JONA 3
3
1Nayo ndũmĩrĩri ya Jehova ĩgĩcoka ĩgĩkinyĩra Jona rĩa kerĩ, akĩĩrũo atĩrĩ,
2Ũkĩra ũthiĩ Nineve, itũũra rĩrĩa inene, ũrĩgũtũkire ũrĩhunjĩrie ũhoro o ũrĩa ngũkwĩra. 3Nake Jona agĩgĩũkĩra agĩthiĩ Nineve, kũringana na ũhoro ũcio wa Jehova. Na rĩrĩ, itũũra rĩu rĩa Nineve rĩarĩ inene mũno, rĩa kũnina matukũ matatũ rĩgĩgatuĩkanĩka. 4#Mat 12.41; Luk 11.32.Nake Jona akĩambĩrĩria gũtonya itũũra rĩu, agĩthiĩ itĩĩna rĩa mũthenya ũmwe, agĩkĩanĩrĩra akiuga atĩrĩ, No matukũ mĩrongo ĩna matigaire gũkũ Nineve kũhang’ũranio! 5Nao andũ acio a Nineve magĩgĩĩtĩkia Ngai; makĩanĩrĩrithia atĩ kũgĩe hĩndĩ ya kwĩima irio, na makĩĩhumba nguo cia makũnia, kuuma o ũrĩa mũnene wao othe o kinya ũrĩa mũnyinyi wao othe. 6Nacio ndeto icio igĩkinyĩra mũthamaki wakuo, kũu Nineve, nake agĩũkĩra akiuma gĩtĩ-inĩ gĩake kĩa ũnene, na akĩĩaũra nguo yake ya ũnene, akĩĩhumba nguo ya ikũnia, agĩgĩikara thĩ mũhu-inĩ. 7Ningĩ akĩanĩrĩrithia ũhoro akĩũhunjithia Nineve guothe, igũrũ rĩake we mũthamaki na andũ a gwake arĩa anene, akiuga atĩrĩ, Menyai gũkareka mũndũ o wothe kana nyamũ, gwata rũũru rũa ng’ombe kana rũa mbũri, irũme kĩndũ: 8itikanarĩithio kana inyuithio maĩ: tiga o kwĩhumbwo makũnia, andũ mehumbe o nacio nyamũ ihumbwo, na gũkaĩrũo Ngai na hinya: ĩĩ-ni, mũndũ o wothe nĩagarũrũke atige mĩthiĩre yake ĩrĩa mĩũru, o na maũndũ ma ũhinya marĩa me moko-inĩ make. 9Nũ ũũĩ kana Ngai nĩangĩgarũrũka ericũkwo, atigane na marakara macio make mahiũ ũguo, tũtige kũninwo? 10Nake Ngai akĩona ciĩko icio ciao atĩ nĩmaathengeire mĩthiĩre yao mĩũru; ningĩ Ngai agĩkĩĩricũkwo agĩtiga ũũru ũrĩa oigĩte ekũmeka; na ndaigana kũwĩka.
നിലവിൽ തിരഞ്ഞെടുത്തിരിക്കുന്നു:
JONA 3: OGKBIBLE
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©Bible Society of Kenya, 2019