Ndandililo 16
16
Che Hajili ni che Ishumaeli
1Nipele, che Salai ŵankwawo che Iblamu ŵaliji akanaŵe kwaŵelechela ŵankwawo mwanache. Nambo ŵakwete kapolo jwankongwe liina lyakwe che Hajili kutyochela ku Misili. 2Nipele, che Salai ŵaasalile che Iblamu, “Nkuimanyilila kuti Ambuje andesile jwangaŵeleka. Sambano ngone ni che Hajili kapolo jwangu panepa chakombole kuumelechela ŵanache.” Che Iblamu ŵagajitichisye maloŵe ga che Salai ŵankwawo. 3Kwayele che Salai ŵaajigele kapolo jwao jwankongwe mundu jwa ku Misili, jwakuŵilanjikwa che Hajili, ŵaapele che Iblamu aŵe chilanga chao. Gele gatyochele che Iblamu ali atemi ku Kanaani kwa yaka kumi. 4Che Iblamu ŵagonile ni che Hajili, nombejo ŵakwete chitumbo. Nambo che Hajili paŵaiweni pe kuti akwete chitumbo, ŵatandite kwanyelusya che Salai. 5Nipele che Salai ŵaasalile che Iblamu, “Ungalumbana wakundendela une wu nomwe muumanyi. Nampele kapolo jwangu, pakuŵa sambano akumanyilila kuti akwete chitumbo, akutanda kunyelusya! Ambuje atulamule mmwe ni une!” 6Nambo che Iblamu ŵaasalile che Salai, “Kapolo jwenu ali pa ulamusi wenu, mwatende chachilichose chinkuchisaka.” Nipele che Salai ŵanlagesye che Hajili mpaka ŵatolweche.
7Katumetume jwa kwinani jwa Ambuje ŵaasimene che Hajili pa uliŵa mwipululu, uliŵa wauli pa litala lyalikwaula ku Shuli. 8Katumetume jwa kwinani jwa Ambuje ŵammusisye, “Che Hajili, kapolo ju che Salai! Nkutyochela kwapi ni nkwaula kwapi?”
Che Hajili ŵajanjile, “Ngwautuka che Salai jungwatumichila.”
9Nipele katumetume jwa kwinani jwa Ambuje ŵaasalile, “Mmuje ku che Salai ni kwajitichisya.” 10Nipele, katumetume jwa kwinani jwa Ambuje ŵajendelechele kusala, “Chinauchulusye uŵelesi wenu mpaka ŵandu chalepele kuuŵalanga.” 11Nipele Katumetume jwa kwinani jwa Ambuje ŵansalile, “Mmwe sambano nkwete chitumbo, nomwe chimmeleche mwanache jwannume, chimummilanje Ishumaeli, ligongo Ambuje akuweni kulaga kwenu. 12Nambo mwanagwenu chaŵe mpela mbunda ja mwikonde jangatawalika, jangasaka kwilana ni mundu jwalijose. Chaputane ni kila mundu ni kila mundu chaputane ni jwelejo. Chatame mpela jwammagongo jwa achalongo achinjakwe nombejo chakombole.”
13Che Hajili ŵammilasile Ambuje juŵaŵechete nao, “Mmwe nli Akunnungu ŵakulola,” pakuŵa ŵatite, “Kusyene apano naweni aŵala ŵakumona une.” 14Kwa yele chisima chila ŵandu ŵachiŵilasile, Beli Lahi Loi, malumbo gakwe, “Chisima cha jwanjumi jwakumona uneji.” Chele chisima cho chipali mpaka sano, chili pasikati ja ku Kadeshi ni ku Beledi.
15Che Hajili ŵaŵelechele che Iblamu mwanache jwannume, ni che Iblamu ŵampele mwanache jo liina li che Ishumaeli. 16Che Iblamu ŵaliji ni yaka semanini ni sita katema che Hajili paŵammeleche che Ishumaeli.
നിലവിൽ തിരഞ്ഞെടുത്തിരിക്കുന്നു:
Ndandililo 16: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
