Levitiku 17
17
Okhoottihiwa oca ephome
1Yave aamweerela Moisesi: 2“Mwamuleele Aharoni ni anamwanaawe asilopwana ootheene nitho aYixrayeli ootheene: ‘Yave onlamulela ha: 3Akhalaru muYixrayeli aneera aveleele emombe, eputtiputthi hoye hoye epuri mpuwa naari okhwipi okonelingwe, 4ahinaruuha vamulako wa Eheema ya Muthukumano* weera oonihere ntoko yoomveleelela Yave ohoolo wa etabernaakulu* ya Yave, vano mulopwana owo onookhalano nthowa na ephome; owo ooyeeha ephome ni onoomalamalihiwa mmulokonimwawe. 5Eyo entthuneya weera aYixrayeli emurongheleke Yave sooveleelasaya ampakelaaya ottai wa okonelingwe. Awosa emuruuheleke musaserdoti*, eyo tiiyo, wa Yave, vamulako wa Eheema ya Muthukumano ni epakeke ntoko sooveleelela murettele. 6Musaserdoti* amisereke ephome valtaarini* a Yave vamulako wa Eheema ya Muthukumano ni ahiseke makhura ntoko yoowunkhelaxa enimusiveliha Yave. 7Awosa ehipakeletho yakhalaru yooveleela miluku sa ipuri mwa seiyo anlapaaya moota wa mwiikho. Ela ti ekano yoohimala wa yaawosa ni wa ikhapirasaya.’ 8Mwaaleele: ‘Akhalaru muYixrayeli hoye hoye namarwa onkhala variyariwaya aneera apake yooveleela yoohisa hoye hoye yooveleela ekina, 9ahinaruuha yeeyo vamulako wa Eheema ya Muthukumano weera amveleelele Yave, mulopwana owo onoomalamalihiwa mmulokonimwawe. 10Akhalaru muYixrayeli hoye hoye namarwa onkhala variyariwaya aneera ace yakhalaru ephome ya mwaamunama, vano Miyo kinoothatuwa Mwiittanaawe kimmalamaliheke mmulokonimwawe. 11Vano okumi wa soopattuxiwa sootheene sineetta ori mphomeni, ni Miyo kohoovahani weera murehererele wiiwanana ni Yave valtaarini*; ti ephome enrehererela okumi wiiwanana ni Yave. 12Tivawo kiweerenlaaka aYixrayeli: ‘Ahikhaleru mmoha a nyuwo aneera ace ephome hata akhalaru namarwa onkhala variyariwanyu. 13Akhalaru muYixrayeli hoye hoye namarwa onkhala variyariwaya aneera amulupatthe mwaamunama hoye hoye mwaapalame onkhuuriwa, ayeehereke toko ephome vathi ni uuheeleke etthaya, 14niwoko okumi wa soopattuxiwa sootheene sineetta ori mphomeni. Ti niwoko na yeeyo kiweerenlaaka aYixrayeli: ‘Muhiceru ephome ya yakhalaru mwaamunama, niwoko okumi wa soopattuxiwa sootheene sineetta ori mphomeni; yoowo aneera ace onoomalamalihiwa.’ 15Akhalaru muYixrayeli xaxaxa hoye hoye namarwa aneera amukhuure akhalaru mwaamunama oovettuliwa naari oonyaanyiwa ni axinama a ntuphini, vano mulopwana owo akattheke ikuwosawe ni arapeke. Onookhala oohitteela mpaka oxekuwa ni vahoolowaya onootteelihiwa. 16Vaheera owo aahikattha ikuwosawe naari aahirapa, owo onoohaawa mootakhalanimwawe.’”
നിലവിൽ തിരഞ്ഞെടുത്തിരിക്കുന്നു:
Levitiku 17: VMK2021
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.
Levitiku 17
17
Okhoottihiwa oca ephome
1Yave aamweerela Moisesi: 2“Mwamuleele Aharoni ni anamwanaawe asilopwana ootheene nitho aYixrayeli ootheene: ‘Yave onlamulela ha: 3Akhalaru muYixrayeli aneera aveleele emombe, eputtiputthi hoye hoye epuri mpuwa naari okhwipi okonelingwe, 4ahinaruuha vamulako wa Eheema ya Muthukumano* weera oonihere ntoko yoomveleelela Yave ohoolo wa etabernaakulu* ya Yave, vano mulopwana owo onookhalano nthowa na ephome; owo ooyeeha ephome ni onoomalamalihiwa mmulokonimwawe. 5Eyo entthuneya weera aYixrayeli emurongheleke Yave sooveleelasaya ampakelaaya ottai wa okonelingwe. Awosa emuruuheleke musaserdoti*, eyo tiiyo, wa Yave, vamulako wa Eheema ya Muthukumano ni epakeke ntoko sooveleelela murettele. 6Musaserdoti* amisereke ephome valtaarini* a Yave vamulako wa Eheema ya Muthukumano ni ahiseke makhura ntoko yoowunkhelaxa enimusiveliha Yave. 7Awosa ehipakeletho yakhalaru yooveleela miluku sa ipuri mwa seiyo anlapaaya moota wa mwiikho. Ela ti ekano yoohimala wa yaawosa ni wa ikhapirasaya.’ 8Mwaaleele: ‘Akhalaru muYixrayeli hoye hoye namarwa onkhala variyariwaya aneera apake yooveleela yoohisa hoye hoye yooveleela ekina, 9ahinaruuha yeeyo vamulako wa Eheema ya Muthukumano weera amveleelele Yave, mulopwana owo onoomalamalihiwa mmulokonimwawe. 10Akhalaru muYixrayeli hoye hoye namarwa onkhala variyariwaya aneera ace yakhalaru ephome ya mwaamunama, vano Miyo kinoothatuwa Mwiittanaawe kimmalamaliheke mmulokonimwawe. 11Vano okumi wa soopattuxiwa sootheene sineetta ori mphomeni, ni Miyo kohoovahani weera murehererele wiiwanana ni Yave valtaarini*; ti ephome enrehererela okumi wiiwanana ni Yave. 12Tivawo kiweerenlaaka aYixrayeli: ‘Ahikhaleru mmoha a nyuwo aneera ace ephome hata akhalaru namarwa onkhala variyariwanyu. 13Akhalaru muYixrayeli hoye hoye namarwa onkhala variyariwaya aneera amulupatthe mwaamunama hoye hoye mwaapalame onkhuuriwa, ayeehereke toko ephome vathi ni uuheeleke etthaya, 14niwoko okumi wa soopattuxiwa sootheene sineetta ori mphomeni. Ti niwoko na yeeyo kiweerenlaaka aYixrayeli: ‘Muhiceru ephome ya yakhalaru mwaamunama, niwoko okumi wa soopattuxiwa sootheene sineetta ori mphomeni; yoowo aneera ace onoomalamalihiwa.’ 15Akhalaru muYixrayeli xaxaxa hoye hoye namarwa aneera amukhuure akhalaru mwaamunama oovettuliwa naari oonyaanyiwa ni axinama a ntuphini, vano mulopwana owo akattheke ikuwosawe ni arapeke. Onookhala oohitteela mpaka oxekuwa ni vahoolowaya onootteelihiwa. 16Vaheera owo aahikattha ikuwosawe naari aahirapa, owo onoohaawa mootakhalanimwawe.’”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.