Ndandililo 46
46
Che Yakubu akwaula ku Misili
1Kwayele, che Yakubu ŵatandite ulendo ali ajigele yosepe yakwete. Paŵaiche ku Belisheba ŵapeleche mbopesi kwa Akunnungu ŵa che Isaka atatigwe. 2Akunnungu ŵakungulwiche ni che Yakubu mu yakwiwona chilo, ŵammilasile, “Che Yakubu, che Yakubu!” Che Yakubu ŵajanjile, “Une ndili apano.” 3Akunnungu ŵansalile, “Uneji ndili Akunnungu, Akunnungu jwa atati ŵenu, nkajogopa kwaula ku Misili, pakuŵa kweleko tinantende mme chilambo chachikulungwa. 4Uneji chinyaule ni mmwe ku Misili, ni une tinankwesye sooni kummusya ku Kanaani. Makono ga che Yusufu ni gatigagausye meeso genu pa lyuwa lya chiwa chenu.”
5Nipele che Yakubu ŵatyosile ku Belisheba. Achiŵanagwe ŵanjigele atati ŵao ni ŵanache ŵao ni achiŵankwawo mu mutuka syakwekwelemya ni inyama siŵasiichenasyo che Falao kwajigala. 6Ŵajigele ilango yao ni ipanje yao yose iŵapatile ku Kanaani, ni kwaula ku Misili. Che Yakubu ŵaajigele iŵelesi yakwe wose: 7Achiŵanagwe ŵachilume ni achiŵanagwe achakongwe ni isukulu yao yachilume ni yachikongwe, wosepe ŵaajigele mpaka ku Misili.
8Gelega gali meena ga ŵanache ŵa che Yakubu ŵaŵajawile nawo ku Misili, che Lubeni litiwo lyakwe, 9achiŵanagwe che Lubeni ali che Henoki ni che Palu ni che Hesiloni ni che Kalimi. 10Achiŵanagwe che Simeoni ali che Yamueli ni che Yamini ni che Ohadi ni che Yakini ni che Sohali ni che Shauli mwanache jwa jwankongwe Mkanaani. 11Achiŵanagwe che Lawi ali che Gelishoni ni che Kohasi ni che Melali. 12Achiŵanagwe che Yuda ali che Eli ni che Onani ni che Shela ni che Pelesi ni che Sela, nambo che Eli ni che Onani ŵawilile ku Kanaani. Achiŵanagwe che Pelesi ŵaliji che Hesiloni ni che Hamuli. 13Achiŵanagwe che Isakali ali, che Tola ni che Puwa ni che Yashubu ni che Shimloni. 14Achiŵanagwe che Sebuloni ali, che Seledi ni che Eloni ni che Yaleeli. 15Ŵeleŵa ali ŵanache ŵachilume, ŵati che Lea ŵaŵeleche ni che Yakubu ali ku Padani Alamu pamo ni che Dina mwanagwe jwachikongwe. Kwayele, ŵanache pamo ni isukulu yao ŵaaliji, selasini ni ŵatatu.
16Ni ŵanache ŵa che Gadi ali, che Sefoni ni che Hagi, che Shuni ni che Esiboni, che Eli, pamo ni che Alodi ni che Aleli. 17Achiŵanagwe che Asheli ali, che Imina ni che Ishifa, ni che Ishifi ni che Belia ni che Sela alumbu ŵao. Ŵanache ŵa che Belia ali, che Hebeli ni che Malikieli. 18Ŵelewo kumi na sita ali ŵanache ni isukulu ya che Yakubu ni che Silipa, jwakutumichila jwati che Labani ŵampele mwali jwao che Lea.
19Che Laheli ŵaaŵelechele che Yakubu ŵanache ŵaŵili, che Yusufu ni che Benjamini. 20Che Yusufu ŵakwete ŵanache ŵaŵili ku Misili, che Manase ni che Eflahimu, ŵaŵaŵelechele kwa mwali ju che Potifela, juŵaliji jwambopesi jwa ku Heliopolisi. 21Ŵanache ŵa che Benjamini ŵaliji, che Bela ni che Bekeli ni che Ashibeli ni che Gela, ni che Naamani ni che Ehi ni che Loshi, ni che Mupimu pamo ni che Hupimu ni che Alidi. 22Ŵele kumi na nne ŵaliji uŵelesi u che Yakubu ni ŵankwawo che Raheli.
