliweke; owo iiviweke. 30Mpatta wanaamuloko wa sootheene siri mulaponi – ekhalaka etrigu hoye hoye soowiima sa nyiri – ti sa Yave; ti sootteeliheriwa Yave. 31Mulopwana atthuna woopola mpatta wanaamulokwaawe, owo aandyeerereke mpatta wanaathanu wa nlivonawe. 32Mpatta wanaamuloko wootheene wa mihuwo sootheene – khula mwaamunama anaamuloko amvira vathi wa ekopo ya mukukhuli – onookhala ootteela wa Yave. 33Muneene ahaavenxeke ooreerela eriyari ya oonanarela hata ahiwaakakhanyihe. Owo awaakakhanyiha, axinama eeli awosa, ooweeli anoothatuwa ootteela wa Yave ni khoongwereya owoopola.’” 34Iya ti ikano, malamulo ni soolamula Yave aakhalinghaawe vamwaako oSinayi variyari wa Yoowo ni aYixrayeli mwa Moisesi.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.