Okhuma 31
31
Bezaleli ni Oholiyabi
1Vano Yave aamweerela Moisesi: 2“Koomuthanla Bezaleli, mwaana a Uri, mwaana a Huri, a epuumba ya Yuda 3ni koomusariha Munepa wa Muluku kimvahaka miruku, wiiwexexa ni ettottho ya nyoota soohiyanahiyana sa muteko. 4Hiiho onoowera ocaambula, avarelaka muteko eyuuma yoorikaxa, eparatha* ni ebronze*, 5athikilaka maluku, atthukelelaka, avarelaka muteko itthaabwa ni aweraka miteko soohiyanahiyana sa ettottho. 6Ohiya toko yeeyo, koomukhaliha Oholiyabi, mwaana a Ahisamaki a epuumba ya Dani weera amukhavihere Bezaleli. Kohaavahatho eluunda aneettottho weera epake sootheene koolamulenlaakani: 7Eheema ya Muthukumano*, Arka* a Namoona ekhalanaka yookhuneelano ni ikaruma sikina sootheene sa muheemani, 8meesa ni ikarumasaya, onyaari wa eyuuma yoorikaxa woohaniwa ni ikarumasaya sootheene, altaari* a erubani*, 9altaari* a sooveleela soohisa ni ikarumasaya, ebasiya ni mwettwaaya, 10soowara sa esaserdoti – soowara sootteela sa musaserdoti* Aharoni ni sa anamwanaawe asilopwana awo yaarumeelasaka ntoko asaserdoti*, 11makhura oottikitthelano ni erubani* yoowunkhelaxa wa Nipuro Nootteela*. Sootheene sipakiweke hiihoweene koolamulenlaakani.”
Nihuku na eSaabadu
12Vano Yave aamweerela Moisesi: 13“Mwaaleele aYixrayeli: ‘Muttittimihe iSaabadusaka. Eyo eniikhale eneneero ya Miyo ni nyuwosa wa khula ekhapira weerela musuwele weera Miyo ti Yave onootteelihasani. 14Muttiittimihe eSaabadu, niwoko ti yootteela wa nyuwo. Akhalaru mutthu aneera anyoose eSaabadu, iiviweke ni akhalaru mutthu aneera avare muteko nihuku nenenenno, oomoliweke munlokonimwawe. 15Ovariweke muteko mahuku mathannamosa, mene nihuku nanaathannameeli ti eSaabadu, nihuku noowiitthuuwa, nootteela wa Yave. Akhalaru mutthu aneera avare muteko nihuku na eSaabadu, iiviweke. 16aYixrayeli ni ikhapirasaya ettittimiheke eSaabadu ntoko wiiraana woohimala. 17Eniikhale eneneero yoohimala wa Miyo ni aYixrayeli, niwoko wa mahuku mathannamosa Yave aapattuxa erimu ni vathi, mene nihuku nanaathannameeli khaavanre muteko ni aahiitthuuwa.’” 18Amalihakaru wuuluma ni Moisesi vamwaako Sinayi, Yave aamvaha itthaabwa piili sa Namoona, itthaabwa sa maluku soolempwa ni ekatha ya Muluku.
നിലവിൽ തിരഞ്ഞെടുത്തിരിക്കുന്നു:
Okhuma 31: VMK2021
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.
Okhuma 31
31
Bezaleli ni Oholiyabi
1Vano Yave aamweerela Moisesi: 2“Koomuthanla Bezaleli, mwaana a Uri, mwaana a Huri, a epuumba ya Yuda 3ni koomusariha Munepa wa Muluku kimvahaka miruku, wiiwexexa ni ettottho ya nyoota soohiyanahiyana sa muteko. 4Hiiho onoowera ocaambula, avarelaka muteko eyuuma yoorikaxa, eparatha* ni ebronze*, 5athikilaka maluku, atthukelelaka, avarelaka muteko itthaabwa ni aweraka miteko soohiyanahiyana sa ettottho. 6Ohiya toko yeeyo, koomukhaliha Oholiyabi, mwaana a Ahisamaki a epuumba ya Dani weera amukhavihere Bezaleli. Kohaavahatho eluunda aneettottho weera epake sootheene koolamulenlaakani: 7Eheema ya Muthukumano*, Arka* a Namoona ekhalanaka yookhuneelano ni ikaruma sikina sootheene sa muheemani, 8meesa ni ikarumasaya, onyaari wa eyuuma yoorikaxa woohaniwa ni ikarumasaya sootheene, altaari* a erubani*, 9altaari* a sooveleela soohisa ni ikarumasaya, ebasiya ni mwettwaaya, 10soowara sa esaserdoti – soowara sootteela sa musaserdoti* Aharoni ni sa anamwanaawe asilopwana awo yaarumeelasaka ntoko asaserdoti*, 11makhura oottikitthelano ni erubani* yoowunkhelaxa wa Nipuro Nootteela*. Sootheene sipakiweke hiihoweene koolamulenlaakani.”
Nihuku na eSaabadu
12Vano Yave aamweerela Moisesi: 13“Mwaaleele aYixrayeli: ‘Muttittimihe iSaabadusaka. Eyo eniikhale eneneero ya Miyo ni nyuwosa wa khula ekhapira weerela musuwele weera Miyo ti Yave onootteelihasani. 14Muttiittimihe eSaabadu, niwoko ti yootteela wa nyuwo. Akhalaru mutthu aneera anyoose eSaabadu, iiviweke ni akhalaru mutthu aneera avare muteko nihuku nenenenno, oomoliweke munlokonimwawe. 15Ovariweke muteko mahuku mathannamosa, mene nihuku nanaathannameeli ti eSaabadu, nihuku noowiitthuuwa, nootteela wa Yave. Akhalaru mutthu aneera avare muteko nihuku na eSaabadu, iiviweke. 16aYixrayeli ni ikhapirasaya ettittimiheke eSaabadu ntoko wiiraana woohimala. 17Eniikhale eneneero yoohimala wa Miyo ni aYixrayeli, niwoko wa mahuku mathannamosa Yave aapattuxa erimu ni vathi, mene nihuku nanaathannameeli khaavanre muteko ni aahiitthuuwa.’” 18Amalihakaru wuuluma ni Moisesi vamwaako Sinayi, Yave aamvaha itthaabwa piili sa Namoona, itthaabwa sa maluku soolempwa ni ekatha ya Muluku.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.