मत्ती 28

यीशुएरू मुड़दन मरां ज़ींतू भोनू

(मरक. 16:1-10;लूक. 24:1-12;यूह. 20:1-10)

1आरामेरे दिहाड़ेरे बाद हफतेरे पेइले दिहाड़े ट्लेकड़ोंते-ट्लेकड़ोंते मगदलीन ड्लंव्वेरी मरियम ते होरि मरियम ज़ैड़ी यीशुएरी लाश कब्री मां रख्खोरी थी, हेरने एई। 2ते हेरा अक बड़ो भुंज़ल अव, किजोकि परमेशरेरो अक स्वर्गदूत सुर्गेरां एवरो थियो, ते तैस कब्री अगरां घोड़ उन्ढो बिछ़ोड़तां तैस पुड़ बिश्शी जेव। 3तैसेरी शकल सूरत दिहाड़ेरी ज़ेरि रोड़ी थी, ते तैसेरां लिगड़ां हींवेरां ज़ेरां छ़ित्तां सुफेद थियां। 4पेरहेदार डेरतां थर-थर कम्बने लग्गे ते ज़ेरे मुड़दे भोए। 5स्वर्गदूते कुआन्शन सेइं ज़ोवं, “डरा नन्ना, अवं ज़ानताईं कि तुस यीशुए तोपने लेवरिथ, ज़ै क्रूसे पुड़ च़ाढ़ोरोए। 6तै इड़ी नईं बल्के ज़ेन्च़रे तैनी ज़ोवरू थियूं, तै ज़ींतो भोवरोए, एज्जा तै ठार हेरा, ज़ैड़ी प्रभु थियो। 7ते जल्दी गेइतां तैसेरे चेलन पतो देथ, कि तै मुड़दन मरां ज़ींतो भोवरोए, ते तुसन करां पेइलो गलीले मां गाते, ते तुसेईं तै लहनोए हेरा मीं तुसन एन ज़ोवरूए।”

8तैखन तैना कुआन्शां डेरतां भी ते खुशी सेइं भी कब्री मरां बेइर एई, ते दौवड़ती-दौवड़ती जेई ताके चेलन पतो देन। 9तैखन यीशु तैन मैल्हो, ते तैनी ज़ोवं तुसन शान्ति मैल्हे, ते तैनेईं तैसेरे पव बंते, ते तैस कां मथ्थो टेको। 10तैखन यीशुए तैन ज़ोवं, डरा न ते गाथ ते मेरे चेलन सेइं ज़ोथ कि गलीले मांजो गान, तैना मीं तैड़ी लाएले।

पहरदारां केरो बिस्तार

11हेजू तैना कुआन्शां बत्तां थी कि ज़ैना चेलन खबर देने च़ेलोरी थी, त परहदारन मरां किछ नगरे मां जे ते प्रधान याजकन सेइं सारो बिस्तार शुनाव। 12ज़ैखन महायाजकेईं बुज़ुर्गन सेइं मिलतां मुशोरो कियो, ते तैनेईं ई फैसलो कियो कि सिपेहिन बड़े पेइंसे देन, कि तैना ई गल केन्ची सेइं न ज़ोन, कि कब्र केन्च़रे खाली भोइ। 13तैनेईं पेहरेदारन एन ज़ोवं, कि तुस एन ज़ोइयथ, कि ज़ैखन अस राती झ़ुल्‍लोरे थिये त तैसेरे चेले आए ते तैनेईं तैसेरी लाश नी। 14अगर ऐह गल गवर्नरे तगर पुज़ेली त अस तैस एप्पू समझ़ामेले त तुसन कोई परेशानी न भोल्ही। 15ते सिपैहेईं पेइंसे नीए ते ज़ेन्च़रे तैनेईं ज़ोवरू थियूं तेन्च़रे कमाव, ते अज़ तगर ऐह गल यहूदन मां मुशूरे।

यीशुएरू लेइहोनू ते आखरी हुक्म

1611 चेले गलीले मां जे, ते तैस पहाड़े पुड़ अकोट्ठे भोए ज़ैड़ी गानेरे बारे मां यीशुए तैन ज़ोवरू थियूं।#मरक. 16:14-18;लूक. 24:36-49;यूह. 20:19-23;प्रेरित. 1:6-8. 17ज़ैखन तैनेईं यीशु लाव त तैस कां मथ्थो टेको, ते किछन हेजू भी शक थी, कि तै ज़ींतो वापस एवरोए। 18तैखन यीशु तैन केरे नेड़े एइतां ज़ोवं, “धेरतरो ते सुर्गेरो सारो अधिकार मीं दित्तोरोए। 19एल्हेरेलेइ तुस गाथ ते सैरी कौमां केरे लोकन चेले बनाथ, ते तैन बाजी, ते मट्ठेरे, ते पवित्र आत्मारे नंव्वे सेइं बपतिस्मो देथ। 20ते तैन तैना सब हुक्म मन्ने शिखाला ज़ैना मीं तुसन दित्तोरेन, ते हेरा, अवं दुनियारे आखरी तगर हमेशा तुसन सेइं साथी आईं।”

നിലവിൽ തിരഞ്ഞെടുത്തിരിക്കുന്നു:

मत्ती 28: BHDNT

ഹൈലൈറ്റ് ചെയ്യുക

പങ്ക് വെക്കു

താരതമ്യം

പകർത്തുക