2 Mamwenye 24
24
1Katema ka utawala wa mwenye che Yehoyakimu, Nebukadineza mwenye jwa ku Babeli ŵachigungumuchile chilambo cha Yuda. Che Yehoyakimu ŵantumichile kwa yaka itatu. Nambo kanyuma ŵalesile kunjitichisya ni ŵangalawiche. 2Nipele, Ambuje Akunnungu ŵaapelechele mipingo ja Ŵakaludayo, ni Ŵaalamu ni Ŵamoabu ni Ŵaamoni kuti ŵaagungumuchile chisisimuchile, malinga ni liloŵe lya Ambuje Akunnungu liŵalisasile kwa ŵakutumichila ŵakwe ŵakulondola. 3Usyene indu yi yachisimene chilambo cha ku Yuda kwa lilamulo lwa Ambuje Akunnungu, kuti ŵaasamisye ŵandu ŵa ku Yuda atyoche paujo pakwe, kwa ligongo lya sambi sya mwenye che Manase ni yose iŵaitesile, 4ni kwa ligongo lwa miasi jangali chileŵo jiŵajijitile. Pakuŵa ŵalijji ŵaauleje ŵandu ŵajinji ku Yelusalemu jose, Ambuje Akunnungu nganiŵalechelela ileŵo yao.
5Indu ine iyatendekwe katema ka utawala wa che Yehoyakimu ni indu iŵaitesile, yose ilembekwe mu Chitabu cha chikumbuchisyo cha Mamwenye ŵa ku Yuda. 6Che Yehoyakimu ŵawile ni kunsika pa malembe ga achatatigwe, che Yehoyakini mwanagwe ŵatawele pamalo pakwe.
7Mwenye jwa ku Misili nganatyoka sooni ku chilambo chakwe, ligongo mwenye jwa ku Babeli ŵachijigele ni kuchitenda chao chilambo chose chichaliji paasi pa mwenye jwa ku Misili, kutyochela ku kasulo ka Misili mpaka ku lusulo lwa Eufulate.
Che Yehoyakini akutendekwa mwenye jwa ku Yuda
(2 Indu ya katema 36:9,10)
8Che Yehoyakimu ŵaliji ni yaka kumi na nane paŵatandite kutawala, ŵatawele ku Yuda kwa miesi jitatu achitamaga ku Yelusalemu. Achikulugwe ŵaŵilanjikwe che Nehushita mwali jwa che Elinatani jwakutyochela ku Yelusalemu. 9Che Yehoyakini ŵatesile ugongomalo paujo pa Ambuje Akunnungu mpela iŵatesile atatigwe.
10Katema che Yehoyakini ali mwenye, ilongola ŵa mipingo ja ŵangondo ŵa Nebukadineza mwenye jwa ku Babeli, ŵajilongwesye mipingo jao ja ŵangondo kuugungumuchila musi wa ku Yelusalemu ni kuusyungula. 11Katema mipingo ja ŵangondo pajasyungulaga musi, Nebukadineza nsyene jwaiche ku Yelusalemu, 12ni che Yehoyakini mwenye jwa ku Yuda ŵanjaulile mwenye jwa ku Babeli, nsyene jo pamo ni achikulugwe, ni ŵakutumichila ŵakwe, ŵakamusi ni ilongola ŵane ŵaakumanyika. Mwenye jwa ku Babeli ŵanjigele ni kuntŵa mu nyuumba jakutaŵila pa chaka cha nane cha umwenye wakwe. 13Iyoyopeyo, mpela Ambuje Akunnungu iŵatite, Nebukadineza ŵajigele chipanje chose chichaliji mu Nyuumba ja Ambuje Akunnungu, ni ya mu nyuumba ja chimwenye. Ŵakasenye yoombo yose ya sahabu yati che Selemani mwenye jwa ku Isilaeli ŵaikolosisye. Yoombo yo yaliji mu Nyuumba ja Ambuje Akunnungu. 14Ŵaajigele ŵandu wose ŵa ku Yelusalemu ni kwajausya ku usami: yaani ilongola wose ŵa mipingo ja ŵangondo ni ŵakuputana ngondo ŵamachili ni maselemala ni ŵakusyana isyano, wose ŵaliji ŵandu elufu kumi. Ngapagwa juŵasigele ikaŵe ŵaŵaliji ŵakulaga nnope pa chilambo. 15Ŵanjigele che Yehoyakini kuŵa migole mpaka ku Babeli pamo ni achikulugwe ni achiŵankwakwe, achakulu ŵa chilambo ni ŵakamusi ŵakwe. Wose wo ŵaasamisye ku Yelusalemu ni kwajausya ku Babeli. 16Mwenye Nebukadineza jwa ku Babeli ŵaasamichisye ku Babeli ŵangondo ŵa machili elufu saba, wose wo ŵaliji ŵandu ŵaali ni machili ni ukombole wakuputana ngondo. Sooni ŵajigele ŵandu elufu moja ŵaŵaliji maselemala ni ŵandu ŵakusyana isyano.
