Levitiku 26
26
Ntthuvelo na wiiwelela
1Muhipake miluku soowootha naari muhiipakele icaambulo hoye hoye amarimbu ootteeliheriwaanyu, hata muhiikaathi nluku nookheriwa mulaponimwanyu weera mukokhorele ohoolowaya. Miyo ti Yave Mulukwaanyu. 2Muthokorore iSaabadusaka ni muttittimihe Nipuronaka Nootteela*. Miyo ti Yave. 3Nyuwosa mwatthara ikanosaka ni mwiiwelela malamulowaaka, 4kinimoorupihelani epula mweehuhunimwaya ni imatta sinooruwera soohephasaya ni nyiri sa ntuphini soowiimasaya. 5Khaweemeleleya oveera mpaka ohepha wa iwuuva* ni ohepha wa iwuuva* onoopwaherera mpaka ehuhu ya waala, ni munimooca mpaka ovona mukhalaka oolipeene mweelaponimwanyu. 6Kinoovaha mureettele mweelaponi ni munimwiixaatalela ni khaawo aneera awoopopiheni. Kinimwaalakaseiha axinama ooluwa mweelaponi ni ekatana kheevira mulaponimwanyu. 7Munimwaattharelela amwiittanaanyu ni awosa animwiiviwa ni ekatana ohoolowanyu. 8Athanu a nyuwosa animwaattharelela ncira, ni ncira a nyuwosa macira macireene muloko ni amwiittanaanyu animwiiviwa ni ekatana ohoolowanyu. 9Miyo kinookhala ni nyuwosa ni kinimoorelanyihani; kinoowaattihani kipwahererihaka wiiraanawaka ni nyuwosa. 10Nyuwosa nlelo mucaaka sookonela, munookakha weera muhele soohepha sa mutano. 11Kinookhaliha woomakawaka variyariwanyu ni nkirwa kooramusani. 12Kinimweetta variyariwanyu ni kinookhala Mulukwaanyu ni nyuwosa munookhala mulokwaaka. 13Miyo ti Yave Mulukwaanyu ookhumihaleni wExipitu weera muhikhaletho ipottha sa awExipitu; Miyo koopwexa mavatta a opotthaanyu kiweettihakani moota wootapuxeya.
Ottaruxiwa wa ohiiwelela
14Vaheera nyuwosa mwaahikiiwa Miyo, muhikwaniheraka malamulo ootheene ala, 15ni mwaahoonela ikanosaka muramusaka malamulowaaka ni mooceela okwanihera soolamulasaka, mveihaka hiiho wiiraanawaka, 16vano Miyo kinimoopakani ha: Kinimooruuhelani woova wootutuxereya, ikwerere soohonona, xipwexa soowiipayipa sineera sooruuheleni evaasi, siyavayavihaka okumi. Munimwaala, mene khamphurela etthu niwoko amwiitthanaanyu animooca izosanyu. 17Kinoothatuwa Mwiittanaanyu moota wooweera munoowiniwa ni amwiittanaanyu; yaawo anoothanyani animoolamulani ni munootthawa naari muhoomoliwaka. 18Vahoolo wa itthu sootheene iyo nyuwosa nlelo mwaahikiiwa, kinimoottaruxani imaara ithannapiili wa sootthekasanyu. 19Kinoophwata wiixoonawanyu woolipaxa kitatuxaka erimu ya osuluwanyu ntoko eyuuma ni etthaya ya vathiwanyu ntoko ebronze*. 20Ikurusanyu khasivareleya muteko niwoko khamuruwera etthu mulaponi, hata nyiri khasiwiimelani. 21Nyuwo mwapwaherera okhala amwiittanaaka mukhoottaka okiiwa, kinimwaandyeerera soohoxasanyu imaara ithannapiili, ntoko sootthekasanyu simphwanelaaya. 22Kinimoorumihelani axinama a ntuphini eneera ewiive anamwaniinyu, kimalamalihaka mihuwosanyu, koovukulakani mpaka iphirosanyu sinoowalana. 23Ni mwaahipwattha itthusene seiya, mukhoottaka soolakasaka ni mwapwaherera okivaanya, 24Miyo muneenaaka kinookhala Mwiittananyu koohooxakani imaara ithannapiili niwoko na sootthekasanyu. 25Kinimoorumihelani ekatana weera mwiinlele ikukuttula wiiraana. Nyuwosa mwaatthawelasaka musidadenimwanyu, kinimoorumihelani nihooxo ni munimwinnyereriwa mmatatani mwa amwiittana. 