Ndandililo 5
5
Uŵelesi u che Adamu
(1 Indu ya katema 1:1-4)
1Awuwu ni uŵelesi u che Adamu. Katema Akunnungu paŵangumbile mundu, ŵangumbile alandane ni nsyene. 2Ŵangumbile jwannume ni jwankongwe, nipele ŵapele upile ni kwapa liina “Ŵandu.”
3Che Adamu paŵaliji ni yaka mia moja ni selasini, ŵaŵeleche mwanache juŵalandene nao, ni juŵaliji mpela nsyene, ŵampele liina che Seti. 4Pakumala kwaŵeleka che Seti, che Adamu ŵatemi yaka mia nane, nipele ŵaŵeleche ŵanache ŵane ŵachilume ni ŵachikongwe. 5Yaka yose iŵatemi che Adamu yaliji yaka mia tisa na selasini, ni ŵawile.
6Che Seti paŵaliji ni yaka mia moja ni nsano, ŵammeleche che Enoshi. 7Pakumala kwaŵeleka che Enoshi, che Seti ŵatemi yaka mia nane na saba, ŵaŵeleche ŵanache ŵane ŵachilume ni ŵachikongwe. 8Yaka yose iŵatemi che Seti yaliji yaka mia tisa ni kumi na mbili, ni ŵawile.
9Che Enoshi paŵaliji ni yaka tisini, ŵammeleche che Kenani. 10Pakumala kwaŵeleka che Kenani, che Enoshi ŵatemi yaka mia nane kumi na tano ni kwaŵeleka ŵanache ŵane ŵachilume ni ŵachikongwe. 11Yaka yose iŵatemi che Enoshi yaliji yaka mia tisa ni nsano, ni ŵawile.
12Che Kenani paŵaliji ni yaka sabini, ŵammeleche che Mahalaleli. 13Pakumala kwaŵeleka che Mahalaleli, che Kenani ŵatemi yaka mia nane ni alobaini, nipele ŵaŵeleche ŵanache ŵane ŵachilume ni ŵachikongwe. 14Yaka yose iwatemi che Kenani yaliji yaka mia tisa na kumi, ni ŵawile.
15Che Mahalaleli paŵaliji ni yaka sitini na tano ŵammeleche che Yaledi 16Pakumala kwaŵeleka che Yaledi, che Mahalaleli ŵatemi yaka mia nane na selasini ni ŵaŵeleche ŵanache ŵane ŵachilume ni ŵachikongwe. 17Yaka yose iŵatemi che Mahalaleli yaliji yaka mia nane tisini na tano, ni ŵawile.
18Che Yaledi paŵaliji ni yaka mia moja sitini na mbili, ŵammeleche che Henoki. 19Pakumala kwaŵeleka che Henoki che Yaledi ŵatemi yaka mia nane ni kwaŵeleka ŵanache ŵane ŵachilume ni ŵachikongwe. 20Yaka yose iwatemi che Yaledi yaliji yaka mia tisa sitini na mbili, ni ŵawile.
21Che Henoki paŵaliji ni yaka sitini na tano, ŵammeleche che Metusela. 22Pakumala kwaŵeleka che Metusela, che Henoki ŵatemi kwakukulupilichika paujo pa Akunnungu kwa yaka mia tatu. Che Henoki ŵaŵeleche ŵanache ŵane ŵachilume ni ŵachikongwe. 23Yaka yose iŵatemi che Henoki yaliji yaka mia tatu sitini na tano. 24Che Henoki ŵaliji ŵakukulupilichika paujo pa Akunnungu, nipele nganawoneka sooni, pakuŵa Akunnungu ŵanjigele.
25Che Metusela paŵaliji ni yaka mia moja semanini na saba, ŵammeleche che Lameki. 26Pakumala kwaŵeleka che Lameki, che Metusela, ŵatemi yaka mia saba semanini na mbili, ni kwaŵeleka ŵanache ŵane ŵachilume ni ŵachikongwe. 27Yaka yose iŵatemi che Metusela yaliji yaka mia tisa sitini na tisa, ni ŵawile.
28Che Lameki paŵaliji ni yaka mia moja semanini na mbili, ŵammeleche mwanache jwachilume. 29Jwele mwanache jo ŵammilasile lina lyakwe che Nuhu, ni ŵatite, “Mwanache ju chatutulasye mitima mmasengo gakulimba gagakwikanayo ipwetesi, gatukugapanganya kwa makono getu mu chilambo chiŵachilwesile Ambuje.” 30Pakumala kwaŵeleka che Nuhu, che Lameki ŵatemi yaka mia tano tisini na tano, ni kwaŵeleka ŵanache ŵane ŵachilume ni ŵachikongwe. 31Yaka yose iŵatemi che Lameki yaliji yaka mia saba sabini na saba, ni ŵawile.
32Che Nuhu paŵaliji ni yaka mia tano, ŵaŵeleche ŵanache ŵatatu ŵachilume, che Shemu ni che Hamu ni che Yafeti.
നിലവിൽ തിരഞ്ഞെടുത്തിരിക്കുന്നു:
Ndandililo 5: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
