Kutyoka 36
36
1“Che Besaleli ni che Oholiabu pamo ni mundu jwalijose jwati AMBUJE ampele ukombole ni umanyilisi, wa kumanyilila yakuti kupanganya masengo gose ga kutaŵa Peuto Papaswela, tagapanganye masengo go nti yatite kulajisya AMBUJE.”
Ŵandu akupeleka indu jejinji
2Che Musa ŵaaŵilasile che Besaleli ni che Oholiabu pamo ni mundu jwalijose jwali ni umanyilisi, wati Ambuje ampele ukombole ni mundu jwalijose jwakusaka kupanganya masengo pangakanganichiswa ni mundu, che Musa ŵaasalile atande kupanganya masengo. 3Ŵandu wo ŵapochele kutyochela ku che Musa indu yose iŵaichenayo Ŵaisilaeli kwa ligongo lya kutaŵa Lisakasa Lyakusimanilana ni Akunnungu. Ŵaisilaeli ŵapundile kupeleka indu yao kwakusaka kwao kila kundaŵi. 4Nipele ŵandu wose ŵaali ni umanyilisi uŵaliji nkupanganya masengo gose ga kutaŵa Lisakasa Lyakusimanilana ni Akunnungu, ŵalesile kaje masengo gao ni kwajaulila che Musa 5ni kwasalila, “Ŵandu apeleche indu yejinji kupunda yatukuisaka kwa masengo gati AMBUJE alajisye tupanganye.” 6Kwayele che Musa ŵalajisye mosemose pa chigono kuti ŵandu aleche kupeleka indu kwaligongo lya Lisakasa Lyakusimanilana ni Akunnungu. Pelepo ŵandu ŵalesile kwika nayo indu. 7Pakuŵa indu iŵaiche nayo ŵandu yakwanile kwa masengo gose ni kusigala.
Kukolosya indu ya Lisakasa Lyakusimanilana ni Akunnungu
(Kutyoka 26:1-37)
8Wandu wose ŵaali ni ukombole mwa ŵanyawo, ŵakolosisye Lisakasa Lyakusimanilana ni Akunnungu. Ŵakolosisye kwa nguo sya lusasa kumi kwa nguo jeswela mbee jajipotekwe uchenene kwa usi wa chibuluu ni wa sambalau ni wechejeu ni kutotela yepanganyikwe yaili ni mapapiko. 9Uleu wa kila nguo jalusasa waliji mita kumi na mbili ni chanchijipi mita siŵili. Nguo sya lusasa syose syaliji ni ukulu waukulandana.
10Wasilumbikenye pamo nguo sya lusasa nsano chiŵe chipande chimo, ni sine nsano ŵasitesile iyoyo. 11Ŵakolosisye ikulusisya ya chibuluu mumbali mwa nguo jalusasa jambesi ja chipande chaandanda, ni ikulusisya ine mu nguo jalusasa jambesi ja chipande chaaŵili. 12Ŵakolosisye ikulusisya hansini mu chipande cha nguo jalusasa jaandanda ni ikulusisya ine hansini kumbesi kwa chipande cha nguo jalusasa jaaŵili. Ikulusisya yose yaliji nkulolegana. 13Nipele ŵakolosisye ikolechelo hansini ya sahabu kuti alumbikanye nguo sya lusasa syose sinasiŵili sya mu Lisakasa kuti jiŵe nguo jalusasa jimo.
14Sooni ŵakolosisye chakuunichila Lisakasa kwa nguo syalusasa kumi na moja kwa usi waupotekwe kwa manyunya ga mbusi. 15Kila nguo jalusasa jaliji ni uleu wa mita kumi na tatu ni chanchijipi mita mbili. Nguo sya lusasa syose kumi na moja syaliji ni chipimo chilachila. 16Nipele ŵasilumbikenye nguo sya lusasa nsano pamo ni nguo sya lusasa sine sita pamo. 17Ŵaiŵisile ikulusisya hansini mumbali mwa chipande chaandanda, ni ikulusisya ine hansini mumbali mwa chipande chaaŵili. 18Ŵakolosisye ikolechelo hansini ya shaba kuti alumbikanye mu ikulusisya ipande yekulungwa iŵili, kwayele jaliji nguo jalusasa jimo ja Lisakasa Lyakusimanilana ni Akunnungu. 19Nipele ŵakolosisye chakuunichila Lisakasa Lyakusimanilana ni Akunnungu kwa lipende lya tonde ja ngondolo jajitajikwe langi jechejeu, ni pachanya pakwe chiunichilo cha lipende lyakwepepala.