26Miyo kaavukulaka woovahani sooca, asithiyana muloko eniyooxereke ipaawu niikho nimoha ekawanaka vamuringoni. Munimooca, mene khamvona. 27Vanonto mwaahikiiwa ni mwapwaherera okhala amwiittanaaka, 28Miyo kinookhala Mwiittananyu koonyoonyeriwakani, koottaruxakani imaara ithannapiili niwoko na sootthekasanyu. 29Munimwaakhuura anamwaniinyu asilopwana ni asithiyana. 30Kinoophwata mapurowaanyu ootteela vasulu mattumuxa, kaapwexaka altaaraanyu* a erubani* ni kinoothukumanyiha mittembosanyu vasulu wa milukusanyu soolokottha soohikhalano okumi ni kinimoothanyani. 31Kinoohiya isidadesanyu ittuxoru, kiphwataka mapurowaanyu ootteela, ni khookisiveliha wunkhela wa sooveleelasanyu. 32Kinoophwata elapo moota wooweera amwiittanaanyu eneera ekhalewo animuumiwa owanoni. 33Kinimoomwaraxelani variyari wa miloko ni kinimootheteelani ekatanaaka. Elapwaanyu enoothaamiwa ni isidadesanyu sinookhala ittuxoru. 34Hiiho elapo enoohakalala iyaakhasaya sa eSaabadu ehuhu yootheene ya othaamiwawaya, nyuwosa mureene mweelaponi mwa amwiittanaanyu. Vano elapo enimwiitthuuwa ekhalanaka iSaabadusaya. 35Ehuhu yootheene eneera ehale yoothaamiweene, elapo enookhalano wiitthuuwa wa iSaabadu ehitonkwaaya wiitthuuwa nyuwosa mukhalakamo. 36Mwaha wa yaale a nyuwosa eneera ehale, kinootatuxa mirimasaya soosareya woova mweelaponi mwa amwiittanaaya moota wooweera, yiiwaka onyakula wa oruma nikukhu nimvavihiwa mpheyoni, anootthawa. Anootthimaka ntoko mutthu ontthuna otthawa ekatana ni anoomora naari ehoomoliwaka. 37Anookwakwathulana ntoko atthu antthawa ekatana, naari ehoomoliwaka. Vano khamurwa mwaawera amwiittanaanyu. 38Munookhwela variyari wa miloko, elapo ya amwiittanaanyu enimoophwatani. 39Yaale a nyuwosa eneera ehale animunttela mweelaponi mwa amwiittanaaya niwoko na sootthekasaya, nitho sa makholowaaya. 40Vaheera ontthuneya weera awosa elape sootthekasaya, soottheka sa makholowaaya, ohiroromeleyawaya ni okirukunuwelawaya, 41mwa seiyo sikitannyenre owiitta moota wooweera mpaka owoomolela mweelaponi mwa amwiittanaaya. Vano mirimasaya soottiyamaaru siiyeviha ni awosa yaakhulela ottaruxeliwa sootthekasaya, 42Miyo kinimuupuwelela wiiraanawaka ni Yakobe ni wiiraanawaka ni Isaaki ni wiiraanawaka ni Abrahaamu ni kinimuupuwelela elapo. 43Vano elapo enoothaamiwa ni yaawosa ni enookhalano iSaabadusaya ereene meekhaaya. Awosa animwaakhela nttaruxo na sootthekasaya niwoko yaahiya malamulowaaka ni yaaveiha ikanosaka. 44Hata hiiho, awosa ereene mweelaponi mwa amwiittanaaya, nkaakhootta naari nkaaramusa. Nkaaphwata woomalela kimalihaka hiiho wiiraanawaka ni yaawo. Miyo ti Yave Mulukwaaya. 45Mwaha wa waasivelawaka kinimuupuwelela wiiraana ni makholowaaya kaakhumihalaaka wExipitu vamaithoni wa miloko weera kikhale Mulukwaaya. Miyo ti Yave.’” 46Iya ti ikano, malamulo ni soolamula Yave aakhalinghaawe vamwaako oSinayi variyari wa Yoowo ni aYixrayeli mwa Moisesi.
നിലവിൽ തിരഞ്ഞെടുത്തിരിക്കുന്നു:
Levitiku 26: VMK2021
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.
