Okhuma 33
33
Nlamulo noottimulela oSinayi
1Vano Yave aamweerela Moisesi: “Muttimule nipuro nna ni muloko mukhuminghaanyu wExipitu ni murowe elapo kaamuroromelinghaaka ni nlipelo Abrahaamu, Isaki ni Yakobe keeraaka: ‘Kinoovaha wa ekhapiraanyu.’ 2Miyo kinoomurumiha ndyelo ohoolowanyu, kiwoomolaka aKanaani, awAmori, aHiti, aPerizi, aHivi ni aYebusi. 3Murowe elapo yoosareya mukaka ni oravo. Vaheera Miyo nkinrowa ni nyuwosa weera kihoophwataseni, niwoko nyuwosa ti muloko woottiyamaaru.” 4Muloko wiiwaka masu ale oowoopiha, waapacera olalamika ni khaawo aawanre itthu sooreera soorikaxa. 5Waalalamika, niwoko Yave aamweerela Moisesi: “Mwaaleele aYixrayeli: ‘Nyuwosa ti muloko woottiyamaaru. Miyo kaarowa ni nyuwo hata wa ehuhu vakhaani, kaamphwata muloko owo. Vano, murule itthusanyu sooreera soorikaxa ni kinoolakela yoowoopakasani.” 6Tivawo okhuma omwaako Horebi mpaka ohoolo aYixrayeli khayaawararu itthusaya sooreera soorikaxa.
Eheema ya Muthukumano*
7Vano Moisesi aakhovelela okunga eheema okerekhere wa waakhoneliwa yiitthaniwaka eyo “Eheema ya Muthukumano*.” Akhalaru mutthu aatthuna omukoha Yave aarowa eHeemeene yeeyo okerekhere wa waakhoneliwa. 8Imaara sootheene Moisesi aarowaawewo, muloko wootheene wannavenya weemelaka vamulako wa iheemasaya, ongwehexexaka Moisesi mpaka ovolowamo. 9Moisesi aavolowaawemo, nrimbu na mahutte nannakhuruwa nikhuneelaka Mulako wa Eheema, Yave uulumaka ni Moisesi. 10Khula emaara muloko woonaaya nrimbu na mahutte nikhuneenleene mulako wa Eheema, ootheene yanneemela, enalapa – khula mutthu vamulako wa eheemaawe. 11Yave uuluma ni Moisesi ttunda ttunda ntoko mutthu onuuluma ni nthamwenaawe. Vahoolowaya Moisesi annahokoleela waakhoneliwa, mene namakhaviheraawe Yoxuwa, mwaana a Nuni, khaavenyaru vaheemani.
Moisesi ohoolo wa ovuwa wa Muluku
12Moisesi aamweerela Yave: “Nyuwo mookeerela: ‘Muhoolele muloko ola,’ mene khamunkitthunihera omusuwela taani muneeraanyu mukirumihele. Mweenre: ‘Kohoosuwelani nnenesene ni wa nyuwo koosiveliwa.’ 13Mwakoona ntoko oosiveleya, mukoonihere sootthunasanyu weera koosuweleni ni kipwaherereke waakhuleliwa ni Nyuwo. Muupuwelele weera muloko ola ti wawinyu.” 14Yave aamwaakhula: “Okhalawaka onimoohoolelani ni kinimoovahani wiitthuuwa.” 15Vano Moisesi aamweerela: “Okhalawanyu waahinihoola, muhinilamulele ottimula wenno. 16Ngwisuwanyeye hai weera miyo ni mulokwaanyu munnanihakalalela Nyuwo mwaahinihoola? Onuuhiyaneye hai hiyo ntoko mulokwaanyu ni miloko sikina sootheene sa elapo ya vathi?” 17Yave aamwaakhula Moisesi: “Kinoopaka etthweene yeeyo mukivekenlaanyu, niwoko mookisiveliha ni kohoosuwelani nnenesene.” 18Vanonto Moisesi aamweerela: “Mukoonihere ovuwawanyu.” 19Yave aaheera: “Kinoorumiha onnenaaka weera ovire ohoolowanyu ni kinoolaleiya Nsinanaka, Yave, muraanyuwo. Kinoommorela ikharari yoowo kintthunaaka ommorela ni kinoompixera murima yoowo kintthunaaka ompixera. 20Wa soothesene, khoonghwereya woona ekhovaaka, niwoko khaawo ongwera okoona anapwaherera ni okumi.” 21Vano Yave aapwaherera: “Nookhala va nipuro vakhivuruwaka, mwa weiwo mungweraanyu weemela vamwala. 22Waaviraka ovuwawaka, kinimoohelani munikhukuni nri vamwala ni kinimookhuneelani ni ntatanaka mpaka Miyo ovira. 23Vahoolowaya kinoovenxa ntatanaka ni nyuwo munimoona ettulaaka, mene Koontthuniheriwa woona ekhovaaka.”
