Mnt 25
25
Pawulosi akombela kuyavanyisiwa ha Khezari
1Festu atiki atlhasa axifundreni-nkulu lexo, loko kuhundri masiku mararu, asuka Khezareya antlhantukela a Yerusalema; 2kolahu a vaprista lava vakulu ni vakulu va va-Yuda, vayarambela Pawulosi ku yene, 3vamutratriya, vamukombela leswaku avayentxela vumbilu avatisela Pawulosi a Yerusalema. Hikusa afa valinimakungu ya kumudlaya andleleni. 4Kambe Festu avayangula aku: Pawulosi abohiwi a Khezareya, na mine nitahatla nitlhelela kone. 5Ke lava vaswikotaka, amakari kwenu avafulamele na mine vatatamurambela, loko wubihu byili kone ku nuna lweyi. 6Atrhama na vone masiku lawa mangatluliki ntlhanu na mararu kumbe khume, ahangafulamela a Khezareya. Hi siku ledri drilandrelaka ayatrhamisa ahubyini, aleleta leswaku Pawulosi atisiwa. 7Loko vamutisile, a va-Yuda lava vafulameliki vapfa Yerusalema, vamutrandrela, vamurwexa milandru minyingi ya kubindra, leyi afaka vahluleka ni kumitiyisa. 8Kolahu Pawulosi atiyangulela na yene aku: Anidohanga ntxhumu, ni le nawini wa va-Yuda, nambi kuli Tempeleni, nambi ka kuva kuli ku Khezari. 9Kolahu Festu leswi afaka adjula a kutrhavisa va-Yuda, avutisa Pawulosi aku: Xana waswidjula kuya a Yerusalema, utayayavanyisiwa kone ha mine atimhakeni leti amahlweni, xana? 10Lahu Pawulosi aku: Niyimi amahlweni ka Huvu ya Khezari, kunga lomu nifanekelaka kuyavanyisiwa kone. Anidohanga ntxhumu ku va-Yuda, swanga hi leswi uswitivaka swinene na wene. 11Hikusa loko nidohile, loko ni yentxi ntxhumu lowu nifanelaka kudlawa ha wone, aniyali a kufa. Kambe loko kungena ntxhumu ku leswi vanirambelaka ha swone, akuna mhunu lweyi anganinyiketaka ku vone akuva avatrhavisa. Nikombela kuyavanyisiwa ha Khezari.
12Kolahu Festu, loko akhaneli ni va Huvu, ayangula aku: Uli utikombelela kuya ku Khezari, utaya ku Khezari!
Pawulosi mahlweni ka Agripa na Berenise
13Loko kuhundri masikunyana, a mufumi Agripa na Berenise vatlhasa Khezareya, vatatalosa Festu. 14Leswi vatrhamiki kone masikunyana, Festu adrungulela hosi a timhaka ta Pawulosi. Aku: Kuna mun'we wanuna lweyi angasiyiwa ha Felikisi abohelweni. 15Loko nili Yerusalema a varangeli vavaprista ni vakulu va va-Yuda vangamurambela ku mine, vakombela leswaku ayavanyisiwa. 16Nivayangula niku ahi mayentxela ya va-Roma a kunyiketa ntsena mhunu lweyi arambeliwaka, na angasivonana hi mimombo ni lava vamurambela, akuma nkama wa kutiyangulela ku leswi vamurambelaka ha swone. 17Ke loko vatlhasi halenu, nihatla niyatrhamisa ahubyini, hi siku ledri drilandrelaka, nileleta leswaku a nuna lweyo atisiwa. 18Kutani lava afaka vamurambela, vasekeleka, vangahlayi nandru wa leswi mine afaka nipimisa swone. 19Kambe afa vani kukanetana na yene hi timhaka ta vukhongeli byavu, ni hinkonta ya wa kukari valiki hi Yesu, afiki, kambe Pawulosi aliki awahanya. 20Hikuva mine afaka nipfumala leswi ningahlayaka swone, mayelano ni mintxhumu leyo, ni kukanetana loko, nimuvutisa leswaku kumbe xana awaswidjula a kuya a Yerusalema, atayavanyisiwa kone a timhakeni leto. 21Kambe leswi Pawulosi akombeliki leswaku a mhaka yake yiyavanyisiwa ha Khezari, nileleti leswaku abekisiwa kola, nitakondra nimuyisa ku Khezari. 22Kolahu Agripa aku ku Festu: Afa nitaswirandra a kuyingela a nuna lweyo. Festu aku: Mundruku utamuyingela.