20Ŵakolosisye felemu kwa mbao sya itela ya msonobali kwa ligongo lya Lisakasa Lyakusimanilana ni Akunnungu. 21Kila felemu jaliji ni uleu wa mita ncheche ni chanchijipi sentimita sitini na sita. 22Kila chibao chaliji ni ipanyilo iŵili yakulumbikanyila, mafelemu gose gakolochekwe kwanti yeleyo. 23Ŵakolosisye felemu ishilini ya Lisakasa kwaligongo lya upande wa kulujenda kwa Lisakasa, 24ni itamichilo alobaini ya feza kuusi kwa felemu ishilini. Itamichilo iŵili paasi pa kila felemu ni itamichilo iŵili paasi pa felemu jine kwa ipanyilo yakwe iŵili. 25Upande wa kumpoto kwa Lisakasa ŵakolosisye felemu ishilini, 26ni itamichilo alobaini ya feza, itamichilo iŵili kuusi kwa kila felemu. 27Kunyuma kwa Lisakasa kwakuli upande wakulikutiŵila lyuŵa, ŵakolosisye felemu sita. 28Nombe ŵakolosisye felemu iŵili kwaligongo lya ndumba sya Lisakasa chaupande wa kunyuma. 29Felemu iŵili sya mundumba syakamulene kuusi nambo syakamulichikwe mu pete jaandanda. Felemu iŵili kwaligongo lya ndumba syo syakolechekwe kwanti yele. 30Kwayele kwaliji ni felemu nane ni itamichilo yakwe kumi na sita ya feza, itamichilo iŵili kuusi kwa kila felemu.
31Nombe ŵakolosisye mitambalapanya nsano ya nsonobali, kwaligongo lya felemu ja upande umo wa Lisakasa, 32ni mitambalapanya nsano jine kwaligongo lya upande wine wa Lisakasa ni mitambalapanya nsano kwaligongo lya felemu syasili upande wa kunyuma kulikutiŵila lyuŵa. 33Ŵakolosisye ngomba wautandele pasikati ja Lisakasa waukukamulila felemu syose, kutyochela kuundanda mpaka kumbesi. 34Ŵaunichile felemu syo kwa sahabu ni ŵakolosisye pete sya sahabu syakamulila mitambalapanya. Mitambalapanya jo ŵajiunichile kwa sahabu.
35Ŵakolosisye nguo jalusasa kwa nguo jeswela mbee ni kuluchikwa kwa usi wa chibuluu ni sambalau ni wechejeu ni jeluchikwe uchenene ni ŵatotele yepanganyikwe yaili ni mapapiko. 36Iyoyo ŵakolosisye njanamila ncheche sya nsonobali, ŵasiunichile kwa sahabu. Ŵakolosisye ikolechelo ya sahabu kwaligongo lya itamichilo ncheche ya feza. 37Pannango wakwinjilila mu Lisakasa Lyakusimanilana ni Akunnungu, ŵakolosisye nguo jalusasa kwa nguo jeswela mbee ni kuluchikwa kwa usi wa chibuluu ni wa sambalau ni wechejeu. 38Iyoyo ŵakolosisye njanamila nsano syasili ni ikolechelo. Ŵaunichile kwa sahabu njanamila syo pamo ni yakolechela yakwe, nombe ŵakolosisye itamichilo yakwe nsano kwa shaba.