23Mwanache ju che Dani jwaliji che Hushimu. 24Ŵanache ŵa che Nafutali ŵaliji, che Yaseeli ni, che Guni ni che Yeseli pamo ni che Shilemu. 25Ŵele saba ali uŵelesi u che Yakubu ni ŵankwawo che Biliha, jwakutumichila jwankongwe ju che Labani jwati ŵampele che Laheli.
26Uŵelesi u che Yakubu uŵapite nao ku Misili ŵaliji ŵandu sitini na sita paangaŵalanjila achakwegwao. 27Pamo ni ŵanache ŵaŵili ŵa che Yusufu ŵaŵapagwile ku Misili, wose kwa pamo ŵaliji sabini.
Che Yakubu ni nnango ŵao kwele ku Misili ko
28Che Yakubu ŵanlongwesye che Yuda ku che Yusufu kukwaŵenda asimane nao ku Gosheni, ni che Yakubu ni nnango wakwe paŵaiche kweleko, 29che Yusufu ŵakwesile mu mutuka jao jajikukwekwelemwa ni falasi, ŵapite ku Gosheni kwachingamila atatigwe. Paŵasimene ni atatigwe, ŵankumbatile ni kulila kwa katema kakaleu. 30Che Yakubu ŵansalile che Yusufu, “Sambano ndili chile kuwa, ligongo nammweni kwa meeso gangu, ngumanyilila kuti ndi jwanjumi.” 31Che Yusufu ŵaasalile achapwakwe ni achalongo ŵa atati ŵao, “Ngwaula kukwasalila Falao kuti, achalongo ŵangu wose pamo ni atati ŵangu uŵatamaga ku Kanaani aikangene kukwangu. 32Chinjaasalila kuti ŵanyamwe wose nkulanga ni nkuichinga ilango yenu. Nnyikangene ni ilango yenu pamo ni chilichose chinkwete. 33Nipele Falao pachachimmilanga ni kummusya masengo gankugapanganya, 34nkaajanje yambone kuti mwanya ŵakutumichila ŵao nli ŵakulanga ilango kutandilila ku uchanda ŵenu mpaka lelo, nti iŵaliji achachekulu ŵetu. Nkajanje yeleyo kuti annechelele ntame mu chilambo cha ku Gosheni.” Che Yusufu ŵaasalile yeleyo pakuŵa ŵandu ŵa ku Misili ngakwasaka ŵakuchinga wose.
നിലവിൽ തിരഞ്ഞെടുത്തിരിക്കുന്നു:
Ndandililo 46: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
Ndandililo 46
46
Che Yakubu akwaula ku Misili
1Kwayele, che Yakubu ŵatandite ulendo ali ajigele yosepe yakwete. Paŵaiche ku Belisheba ŵapeleche mbopesi kwa Akunnungu ŵa che Isaka atatigwe. 2Akunnungu ŵakungulwiche ni che Yakubu mu yakwiwona chilo, ŵammilasile, “Che Yakubu, che Yakubu!” Che Yakubu ŵajanjile, “Une ndili apano.” 3Akunnungu ŵansalile, “Uneji ndili Akunnungu, Akunnungu jwa atati ŵenu, nkajogopa kwaula ku Misili, pakuŵa kweleko tinantende mme chilambo chachikulungwa. 4Uneji chinyaule ni mmwe ku Misili, ni une tinankwesye sooni kummusya ku Kanaani. Makono ga che Yusufu ni gatigagausye meeso genu pa lyuwa lya chiwa chenu.”
5Nipele che Yakubu ŵatyosile ku Belisheba. Achiŵanagwe ŵanjigele atati ŵao ni ŵanache ŵao ni achiŵankwawo mu mutuka syakwekwelemya ni inyama siŵasiichenasyo che Falao kwajigala. 6Ŵajigele ilango yao ni ipanje yao yose iŵapatile ku Kanaani, ni kwaula ku Misili. Che Yakubu ŵaajigele iŵelesi yakwe wose: 7Achiŵanagwe ŵachilume ni achiŵanagwe achakongwe ni isukulu yao yachilume ni yachikongwe, wosepe ŵaajigele mpaka ku Misili.
