Kutyoka 11
11
Chiputiko cha chiwa cha chipago chaandanda
1Nipele Ambuje Akunnungu ŵasalile che Musa, “Chiichenacho chiputiko chimo chiine pa mwenye jwa ku Misili pamo ni ŵandu ŵakwe wose. Pakumala chiputiko cho, channeche ntyokangane kwa kumminga kabisa. 2Sambano mwasalile Ŵaisilaeli wose aŵeje jwannume pane jwankongwe ammende jwaŵandikene nawo indu ya sahabu ni ya feza.” 3Ambuje Akunnungu ŵaatesile Ŵamisili aŵe ni mitima jambone kwa Ŵaisilaeli. Kupunda yeleyo, che Musa ŵaliji jwakuchimbichikwa nnope mu chilambo cha Misili, ni paujo pa ŵakamusi ŵa mwenye ni ŵandu wose.
4Nipele che Musa ŵansalile mwenye, “Ambuje Akunnungu akuti ‘Pasikati chilo chinjipita papalipose mu chilambo cha Misili, 5chinjaulaga ŵanache ŵa chilume ŵakwitiwo wose ŵa Ŵamisili, kutandilila nchanda jwakwitiwo jwa mwenye juchatawale atatigwe pachawe, ni mwanache jwa kwitiwo jwa kapolo jwankongwe jwakusyaga yakulya peganga, ni ipago yandanda yose ya ilango. 6Pelepo chikuŵe ni chililo chachikulungwa Mmisili mose. Chililo changanichityochele ni ngachityochela chililo mpela chele sooni. 7Nambo mwakutama Ŵaisilaeli chimuŵe ni chitendewele, ngamupikanika namose mbwa kunsujila mundu pane chinyama! Pelepo chinnyimanyilile kuti Une Ambuje Akunnungu, ngwalekanganya Ŵamisili ni Ŵaisilaeli.’ ” 8Che Musa ŵamalisisye kwakuti, “Ŵakamusi ŵenu wose chaiche kukundindiŵalila ni kunjondelela kuti ndyoche mu chilambo chi pamo ni ŵandu ŵangu. Pakumala yeleyo chindyoche.” Nipele che Musa ŵatyosile paujo pa mwenye ali atumbile kwannope.
9Ambuje Akunnungu ŵansalile che Musa, “Mwenye ngasampikana ichimmechete melepe une mbunde kuitenda yakusimonjeka mu chilambo cha Misili.” 10Che Musa ni che Haluni ŵaitesile yakusimonjeka paujo pa mwenye. Nambo Ambuje Akunnungu ŵaukakatimisye ntima ŵa mwenye, nombejo nganakunda kwalechelela Ŵaisilaeli atyoche mu chilambo chakwe.
നിലവിൽ തിരഞ്ഞെടുത്തിരിക്കുന്നു:
Kutyoka 11: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
