Levitiku 18
18
Ikano sa okonihana woohiyanahiyana
1Yave aamweerela Moisesi: 2“Mwaaleele aYixrayeli ha: ‘Miyo ti Yave Mulukwaanyu. 3Muhipake yeeyo ampakaaya awExipitu mwaakhalaanyu ni muhipake yeeyo empakiwa mweelaponi mwa oKanaani mwa weiwo kineeraaka koorongheni. Muhitthare mweettelowaaya. 4Mweetteleke soolamulelasaka, mwiiwelelaka ikanosaka ni muttharihe. Miyo ti Yave Mulukwaanyu. 5Mutthareke ikanosaka ni malamulowaaka. Vano yoowo aneera iiwelele onookhalela yaawo. Miyo ti Yave. 6Ahikhaleru anaamukhuveele mmusaawe weera amukoneno. Miyo ti Yave. 7Muhaaveihe atithinyu mwaakonanaka amayinyu. Awo ti amayinyu – muhaakoneno. 8Muhaakoneno amwaara a atithinyu – hiiho munimwaaveiha atithinyu. 9Muhimukoneno murokorinyu; akhalaka mwaana a atithinyu naari a amayinyu; hata akhalaka xaxaxa hoye hoye a nipuro nikina. 10Muhimukoneno mwaana a mwaninyu mulopwana naari a mwaninyu muthiyana; hiiho munooveiheya. 11Muhimukoneno mwaana muthiyana a mwaara a atithinyu; aayariweene ni atithinyu – owo ti murokorinyu. 12Muhimukoneno murokoraya atithinyu; ti emusi xaxaxa ya atithinyu. 13Muhimukoneno munnaya amayinyu – ti emusi xaxaxa ya amayinyu. 14Muhimuveihe munnaya atithinyu ngwaattamelaka amwaariye weera mwaakoneno; awo ti amayinu. 15Muhimukoneno mwaara a mwaninyu; ti mwaara a mwaninyu; muhimukoneno. 16Muhimukoneno mwaara a munninyu; eyo enoomveiha munninyu. 17Muhimukoneno muthiyana nitho mwanawe muthiyana. Muhimukoneno naari mwaana muthiyana a mwanawe mulopwana hata mwaana muthiyana a mwanawe muthiyana; awosa ti amusi xaxaxa. Eyo ti mwiikho. 18Muhimuthele naari muhimukoneno munna a mwaarinyu awo nlelo ereene ni okumi, mwaawanawanihaka. 19Muhimwaattamele muthiyana weera munkoneno mweehuhuni ya ohitteela wa waatalawawe. 20Muhimukoneno mwaara a mukhwiinyu mwiiveihaka ni yoowo. 21Muhiwinnyerereru anamwaniinyu weera yiiviwe ntoko yoomveleelela Molekhi, niwoko khoontthuniheriwa oveiha Nsina na Mulukwaanyu. Miyo ti Yave. 22Muhimukoneno mulopwana mukina ntoko ni muthiyana; eyo ti ya mwiikho. 23Muhimukoneno mwaamunama mwiivalihakano. Muthiyana ahiixinnyerere wa mwaamunama weera amukoneno; khavapiliwo. 24Muhiivalihe ni yakhalaru etthu ya seiyo, niwoko ti hiiho siivalinghaaya miloko kineeraaka koomole ohoolowanyu. 25Mpakatho elapo yoovaliheya ni Miyo kaattaruxa sootakhalasaya ni elapo yaahaarapheya amakaaya. 26Vaheera nyuwosa mwiiwelele malamulowaaka ni ikanosaka. aYixrayeli ni anamarwa ankhala variyariwanyu ehipakeru itthusene seiyo sa mwiikho. 27Vano itthu sootheene seiyo saapakiwa ni yaale yaamanke mweelaponi nyuwo muhinaaye ni elapo yaavaliheya. 28Nyuwosa mwavaliha elapo, eyo enimoorapheyani nyuwosa ntoko yaarapheyaaya yaawosa yaamankemo nyuwosa muhinaaye. 29Ootheene yaale eneera epake itthu iyo sa mwiikho – awosa ootheene anoomalamalihiwa mmulokonimwaya. 30Mwiiwelele ikanosaka ni muhitthareru sookhovelela sa mwiikho saapakiwa nyuwosa muhinaaye ni muhiivalihe ni seiyo. Miyo ti Yave Mulukwaanyu.’”
നിലവിൽ തിരഞ്ഞെടുത്തിരിക്കുന്നു:
Levitiku 18: VMK2021
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.
