1 Indu ya katema 20
20
Che Daudi akusumula nsinda wa ku Laba
(2 Samweli 12:26-31)
1Kuundanda kwa chaka champya, katema mamwenye paakwaulaga kungondo, che Yoabu ŵaalongwesye mpingo wa ŵangondo ni kusumula chilambo cha Ŵaamoni, sooni ŵajawile ku Laba ni kuusyungula musi wo pamo ni mpingo wakwe wa ŵangondo, ŵaugungumuchile ni kuujonanga, nambo che Daudi ŵasigele ku Yelusalemu ko. 2Nombe che Daudi ŵajigele chindu mpela singwa kutyochela pantwe pa che Milikomu nnungu jwao, nombejo ŵamanyilile kuti chindu mpela singwa cho utopele wakwe waliji kilo selasini na tano sya sahabu ni mu chelecho mwaliji ni madini ga ndalama jekulungwa nnope. Che Daudi ŵaŵisile chindu mpela singwa cho pantwe wakwe. Sooni, ŵajigele indu yejinji kutyochela mmusi wo. 3Sooni ŵaajigele ŵandu ŵa musi wo, ni ŵaaŵisile apanganye masengo kwa kukamula misumeno ni sululu ni maŵago ga chisyano. Yeyeyo ni iŵaitesile che Daudi ku misi jose ja Ŵaamoni. Mbesi jakwe che Daudi ni ŵandu wose ŵausile ku Yelusalemu.
Che Daudi akuputana ngondo makammandu ku Filisiti
(2 Samweli 21:15-22)
4Pakumala yeleyo, kwatyochele ngondo ni Ŵafilisiti kwele ku Geseli ko. Che Sibekai jwa kutyochela ku Hushahi, ŵammuleje chikammundu juŵaŵilanjikwe che Sipai juŵaliji jumo jwa uŵelesi wa Ŵalefai, kwayele Ŵafilisiti wo ŵaputikwe.
5Jakopochele sooni ngondo ni Ŵafilisiti. Nombe che Elihanani mwanache ju che Yaili ŵammuleje che Lahimi juŵaliji mpwakwe che Goliati jwa ku Giti, jweleju chikumbu cha mpamba wakwe chaliji chekulungwa mpela mpini wa lijela.
6Sooni jakopochele ngondo kwele ku Gati ko, jwapali chikammundu jumo juŵaliji ni yala sita kila nkono, ni yala sita kila lukongolo, kwayele chikammundu jo jwakwete yala ishilini na nne. Jwelejo nombe jwaliji jwa uŵelesi wa makammandu. 7Mundu jo paŵaatukene Ŵaisilaeli, che Yonatani, mwanache ju che Shimea, mpwakwe che Daudi, ŵammuleje.
8Ŵanyawo ŵaliji ŵa uŵelesi wa Ŵalefai, makammandu ga ku Gati ko, nombe ŵanyawo ŵaulajikwe ni che Daudi pamo ni ŵakutumichila ŵakwe.
നിലവിൽ തിരഞ്ഞെടുത്തിരിക്കുന്നു:
1 Indu ya katema 20: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.