നിലവിൽ തിരഞ്ഞെടുത്തിരിക്കുന്നു:
Kutyoka 36: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
Kutyoka 36
36
1“Che Besaleli ni che Oholiabu pamo ni mundu jwalijose jwati AMBUJE ampele ukombole ni umanyilisi, wa kumanyilila yakuti kupanganya masengo gose ga kutaŵa Peuto Papaswela, tagapanganye masengo go nti yatite kulajisya AMBUJE.”
Ŵandu akupeleka indu jejinji
2Che Musa ŵaaŵilasile che Besaleli ni che Oholiabu pamo ni mundu jwalijose jwali ni umanyilisi, wati Ambuje ampele ukombole ni mundu jwalijose jwakusaka kupanganya masengo pangakanganichiswa ni mundu, che Musa ŵaasalile atande kupanganya masengo. 3Ŵandu wo ŵapochele kutyochela ku che Musa indu yose iŵaichenayo Ŵaisilaeli kwa ligongo lya kutaŵa Lisakasa Lyakusimanilana ni Akunnungu. Ŵaisilaeli ŵapundile kupeleka indu yao kwakusaka kwao kila kundaŵi. 4Nipele ŵandu wose ŵaali ni umanyilisi uŵaliji nkupanganya masengo gose ga kutaŵa Lisakasa Lyakusimanilana ni Akunnungu, ŵalesile kaje masengo gao ni kwajaulila che Musa 5ni kwasalila, “Ŵandu apeleche indu yejinji kupunda yatukuisaka kwa masengo gati AMBUJE alajisye tupanganye.” 6Kwayele che Musa ŵalajisye mosemose pa chigono kuti ŵandu aleche kupeleka indu kwaligongo lya Lisakasa Lyakusimanilana ni Akunnungu. Pelepo ŵandu ŵalesile kwika nayo indu. 7Pakuŵa indu iŵaiche nayo ŵandu yakwanile kwa masengo gose ni kusigala.
Kukolosya indu ya Lisakasa Lyakusimanilana ni Akunnungu
(Kutyoka 26:1-37)
8Wandu wose ŵaali ni ukombole mwa ŵanyawo, ŵakolosisye Lisakasa Lyakusimanilana ni Akunnungu. Ŵakolosisye kwa nguo sya lusasa kumi kwa nguo jeswela mbee jajipotekwe uchenene kwa usi wa chibuluu ni wa sambalau ni wechejeu ni kutotela yepanganyikwe yaili ni mapapiko. 9Uleu wa kila nguo jalusasa waliji mita kumi na mbili ni chanchijipi mita siŵili. Nguo sya lusasa syose syaliji ni ukulu waukulandana.
10Wasilumbikenye pamo nguo sya lusasa nsano chiŵe chipande chimo, ni sine nsano ŵasitesile iyoyo. 11Ŵakolosisye ikulusisya ya chibuluu mumbali mwa nguo jalusasa jambesi ja chipande chaandanda, ni ikulusisya ine mu nguo jalusasa jambesi ja chipande chaaŵili. 12Ŵakolosisye ikulusisya hansini mu chipande cha nguo jalusasa jaandanda ni ikulusisya ine hansini kumbesi kwa chipande cha nguo jalusasa jaaŵili. Ikulusisya yose yaliji nkulolegana. 13Nipele ŵakolosisye ikolechelo hansini ya sahabu kuti alumbikanye nguo sya lusasa syose sinasiŵili sya mu Lisakasa kuti jiŵe nguo jalusasa jimo.