നിലവിൽ തിരഞ്ഞെടുത്തിരിക്കുന്നു:
Okhuma 33: VMK2021
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.
Okhuma 33
33
Nlamulo noottimulela oSinayi
1Vano Yave aamweerela Moisesi: “Muttimule nipuro nna ni muloko mukhuminghaanyu wExipitu ni murowe elapo kaamuroromelinghaaka ni nlipelo Abrahaamu, Isaki ni Yakobe keeraaka: ‘Kinoovaha wa ekhapiraanyu.’ 2Miyo kinoomurumiha ndyelo ohoolowanyu, kiwoomolaka aKanaani, awAmori, aHiti, aPerizi, aHivi ni aYebusi. 3Murowe elapo yoosareya mukaka ni oravo. Vaheera Miyo nkinrowa ni nyuwosa weera kihoophwataseni, niwoko nyuwosa ti muloko woottiyamaaru.” 4Muloko wiiwaka masu ale oowoopiha, waapacera olalamika ni khaawo aawanre itthu sooreera soorikaxa. 5Waalalamika, niwoko Yave aamweerela Moisesi: “Mwaaleele aYixrayeli: ‘Nyuwosa ti muloko woottiyamaaru. Miyo kaarowa ni nyuwo hata wa ehuhu vakhaani, kaamphwata muloko owo. Vano, murule itthusanyu sooreera soorikaxa ni kinoolakela yoowoopakasani.” 6Tivawo okhuma omwaako Horebi mpaka ohoolo aYixrayeli khayaawararu itthusaya sooreera soorikaxa.
Eheema ya Muthukumano*
7Vano Moisesi aakhovelela okunga eheema okerekhere wa waakhoneliwa yiitthaniwaka eyo “Eheema ya Muthukumano*.” Akhalaru mutthu aatthuna omukoha Yave aarowa eHeemeene yeeyo okerekhere wa waakhoneliwa. 8Imaara sootheene Moisesi aarowaawewo, muloko wootheene wannavenya weemelaka vamulako wa iheemasaya, ongwehexexaka Moisesi mpaka ovolowamo. 9Moisesi aavolowaawemo, nrimbu na mahutte nannakhuruwa nikhuneelaka Mulako wa Eheema, Yave uulumaka ni Moisesi. 10Khula emaara muloko woonaaya nrimbu na mahutte nikhuneenleene mulako wa Eheema, ootheene yanneemela, enalapa – khula mutthu vamulako wa eheemaawe. 11Yave uuluma ni Moisesi ttunda ttunda ntoko mutthu onuuluma ni nthamwenaawe. Vahoolowaya Moisesi annahokoleela waakhoneliwa, mene namakhaviheraawe Yoxuwa, mwaana a Nuni, khaavenyaru vaheemani.
Moisesi ohoolo wa ovuwa wa Muluku
12Moisesi aamweerela Yave: “Nyuwo mookeerela: ‘Muhoolele muloko ola,’ mene khamunkitthunihera omusuwela taani muneeraanyu mukirumihele. Mweenre: ‘Kohoosuwelani nnenesene ni wa nyuwo koosiveliwa.’ 13Mwakoona ntoko oosiveleya, mukoonihere sootthunasanyu weera koosuweleni ni kipwaherereke waakhuleliwa ni Nyuwo. Muupuwelele weera muloko ola ti wawinyu.” 14Yave aamwaakhula: “Okhalawaka onimoohoolelani ni kinimoovahani wiitthuuwa.” 15Vano Moisesi aamweerela: “Okhalawanyu waahinihoola, muhinilamulele ottimula wenno. 16Ngwisuwanyeye hai weera miyo ni mulokwaanyu munnanihakalalela Nyuwo mwaahinihoola? Onuuhiyaneye hai hiyo ntoko mulokwaanyu ni miloko sikina sootheene sa elapo ya vathi?” 17Yave aamwaakhula Moisesi: “Kinoopaka etthweene yeeyo mukivekenlaanyu, niwoko mookisiveliha ni kohoosuwelani nnenesene.” 18Vanonto Moisesi aamweerela: “Mukoonihere ovuwawanyu.” 19Yave aaheera: “Kinoorumiha onnenaaka weera ovire ohoolowanyu ni kinoolaleiya Nsinanaka, Yave, muraanyuwo. Kinoommorela ikharari yoowo kintthunaaka ommorela ni kinoompixera murima yoowo kintthunaaka ompixera. 20Wa soothesene, khoonghwereya woona ekhovaaka, niwoko khaawo ongwera okoona anapwaherera ni okumi.” 21Vano Yave aapwaherera: “Nookhala va nipuro vakhivuruwaka, mwa weiwo mungweraanyu weemela vamwala. 22Waaviraka ovuwawaka, kinimoohelani munikhukuni nri vamwala ni kinimookhuneelani ni ntatanaka mpaka Miyo ovira. 23Vahoolowaya kinoovenxa ntatanaka ni nyuwo munimoona ettulaaka, mene Koontthuniheriwa woona ekhovaaka.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.