23Mundruku ka kone, Agripa na Berenise vata hi kutwala loku kukulu, vanhingena ahubyini ni tindruna leti tikulu, ni vavanuna lava vakulu va muti. Festu aleleta leswaku Pawulosi atisiwa, 24kutani Festu aku: mufumi Agripa, na n'wine n'winga kola na hine! N'wamuvona a mhunu lweyi! A vunyingi hinkwabyu bya va-Yuda byimurambeliki ku mine, ni le Yerusalema, vakombela hi kubandlukana vaku angafanekeli kuva atama ahahanya. 25Kambe mine, nikumi leswaku angayentxanga ntxhumu lowu afanekelaka kufa ha wone. Kambe yene leswi akombeliki kuva ayavanyisiwa ha Khezari, nitremi leswaku nitamuyisa ku yene. 26Kambe mine anina ntxhumu wa kutiya ningatralelaka Khezari hi tlhelo drakwe, hi laha ke nimutisiki amahlweni kwenu, ngopfu-ngopfu amahlweni kwaku, mufumi Agripa, akuva nitativa leswi nitakatrala swone, loko n'witava n'wimukambile. 27Hikusa nipimisa leswaku ahi swone kufambisa mubohiwa, na kungabekiwanga timhaka leti arambeliwaka ha tone.
നിലവിൽ തിരഞ്ഞെടുത്തിരിക്കുന്നു:
Mnt 25: NTX2007
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.
Mnt 25
25
Pawulosi akombela kuyavanyisiwa ha Khezari
1Festu atiki atlhasa axifundreni-nkulu lexo, loko kuhundri masiku mararu, asuka Khezareya antlhantukela a Yerusalema; 2kolahu a vaprista lava vakulu ni vakulu va va-Yuda, vayarambela Pawulosi ku yene, 3vamutratriya, vamukombela leswaku avayentxela vumbilu avatisela Pawulosi a Yerusalema. Hikusa afa valinimakungu ya kumudlaya andleleni. 4Kambe Festu avayangula aku: Pawulosi abohiwi a Khezareya, na mine nitahatla nitlhelela kone. 5Ke lava vaswikotaka, amakari kwenu avafulamele na mine vatatamurambela, loko wubihu byili kone ku nuna lweyi. 6Atrhama na vone masiku lawa mangatluliki ntlhanu na mararu kumbe khume, ahangafulamela a Khezareya. Hi siku ledri drilandrelaka ayatrhamisa ahubyini, aleleta leswaku Pawulosi atisiwa. 7Loko vamutisile, a va-Yuda lava vafulameliki vapfa Yerusalema, vamutrandrela, vamurwexa milandru minyingi ya kubindra, leyi afaka vahluleka ni kumitiyisa. 8Kolahu Pawulosi atiyangulela na yene aku: Anidohanga ntxhumu, ni le nawini wa va-Yuda, nambi kuli Tempeleni, nambi ka kuva kuli ku Khezari. 9Kolahu Festu leswi afaka adjula a kutrhavisa va-Yuda, avutisa Pawulosi aku: Xana waswidjula kuya a Yerusalema, utayayavanyisiwa kone ha mine atimhakeni leti amahlweni, xana? 10Lahu Pawulosi aku: Niyimi amahlweni ka Huvu ya Khezari, kunga lomu nifanekelaka kuyavanyisiwa kone. Anidohanga ntxhumu ku va-Yuda, swanga hi leswi uswitivaka swinene na wene. 11Hikusa loko nidohile, loko ni yentxi ntxhumu lowu nifanelaka kudlawa ha wone, aniyali a kufa. Kambe loko kungena ntxhumu ku leswi vanirambelaka ha swone, akuna mhunu lweyi anganinyiketaka ku vone akuva avatrhavisa. Nikombela kuyavanyisiwa ha Khezari.