8Gelega gali meena ga ŵanache ŵa che Yakubu ŵaŵajawile nawo ku Misili, che Lubeni litiwo lyakwe, 9achiŵanagwe che Lubeni ali che Henoki ni che Palu ni che Hesiloni ni che Kalimi. 10Achiŵanagwe che Simeoni ali che Yamueli ni che Yamini ni che Ohadi ni che Yakini ni che Sohali ni che Shauli mwanache jwa jwankongwe Mkanaani. 11Achiŵanagwe che Lawi ali che Gelishoni ni che Kohasi ni che Melali. 12Achiŵanagwe che Yuda ali che Eli ni che Onani ni che Shela ni che Pelesi ni che Sela, nambo che Eli ni che Onani ŵawilile ku Kanaani. Achiŵanagwe che Pelesi ŵaliji che Hesiloni ni che Hamuli. 13Achiŵanagwe che Isakali ali, che Tola ni che Puwa ni che Yashubu ni che Shimloni. 14Achiŵanagwe che Sebuloni ali, che Seledi ni che Eloni ni che Yaleeli. 15Ŵeleŵa ali ŵanache ŵachilume, ŵati che Lea ŵaŵeleche ni che Yakubu ali ku Padani Alamu pamo ni che Dina mwanagwe jwachikongwe. Kwayele, ŵanache pamo ni isukulu yao ŵaaliji, selasini ni ŵatatu.
16Ni ŵanache ŵa che Gadi ali, che Sefoni ni che Hagi, che Shuni ni che Esiboni, che Eli, pamo ni che Alodi ni che Aleli. 17Achiŵanagwe che Asheli ali, che Imina ni che Ishifa, ni che Ishifi ni che Belia ni che Sela alumbu ŵao. Ŵanache ŵa che Belia ali, che Hebeli ni che Malikieli. 18Ŵelewo kumi na sita ali ŵanache ni isukulu ya che Yakubu ni che Silipa, jwakutumichila jwati che Labani ŵampele mwali jwao che Lea.
19Che Laheli ŵaaŵelechele che Yakubu ŵanache ŵaŵili, che Yusufu ni che Benjamini. 20Che Yusufu ŵakwete ŵanache ŵaŵili ku Misili, che Manase ni che Eflahimu, ŵaŵaŵelechele kwa mwali ju che Potifela, juŵaliji jwambopesi jwa ku Heliopolisi. 21Ŵanache ŵa che Benjamini ŵaliji, che Bela ni che Bekeli ni che Ashibeli ni che Gela, ni che Naamani ni che Ehi ni che Loshi, ni che Mupimu pamo ni che Hupimu ni che Alidi. 22Ŵele kumi na nne ŵaliji uŵelesi u che Yakubu ni ŵankwawo che Raheli.
23Mwanache ju che Dani jwaliji che Hushimu. 24Ŵanache ŵa che Nafutali ŵaliji, che Yaseeli ni, che Guni ni che Yeseli pamo ni che Shilemu. 25Ŵele saba ali uŵelesi u che Yakubu ni ŵankwawo che Biliha, jwakutumichila jwankongwe ju che Labani jwati ŵampele che Laheli.
26Uŵelesi u che Yakubu uŵapite nao ku Misili ŵaliji ŵandu sitini na sita paangaŵalanjila achakwegwao. 27Pamo ni ŵanache ŵaŵili ŵa che Yusufu ŵaŵapagwile ku Misili, wose kwa pamo ŵaliji sabini.
Che Yakubu ni nnango ŵao kwele ku Misili ko
28Che Yakubu ŵanlongwesye che Yuda ku che Yusufu kukwaŵenda asimane nao ku Gosheni, ni che Yakubu ni nnango wakwe paŵaiche kweleko, 29che Yusufu ŵakwesile mu mutuka jao jajikukwekwelemwa ni falasi, ŵapite ku Gosheni kwachingamila atatigwe. Paŵasimene ni atatigwe, ŵankumbatile ni kulila kwa katema kakaleu. 30Che Yakubu ŵansalile che Yusufu, “Sambano ndili chile kuwa, ligongo nammweni kwa meeso gangu, ngumanyilila kuti ndi jwanjumi.” 31Che Yusufu ŵaasalile achapwakwe ni achalongo ŵa atati ŵao, “Ngwaula kukwasalila Falao kuti, achalongo ŵangu wose pamo ni atati ŵangu uŵatamaga ku Kanaani aikangene kukwangu. 32Chinjaasalila kuti ŵanyamwe wose nkulanga ni nkuichinga ilango yenu. Nnyikangene ni ilango yenu pamo ni chilichose chinkwete. 33Nipele Falao pachachimmilanga ni kummusya masengo gankugapanganya, 34nkaajanje yambone kuti mwanya ŵakutumichila ŵao nli ŵakulanga ilango kutandilila ku uchanda ŵenu mpaka lelo, nti iŵaliji achachekulu ŵetu. Nkajanje yeleyo kuti annechelele ntame mu chilambo cha ku Gosheni.” Che Yusufu ŵaasalile yeleyo pakuŵa ŵandu ŵa ku Misili ngakwasaka ŵakuchinga wose.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.