14Sooni ŵakolosisye chakuunichila Lisakasa kwa nguo syalusasa kumi na moja kwa usi waupotekwe kwa manyunya ga mbusi. 15Kila nguo jalusasa jaliji ni uleu wa mita kumi na tatu ni chanchijipi mita mbili. Nguo sya lusasa syose kumi na moja syaliji ni chipimo chilachila. 16Nipele ŵasilumbikenye nguo sya lusasa nsano pamo ni nguo sya lusasa sine sita pamo. 17Ŵaiŵisile ikulusisya hansini mumbali mwa chipande chaandanda, ni ikulusisya ine hansini mumbali mwa chipande chaaŵili. 18Ŵakolosisye ikolechelo hansini ya shaba kuti alumbikanye mu ikulusisya ipande yekulungwa iŵili, kwayele jaliji nguo jalusasa jimo ja Lisakasa Lyakusimanilana ni Akunnungu. 19Nipele ŵakolosisye chakuunichila Lisakasa Lyakusimanilana ni Akunnungu kwa lipende lya tonde ja ngondolo jajitajikwe langi jechejeu, ni pachanya pakwe chiunichilo cha lipende lyakwepepala.
20Ŵakolosisye felemu kwa mbao sya itela ya msonobali kwa ligongo lya Lisakasa Lyakusimanilana ni Akunnungu. 21Kila felemu jaliji ni uleu wa mita ncheche ni chanchijipi sentimita sitini na sita. 22Kila chibao chaliji ni ipanyilo iŵili yakulumbikanyila, mafelemu gose gakolochekwe kwanti yeleyo. 23Ŵakolosisye felemu ishilini ya Lisakasa kwaligongo lya upande wa kulujenda kwa Lisakasa, 24ni itamichilo alobaini ya feza kuusi kwa felemu ishilini. Itamichilo iŵili paasi pa kila felemu ni itamichilo iŵili paasi pa felemu jine kwa ipanyilo yakwe iŵili. 25Upande wa kumpoto kwa Lisakasa ŵakolosisye felemu ishilini, 26ni itamichilo alobaini ya feza, itamichilo iŵili kuusi kwa kila felemu. 27Kunyuma kwa Lisakasa kwakuli upande wakulikutiŵila lyuŵa, ŵakolosisye felemu sita. 28Nombe ŵakolosisye felemu iŵili kwaligongo lya ndumba sya Lisakasa chaupande wa kunyuma. 29Felemu iŵili sya mundumba syakamulene kuusi nambo syakamulichikwe mu pete jaandanda. Felemu iŵili kwaligongo lya ndumba syo syakolechekwe kwanti yele. 30Kwayele kwaliji ni felemu nane ni itamichilo yakwe kumi na sita ya feza, itamichilo iŵili kuusi kwa kila felemu.
31Nombe ŵakolosisye mitambalapanya nsano ya nsonobali, kwaligongo lya felemu ja upande umo wa Lisakasa, 32ni mitambalapanya nsano jine kwaligongo lya upande wine wa Lisakasa ni mitambalapanya nsano kwaligongo lya felemu syasili upande wa kunyuma kulikutiŵila lyuŵa. 33Ŵakolosisye ngomba wautandele pasikati ja Lisakasa waukukamulila felemu syose, kutyochela kuundanda mpaka kumbesi. 34Ŵaunichile felemu syo kwa sahabu ni ŵakolosisye pete sya sahabu syakamulila mitambalapanya. Mitambalapanya jo ŵajiunichile kwa sahabu.
35Ŵakolosisye nguo jalusasa kwa nguo jeswela mbee ni kuluchikwa kwa usi wa chibuluu ni sambalau ni wechejeu ni jeluchikwe uchenene ni ŵatotele yepanganyikwe yaili ni mapapiko. 36Iyoyo ŵakolosisye njanamila ncheche sya nsonobali, ŵasiunichile kwa sahabu. Ŵakolosisye ikolechelo ya sahabu kwaligongo lya itamichilo ncheche ya feza. 37Pannango wakwinjilila mu Lisakasa Lyakusimanilana ni Akunnungu, ŵakolosisye nguo jalusasa kwa nguo jeswela mbee ni kuluchikwa kwa usi wa chibuluu ni wa sambalau ni wechejeu. 38Iyoyo ŵakolosisye njanamila nsano syasili ni ikolechelo. Ŵaunichile kwa sahabu njanamila syo pamo ni yakolechela yakwe, nombe ŵakolosisye itamichilo yakwe nsano kwa shaba.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.