Marako 9
9
1Adi dre taza aiidri, Ma ta amidri pati, dia arukaba adrelepi konua dii kodraki tejia ko, aii kono mataya Nzambe adea alilepi iriñise di ka.
2Kitu nji‐kazia velero dise Yesu dri Petero e, Yakobo e, Yoane be, dre mbazo aii be kira kacua di drina aii taiya. Adini lasu dre ai alazo aii mise: 3adini bongo go adrele lagule lagulagu, mve ngaeko, dia bongo jilepi vudri di kicoa bongo ji kemve nitini ko. 4Eliya e Mose be dreki agazo aii mise, aii dreki ta tara’a Yesu be. 5Petero dre ta akozo, dre taza Yesudri, Rabbi, nini amadri tani ama konuano; mà koši mvorogo na wa, alo di mise, alo di Mosese, alo di Eliyase. 6Adi dre ta nile akole ko dise, tiri dre aiiki ole we dise. 7Nduruku dre alizo lindriro aii drile, kuli dre afozo ndurukuase, ki di, Nidi ama Mva tašila di: mì koyi akodia tai. 8Dre mi lebezo aii lagase mbele, aii go teji dia no ko, aii noki alo Yesu kodi’a aii be.
9Aii dreki ašira’a kiradrise adi ta ta aiidri kotaro nga aii dreki nole dini ta dia alo di dri̱ ko, aii kotaro nga nidini ta Adamuni Mva ko nga dradra‐ase di kodi’a. 10Aii dre suzo ta tale nidi ru, dre ta lizira’a aii ti aiiki kofulease, ado tandu ya ngazo dradra‐ase di. 11Aii dreki ta lizizo adi ti, ki di, Dia tatišilepi dii taki su Eliya dre alizo dridri. 12Adi dre taza aiidri, Eliya adre alile dridri kani’a, dre nga ledezo o̱ei todi: a tiši Adamuni Mva tandu angini ya akodi kolizaro ta bi dise, i dre akodia vazo. 13Ma ta amidri, Eliya alidre kani’a, aii dreki ta ozo akodidri indi ngoro aii dreki lele di tini, ngoro i dre akodia tandu tišile di tini.
14Aii kali dia adini tayilepi dii vuna di aii no dialezolepi bi dii adreki aii laga, dia tatišilepi dii be ta lizira’a aii ti. 15Drañano dialezolepi dii o̱ei konoki adi di, aiiki lindri gada we, aii dreki razo rara adi vuna akodia no. 16Adi dre ta lizizo aii ti, ki di, Mì adre aii ti ado ta lizi ya? 17Dia alo di dialezolepi niiki kofulease dre ta akozo adi ti, ki di, Togilii, ma ali ama mva aji mi vuna, teri ta talepi ko di o adi ni; 18vo angodi ya teri ru akodi, o akodi dele vudri, tisiya lebo adi tise kafutraro, dre ši cizo kara‐kara, adini piri go adrele yo: ma dre ta tazo dia ami tayilepi di dri̱, aii kodroro akodi ase, aii kicoa ko kani’a. 19Adi dre ta akozo aii ti, dre taza, Biro ta ka’ilepi ko di, ma kadre ami be vese angopi ya? Ma koliza amiki tase vese angopi ya? Mì kaji akodi ma vuna. 20Aii dreki akodia ajizo adi vuna: akodi ko no adi di, drañano teri o akodi torole kpekpe konji, akodi dre dezo vudri, dre lolizo tisiya lebo ti’asa kafutraro. 21Adi lizi atana ti, ki di, Nidi o akodi angutu ya? Adi dre taza, O akodi dre adrera’a mvaro di’a. 22Teri dre akodia bezo acia, yia we akodia kizazo: Mi ko kicoa ta ni o be di, ami togo koti̱ amase, mi ko’o amadri wa. 23Yesu dre taza adidri, Mi ko kicoa ta ni o be di! Ta pi dia ama ta ka’ilepi di dri̱ tejia ko. 24Drañano mvani ata dre ngozo, dre taza, Ma ka’i; mi ko’o madri ta ma dre ka’ile ko di. 25Yesu ko no dialezolepi dii dreki arara’a di, adi ze teri konji di zeze, dre taza adidri, Mi, teri ta talepi ko di, bibale ako di, ma ta midri, mi kafo adi ase, dre gozo šile adi lena todia ko. 26Teri dre trezo, dre adini ozo totrole kpekpe we, dre afozo, mva go adrele dia dralepi di tini; kadre nitini dia arukaba dreki taza, Akodi dradre. 27Yesu ru akodi dri̱kase, dre akodia tingazo kuru; akodi dre ngazo. 28Adi kali jona di, dia ai tayilepi dii adreki ta lizizo adi ti aii taiya, ki di, Mà kicoa dro na ko. 29Adi dre taza aiidri, Šuru nidi kicoa afole tako ko, afo alo ta ngozo Nzambe kandre dise.