17Nebukadineza ŵantesile che Matania, atatigwe ŵakulungwa ni che Yehoyakini kuŵa mwenye pamalo pakwe, ŵaligalawisye liina lyakwe kuŵa che Sedekia.
Che sedekia akutendekwa mwenye jwa ku Yuda
(2 Indu ya katema 36:11; 12; Yeremiah 52:1-3)
18Che Sedekia ŵaliji ni yaka ishilini na moja paŵatandite kutawala, ŵatawele ku Yuda kwa yaka kumi na moja achitamaga ku Yelusalemu. Achikulugwe ŵaŵilanjikwe che Hamutali mwali jwa che Yelemia jwa musi wa ku Libina. 19Nambo che Sedekia ŵatesile ugongomalo paujo pa Ambuje Akunnungu mpela ila iŵatesile mwenye jwa che Yehoyakimu. 20Ambuje Akunnungu ŵatumbilile nnope ŵandu ŵa ku Yelusalemu ni ŵa ku Yuda, kwika mwakwatopola kwakutalika nawo. Che Sedekia ŵangalawiche mwenye jwa ku Babeli.
നിലവിൽ തിരഞ്ഞെടുത്തിരിക്കുന്നു:
2 Mamwenye 24: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
2 Mamwenye 24
24
1Katema ka utawala wa mwenye che Yehoyakimu, Nebukadineza mwenye jwa ku Babeli ŵachigungumuchile chilambo cha Yuda. Che Yehoyakimu ŵantumichile kwa yaka itatu. Nambo kanyuma ŵalesile kunjitichisya ni ŵangalawiche. 2Nipele, Ambuje Akunnungu ŵaapelechele mipingo ja Ŵakaludayo, ni Ŵaalamu ni Ŵamoabu ni Ŵaamoni kuti ŵaagungumuchile chisisimuchile, malinga ni liloŵe lya Ambuje Akunnungu liŵalisasile kwa ŵakutumichila ŵakwe ŵakulondola. 3Usyene indu yi yachisimene chilambo cha ku Yuda kwa lilamulo lwa Ambuje Akunnungu, kuti ŵaasamisye ŵandu ŵa ku Yuda atyoche paujo pakwe, kwa ligongo lya sambi sya mwenye che Manase ni yose iŵaitesile, 4ni kwa ligongo lwa miasi jangali chileŵo jiŵajijitile. Pakuŵa ŵalijji ŵaauleje ŵandu ŵajinji ku Yelusalemu jose, Ambuje Akunnungu nganiŵalechelela ileŵo yao.
5Indu ine iyatendekwe katema ka utawala wa che Yehoyakimu ni indu iŵaitesile, yose ilembekwe mu Chitabu cha chikumbuchisyo cha Mamwenye ŵa ku Yuda. 6Che Yehoyakimu ŵawile ni kunsika pa malembe ga achatatigwe, che Yehoyakini mwanagwe ŵatawele pamalo pakwe.
7Mwenye jwa ku Misili nganatyoka sooni ku chilambo chakwe, ligongo mwenye jwa ku Babeli ŵachijigele ni kuchitenda chao chilambo chose chichaliji paasi pa mwenye jwa ku Misili, kutyochela ku kasulo ka Misili mpaka ku lusulo lwa Eufulate.