Levitiku 26
26
Ntthuvelo na wiiwelela
1Muhipake miluku soowootha naari muhiipakele icaambulo hoye hoye amarimbu ootteeliheriwaanyu, hata muhiikaathi nluku nookheriwa mulaponimwanyu weera mukokhorele ohoolowaya. Miyo ti Yave Mulukwaanyu. 2Muthokorore iSaabadusaka ni muttittimihe Nipuronaka Nootteela*. Miyo ti Yave. 3Nyuwosa mwatthara ikanosaka ni mwiiwelela malamulowaaka, 4kinimoorupihelani epula mweehuhunimwaya ni imatta sinooruwera soohephasaya ni nyiri sa ntuphini soowiimasaya. 5Khaweemeleleya oveera mpaka ohepha wa iwuuva* ni ohepha wa iwuuva* onoopwaherera mpaka ehuhu ya waala, ni munimooca mpaka ovona mukhalaka oolipeene mweelaponimwanyu. 6Kinoovaha mureettele mweelaponi ni munimwiixaatalela ni khaawo aneera awoopopiheni. Kinimwaalakaseiha axinama ooluwa mweelaponi ni ekatana kheevira mulaponimwanyu. 7Munimwaattharelela amwiittanaanyu ni awosa animwiiviwa ni ekatana ohoolowanyu. 8Athanu a nyuwosa animwaattharelela ncira, ni ncira a nyuwosa macira macireene muloko ni amwiittanaanyu animwiiviwa ni ekatana ohoolowanyu. 9Miyo kinookhala ni nyuwosa ni kinimoorelanyihani; kinoowaattihani kipwahererihaka wiiraanawaka ni nyuwosa. 10Nyuwosa nlelo mucaaka sookonela, munookakha weera muhele soohepha sa mutano. 11Kinookhaliha woomakawaka variyariwanyu ni nkirwa kooramusani. 12Kinimweetta variyariwanyu ni kinookhala Mulukwaanyu ni nyuwosa munookhala mulokwaaka. 13Miyo ti Yave Mulukwaanyu ookhumihaleni wExipitu weera muhikhaletho ipottha sa awExipitu; Miyo koopwexa mavatta a opotthaanyu kiweettihakani moota wootapuxeya.
Ottaruxiwa wa ohiiwelela
14Vaheera nyuwosa mwaahikiiwa Miyo, muhikwaniheraka malamulo ootheene ala, 15ni mwaahoonela ikanosaka muramusaka malamulowaaka ni mooceela okwanihera soolamulasaka, mveihaka hiiho wiiraanawaka, 16vano Miyo kinimoopakani ha: Kinimooruuhelani woova wootutuxereya, ikwerere soohonona, xipwexa soowiipayipa sineera sooruuheleni evaasi, siyavayavihaka okumi. Munimwaala, mene khamphurela etthu niwoko amwiitthanaanyu animooca izosanyu. 17Kinoothatuwa Mwiittanaanyu moota wooweera munoowiniwa ni amwiittanaanyu; yaawo anoothanyani animoolamulani ni munootthawa naari muhoomoliwaka. 18Vahoolo wa itthu sootheene iyo nyuwosa nlelo mwaahikiiwa, kinimoottaruxani imaara ithannapiili wa sootthekasanyu. 19Kinoophwata wiixoonawanyu woolipaxa kitatuxaka erimu ya osuluwanyu ntoko eyuuma ni etthaya ya vathiwanyu ntoko ebronze*. 20Ikurusanyu khasivareleya muteko niwoko khamuruwera etthu mulaponi, hata nyiri khasiwiimelani. 21Nyuwo mwapwaherera okhala amwiittanaaka mukhoottaka okiiwa, kinimwaandyeerera soohoxasanyu imaara ithannapiili, ntoko sootthekasanyu simphwanelaaya. 22Kinimoorumihelani axinama a ntuphini eneera ewiive anamwaniinyu, kimalamalihaka mihuwosanyu, koovukulakani mpaka iphirosanyu sinoowalana. 23Ni mwaahipwattha itthusene seiya, mukhoottaka soolakasaka ni mwapwaherera okivaanya, 24Miyo muneenaaka kinookhala Mwiittananyu koohooxakani imaara ithannapiili niwoko na sootthekasanyu. 