30Aii dreki fozo dalese, dreki lavuzo Galilaya‐ase; adi le dia koniro ko. 31Adi dre dia ai tayilepi dii tadale dise, dre taza aiidri, A kofe Adamuni Mva dia dri̱ka, aii dreki akodia fuzo drale, aii ko fu akodi dre di, kitu velero na nise akodi kongaro todia. 32Aii ni ta nidi tale di ko kani’a, aii ro ta lizile adi ti roro.
33Aii dreki acazo Kaparanaumana: adi kadre jona di, adi dre ta lizizo aii ti, ki di, Mi adre latibale ado ta ta ya? 34Aii agi titi: aii dreki lawale aiiki kofulease latibelena dise amba dia angodi ya? 35Adi dre lirizo vudri, dre mudri‐dri‐iri niiki zizo, dre taza aiidri, Dia ko le adrele dridri di, akodi, kadre dia o̱ei dii dri̱ velero, dre adrezo dia o̱ei dii dri̱ adremakandraro. 36Adi dre mva camva di dozo, dre akodia bazo aiiki kofulena, dre akodia dora’a drikase, dre taza aiidri, 37Dia angodi ya kodri mva alo camva nitini di ama ruse di, kodri ma, dia angodi ya kodri ma, dri ma ko, kodri ama mulepi di kani’a.
38Yoane dre taza adidri, Togilii, ami ruse mà no dia alo di adre daimona ladro, mà dre logazo adidri re, adi dre alile ama vuse ko dise. 39Yesu dre taza, Mì kologa adidri re ko: dia alo a̱zi kokoroko olepi ama ruse di dre kicoale ta konji ta ma ru mbele ko dise. 40Dia ta olepi amaru ko di akodi adrelepi ama be di. 41Dia angodi ya ko fe yi amidri mvule kegaa, mi dre adrele Kristu adea dise, ma ta amidri pati, akodi kodo ai matabisi vele. 42Dia angodi ya ko’o mva camva ama ta ka’ilepi nikia alo di dele di, amba ta tani akodidri a ko‐iro kira‐andre akodia kembe, dre akodia bezo yi murunguna. 43Ami dri̱ka ko’o mi dele di, mi koga: amba ta tani midri mi dre šizo adrele lidriru dri̱ka tali be di, ta i dre ami bezo ami dri̱ka iri dii be liferona di ruse aci adralepi ko di lena. 44Vu na’a di aikia kobu dra ko, a tedra aci ko. 45Ami pa ko’o mi dele di, mi koga: amba ta tani midri mi dre šizo adrele lidriru šiale šiašia, ta i dre ami bezo ami pa iri dii be liferona di ruse. 46Vu na’a di aikia kobu dra ko, a tedra aci ko. 47Ami mikisia ko’o mi dele di, mi kongi: amba ta tani midri mi dre šizo mataya Nzambe adea’a, mikisia alo di be, ta i dre ami bezo mikisia iri dii be liferona di ruse. 48Vu na’a di aikia kobu dra ko, a tedra aci ko. 49A koba te’i diadri o̱ei alo alo acise. 50Te’i tani e; te’ini ki̱ni ko ngadre asa di mi koba ado nga ya di lana kagoro adrele ki̱niki̱ni? Mi kadre te’i be ami lena, amiki togo kadre kedrikedri amiki kofulease.
നിലവിൽ തിരഞ്ഞെടുത്തിരിക്കുന്നു:
Marako 9: LOG
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
first printed by the British and Foreign Bible Society in 1924 and 1927.
