Rm 9
9
Xikwembu Nkulukumba a hlawuli lweyi amudjuliki
1Hi vito dra Kriste, nihlaya xihlayelamfuri na ninga hembi. A lipfalu dranga, hi kupfuniwa hi Moya wa Kuxwenga, nili: 2Nini nhlomulo lowu wukulu, ni kuvaviseka mbilwini yanga. 3Mine mfuri afa ninavela akuva lweyi aruketeliwiki, nitravukanisiwa na Kriste, hinkonta ya vamakweru ni maxaka yanga, hi nyama. 4Vone va lixaka dra Israyele, lava swivafaneliki akuva vahlayiwa vana vakwe, na kone mfuri akutwala, ni xipfumelelanu na vone, ni kuva nyika nawu, vugandreli bya kuhlawuleka ni swidumbiso; 5Vone i valixaka dra vatatana; mfuri Kriste ahumi ku vone, hi nyama, lweyi angahenhla ka hinkwavu, akukhensiwi Xikwembu Nkulukumba hi minkama ni minkama. Amen!
6Hinga yanakanyeni leswaku a xidumbiso xa Xikwembu Nkulukumba xidluvekile, hikusa ahi hinkwavu va tinxaka taka Israyele vanga tiko dra Israyele; 7#Lavisa Gn 21:12. mfuri ahi hinkwavu vatinxaka ta Abrahamu vanga vana vavu, Kambe: A tinxaka ta Isaki hi tone tinga vana vaku. 8Leswi swidjula kuhlaya leswaku ahi vana va Xikwembu Nkulukumba lava pswaliwaka hi nyama, kambe ntsena lava pswaliwaka hi kulandra xidumbiso lava vahlayiwaka lixaka. 9#Lavisa Gn 18:10. Hikusa a ritu draxidumbiso hiledri: Kusukela ku nkama lowo nitatlhela nibuya kutani, Sara atava ni n'wana. 10Na swinga humelelanga ku yene ntsena kambe na kone ku Rabeka, lweyi angave ni nyimba ha nuna mun'we ntsena, anga Isaki, tatana weru. 11Kutani ni loko vana vangasangana pswaliwa, mfuri na vangasangana yentxa lexinene kumbe leximfani, akuva a kungu dra Xikwembu Nkulukumba ledri dringa hi kutilangela ka lweyi, dritiya dringapfi mintirweni, kambe dripfa kurandreni ka lweyi angava vitana, 12#Lavisa Gn 25:23. ku hlayiwi leswi ku Rebeka: Lwe nkulu atatirela lwe ntrongo,
13 # Lavisa Mlk 1:2-3; Lk 14:26. Swanga hi leswi kutraliwiki: Nirandri Yakobe kutlula Esawu.
14Kolahu xana hitahlaya yini? Leswaku Xikwembu Nkulukumba angalulamanga? Aswitanu! 15#Lavisa Khm 33:19. Yene kutani ati ku Moxe: Nitatretrelela lweyi nitakamutretrelela, niva ni lilondro ku lweyi nitakava ni lilondro ku yene. 16Xi leswo, aswipfi ku leswi vhanu va swirandraka nambi kakuva hi mintamu yavu, kambe swipfa lirereni dra Xikwembu Nkulukumba. 17#Lavisa Khm 9:16. Hikusa a amatralwa mali ku Faro: Hi mine nikuyentxiki mufumi akuva nikombisa ha wene a ntamu wanga ni kuva wutivisiwa misaveni hinkwayu. 18Hi xileswo, Yene ani lilondro ku lweyi amurandraka, ni kunonon'hwisa mbilu ya lweyi amuvonaka.
Mahlundru ya Xikwembu Nkulukumba ni timpswalu
19N'winganibyela: Xana Yene aha solela yini? Hikusa hi mani lweyi angatiyiselaka kurandreni kwake? 20#Lavisa Ezy 45:9. U mani wene, we mhunu, kutengisana ni Xikwembu Nkulukumba? Xana i yini xakuvumbiwa, xingakotaka kuvutisa lweyi a xivumbiki xiku: Hikola kayini univumbisili xileswo xana? 21Hikusa amuyentxi wa vumba ani mfanelo ya kuyentxa ha drone leswi aswirandraka. Awaswikota muvumbi kuhamba swibya swa lisima ni swin'wana swakuka swinge swalisima.
22Hikolahu hina yini xakuxihlaya, loko Xikwembu Nkulukumba arandra kukombisa mahlundru yake ni kunyika kutiva ntamu wakwe! Yene akombisi kutiyisela kwake kunyingi ku lava afaka vafaneliwa hi swikhatiso swamatilo ni ku lava faka vafaneliwa hi kuhelisiwa, 23akuva xiswoswo, akombisa mahlolana ya lifuyo dra kutwala kwake ku swibya swa lilondro drakwe, leswi aswibekisiki akuva switakuma lidrumo na swone, 24i nga hine lava, na kone a hivitaniki na kunge ntsena makari ka va-Yuda, kambe na kone kuva matiko man'wana. 25Swanga hi leswi angahlaya abukwini dra Hoxeya aku:
Nitavitana vatiko dranga ku lava afaka vange drone;
ni murandriwa ku lweyi afaka angarandriwi;
26Ni mbangu lowu nivabyeliki niku:
N'wine an'witiko dranga,
lahu n'witahlayiwa vana va Xikwembu Nkulukumba lweyi a hanyaka.
27Na yene Ezaya ahlaya hi tlhelo dra Israyele aku: Nambi loko vana va Israyele vangava vanyingi vafana ni sava dra likhulu, ntsena i nsalonyana wavu wu taka huluka. 28#Lavisa Ezy 10:22-23. Hikuva Hosi yita hetisa ritu dra yone henhla ka misava, hi ndlela ya kuhangwesa ni kuhetiseka. 29#Lavisa Ezy 1:9. Swanga hi leswi Ezaya ahlayiki aku: Loko a Hosi ya mintamu hinkwayu yinga hi siyelanga lixaka, hine afa hitava hi weli kusuveni, swanga ha Sodoma na Gomora.
Israyele ni Ivangeli
30Hitahlaya yini hi leswi? Hidjula kuhlaya leswaku a va-Matiko afa vanga djulisisi kululama, vakuyamukeli mayelana ni kupfumela loku ka kululama; 31kutani Israyele lweyi afaka adjula a nawu wakululama angakukumanga. 32Ha yini ke xana? Hikusa aswipfanga ku pfumeleni, kambe ntsena swive swanga hi mintiro. Xileswo vakhunguvanyekeli aribyeni ledri drivawisiki, 33#Ezy Lavisa 28:16. swanga hi leswi kutraliwiki:
Nibeka ribye a Siyoni ledri drikhunguvanyisaka ni
kuwisana;
Kambe lweyi a pfumelaka ku drone angavi na tingana.
നിലവിൽ തിരഞ്ഞെടുത്തിരിക്കുന്നു:
Rm 9: NTX2007
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.
