1 Indu ya katema 4
4
Iŵelesi i che Yuda
1Ŵanache ŵachilume ŵa che Yuda ŵaliji che Pelesi ni che Hesiloni ni che Kalimi ni che Uli ni che Shobali. 2Che Shobabu ŵammeleche che Leaya, ni che Leaya ŵammeleche che Yahasi, ni che Yahasi ŵaŵeleche che Aumai ni che Lahadi, jelejo ni mitundu ja Ŵasolasi.
3Che Huli ŵaliji jwakwitiwo jwa che Efulata juŵaŵelechele kwa che Kalebu ŵankwakwe, ni iŵelesi yakwe ni iŵautandisye musi wa ku Beselehemu. Che Huli ŵakwete ŵanache ŵachilume ŵatatu, ŵanache wo ali che Etamu ni che Penueli ni che Ezeli. Che Etamu ŵakwete ŵanache ŵachilume ŵatatu, ŵanache wo ali che Yesileeli ni che Ishima ni che Idibashi, ni sooni ŵakwete mwali liina lyakwe che Haseleliponi. 4Che Penueli ni juŵautandisye musi wa ku Gedoli ni che Ezeli ni juŵautandisye musi wa ku Usha.
5Che Ashulu, juŵautandisye musi wa ku Tekoa, ŵalombele maŵasa, che Ela ni che Naala. 6Che Naala ŵammelecheele che Ashulu ŵanache ŵachilume ncheche. Ŵanache wo ali che Ahuzamu ni che Efeli ni che Temeni ni che Haahashitali. 7Che Ela ŵammelechele che Ashulu ŵanache ŵachilume ŵatatu, ŵanache wo ali che Seleti ni che Ishali ni che Etinani.
8Che Hakosi ŵaaŵeleche che Anubi ni che Sobeba, che Hakosi ni juŵaliji atati ŵa mitundu ja Ahaliheli, mwanache ju che Alumu.
9Jwapali mundu jumo liina lyakwe che Yabesi, mundu jwa kuchimbichikwa nnope kwapunda achapwakwe wose. Achikulugwe ŵampele lina che Yabesi ligongo ŵammeleeche kwa kulagasika. 10Pa lyuŵa limo, che Yabesi ŵaapopelele Akunnungu ŵa ku Isilaeli achitiji, “Alakwe Akunnungu, chonde mumbe upile ni kujikusya mipika ja malo jangu. Mme ni uneji, nkakunda kuti yangalumbana ikambata ni ŵammagongo akaamulasya. Iŵaga tintende yeleyo ngasupuka kwakulikose.” Nombe Akunnungu ŵampele yele iŵaŵendile yo.
Iŵelesi ine
11Che Kelubu, mpwakwe che Shuha, ŵammeleche che Mehili, nombe che Mehili ŵammeleche che Eshitoni. 12Nombe che Eshitoni ŵakwete ŵanache ŵachilume ŵatatu, ŵanache wo ali che Beti Lafa ni che Pasea ni che Tehina. Che Tehina ni juŵautandisye musi wa ku Ili Nahashi. Uŵelesi wa ŵandu ŵaŵatamaga ku Leka.
13Ŵanache ŵachilume che Kenazi ŵaliji che Otinieli ni che Selaya, ni ŵanache ŵa che Otinieli ŵaliji che Hatati ni che Meonotai. 14Che Meonotai ŵammeleche che Ofula.
Che Selaya ŵammeleche che Yoabu, juŵandandisye Lichemba lya Ŵakulinganya, lyaŵilanjikwe yeleyo ligongo ŵandu ŵaŵatamaga mwelemo ŵaliji ŵandu ŵakulinganya indu uchenene.
15Che Kalebu mwanagwao che Yefune ŵakwete ŵanache ŵachilume ŵatatu, ŵanache wo ali che Ilu ni che Ela, ni che Naamu. Mwanache jwa che Ela jwaliji che Kenazi.
16Ŵanache ŵa che Yaalaleli ŵaliji che Zifu ni che Zifa, ni che Tilia ni che Asaleli.
17Che Ezila ŵakwete ŵanache ŵachilume ncheche, ŵanache wo ali che Yeteli, ni che Meledi, ni che Efeli ni che Yaloni. Che Meledi ŵalombele che Bitia, mwali jwa mwenye jwa ku Misili ni ŵakwete mwali liina lyakwe che Miliamu, ni ŵanache ŵachilume ŵaŵili, ŵanache wo ali che Shamai ni che Ishiba. Che Ishiba ni juŵautandisye musi wa ku Eshitemoa. 18Che Meledi nombe ŵalombele jwankongwe Myahudi, ni ŵakete ŵanache ŵachilume ŵatatu, ŵanache wo ali che Yaledi, juŵautandisye musi wa ku Gedoli, ni che Ebeli juŵautandisye musi wa ku Soko, ni che Yekusieli juŵautandisye musi wa ku Zanoa.
19Che Hodia ŵaalombile alumbugwe che Nahamu. Iŵelesi yao ni iyaliji ndande ja ntundu wa Galimi uwatamaga musi wa ku Keila, ni ntundu wa Maakasi uwatamaga musi wa ku Eshitemoa.
