2 कुरिन्थियों 2
2
अपने प्रेम दा सबूत देना
1मैं अपने मन च इयै तै करी लेते दा हा के पी थुआड़े कोल दुखी करने गी नेई अमां। 2किके जेकर आंऊँ तुसेंगी दुखी करां, तां मिकी नन्द देने आला कोन ओग? सेर्फ उवै जिसी मैं दुखी कित्ता? 3ते मैं इयै गल्ल तुसेंगी एस आसतै लिखी, के कुतै ऐसा नेई उवै, के मेरे औने उपर, जिंदे थमां मिकी नन्द मिलना चाईदा, आंऊँ उन्दे कोलां दुखी ओई जां; किके मिकी थुआड़े सबनी उपर एस गल्ल दा विश्वास ऐ के जेड़ा मेरा नन्द ऐ, उवै थुआड़े सबनी दा बी ऐ। 4बड़े संकट, ते मन दे दोख क्न्ने मैं बड़ा रोई-रोई तुसेंगी लिखया हा एस आसतै नेई के तोस दुखी ओई जाओ, लेकन एस आसतै के तोस ओस बड्डे प्यार गी जानी लिओ, जेड़ा मिकी थुआड़े कन्ने ऐ।
पापी गी माफी
5जेकर कुसे दुखी कित्ता ऐ, तां मिकी गै नेई वरन (के ओदे कन्ने मती सकती नेई करां) थुड़ा-थुड़ा तुसें सबनी गी बी दुखी कित्ता ऐ। 6ऐसे मनुक्ख आसतै ए सजा जेड़ी विश्वासी प्रांऐं बिचा मतें सारें दित्ती, ओ मती ऐ। 7एसकरी एस थमां ए पला ऐ के ओसदा पाप माफ़ करो; ते तसल्ली दियो, ऐसा नेई उवै के मनुक्ख विश्वास थमां पडकी जा। 8एसकरी आंऊँ थुआड़े कन्ने अर्ज करना ऐं, के उसी अपने प्यार दा सबूत दसो। 9किके मैं एस आसतै बी लिखया हा, के तुसेंगी परखी लियां, के तोस मेरी सारी गल्लें गी मनने लेई त्यार, ओ जां नेई। 10जेसदा तोस केछ माफ़ करदे ओ उसी आंऊँ बी माफ़ करना ऐं, किके मैं बी जे केछ माफ़ कित्ता ऐ, जेकर कित्ता ओग, तां थुआड़े कारन मसीह दी जगै च ओईयै माफ़ कित्ता ऐ। 11के शतान दी साड़े उपर चलाकी नेई चलै, किके अस ओसदी चलाकीयें थमां अनजांन नेई।
मकिदुनिया जाने दा सफ़र
12ते जेसलै आंऊँ मसीह दा शोभ समाचार, सनाने आसतै त्रोआस दे शैर च आया, ते प्रभु ने मेरे लेई एक मौका खोली दित्ता, 13तां मेरे मन च चैन नेई मिलया, एसकरी के मैं अपने मसीह प्रा तीतुस गी नेई दिखया; एस आसतै त्रोआस शैर दे वश्वासीयें शा विदा ओईयै आंऊँ मकिदुनिया शैर गी चली गीया।
मसीही दास-जीनें दी खशबु
14लेकन परमेसर दा शुकर ओऐ, जेड़ा मसीह च मेशा असेंगी जै दी खुशी च लेई फिरदा ऐ, ते अपने ज्ञान दी खशबु साड़े थमां अर जगै फलांदा ऐ। 15किके अस परमेसर दे कोल मसीह आला लेखा उनै मुक्ति पानें आले ते नाश ओनें आलें दौनी आसतै मसीह दी खशबु ओं। 16किन्नें आसतै तां मरने दे जोग मौत दी खुशबु, ते किन्नें आसतै जीनें दे जोग जीनें दी खुशबु, ते पला इनें गल्लें दे जोग कोन ऐ? 17किके अस उनै मतें सारें आला लेखा नेई, जेड़े परमेसर दे वचन च मलावट करदे न; लेकन मन दी सच्चाई कन्ने, ते परमेसर तरफुं परमेसर दी आजरी समझीयै मसीह च बोलनयां न।
നിലവിൽ തിരഞ്ഞെടുത്തിരിക്കുന്നു:
2 कुरिन्थियों 2: DOG
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
This work is licensed under Creative Commons Attribution-ShareAlike 4.0 License.