Ŵalawi Chilongolelo

Chilongolelo

Chitabu cha Indu yapanganyisye Ŵalawi chili msongangano wa malajisyo gaŵapegwilwe Ŵaisilaeli ni Akunnungu kwa litala li che Musa. Malajisyo ga gali nkati yakuti kutyosya mbopesi syakutinisya ni yakuti kwapopelela Akunnungu pa chilisa. Liloŵe Ŵalawi nti yalitite kulembekwa mu chiŵechete chaandanda malumbo gakwe gali “Nkati Ŵalawi.” Ŵandu ŵa ni lukosyo lwalusagulikwe ni Akunnungu mu ngosyo sya Ŵaisilaeli, ŵaŵapegwilwe masengo ga umbopesi ni masengo ga kujigosa Nyuumba ja Akunnungu. Malinga ni yaitite kusyoŵeleka, ŵasyomile nkati indu yamu Biblia akukulupilila kuti chitabu cha Ŵalawi pamo ni itabu ine ya malajisyo, yaani Ndandililo ni Kutyoka Kuŵalanga ni Chikumbuchisyo cha Malajisyo, yalembekwe ni jwakulondola che Musa. Usyene wu ukusalichisya sooni ni malembelo ga chitabu chisyene, ligongo chitabu cha Ŵalawi chikutaanda kwa kuti “Ambuje Akunnungu ŵammilasile che Musa ni kukunguluka nawo ku Lisakasa lya Kusimanilana.” Ŵane akukulupilila kuti panepa chitabu chi chalembekwe nti nsongangano wa malembo gampepe ga kalakala mu kaline 5 mpaka 6 Akanaŵe kupagwa Kilisto, katema Ŵaisilaeli paŵaliji mu ukapolo ku Babeli.

Kuundanda kwa chitabu chi tukusyoma nkati mbopesi syakutinisya syakupisyangana, syalamwile Akunnungu kwa ŵalawi santyochesye ni ŵambopesi. Mbopesi si syatyosyekwe nti mbopesi syakutinisya kwaligongo lya kulechelesya sambi sya ŵandu. Mbopesi siine syatyosyekwe kwa kusaka kwao ŵandu ni kwaligongo lya unonyelo wao kwa Akunnungu. Mwamulimose chaliji chindu cha muhimu kwannope kwa mundu kujityosya mbopesi jajili jambone kwannope, jangalemala ni jajikukundikwa kwa kwapopelela Akunnungu. Chindu chi chikulosya pangasisika kukundikwa kwa Akunnungu. Kumbesi kwa chitabu chi, kukusala nkati Ŵaisilaeli ni ŵambopesi iŵatite kukombola kusigalila mu kukundikwa kwa kwapopelelela Akunnungu pane kulitesya akundikwe kwa kwapopeloela Akunnungu. Chindu chekulungwa chachikusalikwa mu chitabu chi ni kuti Akunnungu ali jwakwanile kusyenesyene mu yosepe ni kwakugakuya malajisyo gagali mu chitabu chi, Ŵaisilaeli akakombwele kutama pamalo pati Akunnungu apali.

Yaili mwelemo

Pakusala yankati malajisyo ni yakuti kutyosya mbopesi syakupisyangana, mu sula ja 1 mpaka sula ja 7.

Pakusala yatite kusagulikwa che Haluni ni achiŵanagwe ŵachilume ni kutendekwa ŵambopesi, mu sula ja 8 mpaka sula ja 10.

Pakusala nkati malajisyo gankati yakulya yaikukundikwa ni yangakundikwa kwa kwapopelela Akunnungu, ni sooni yankati ilwele yakupisyanganapisyangana, mu sula ja 11 mpaka sula ja 16.

Pakusalichisya nkati malajisyo ganegane gankati makanyo ga yakuti kulya, ni indimba ni wende wambone ni yaaka yakupumulila, mu sula ja 17 mpaka sula ja 27.

നിലവിൽ തിരഞ്ഞെടുത്തിരിക്കുന്നു:

Ŵalawi Chilongolelo: YBV

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

Lilangano lya Sambano നെക്കുറിച്ച് കൂടുതലറിയുക

Ŵalawi Chilongolelo