I Kor 13
13
Lirandru dra vukriste
1Nambi loko mine ningavulavula a tindrimi ta vhanu ni ta tintrumi, loko ningana lirandru, nifana ni nhumbu leyi yipfumaka, xinsimbana lexi xihambaka a mpfumawulu. 2Nakone nambi ningavani nyiko ya vuprofeta, nambi ningativa a swihundla hinkwaswu ni vutivi hinkwabyu; nambi ningava ni kupfumela hinkwaku la kakuva nisusa ni tinhava, loko ningana lirandru, ani ntxhumu. 3Mfuri nambi loko ningayavela a vukosi byanga hinkwabyu, nambi ninganyikela a miri yanga wuhisiwa akuva nititwalisa, loko ningalina lirandru, aswinipfuni ha ntxhumu.
4A lirandru drilehi mbilu, drini vunene. A lirandru adrina vukwele, adritiyentxisi na kone adritikukumuxi, 5a lirandru adriyentxisi tingana, adritidjuleli swa drone ntsena, adritikwatisi, adripimisi leswi swakubiha; 6adritrhaveli kuka-vululami, kambe dritrhavela a xihlayelamfuri; 7drixaniseka hi hinkwaswu, dripfumela hinkwaswu, drilavisela hinkwaswu; dribyatrha hinkwaswu. 8A lirandru adrina vugamu hi la kungahelikiki. Kasi nambi kuni vuprofeta, byitahelisiwa; nambi tindrimi titahela; nambi a vutivi byitahelisiwa. 9Hikusa hi tlhelo drin'we hini vutivi, hi tlhelo drin'wana haprofeta; 10kambe loko kutatlhasa leswi swihetisekiki, hinkwaswu leswi swinga swone hi tlhelo ntsena switasuvisiwa. 11A nkama afaka nili ntrongwana, afa ni vulavula swanga ntrongwana, nipimisa swanga ntrongwana, niyanakanyisisa swanga ntrongwana; loko ntrhaku nindruluki wanuna nkulu, nihelisi a swavutrongwana.
12Hikusa swoswi hivona hi xivonivoni, hi liphume; kambe ankameni wolowo, hitavonisisa, liso ni liso; swoswi nitiva hi tlhelo ntsena, kambe ntrhaku nitativisisa swanga hi leswi nitivisiwaka xi swone. 13Kambe swoswi kuni leswi swiraru: Kupfumela, kulavisela ni lirandru; kambe lexi xikulu ku swone i lirandru.
നിലവിൽ തിരഞ്ഞെടുത്തിരിക്കുന്നു:
I Kor 13: NTX2007
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.