Levitiku 18
18
Ikano sa okonihana woohiyanahiyana
1Yave aamweerela Moisesi: 2“Mwaaleele aYixrayeli ha: ‘Miyo ti Yave Mulukwaanyu. 3Muhipake yeeyo ampakaaya awExipitu mwaakhalaanyu ni muhipake yeeyo empakiwa mweelaponi mwa oKanaani mwa weiwo kineeraaka koorongheni. Muhitthare mweettelowaaya. 4Mweetteleke soolamulelasaka, mwiiwelelaka ikanosaka ni muttharihe. Miyo ti Yave Mulukwaanyu. 5Mutthareke ikanosaka ni malamulowaaka. Vano yoowo aneera iiwelele onookhalela yaawo. Miyo ti Yave. 6Ahikhaleru anaamukhuveele mmusaawe weera amukoneno. Miyo ti Yave. 7Muhaaveihe atithinyu mwaakonanaka amayinyu. Awo ti amayinyu – muhaakoneno. 8Muhaakoneno amwaara a atithinyu – hiiho munimwaaveiha atithinyu. 9Muhimukoneno murokorinyu; akhalaka mwaana a atithinyu naari a amayinyu; hata akhalaka xaxaxa hoye hoye a nipuro nikina. 10Muhimukoneno mwaana a mwaninyu mulopwana naari a mwaninyu muthiyana; hiiho munooveiheya. 11Muhimukoneno mwaana muthiyana a mwaara a atithinyu; aayariweene ni atithinyu – owo ti murokorinyu. 12Muhimukoneno murokoraya atithinyu; ti emusi xaxaxa ya atithinyu. 13Muhimukoneno munnaya amayinyu – ti emusi xaxaxa ya amayinyu. 14Muhimuveihe munnaya atithinyu ngwaattamelaka amwaariye weera mwaakoneno; awo ti amayinu. 15Muhimukoneno mwaara a mwaninyu; ti mwaara a mwaninyu; muhimukoneno. 16Muhimukoneno mwaara a munninyu; eyo enoomveiha munninyu. 17Muhimukoneno muthiyana nitho mwanawe muthiyana. Muhimukoneno naari mwaana muthiyana a mwanawe mulopwana hata mwaana muthiyana a mwanawe muthiyana; awosa ti amusi xaxaxa. Eyo ti mwiikho. 18Muhimuthele naari muhimukoneno munna a mwaarinyu awo nlelo ereene ni okumi, mwaawanawanihaka. 19Muhimwaattamele muthiyana weera munkoneno mweehuhuni ya ohitteela wa waatalawawe. 20Muhimukoneno mwaara a mukhwiinyu mwiiveihaka ni yoowo. 21Muhiwinnyerereru anamwaniinyu weera yiiviwe ntoko yoomveleelela Molekhi, niwoko khoontthuniheriwa oveiha Nsina na Mulukwaanyu. Miyo ti Yave. 22Muhimukoneno mulopwana mukina ntoko ni muthiyana; eyo ti ya mwiikho. 23Muhimukoneno mwaamunama mwiivalihakano. Muthiyana ahiixinnyerere wa mwaamunama weera amukoneno; khavapiliwo. 24Muhiivalihe ni yakhalaru etthu ya seiyo, niwoko ti hiiho siivalinghaaya miloko kineeraaka koomole ohoolowanyu. 25Mpakatho elapo yoovaliheya ni Miyo kaattaruxa sootakhalasaya ni elapo yaahaarapheya amakaaya. 26Vaheera nyuwosa mwiiwelele malamulowaaka ni ikanosaka. aYixrayeli ni anamarwa ankhala variyariwanyu ehipakeru itthusene seiyo sa mwiikho. 27Vano itthu sootheene seiyo saapakiwa ni yaale yaamanke mweelaponi nyuwo muhinaaye ni elapo yaavaliheya. 28Nyuwosa mwavaliha elapo, eyo enimoorapheyani nyuwosa ntoko yaarapheyaaya yaawosa yaamankemo nyuwosa muhinaaye. 29Ootheene yaale eneera epake itthu iyo sa mwiikho – awosa ootheene anoomalamalihiwa mmulokonimwaya. 30Mwiiwelele ikanosaka ni muhitthareru sookhovelela sa mwiikho saapakiwa nyuwosa muhinaaye ni muhiivalihe ni seiyo. Miyo ti Yave Mulukwaanyu.’”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.