Che Yehoyakini akutendekwa mwenye jwa ku Yuda
(2 Indu ya katema 36:9,10)
8Che Yehoyakimu ŵaliji ni yaka kumi na nane paŵatandite kutawala, ŵatawele ku Yuda kwa miesi jitatu achitamaga ku Yelusalemu. Achikulugwe ŵaŵilanjikwe che Nehushita mwali jwa che Elinatani jwakutyochela ku Yelusalemu. 9Che Yehoyakini ŵatesile ugongomalo paujo pa Ambuje Akunnungu mpela iŵatesile atatigwe.
10Katema che Yehoyakini ali mwenye, ilongola ŵa mipingo ja ŵangondo ŵa Nebukadineza mwenye jwa ku Babeli, ŵajilongwesye mipingo jao ja ŵangondo kuugungumuchila musi wa ku Yelusalemu ni kuusyungula. 11Katema mipingo ja ŵangondo pajasyungulaga musi, Nebukadineza nsyene jwaiche ku Yelusalemu, 12ni che Yehoyakini mwenye jwa ku Yuda ŵanjaulile mwenye jwa ku Babeli, nsyene jo pamo ni achikulugwe, ni ŵakutumichila ŵakwe, ŵakamusi ni ilongola ŵane ŵaakumanyika. Mwenye jwa ku Babeli ŵanjigele ni kuntŵa mu nyuumba jakutaŵila pa chaka cha nane cha umwenye wakwe. 13Iyoyopeyo, mpela Ambuje Akunnungu iŵatite, Nebukadineza ŵajigele chipanje chose chichaliji mu Nyuumba ja Ambuje Akunnungu, ni ya mu nyuumba ja chimwenye. Ŵakasenye yoombo yose ya sahabu yati che Selemani mwenye jwa ku Isilaeli ŵaikolosisye. Yoombo yo yaliji mu Nyuumba ja Ambuje Akunnungu. 14Ŵaajigele ŵandu wose ŵa ku Yelusalemu ni kwajausya ku usami: yaani ilongola wose ŵa mipingo ja ŵangondo ni ŵakuputana ngondo ŵamachili ni maselemala ni ŵakusyana isyano, wose ŵaliji ŵandu elufu kumi. Ngapagwa juŵasigele ikaŵe ŵaŵaliji ŵakulaga nnope pa chilambo. 15Ŵanjigele che Yehoyakini kuŵa migole mpaka ku Babeli pamo ni achikulugwe ni achiŵankwakwe, achakulu ŵa chilambo ni ŵakamusi ŵakwe. Wose wo ŵaasamisye ku Yelusalemu ni kwajausya ku Babeli. 16Mwenye Nebukadineza jwa ku Babeli ŵaasamichisye ku Babeli ŵangondo ŵa machili elufu saba, wose wo ŵaliji ŵandu ŵaali ni machili ni ukombole wakuputana ngondo. Sooni ŵajigele ŵandu elufu moja ŵaŵaliji maselemala ni ŵandu ŵakusyana isyano.
17Nebukadineza ŵantesile che Matania, atatigwe ŵakulungwa ni che Yehoyakini kuŵa mwenye pamalo pakwe, ŵaligalawisye liina lyakwe kuŵa che Sedekia.
Che sedekia akutendekwa mwenye jwa ku Yuda
(2 Indu ya katema 36:11; 12; Yeremiah 52:1-3)
18Che Sedekia ŵaliji ni yaka ishilini na moja paŵatandite kutawala, ŵatawele ku Yuda kwa yaka kumi na moja achitamaga ku Yelusalemu. Achikulugwe ŵaŵilanjikwe che Hamutali mwali jwa che Yelemia jwa musi wa ku Libina. 19Nambo che Sedekia ŵatesile ugongomalo paujo pa Ambuje Akunnungu mpela ila iŵatesile mwenye jwa che Yehoyakimu. 20Ambuje Akunnungu ŵatumbilile nnope ŵandu ŵa ku Yelusalemu ni ŵa ku Yuda, kwika mwakwatopola kwakutalika nawo. Che Sedekia ŵangalawiche mwenye jwa ku Babeli.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.