20Ŵanache ŵachilume ŵa che Shimoni ŵaliji che Amnoni ni che Lina ni che Benianani ni che Tiloni.
Che Ishi ŵakwete ŵanache ŵaŵili, che Zoeti ni che Beni Zoeti.
Uwelesi u che Shela
21Ŵanache ŵa che Shela, mwana ju che Yuda ŵaliji che Eli, juŵautandisye musi wa ku Leka, ni che Laada juŵautandisye musi wa ku Malesha, ntundu wa ŵandu ŵakutota iwalo yeswela mbee, uŵatamaga ku musi wa ku Beti Ashibea, 22ni che Yokimu ni ŵandu uŵatamaga mmusi wa ku Kozeba; ni che Yoashi ni che Salafi ŵaŵalombele achakongwe ŵa ku Moabu ni kuuja tama ku Beselehemu. Utenga u uli wakalakala nnope. 23Ŵanyaŵa ni ŵandu ŵakugumba malongo ŵaŵatamaga misi ja ku Netaimu ni ku Gedela. Ŵatemi kweleko alinkwatumichila mwenye.
Uŵelesi u che Simeoni
24Che Simeoni ŵakwete ŵanache nsano ŵa chilume, che Nemueli ni che Yamini ni che Yalibu ni che Zela ni che Shauli. 25Mwanache ju che Shauli ŵaliji che Shalumu, che Shalumu ŵammeleche che Mibisamu ni che Mibisamu ŵammeleche che Mishima. 26Che Mishima ŵammeleche che Amueli, ni che Amueli ŵammeleche che Zakuli, ni che Zakuli ŵammeleche che Shimei. 27Che Shimei ŵakwete ŵanache ŵachilume kumi na sita na achiŵali sita, nambo achapwakwe nganakola ŵanache achajinji, kwayele uŵelesi wa che Simeoni nganiuŵa ni ŵanache achajinji mpela iyaliji mu uŵelesi wa che Yuda.
28Misi jiŵatamaga jaliji ku Beli Sheba ni ku Molada ni ku Hasali Shuali, 29ni ku Bilia ni ku Ezemu ni ku Toladi; 30ni ku Betueli ni ku Holima ni ku Sikilagi, 31ni ku Beti Malikaboti, ni ku Hazali Susimu ni ku Betibili ni ku Shaalaimu. Jeleji ni misi jiŵatemi mpaka katema kaŵatandite kutawala mwenye che Daudi. 32Sooni, ŵaatemi ku misinda jine nsano, misinda jo jili ku Etamu ni ku Aini ni ku Limoni ni ku Tokeni ni ku Ashani, 33Pamo ni misinda jijasyungwile misi jo mpaka ku Baalati. Mwelemo ni muŵatamaga nombe mwelemo ŵaŵisile chikumbuchisyo cha ntundu wao.
34Ŵandu ŵa ni uŵaliji achakulu ŵa mitundu jao: Che Meshobabu ni che Yamuleki ni che Yosha mwanache ju che Amazia, 35ni che Yoeli ni che Yehu mwanache ju che Yoshibia, juŵaliji mwanache ju che Selaya, mwanagwao che Asieli, 36ni che Eliehonai ni che Yaakoba ni che Yeshohaya ni che Asaya ni che Adieli ni che Yesimieli ni che Benaya, 37ni che Ziza mwanache ju che Shifi, juŵaliji mwanache ju che Aloni, mwanache ju che Yedaya, mwanache jwa che Shimili mwanagwawo che Shemaya. 38Ŵandu ŵagalembekwe meena gao ni uŵaliji ilongola ŵa mitundu jao, ni ulongo wao wapundile konjechesyeka ni kuŵa achajinji nnope. 39Ŵajenele mpaka ku Gedoli chakungopochelo lyuŵa kwa lichemba, achisosaga mwakulisisya ilango yao. 40Kweleko, ŵapatile malo gambone pakulisisya ilango papagumbele manyasi gamajinji, ni malo jaliji jekulungwa jangali ŵandu, papatulele ni papali ni chitendewele. Kuundanda ko Ŵahamu ŵatamaga mwelemo.
41Katema che Ezekia paŵaliji mwenye jwa ku Yuda ŵandu ŵaŵalembekwe meena gao ŵaiche kuchilambo cha ku Gedoli. Ŵaauleje Ŵahamu ni Ŵameuni ŵaŵatamaga mwelemo, ni kugajonanga masakasa gawo ni kwaŵinga mpaka lelo jino. Nipele ŵatami pelepo pamalo pao, pakuŵa malo go gagumbele manyasi kwaligongo lya ilango yao. 42Ŵandu miatano ŵa lukosyo lwa che Simeoni, achilongoswaga ni che Pelatia ni che Nealia ni che Lefaya ni che Uzieli ŵanache ŵa che Ishi, ŵagungumuchile chilambo cha matumbi ga ku Seili. 43Pelepo ŵaauleje Ŵaamaleki uŵasigele uŵatisile ku ngondo ŵala, ni ŵatemi kweleko pamalo pao mpaka lelo jino.
നിലവിൽ തിരഞ്ഞെടുത്തിരിക്കുന്നു:
1 Indu ya katema 4: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.