12Kolahu Festu, loko akhaneli ni va Huvu, ayangula aku: Uli utikombelela kuya ku Khezari, utaya ku Khezari!
Pawulosi mahlweni ka Agripa na Berenise
13Loko kuhundri masikunyana, a mufumi Agripa na Berenise vatlhasa Khezareya, vatatalosa Festu. 14Leswi vatrhamiki kone masikunyana, Festu adrungulela hosi a timhaka ta Pawulosi. Aku: Kuna mun'we wanuna lweyi angasiyiwa ha Felikisi abohelweni. 15Loko nili Yerusalema a varangeli vavaprista ni vakulu va va-Yuda vangamurambela ku mine, vakombela leswaku ayavanyisiwa. 16Nivayangula niku ahi mayentxela ya va-Roma a kunyiketa ntsena mhunu lweyi arambeliwaka, na angasivonana hi mimombo ni lava vamurambela, akuma nkama wa kutiyangulela ku leswi vamurambelaka ha swone. 17Ke loko vatlhasi halenu, nihatla niyatrhamisa ahubyini, hi siku ledri drilandrelaka, nileleta leswaku a nuna lweyo atisiwa. 18Kutani lava afaka vamurambela, vasekeleka, vangahlayi nandru wa leswi mine afaka nipimisa swone. 19Kambe afa vani kukanetana na yene hi timhaka ta vukhongeli byavu, ni hinkonta ya wa kukari valiki hi Yesu, afiki, kambe Pawulosi aliki awahanya. 20Hikuva mine afaka nipfumala leswi ningahlayaka swone, mayelano ni mintxhumu leyo, ni kukanetana loko, nimuvutisa leswaku kumbe xana awaswidjula a kuya a Yerusalema, atayavanyisiwa kone a timhakeni leto. 21Kambe leswi Pawulosi akombeliki leswaku a mhaka yake yiyavanyisiwa ha Khezari, nileleti leswaku abekisiwa kola, nitakondra nimuyisa ku Khezari. 22Kolahu Agripa aku ku Festu: Afa nitaswirandra a kuyingela a nuna lweyo. Festu aku: Mundruku utamuyingela.
23Mundruku ka kone, Agripa na Berenise vata hi kutwala loku kukulu, vanhingena ahubyini ni tindruna leti tikulu, ni vavanuna lava vakulu va muti. Festu aleleta leswaku Pawulosi atisiwa, 24kutani Festu aku: mufumi Agripa, na n'wine n'winga kola na hine! N'wamuvona a mhunu lweyi! A vunyingi hinkwabyu bya va-Yuda byimurambeliki ku mine, ni le Yerusalema, vakombela hi kubandlukana vaku angafanekeli kuva atama ahahanya. 25Kambe mine, nikumi leswaku angayentxanga ntxhumu lowu afanekelaka kufa ha wone. Kambe yene leswi akombeliki kuva ayavanyisiwa ha Khezari, nitremi leswaku nitamuyisa ku yene. 26Kambe mine anina ntxhumu wa kutiya ningatralelaka Khezari hi tlhelo drakwe, hi laha ke nimutisiki amahlweni kwenu, ngopfu-ngopfu amahlweni kwaku, mufumi Agripa, akuva nitativa leswi nitakatrala swone, loko n'witava n'wimukambile. 27Hikusa nipimisa leswaku ahi swone kufambisa mubohiwa, na kungabekiwanga timhaka leti arambeliwaka ha tone.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.