25Kinimoorumihelani ekatana weera mwiinlele ikukuttula wiiraana. Nyuwosa mwaatthawelasaka musidadenimwanyu, kinimoorumihelani nihooxo ni munimwinnyereriwa mmatatani mwa amwiittana. 26Miyo kaavukulaka woovahani sooca, asithiyana muloko eniyooxereke ipaawu niikho nimoha ekawanaka vamuringoni. Munimooca, mene khamvona. 27Vanonto mwaahikiiwa ni mwapwaherera okhala amwiittanaaka, 28Miyo kinookhala Mwiittananyu koonyoonyeriwakani, koottaruxakani imaara ithannapiili niwoko na sootthekasanyu. 29Munimwaakhuura anamwaniinyu asilopwana ni asithiyana. 30Kinoophwata mapurowaanyu ootteela vasulu mattumuxa, kaapwexaka altaaraanyu* a erubani* ni kinoothukumanyiha mittembosanyu vasulu wa milukusanyu soolokottha soohikhalano okumi ni kinimoothanyani. 31Kinoohiya isidadesanyu ittuxoru, kiphwataka mapurowaanyu ootteela, ni khookisiveliha wunkhela wa sooveleelasanyu. 32Kinoophwata elapo moota wooweera amwiittanaanyu eneera ekhalewo animuumiwa owanoni. 33Kinimoomwaraxelani variyari wa miloko ni kinimootheteelani ekatanaaka. Elapwaanyu enoothaamiwa ni isidadesanyu sinookhala ittuxoru. 34Hiiho elapo enoohakalala iyaakhasaya sa eSaabadu ehuhu yootheene ya othaamiwawaya, nyuwosa mureene mweelaponi mwa amwiittanaanyu. Vano elapo enimwiitthuuwa ekhalanaka iSaabadusaya. 35Ehuhu yootheene eneera ehale yoothaamiweene, elapo enookhalano wiitthuuwa wa iSaabadu ehitonkwaaya wiitthuuwa nyuwosa mukhalakamo. 36Mwaha wa yaale a nyuwosa eneera ehale, kinootatuxa mirimasaya soosareya woova mweelaponi mwa amwiittanaaya moota wooweera, yiiwaka onyakula wa oruma nikukhu nimvavihiwa mpheyoni, anootthawa. Anootthimaka ntoko mutthu ontthuna otthawa ekatana ni anoomora naari ehoomoliwaka. 37Anookwakwathulana ntoko atthu antthawa ekatana, naari ehoomoliwaka. Vano khamurwa mwaawera amwiittanaanyu. 38Munookhwela variyari wa miloko, elapo ya amwiittanaanyu enimoophwatani. 39Yaale a nyuwosa eneera ehale animunttela mweelaponi mwa amwiittanaaya niwoko na sootthekasaya, nitho sa makholowaaya. 40Vaheera ontthuneya weera awosa elape sootthekasaya, soottheka sa makholowaaya, ohiroromeleyawaya ni okirukunuwelawaya, 41mwa seiyo sikitannyenre owiitta moota wooweera mpaka owoomolela mweelaponi mwa amwiittanaaya. Vano mirimasaya soottiyamaaru siiyeviha ni awosa yaakhulela ottaruxeliwa sootthekasaya, 42Miyo kinimuupuwelela wiiraanawaka ni Yakobe ni wiiraanawaka ni Isaaki ni wiiraanawaka ni Abrahaamu ni kinimuupuwelela elapo. 43Vano elapo enoothaamiwa ni yaawosa ni enookhalano iSaabadusaya ereene meekhaaya. Awosa animwaakhela nttaruxo na sootthekasaya niwoko yaahiya malamulowaaka ni yaaveiha ikanosaka. 44Hata hiiho, awosa ereene mweelaponi mwa amwiittanaaya, nkaakhootta naari nkaaramusa. Nkaaphwata woomalela kimalihaka hiiho wiiraanawaka ni yaawo. Miyo ti Yave Mulukwaaya. 45Mwaha wa waasivelawaka kinimuupuwelela wiiraana ni makholowaaya kaakhumihalaaka wExipitu vamaithoni wa miloko weera kikhale Mulukwaaya. Miyo ti Yave.’” 46Iya ti ikano, malamulo ni soolamula Yave aakhalinghaawe vamwaako oSinayi variyari wa Yoowo ni aYixrayeli mwa Moisesi.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.